Connect with us
Advertisement

Heart

දෙවියන්ට කන්නලව් කරන්න කතරගම වැන්දා

Published

on

⬤ ඒ අතීතය මට වදයක්…

2020 අග භාගයෙහි විවාහ දිවියට ඇතුළත් වූ ටෙලි තාරකාවන් අතර හර්ෂණ බෙත්මගේද එක් අයකු විය. එය ඔහුගේ දෙවැනි විවාහය වුවද හර්ෂණ මහා සතුටකින් මාධ්‍යය හමුවේ කියා සිටියේ, ‘සමහර දෙනකුට හරි කෙනා මුණගැහෙන්නේ පමාවී නිසා දෙවැනි විවාහය තම පළමු විවාහයටත් වැඩිය තමාට ඉතා නැවුම්ව දැනුණු බවකි. විවාහයෙන් අනතුරුව හර්ෂණ සිය තරුණ බිරිය වූ අරුණි සමඟ කතරගම වන්දනා මෙහෙවරක් සඳහාද සහභාගි විය. හර්ෂණ එලෙස කතරගම ගියේ බාරයක්වත් ඔප්පු කරන්නද? එහෙමත් නැත්නම් නව අවුරුදු උදාවට වාසනාව උදාකර දෙන්න යැයි දෙවියන්ට කන්නලව් කරන්නද? කාගෙන්වත් ඒ වංහුං අහනවාට වැඩිය හර්ෂණගෙන්ම එය අසා දැනගන්නට අපට වූ ඕනෑකම සුහද කතාබහක් වූයේ මෙහෙමය.
වෙඩින් එකෙන් පස්සේ කතරගම ගියේ නව විවාහයට ආශීර්වාද ඉල්ලන්නද හර්ෂණ?
එහෙමය කියලා විශේෂයක් තිබුණේ නැහැ. මේ ගමන හැම අවුරුද්දකම මම යන එකක්. යමක් දන්න කාලේ ඉඳලම මම බොහොම විශ්වාසයෙන් මේ පූජාවට සහභාගි වෙනවා. එහි සියලුම වතාවත් සඳහා මම සහභාගි වන්නේ හරිම පිරිසුදු සිතින්. ඒ වාගේම එම වන්දනාව අවසානයේ මා ලබාගන්නා අධ්‍යාත්මික වූ සැනසීම හරිම අමිලයි.


