Connect with us
Redmi 9C
Advertisement

Heart

චතූ රන්ජන් එක්ක ගහපු ගේම

Published

on

පසුගිය දවසක එක්තරා ටෙලිනාට්‍යයක් නරඹමින් ඉන්නා විට අමුතු රුවක් අපට මුණගැහුණා. ටිකක් හොයලා බැලුවම ‘ඇය’ ටෙලිනාට්‍යයේ රිතුගේ චරිතයට අලුත්න් පණ දෙන්නේ ඇයයි. ඇය තමයි චතූ රාජපක්‍ෂ. ඉතින් අපි ඇයගෙන්ම මේ ගැන අහන්න හිතුවා.
චතූ මේ දවස්වල කොහොමද ඔබගේ නිර්මාණ කටයුතු?
මේ දවස්වල මම රංගනයෙන් දායක වුණු ටෙලිනාට්‍ය දෙකක් විකාශය වෙනවා. ‘ඇය’ ටෙලිනාට්‍ය සහ ‘සල්මල් ආරාමය.’ එයට අමතරව තවත් ටෙලිනාට්‍යයක රූ ගත කිරීම් සඳහා යොමුවෙලා ඉන්නවා.
‘ඇය’ ටෙලිනාට්‍යයේ ඔබේ චරිතය ගැන කතා කළ යුතුමයි. ඇයි තවත් කෙනෙක් කරපු චරිතයක් ඔබ බාරගත්තේ?
එය මට අභියෝගයක්. ‘ඇය’ ටෙලිනාට්‍යයේ රංගන ශිල්පිනියන් කිහිපදෙනකු ඉවත් වෙලා. ඉතින් ඒ චරිතවලට සුදුසු අය තෝරාගත්තා. මටත් ලොකු බයක් තිබුණා තව කෙනෙක් කරපු චරිතයක් කරන එකට. මොකද අපි මුල ඉඳලා රඟපානවානම් අපිට සරිලන විදියට චරිතය හදා ගන්න පුළුවන්. ඒත් තව කෙනෙක් කරපු චරිතයකට පණ දෙනවා කියන්නේ බැරෑරුම් කටයුත්තක්. ඒ චරිතය කරන්න එපා කියලා සමහරු කිව්වා. ඒ විතරක් නෙවේ බැන්නා. හැබැයි මම ‘රිතු’ට හිතුවාට වඩා හොඳ සාධාරණයක් කළා.
එතකොට ‘ඇය’ ටෙලිනාට්‍යයේ අධ්‍යක්‍ෂ දුරකතනයෙන් කතා කරලා මොකද කිව්වේ?
ඇත්තටම සමන් කුමාර ලියනගේ අයියා මට කතා කරලා විශේෂ ස්තුතියක් කළා. මම ‘රිතු’ චරිතයට සාධාරණයක් කළා කියලා ඔහු ප්‍රශංසා කළා. තවත් හොඳට මහන්සි වෙලා වැඩ කරන්න කිව්වා. ඔහු ගොඩාක් මහන්සි වුණා ‘රිතු’ චරිතය හරි විදියට හදන්න. මොකද සමහරු මගේ රඟපෑම හොඳ නැහැ කියන තැනට පවා දෝෂාරෝපණය ආවා. ඒත් දැන් ඒ හැමදෙනාටම පිළිතුරු ‘රිතු’ දෙනවා.
පසුගිය දවසක ලංකාවේ ‘හීරෝ’ එක්ක හොඳ රඟපෑමක් කළ බව ආරංචියි?
ඔය කියන්නේ රංජන් අයියා ගැන වෙන්න ඇති. සුරංග ද අල්විස්ගේ ‘ද ගේම්’ චිත්‍රපටයේ මම රඟපානවා. මගේ අයියාට රඟපාන්නේ රංජන් අයියා. මගෙත් පෙර වාසනාවක් තියෙන්න ඇති ඔහු සමඟ එකට කෙටි කාලයක් තුළ වැඩ කරන්න ලැබීම.
රංජන් රාමනායක එක්ක වැඩ කරපු අලුත් පිරිස කියනවා ඔහු සමඟ වැඩ කරන්න අපහසු බව. ඇත්තද මේ කතාව?
ඔය කියන කතා මම දන්නේ නැහැ. නමුත් ඔහු සුන්දර, නිහතමානී කලාකරුවෙක්. ඒ විතරක් නෙවේ සහෝදරයෙක් වගේ. හරිම සහයෝගයෙන්, විනෝදයෙන්, එකමුතුව වැඩ කරනවා. කිසිම ලොකුකමක් නැහැ. අපේ අඩුපාඩු පවා කියලා දීලා අපේ චරිතයට හරියට කරගන්න ඔහුත් උදව් කරනවා.
රංගනයට අමතරව ප්‍රවෘත්ති නිවේදිකාවක් විදියට කටයුතු කළා නේද? දැන් නිවේදන කටයුතු කරන්නැද්ද?
ගොඩදෙනෙක් ඔය ගැන මගෙන් අහනවා. ප්‍රවෘත්ති නිවේදිකාවක් විදියට ඉදිරියට වැඩකටයුතු කරනවා. මේ දවස්වල නිවේදන කටයුතු කළේ නැහැ කොරෝනා වසංගතය නිසා.
ඔබ සුන්දර රුවැත්තියක්. ඉතින් කැමැති නැද්ද ෆැජන්ට් එකකට යන්න?
මම නිරූපණ කටයුතු කරන්න කැමැති නැහැ. එයට හේතුව නිරූපිකාවක් වුණාම ෆැජන්ට්වලදී විවිධ විලාසිතා ඇඳුම් අඳින්න ඕනෑ. මම ඒ දේට කැමැති නැහැ. මම එහෙම චරිතයක් නෙවේ. සීමාවක් ඇතුළේ තමයි වැඩ කරන්නේ.
චරිතාංග රංගන ශිල්පිනියක් වීමට ඔබ සිහින දකිනවානම් සීමාවක් තුළ වැඩ කරන්න බැහැ නේද?
මම කැමැති නැහැ මගේ ප්‍රතිරූපයට හානියක් වෙනවාට. එක චරිතයකින් දැක්කට ප්‍රේක්‍ෂකයන් බලන්නේ විවිධ කෝණවලින්. මම මේ ඉන්න විදියට හෙමින් ගමනක් යනවා. මම මුදල් බලාගෙන, ජනප්‍රිය වෙන්න හිතාගෙන රඟපානවා නෙවේ. පවුලේ අයගේ කැමැත්ත, ආශාව නිසා මම රඟපානවා.
වසන්ත විතාරණගේ

