Connect with us
Advertisement

Heart

නැටිල්ල තාමත් මගේ ඇඟේ තියෙනවා

Published

on

නර්තන ශිල්පිනියක් විදියට කලාවට පිවිසුණු නිලන්ති ඩයස් කෙටි කාලයක් ඇතුළත ලංකාවේ අංක එකේ සිනමා නිළියක් බවට පත් වුණා. එතැන් පටන් කාලයක් යනතුරුම ඇය ලංකාවේ ජනප්‍රිය සිනමා නිළියන් අතර ඉදිරියේම වැජඹුණා කිව්වොත් ඒක වැරැදි නැහැ. කොහොම වුණත් විවාහයෙන් පස්සේ කලා ලෝකයෙන් තරමක් ඈත් වුණු නිලන්තිව වර්තමානයේදී නිතර දැක ගන්න ලැබෙන්නේ නැහැ. ඇයට ආදරය කරන රසික රසිකාවියන්ටත් මේක ලොකු ප්‍රශ්නයක් වෙලා තියෙන බව දැනුණු හින්දා මේ ගැන නිලන්තිගෙන්ම අහන්න අපි තීරණය කළා.
මේ දවස්වල වැඩිය පේන්න නැත්තේ ඇයි කියලා ඔබේ රසිකයන් අහනවා?
පසුගිය දවස් ටිකේ නම් මැතිවරණ කටයුතුවලට සහභාගි වුණා. ඒ හින්දා පොඞ්ඩක් කාර්යබහුල වෙලා හිටියේ. ඒ වගේම කොරෝනා හින්දා තවම හරිහැටි නිර්මාණ ආරම්භ වෙලත් නැහැ. ප්‍රසංග පැවැත්වෙන්නෙත් නැහැ. ඒ හින්දා ඒ අයට එහෙම හිතෙන එක සාධාරණයි.
මැතිවරණ කටයුතුවලට සම්බන්ධ වුණු බව ඔබ කිව්වා. ඒක නිලන්ත ඩයස් ඉදිරියේදී දේශපාලනයට පිවිසෙනවා කියන එකට ඉඟියක්ද?
අපෝ නැහැ. වැඩ කරන අයට උදව් කරන එක කවදත් කෙරුවා. එහෙම නැතිව දේශපාලනයට පිවිසෙන්න නම් කිසිම අදහසක් මගේ හිතේ නැහැ.
ඉදිරියේදී ඔබව දැක ගන්න ලැබෙන නිර්මාණ ගැන කතා කළොත්?
සරත් වීරසේකර මහත්මයාගේ “ශ්‍රී සද්ධා” චිත්‍රපටයට මම සම්බන්ධ වුණා. ඒක ඉදිරියේදී තිරගත වෙන්න තියෙනවා. ඊට අමතරව ඉදිරියේදී හොඳ නිර්මාණයක් ලැබුණොත් ඒකට සම්බන්ධ වෙනවා.
දක්ෂ නර්තන ශිල්පිනියක් විදියට තමයි නිලන්තිව මුලින්ම රටම හඳුනා ගත්තේ. ඒත් මේ වෙද්දී නර්තනය අමතක කරලද?
නැහැ. ඩාන්සින්වලට කවදත් ආදරෙයි. ඒ වගේම කවදත් ආසයි. මගේ යටතේ පුහුණු වුණු ළමයිනුත් තවම ඉන්නවා. නමුත් තවම හරිහැටි ප්‍රසංග පැවැත්වෙන්නේ නැති හින්දා ඒකට ඉඩක් නැහැ. හොඳ නිර්මාණයක් ආවොත් තවමත් ඩාන්ස් කරන්න මම කැමැතියි.
මේ වෙද්දී ඔබ කලාවට සම්බන්ධ වෙලා බොහෝ කාලයක් ගත වෙලා. ආපසු හැරිලා බලද්දී ඒ ආව ගමන ගැන මොකද හිතෙන්නේ?
ඇත්තටම ඒ ගමන ගැන ලොකු සතුටක් වගේම ආඩම්බරයකුත් දැනෙනවා. මොකද කොහේ ගියත් අපිට ආදරය කරන මිනිස්සු හම්බ වෙනවා. මොන වැඬේට ගියත් අපිව දන්න අය එතැන ඉන්නවා. ඒ විදියට ජනප්‍රිය වෙන්න පුළුවන් වුණේ කලාව හින්දා. ඒ හින්දා ඒ ගැන ගොඩක් සතුටුයි.
ඒ ආව ගමන අතරේ කනගාටුවක් දැනුණු තැන් ඇත්තෙම නැද්ද?
මෙහෙමයි. විවිධාකාර චරිත සඳහා සම්බන්ධ වෙන්න තිබුණා නම් හොඳයි කියලා මට දැන් හිතෙනවා. ඒත් ඒ ගැන දුකක් නැහැ. ඒ වගේ විවිධාකාර චරිත සඳහා ඉදිරියේදී හරි සම්බන්ධ වෙන්න ලැබේවි කියලා මම විශ්වාස කරනවා. එවැනි චරිතයක් ලැබෙනතුරු මම මඟ බලමින් ඉන්නවා.