🔴 හොඳයි අපිත් ඔබට ඒ සැනසීම ප්‍රාර්ථනා කරනවා. කියන්න මේ දවස්වල ඔබේ කලා තොරතුරු එහෙම කොහොමද?
කොරෝනා උවදුර නිසා ගෙවල්වලට කූඩු වී හිඳ නැවත වැඩ ආරම්භ කරමින් සිටින පිරිස අතරට මමද එකතු වුණා. සඳ, තරු, මල් නාට්‍යයේ රූගත කිරීම්වලට මේ දිනවල සහභාගි වෙනවා. ඒ වාගේම අලුත් ටෙලිනාට්‍ය කිහිපයකට ගිවිසුම් අස්සන් කරන්නට තිබෙන අතර, තවත් නාට්‍යයකට ආරාධනා ලැබීමට නියමිතයි.
🔴 කියන්න අපට අරුණි ගැන. ඒ ඔබ සෙවූ කෙනා කියලයි ආරංචිය?
ඔව්. මම හොයපු මගේ ජීවිතය මට අරුණිගෙන් ලැබුණා. දැන් තමයි මට දැනෙන්නේ හර්ෂණ බෙත්මගේ ජීවත් වෙනවා කියලා. කලාකරුවෙක් කියන්නේ බොහොම නිදහස් මනසක් තිබිය යුතු කෙනෙක්. අරුණි රංගවේදිනියක නූනත් එය හරි අපූරුවට තේරුම් අරගෙන තියෙනවා. අද මගේ රංගන ජීවිතයට අවැසි සහයෝගය සහ සැහැල්ලු මනස ඉතාම අපූරුවට මට තිළිණ කරනවා.
🔴 තරුණ කෙල්ලන් සමඟ ඔබේ රංගන ආලිංගනයන් දුටු විට ඇගේ පරිත්‍යාගශීලී බව ඔබට අහිමිවේද?
මම හිතන්නේ අරුණි හරි කලාකාමී හිතක් තියෙන කෙනෙක්. මට ළංවූයේද ඒ කලාකාමී සිතුවිලි නිසයි. අනික ඇය බුද්ධිමත්, තේරුම් ගැනීමේ හැකියාව ඈ ළඟ අපූරුවට තියෙනවා.
🔴 ඔබ තරමක් මුරණ්ඩු චරිතයක්ය කියලා කහවුරුහරි චෝදනා කළොත්?
මම මුරණ්ඩුය කියන කාරණය එකහෙළා පිළිගන්න අමාරුයි. හැබැයි මම කෙළින් කතා කරන කෙනෙක්. වැරැද්ද නිවැරැදි කරන කෙනෙක්. වරදක් සිදුවේ නම් මම නිහඬව ඉන්න අවස්ථා අඩුයි.
🔴 මුරණ්ඩු චරිත වැඩිපුර ඔබට ලැබෙන්නේ ඒ නිසාද?
ඒක නම් කියන්නට දන්නේ නැහැ. ලැබෙන චරිත බාරගන්නවා. එහි හොඳ නරක බලන්නේ නැහැ. අනික් කාරණය චරිත තෝරලා බේරලා රඟපාන්නට තරම් අපේ ටෙලි කර්මාන්තය මහ විශාල එකක් නෙමෙයි. වෘත්තීය කලාකරුවෝ හැටියට හොඳ නරක උසස් පහත් බව බලන්න ගියොත් අපිට රඟපාන්නට ලැබෙන එකක් නැහැ.
🔴 ටෙලි තරුවක් විදියට ඔබ ජනප්‍රිය වුණේ ඔබේ දෙනෙත්වල ආකර්ෂණය නිසාලු?
එහෙම කතාවක් මටත් ඇහිලා තියෙනවා. මගේ අම්මත් මට හැමවෙලේම කියනවා ඔය ඇස්වලින් දෙපාරක් කා දිහාවත් බලන්න එපා කියලා.
🔴 අම්ම කිව්වෙ කාන්තා පාර්ශ්වය ගැනද හර්ෂණ?
එහෙම වෙන්න ඇති සමහර විට. කොහොමත් මම එහෙමට පරෙස්සම් වෙන්නෙ නැහැ. කාන්තාවන් වේවා, පිරිමන් වේවා මම ඒ ඕනෑම අයකු දිහා කෙළින් බලලා විවෘතව කතා කරන කෙනෙක්. ඒ වගේම මම සරලයි. සෙල්ලක්කාරයි. පෙට්ටි කඩේකින් තේ එකක් බොන්න හිතුණොත් ඒක කරනවා. තැඹිලි විකුණන තැනකට ගියොත් මම තැඹිලි ගෙඩිය කපාගෙන බංකුවක ඉඳගෙන ඒක බොනවා. මම තරුවක්ය නළුවෙක්ය කියන බැරියරය ඔළුවට ගන්නේ නැහැ. අපි නළුවෝ නේද? ප්‍රේක්ෂකයෝ අපව මේ විදිහට දැක්කොත් අවුල් නේද කියා මම මගේ නිදහස සීමාකර ගන්නෙ නැහැ.
🔴 තැඹිලි ගෙඩියක් කපලා බොනකොට ප්‍රේක්ෂක ඇසකට එය ලක්වුණු අවස්ථා තිබුණද?
අපොයි ඔව්. ඔවුන් ඉතා සුහදව මා හා එවන් අවස්ථාවන්වල කතාබහ කරනවා. රසිකයන් වඩා කැමැතියි ඒ සරල බවට තමයි මම හිතන විදියට. මම කොණ්ඩෙ වවනවා, කරාබු දානවා. මටම ආවේණික ෆැෂන් කරනවා. මට හිතවත් රසිකයෝ මට ප්‍රිය කරන්නේද මගේ ඒ පිස්සු විකාරවලටයි.
🔴 එක වරක් ඔබව තෝරාගන්නා අධ්‍යක්ෂවරයෙක් නැවත යළි යළිත් ඔබවම තෝරා ගන්නා එක පුරුද්දක් වෙලාලු?
ඔව්. එමෙ දෙයක් තියෙනවා තමයි. එයට හේතුව මම සෙට් එකකදි හරිම සුහදයි. නම්‍යශීලී. ඒ වාගෙම ප්‍රවීණයන්ට ගරු කරනවා.
🔴 පසුගිය දවස්වල වොල්ගා කල්පනී චෝදනා කර තිබුණා ඔබ ඇගේ මියුසික් වීඩියෝවට මඩගැසුවාය කියා?
ඇය ගැන කතා කරන්නට මම කැමැති නැහැ. ප්‍රශ්නය අතාරිනවා මෙතැනදි.
🔴 උත්තර නොදුන්නොත් අවාසි ඔබට නේද හර්ෂණ?
වොල්ගගෙ ප්‍රශ්නවලට උත්තර බඳින්න මම පොලිස්ටේෂන් කීයකට ගිහින් තියෙනවද? ඇත්තෙන්ම ඒ අතීතය මට වදයක්. වොල්ගා දැන් ඇගේ ජීවිතය තුළ. මම මගේ ජීවිතය තුළ. ඒ නිසා පසුගිය දේ හාරා ඇවිස්සීම නිෂ්ඵලයි.
🔴 අධ්‍යක්ෂණයට අතගැසීම සඳහා ඔබ කල්යල් බලන බව ආරංචියි?
අධ්‍යක්ෂණයට යොමු වීම මගේ හීන අතර එකක්. හැබැයි තවම නම් මම එයට මුවහත් මදියි වාගේ මට හිතෙන්නේ. ඒ හින්දා එයට අවැසි ශක්තිමත් පන්නරය ලැබෙනතුරු බලාගෙන ඉන්නවා.
🔴 ඔබේ තව හීන ඉතුරුව තිබෙනවද?
ඔව්. රට රටවල සංචාරය කරන්න. අපේම කියා පුංචි නිවහනක් තනන්න මේ දවස්වල සැලැසුම් කරනවා.
දමයන්ති රේණුකා ප්‍රනාන්දු

