Connect with us
Advertisement

Heart

නිළියක් කිව්වහම හැමෝම බලන්නෙ වපර ඇහින්

Published

on

⬤ වයසට වඩා මගේ පෙනුම මෝරලා…

⬤ මම හොයනවා මම කවුද කියලා…

බොහෝ දෙනකු රංගනයට යොමු වන්නේ, කලක සිට දුටු සිහිනයක් සැබෑකර ගැනීමට හෝ බලාපොරොත්තුවක් මල්ඵලගන්වා ගැනීමටය. තවත් සමහරක් අහම්බයක් ලෙස නොසිතූ ආකාරයට රංගනයට සේන්දු වෙති. ප්‍රතිභාපූර්ණ රංගන ශිල්පිනි මල්කාන්ති ජයසිංහද නිළිකමට මැදිවුණේ අහම්බයක් ලෙසින්ය. කලාකාමීත්වය ගැන මෙලෝ හැඟීමක් නොතිබූ මල්කාන්ති, අද ‘පුංචි තිරය’ තුළ විවිධ චරිත හා ගැටෙමින් කරන පෙරළිය සුළුපටු නැත. දුඹුරු පාට ඇස් තියෙන… කෙස්ස කළු නොකරන ඈ ගැන සරල යමක් ලියන්නට, ‘මව්රට’ අපට හැඟුණු ඕනෑකමට ඇය මුහුණ දුන්නේද ඉතා සරල ස්වරූපයකිනි.