එවැනි විවිධාකාර චරිත නොලැබෙන්න හේතුවක් තිබුණද? ඔබ එවැනි චරිත ප්‍රතික්ෂේප කළාද?
නැහැ. ඒත් මම බැන්ද අලුත නිර්මාණ සඳහා සම්බන්ධ වුණේම නැහැ. ඒ හින්දා මම කලාවෙන් ඈත් වෙලා කියලා ගොඩක් අය හිතුවා. එවැනි චරිත නොලැබෙන්න ඒක හේතුවක් වෙන්න ඇති.
අපි පොඞ්ඩක් අතීතයට යමු. මතකද ඔබ මුලින්ම රඟපෑව චිත්‍රපටය?
ලාල් ප්‍රියදේව මහත්මයාගේ “ජොලි හලෝ” චිත්‍රපටයට තමයි මම මුලින්ම සම්බන්ධ වුණේ. බන්දු සමරසිංහ මහත්මයා එක්ක ඒ චිත්‍රපටයේ ප්‍රධාන චරිතය රඟපෑවේ මම. ඒ වගේම ඒ චිත්‍රපටය දින 100කට වැඩිය තිරගත වුණා.
පළමු චිත්‍රපටයෙන්ම ප්‍රධාන චරිතයක් ලැබෙන එක දුර්ලභ අවස්ථාවක්. ඒ ගැන මොකද හිතෙන්නේ?
ඇත්තටම වර්තමානයටත් වඩා ඒ දවස්වල ඒක ඉතාම දුර්ලභ අවස්ථාවක්. මම හිතන්නේ ඒක මම ලබපු ලොකු ජයග්‍රහණයක්. එතැනින් පස්සේ මට චිත්‍රපට ගලා ආවා කිව්වොත් හරි. මම රඟපෑව චිත්‍රපට විශාල ගණනක් එතැනින් පස්සේ තිරගත වුණා.
සිනමාවේ ජනප්‍රිය නිළියක් වුණත්, ඔබ ටෙලි නාට්‍ය සඳහා සම්බන්ධ වුණේ ඉතාම අඩුවෙන්. ඒකට හේතුවක් තිබුණද?
ඔව්. ඔක්කොම එකතු කරලා ගත්තත් මම ටෙලි නාට්‍ය දහයකට විතර තමයි සම්බන්ධ වෙලා තියෙන්නේ. ඒ දවස්වල නර්තන ප්‍රසංගවලට සම්බන්ධ වුණු නිසා ටෙලි නාට්‍ය සඳහා දින ලබා දීමේ ගැටලුවක් තිබුණා. මොකද චිත්‍රපට වගේ නෙවෙයි ටෙලි නාට්‍ය රූගත කිරීම් සඳහා වැඩි කාලයක් යනවා. මං හිතන්නේ ඒක තමයි ටෙලි නාට්‍ය සඳහා අඩුවෙන් සම්බන්ධ වෙන්න ප්‍රධාන හේතුව වුණේ.
ඔබ සිනමාව සමඟ සම්බන්ධ වුණු කාලය සහ වර්තමාන සිනමාව අතර මොන වගේ වෙනසක්ද ඔබ දකින්නේ?
සිනමාව විතරක් නෙවෙයි සමස්ත කලාවම එදාට වැඩිය දැන් ගොඩක් දියුණුයි. උදාහරණයකට කිව්වොත් ඒ කාලේ රඟපාන්න එන ගොඩක් අයට ඩාන්ස් කරන්න බැහැ. ඒත් දැන් ඩාන්ස් කරන්න බැරි කෙනෙක් හොයා ගන්න බැහැ. හැමෝටම හොඳට ඩාන්ස් කරන්න පුළුවන්. මම හිතන්නේ දැන් ඉන්න දෙමව්පියෝ වුණත් ප්‍රාසාංගික කටයුතු සඳහා තමන්ගේ ළමයි වැඩිපුර යොමු කරනවා. අපි ආව කාලේ එහෙම තිබුණේ නැහැ.
වර්තමානය වෙද්දී ඔබත් මවක්. මවක් විදියට ඒ නිදහස ළමයින්ට ලබා දෙන්න ඔබ සූදානම්ද?
අනිවාර්යයෙන්ම. ළමයින් ඒ දේවල්වලට කැමැති නම් ඒවට ඉඩ ලබා දෙන්න ඕනෑ කියලා තමයි අම්මා කෙනෙක් විදියට මම හිතන්නේ. මොකද ඒවට ඉඩ ලබා නොදුන්නොත් ඒ අය හිර වෙනවා. ඒ වගේම තව දෙයක්. ඉගෙන ගන්න එකම විතරක් නැතිව වෙනත් බාහිර දේ සඳහාත් යොමු වෙලා තිබුණොත් ඒක ළමයින්ගේ අනාගතයට ඉතාම යහපත් දෙයක් වෙනවා. ඒ හින්දා පොඩි කාලේ ඉඳන්ම ළමයි ආස දේවල්වලට අපි උදව් කරන්න ඕනෑ කියන එක තමයි අම්මා කෙනෙක් විදියට මම කියන්නේ.
චන්දන පොන්නම්පෙරුම