Continue Reading
Click to comment

Leave a Reply

Your email address will not be published. Required fields are marked *

Advertisement
Advertisement
Exclusive1 year ago

මහේෂ්ට ජනපතිවරණයට ආරාධනාවක්

Exclusive1 year ago

සිකුරාදා රෑ කරන්න ගිය ‌මෛත්‍රිගේ අගමැති කුමන්ත්‍රණය කඩා වැටේ

Exclusive1 year ago

මහින්දගෙන් ‌ගෝඨාට නියෝගයක්

Exclusive1 year ago

එජාප ඇමැතිලා 5ක් ඉවතට -අලුත් නම් 5ක් සූදානම්

Exclusive6 months ago

හිටපු ජනපති පුතා ඇඳිරි නීතිය මැද මහ රෑ දාපු පාටිය ගැන මාධ්‍යවේදිනිය ‌පොලිසියෙන් ප්‍රශ්න කරයි

Astrology9 months ago

2020 ලග්න පලාපල ඔබට කොහොමද?

Exclusive5 months ago

අමෙරිකා-බ්‍රිතාන්‍යය-ජර්මන්-යුරෝපා සංගම් තානාපතිවරු පෝලිමේ සජිත් හමුවන්න එති (VIDEO)

Astrology10 months ago

ඔබේ සහකරු ඉන්න තැන මෙන්න

Mahawanshaya1 year ago

ගම්දනාව බියවද්දමින් උලමා හොයන දේ

Exclusive5 months ago

කෝටිපති දිලිත් කෝටි 2ක් දීලා විශේෂ යානයක් හදිසියේම ඩුබායි යැව්වේ ඇයි? (PHOTOS)