🔴 සුපුරුදු ප්‍රශ්නය ඔබෙනුත් පළමුව අහනවා. කොහොමද මේ දවස්වල තොරතුරු?
බොහෝ කලාකරුවන් මේ දවස්වල දෙන සුපුරුදු උත්තරය මමත් දෙන්නම්. කොරෝනා නිසා ගෙවල්වලට හිරවෙලා හිටපු කාලේ නිමවෙලා මමත් දැන් දැන් ආයෙම ෂූටීන්වලට යනවා. මේ දවස්වල ‘අකුරු මැකී නැහැ’ සහ ‘හොඳ වැඩේ’ ටෙලිනාට්‍යවල රූගත කිරීම්වලට සහභාගි වෙනවා. ඒ අතරතුර ‘ගිරිදේවි’ කළ ඉන්දිකගේ අලුත් ටෙලිනාට්‍යයට ආරාධනා ලැබුණා. පෙබරවාරි මුල එහි රූගත කිරීම් පටන් ගන්නවා.
🔴 බොහෝ විට, ඔබ හැමදාමත් වැඩ තියෙන නිළියක්. එහෙම නේද මල්කාන්ති?
අනේ මන්දා… හැම දෙනෙක්ම වාගේ මට එහෙම කියනවා… මං හිතන්නේ වාසනාව වෙන්නැති.
🔴 ‘නිළියක්’ යන ප්‍රතිරූපයෙන් බැහැර වූ කල ඔබ ඉතාම සරල කාන්තාවක්ලු?
ඔව්… මම හුඟාක්ම සරලයි. නිළියක ලෙස මා තුළ තිබෙන සාර්ථකත්වය කෙතරම්ද? එයට වඩා වැඩි සාර්ථකත්වයකින් මම මගේ ‘පවුල’ තුළ රඟපෑමක් නොවන රංගනයක නිරත වෙනවා.
🔴 ඒ කියන්නේ ‘සෙට්’ එකක් නැති තැන ඔබ මේක්-අප් නැති සාමාන්‍ය ගැහැනියක්?
අනිවාර්යයෙන්ම ඒක එහෙමමයි… එකක් මම නිළිකම සාමාන්‍ය ජීවිතය තුළ ආරූඪ කරගෙන නැහැ. අනෙක අපේ රටේ ‘නිළිය’ කියන නාමයට හෝ වෘත්තියට ගෞරවයක් නැහැ. ‘නිළියක්’ කිවුවම හැමෝම බලන්නේ වපර ඇහෙන්… නිළියක් කියන්නේ ‘ගෞරවය’ යන අර්ථයෙන් බැහැරව ගිය කෙනෙක් විදියටයි බොහෝ විට සමාජය පිළිගන්නෙ. ඇත්තෙන්ම එය කනගාටුවක්.
🔴 ඔබ නිළියක් වෙනවට අම්මයි – තාත්තයි අකමැති වුණෙත් ඒ සිතුවිල්ල තුළ වෙන්න ඇති?
ඔව්… ඔවුන් හිතුවා මම නිළියක වෙන එක පවුලට වාගෙම මගේ අනාගත ජීවිතයටත් ලොකු කැළලක් කියලා.
🔴 දැන් ඔවුන් ඒ සිතුවිල්ලෙන් බැහැර වෙලා නේද මල්කාන්ති?
ඒ සිතුවිල්ලෙන් ඔවුන් බැහැර වුණේ මං තුළින් ලද අත්දැකීමෙන්. ‘රටක් පිනවන නිළියකට’ හොඳ බිරියක්, අම්මා කෙනෙක්, වාගෙම වැදගත් කාන්තාවක්ද වෙන්නට පුළුවන් බව මගේ මවුපියන් මා තුළින් පැහැදිලිව දැක්කා. එය මම ඕනෑකමින් ඔප්පුකර පෙන්නන්න ගියේ නැහැ. මගේ වටපිටාව තුළින් ඔවුන් එය වටහා ගත්තා.
🔴 නිළියක් වෙන්න හීන දැකපු නැති ඔබ නිළියක වුණේ කොහොමද?
ඒක හරිම අපූරු අහම්බයක්. අදටත් හිතාගන්න බැහැ මම නිළියක වුණේ කොහොමද කියලා. ඔබට මතකද දන්නෙ නැහැ එක්දහස් නවසිය අසූගණන්වල ‘ලක්ස්’ සබන් කැටය ජනප්‍රිය සිනමා නිළියන්ගේ දිස්නය දෙන පින්තූර සමඟ කාලයක් අලෙවි වුණා. ගීතා කුමාරසිංහ, මාලිනී ෆොන්සේකා යන ප්‍රවීණ නිළියන්ගේ වාගෙම හින්දි නිළියන්ගේ පින්තූරද එහි තිබුණා. ඔබට කියන්න, ඒ දවස්වල කාන්තාවන්, තරුණ ගෑනු දරුවන් පොරකකා එකතු කරන ඒ ලස්සන පින්තූර මම මිතුරියකට දුන්නා මිසක ඒවා අල්මාරිය කොනක එකතු කරන ආශාවක්, ලෝබකමක් මගේ හිතට දැනුණෙ නැහැ. පැහැදිලිවම ජනප්‍රිය නළුවා, නිළිය කියලා කෙනෙක් මගේ ලෝකේ කවදාවත් හිටියේ නැහැ.
🔴 සෝමලතා සුබසිංහගේ වැඩමුළුවට ගියේ මොන හේතුවකටද එතකොට?
ඒ පාසලෙන් ලැබුණු අනුග්‍රහයක්, කලා නිර්මාණයක් ‘රස විඳින්නේ කොහොමද’ යන තේමාව යටතේ සෝමලතා සුබසිංහ මහත්මිය පවත්වන වැඩමුළුවකට ළමයි 25ක් තෝරාගන්න අපේ පාසලට එතුමිය ආව වෙලාවෙ මමත් එයට ඇතුළත් වුණා. නිළියක වීමේ අහම්බයෙහි ආරම්භය තමයි ඒ. වැඩමුළුවට සහභාගි වී දවස් දෙක තුනයි ගියේ. සිංහල සිනමාවේ පතාක යෝධයෙක් මාව එයාගේ චිත්‍රපටයකට තෝරාගත්තා. ඒ ධර්මසේන පතිරාජ මහත්තයා.
🔴 දෑස්, කන් අදහාගන්න බැරුව ගියාද?
එහෙමමත් නැහැ.., මොකද රඟපෑමේ උමතුව තිබුණෙ නැහැනේ… හැබැයි රඟපාන්න මම කැමැත්ත දුන්නා. ඒ ආරම්භක ගැම්ම තමයි මම හිතන්නේ දිගු ගමනකට ආශිර්වාදයක් වුණේ.
🔴 ඉන් පස්සේ ඔබ ‘මූදු පුත්තු’න්ට මැදිවුණා?