Continue Reading
Click to comment

Leave a Reply

Your email address will not be published. Required fields are marked *

Advertisement
Advertisement
Exclusive52 mins ago

ඩී.එස්-ජේ.ආර්.-ප්‍රේමදාස නැගිටියි: සිරිකොතේ රාත්‍රියක්

Exclusive4 hours ago

සජිත් යළිත් අද සිට ගමට

Exclusive6 hours ago

පාස්කු ප්‍රහාරයෙන් ඇඟ බේරගන්න මෛත්‍රි ගහපු ගේම කොමිසමේදී හෙළිවෙයි

Business7 hours ago

බජාජ් ජෙනුයින් පාර්ට්ස් 17දා සිට මදුරන්කුලියේ

Business7 hours ago

Colombo Fashion Week සහ One Galle Face වෙතින් Retail Week නමින් සුවිශේෂී වැඩසටහනක්

Business8 hours ago

The Flemington සුඛෝපභෝගී නිවාස ව්‍යාපෘතිය 5 වන සංවත්සරය සමරයි

Business8 hours ago

HNB සේවකයන්ගේ දිනක වැටුප IDH රෝහලේ නවීනතම පුහුණු මධ්‍යස්ථානයට පිරිනමයි

Business8 hours ago

සෙලින්කෝ ලයිෆ් ‘ෆැමිලි සවාරි’ වෙතින් ඔප්පුහිමියන්ට රුපියල් මිලියන 30ක් වටිනා රත්තරන්

Business8 hours ago

නවලෝක රෝහල JCI ප්‍රමිතිකරණයෙන් පිදුම් ලබයි

Exclusive8 hours ago

ගෝඨාට මහාසංඝරත්නය ප්‍රසාදය පළකරයි

Exclusive1 year ago

මහේෂ්ට ජනපතිවරණයට ආරාධනාවක්

Exclusive1 year ago

සිකුරාදා රෑ කරන්න ගිය ‌මෛත්‍රිගේ අගමැති කුමන්ත්‍රණය කඩා වැටේ

Exclusive6 months ago

හිටපු ජනපති පුතා ඇඳිරි නීතිය මැද මහ රෑ දාපු පාටිය ගැන මාධ්‍යවේදිනිය ‌පොලිසියෙන් ප්‍රශ්න කරයි

Exclusive1 year ago

එජාප ඇමැතිලා 5ක් ඉවතට -අලුත් නම් 5ක් සූදානම්

Exclusive1 year ago

මහින්දගෙන් ‌ගෝඨාට නියෝගයක්

Astrology9 months ago

2020 ලග්න පලාපල ඔබට කොහොමද?

Exclusive4 months ago

අමෙරිකා-බ්‍රිතාන්‍යය-ජර්මන්-යුරෝපා සංගම් තානාපතිවරු පෝලිමේ සජිත් හමුවන්න එති (VIDEO)

Astrology10 months ago

ඔබේ සහකරු ඉන්න තැන මෙන්න

Exclusive5 months ago

කෝටිපති දිලිත් කෝටි 2ක් දීලා විශේෂ යානයක් හදිසියේම ඩුබායි යැව්වේ ඇයි? (PHOTOS)

Mahawanshaya1 year ago

ගම්දනාව බියවද්දමින් උලමා හොයන දේ