Connect with us
Redmi 9C
Advertisement

Heart

නපුරු චරිත නිසා කවුරුත් මට කැමැති නෑ

Published

on

කටකාර – නපුරු චරිත වෙනුවෙන් ජීවය දීමට හැමෝටම බැහැ. ටෙලිනාට්‍යවල විතරක් නෙවේ සිනමාවෙත් නපුරු චරිත නිරූපණය කළ සුවිශේෂී කලා ශිල්පිනියක් සමඟ අප මෙවර කතා කරන්න හිතුවේ ඇය මේ දවස්වල ටෙලිනාට්‍ය කිහිපයක නපුරුකම් කරන නිසා. ඒ නපුරුකම් සුන්දර විදියට විදහාපාන වසන්ති රංවල අප සමඟ කතාබහ කළේ මේ විදියට.
වසන්ති ඉතින් කොහොමද මේ දවස්වල වැඩකටයුතු?
නිර්මාණ කිහිපයකට සම්බන්ධ වෙලා වැඩකටයුතු කරගෙන යනවා. හැබැයි ඉතින් අපට දැන් ආරක්‍ෂාකාරීව අවදානම් තත්ත්වයක තමයි වැඩ කරගෙන යන්න වෙලා තියෙන්නේ.
වසන්ති ‘නෑනලා’ රොත්තකට එකතුවෙලා කාලය ගතකරන බව අපි දකිනවා. එය ගැනත් කතා කරමුද?
නාලක මෙන්ඩිස් අධ්‍යක්‍ෂණය කළ ‘නෑනලා’ ටෙලිනාට්‍ය සතියේ දිනවල ජාතික රූපවාහිනියේ රාත්‍රි 08.30ට විකාශ වෙනවා. ‘නෑනලා’ ටෙලිනාට්‍ය ලොකු ගැම්මක් එක්ක තමයි විකාශය ආරම්භ වුණේ. ‘නෑනලා’ විකාශය වෙලා තවම වැඩි කාලයක් නැහැ. ඉතාමත් උසස් ප්‍රතිචාර ලැබෙනවා. මෙසේ දීර්ඝ ටෙලිනාට්‍ය ගැම්මත් එක්ක පටන්ගත්තත් ටික කාලයක් එක්ක ඒ දීර්ඝ ටෙලිනාට්‍යවල ගැම්ම අඩු වෙනවා. මම හිතනවා ‘නෑනලා’ තුළ එහෙම නොවේවි කියලා.
ඇත්තටම අපි දකින බහුතරයක් ටෙලිනාට්‍යවල වසන්තිගේ රඟපෑමෙත් දැක්කේ නපුරුකම තමයි. තවමත් එයින් මිදීමට උත්සාහ කරන්නේ නැතිද?
ඒ රටාවෙන් මිදීමට තමයි මමත් උත්සාහ කරන්නේ. නමුත් නපුරු චරිත සාර්ථකව කරන නිසා ඒ චරිතවලටම කතා කරනවා. සමහර නිර්මාණ මම ප්‍රතික්‍ෂේප කළා. එයින් මිදීමට.
එක පැත්තකින් වසන්ති නපුරු චරිත කියලා ප්‍රතික්‍ෂේප කරනවා. තවත් පැත්තකින් වසන්තිව ප්‍රේක්‍ෂකයන් ප්‍රතික්‍ෂේප කරනවා නේද?
අපෝ ඔව්. ‘සිඳූ’ ටෙලිනාට්‍යයේ කුමාරිව හැමෝම ප්‍රතික්‍ෂේප කරනවා. කවුරුත් මට කැමැති නැහැ. හැබැයි ‘නෑනලා’ ටෙලිනාට්‍යයේ මගේ චරිතය වෙනස්ම විදියකට ගලාගෙන යන්නේ නපුරුකම් කළාට.
ඔබ කරන චරිත හරහා ඔබ පසුපස සිටින අනෙකුත් කලා ශිල්පීන්ට විශේෂ ආකර්ෂණයක් හිමි වෙනවා නේද නිර්මාණය තුළින්?
ඇත්තටම ඔව්. ගඟක් වුණත් ගල්වල හැප්පී ගලන කොටනේ ලස්සන. අන්න ඒ වගේ තමයි මම විතරක් නෙවේ නිර්මාණයක් තුළ චණ්ඩිකම් දාන වීරයෝ නිසා අවසානයේ අහිංසකයා වීරයෙක් බවට පත්වෙනවා. ඉතින් මම නපුරු චරිත රඟපෑවත් මම පසුපස සිටින අනෙකුත් ශිල්පීන් රඟපාන චරිත තුළ විශේෂ ආකර්ෂණයක් හිමිවෙනවා.
ඔබේ දෙනෙත් ලොකු නිසාමද එවැනි චරිත ඔබට හිමිවෙන්නේ?
මගේ ඇස් දෙක ලොකුයි… සමහරු මාව අඳුරගන්නේ මගේ ඇස් දෙක නිසා. සමහර විට එහෙම වෙන්න පුළුවන්.
දැන් නපුරුකම් කළා ඇති කියලා හිතිලා වෙනත් සුවිශේෂී චරිතයක් ලැබුණොත් එය බාර ගැනීමට ඔබ සූදානම්ද?
කවුද අනේ අකැමැති. මගේ දක්‍ෂතාව පෙන්වන්න තරම් සැලකිලිමත් චරිතයක් මට තවම ලැබිලා නැහැ. මටත් ඇතිවෙලා තියෙන්නේ මේ නපුරුකම් කරලා. මට පිරිමියෙක් විදියට රඟපාන්න ලැබුණොත් මම ඒ අභියෝගයට වුණත් සූදානම්.
අම්මා වගේම දුවත් කලාවට දක්‍ෂ බව අපි දන්නවා. ඇයටත් පසුගියදා හොඳම නිළියට සම්මාන ලැබුණා නේද?
එය ගැන මට ගොඩාක් සතුටුයි. මගේ දුව තමයි සිලිඳු රංවල. ඇය පසුගියදා පැවැති රාජ්‍ය නාට්‍ය උළෙලේ හොඳම නිළියට තේරුණා. ඇය අධ්‍යාපන කටයුතු කරන ගමන් තමයි කලා කටයුතු කරගෙන යන්නේ.
වසන්ත විතාරණගේ