Continue Reading
Click to comment

Leave a Reply

Your email address will not be published. Required fields are marked *

Advertisement
Exclusive5 months ago

මැරෙන්න කලින් මධූෂ් හෙළි කරපු මහකුඩ්ඩන් හතර දෙනාගේ නම් මෙන්න (VIDEO)

Exclusive2 years ago

මහේෂ්ට ජනපතිවරණයට ආරාධනාවක්

Mahawanshaya1 year ago

ගම්දනාව බියවද්දමින් උලමා හොයන දේ

Exclusive2 years ago

මහින්දගෙන් ‌ගෝඨාට නියෝගයක්

Astrology1 year ago

2020 ලග්න පලාපල ඔබට කොහොමද?

Astrology1 year ago

ඔබේ සහකරු ඉන්න තැන මෙන්න

Exclusive2 years ago

සිකුරාදා රෑ කරන්න ගිය ‌මෛත්‍රිගේ අගමැති කුමන්ත්‍රණය කඩා වැටේ

Astrology1 year ago

නිවෙසේ උපකරණ සඳහා සුබම දිශාව

Exclusive11 months ago

හිටපු ජනපති පුතා ඇඳිරි නීතිය මැද මහ රෑ දාපු පාටිය ගැන මාධ්‍යවේදිනිය ‌පොලිසියෙන් ප්‍රශ්න කරයි

Exclusive2 years ago

එජාප ඇමැතිලා 5ක් ඉවතට -අලුත් නම් 5ක් සූදානම්

Astrology1 year ago

විෂ්ණු දෙවියන්ගේ පිහිට ගෙනන පූජාවක්

Exclusive10 months ago

කෝටිපති දිලිත් කෝටි 2ක් දීලා විශේෂ යානයක් හදිසියේම ඩුබායි යැව්වේ ඇයි? (PHOTOS)

Exclusive10 months ago

අමෙරිකා-බ්‍රිතාන්‍යය-ජර්මන්-යුරෝපා සංගම් තානාපතිවරු පෝලිමේ සජිත් හමුවන්න එති (VIDEO)

Exclusive1 year ago

පොතේ හැටියට දිනන්නේ කවුද? (උපුල් ‌ජෝශප් ප්‍රනාන්දුගේ ගුරුදා විග්‍රහය)

Exclusive12 months ago

රනිල්ගේ UNP එකයි සජිත්ගේ UNP එකයි