Continue Reading
Click to comment

Leave a Reply

Your email address will not be published. Required fields are marked *

Advertisement
Exclusive6 days ago

මැරෙන්න කලින් මධූෂ් හෙළි කරපු මහකුඩ්ඩන් හතර දෙනාගේ නම් මෙන්න (VIDEO)

Exclusive1 year ago

මහේෂ්ට ජනපතිවරණයට ආරාධනාවක්

Exclusive1 year ago

සිකුරාදා රෑ කරන්න ගිය ‌මෛත්‍රිගේ අගමැති කුමන්ත්‍රණය කඩා වැටේ

Exclusive1 year ago

මහින්දගෙන් ‌ගෝඨාට නියෝගයක්

Exclusive7 months ago

හිටපු ජනපති පුතා ඇඳිරි නීතිය මැද මහ රෑ දාපු පාටිය ගැන මාධ්‍යවේදිනිය ‌පොලිසියෙන් ප්‍රශ්න කරයි

Astrology10 months ago

2020 ලග්න පලාපල ඔබට කොහොමද?

Exclusive1 year ago

එජාප ඇමැතිලා 5ක් ඉවතට -අලුත් නම් 5ක් සූදානම්

Astrology11 months ago

ඔබේ සහකරු ඉන්න තැන මෙන්න

Mahawanshaya1 year ago

ගම්දනාව බියවද්දමින් උලමා හොයන දේ

Exclusive6 months ago

අමෙරිකා-බ්‍රිතාන්‍යය-ජර්මන්-යුරෝපා සංගම් තානාපතිවරු පෝලිමේ සජිත් හමුවන්න එති (VIDEO)

Exclusive6 months ago

කෝටිපති දිලිත් කෝටි 2ක් දීලා විශේෂ යානයක් හදිසියේම ඩුබායි යැව්වේ ඇයි? (PHOTOS)

Astrology1 year ago

නිවෙසේ උපකරණ සඳහා සුබම දිශාව

Astrology1 year ago

විෂ්ණු දෙවියන්ගේ පිහිට ගෙනන පූජාවක්

Exclusive7 months ago

රනිල්ගේ UNP එකයි සජිත්ගේ UNP එකයි

Exclusive12 months ago

පොතේ හැටියට දිනන්නේ කවුද? (උපුල් ‌ජෝශප් ප්‍රනාන්දුගේ ගුරුදා විග්‍රහය)