ඔව්… ‘මූදු පුත්තු’ හී මම රඟපෑවේ සිරිල් වික්‍රමගේ, නිහාල් ප්‍රනාන්දු සහ සෝමලතා සුබසිංහ වැනි මහා කලාකරුවන් සමඟයි. එතකොට මට යම්තමට වයස 25 පිරුණා විතරයි.
🔴 හැබැයි ඔබට රඟන්නට වුණේ වියපත්ම චරිතයක්?
ඒකනේ අපූරුව කියන්නේ.., සෝමලතා සුබසිංහ, සිරිල් වික්‍රමගේ, නිහාල් ප්‍රනාන්දු යන සියලුම ප්‍රවීණයන්ගේ අම්මා වූයේ මමයි. හැබැයි එය මට අමුත්තක් වුණේ නැහැ. හොඳ නිර්මාණයකට දායක වූ සතුට පමණක් හිතේ මුල්වුණා.
🔴 අදටත් ඔබව බොහෝ විට තෝරා ගැනෙන්නෙ වියපත් චරිත සඳහායි?
ඒ මට ලැබෙන විදියයි.., මම දන්නෙ නැහැ ඇයි කියලා… හිතෙන විදියට මම වයසට වඩා මෝරලා පෙනෙනවා ඇති.
🔴 කොණ්ඩෙ ඩයි කළා නම් හොඳ නැද්ද?
මට පොඩි ඇලජික් එකක් තියෙනවා ඩයිවලට.., ඒ වගේම කොණ්ඩෙ පැහෙන වාරයක් ගානේ මාස්පතා සැලොන්වලට දුවන එක මට මහා මානසික වදයක්. ඒ නිසා සුදු කොණ්ඩෙ හොඳයි කියලා හිතුණා.
🔴 ඔබ චරිත තෝරන්නෙ, බේරන්නෙ නැහැ?
කවදාවත් නැහැ.., ලැබෙන චරිතය සංකීර්ණද, සරලද, කළුද, සුදුද යන්න මට අදාළ නැහැ. මම ප්‍රහර්ෂණාත්මක චරිතත් කරනවා. යම් චරිත නිරූපණයක් තුළින් එම නිර්මාණයට සාධාරණත්වයක් ඉටුවෙනවා නම් මම එය බාර ගන්නවා.
🔴 තිර පිටපත බාර ගැනීමෙන් පස්සේ ඔබ එම චරිතය සොයාගෙන යනවලු?
ඔව්… ඒක මගේ පුරුද්දක්. ලැබෙන චරිතය වින්නඹු මාතාවක් නම් මම එවැන්නියක් හොයාගෙන ගිහින් බොහෝ වංහුං දැනගන්නවා. ‘බැද්දට සඳ’ ටෙලිනාට්‍යයේ වින්නඹු මාතාවගේ චරිතය සඳහා මම අවැසි අය සොයන විට මට මුණගැහුණේ අවුරුදු 90ක වින්නඹු මාතාවක්. ඒ මාතාව වෙතින් මා ලද පන්නරය අමිලයි.
🔴 ‘මද්දහන’ නාට්‍යයේ උමතු අම්ම වෙනුවෙනුත්, ඔබ එවැන්නියක සොයා ගියාද?
වැඩිදුරක් එයට වෙහෙසෙන්න අවැසි වුණේ නැහැ. මම දන්නා කියන වටපිටාවක සිටින ශෝචනීය සත්‍ය අත්දැකීමක් මට ඒ සඳහා අත්වැල වුණා.
🔴 ‘මද්දහනේ’ උමතු මාතාවට එතරම්ම සංවේදී වුණේ ඒ නිසාද?
ඔබ, මට එවැනි ගෞරවයක් දෙනවා නම්, සිදුවන්නට ඇත්තේ එයයි මං හිතන්නේ.
🔴 ‘මද්දහනේ’ අම්මා නිසා බොහෝ අම්මලාට කඳුළු ඉනුවලු?
මටත් එය අසන්නට ලැබුණා. ඇත්තටම ජනතා සම්මානය තරම් සම්මානයක් තව කොයින්ද?
🔴 රඟපෑ චරිත අතර ඔබ වැඩිපුර අගයන චරිතය ගැන ඇහුවොත්?
තෝරන්න හරිම අමාරුයි. සෙසු චරිත එහාට මෙහාට කරලා එවැන්නක් සෙවීම හිතට දොම්නසක් වාගෙම වෙහෙසක්.
🔴 අහම්බයකින් ලද ‘නිළිකම’ සාර්ථක වීම ගැන ඔබට දැනෙන හැඟීම?
අනේ මන්දා… මට එහෙම විශේෂ හැඟීමක් දැනෙන්නෙ නැහැ. ලැබෙන චරිතය වෙනුවෙන් හැකි උපරිමය කරනවා. එපමණයි.
🔴 මල්කාන්ති… ඔබ ටිකක් වෙනස් කෙනෙක්?
කවුරුත් එහෙම කියනවා… හැබැයි මම දන්නේ ‘මල්කාන්ති ජයසිංහ’ සරලයි, සාමාන්‍යයි කියා පමණයි.
🔴 රංගන ජීවිතය ගැන යම් බලාපොරොත්තු තියෙනවද ඔබට?
බලාපොරොත්තු නැහැ. හීන නැහැ.., හැබැයි මම හොයනවා මම කවුද කියන එක. මම මේ ඉන්නේ මම ඉන්නම ඕනෑ තැනද කියන එක ගැන මම හෙමින් හොයනවා.
🔴 සෙවිල්ල අවසානයේ ‘ඔබ සිටින්නේ අවැසි තැන නෙවෙයි’ කියා හිතුණොත්?
පෙරනිමිති බලන්නෙ නැහැ… එය එදාට තීරණය වේවි.
දමයන්ති රේණුකා ප්‍රනාන්දු

Continue Reading
Click to comment

Leave a Reply

Your email address will not be published. Required fields are marked *

Advertisement
Exclusive4 months ago

මැරෙන්න කලින් මධූෂ් හෙළි කරපු මහකුඩ්ඩන් හතර දෙනාගේ නම් මෙන්න (VIDEO)

Exclusive2 years ago

මහේෂ්ට ජනපතිවරණයට ආරාධනාවක්

Mahawanshaya1 year ago

ගම්දනාව බියවද්දමින් උලමා හොයන දේ

Exclusive2 years ago

මහින්දගෙන් ‌ගෝඨාට නියෝගයක්

Astrology1 year ago

2020 ලග්න පලාපල ඔබට කොහොමද?

Astrology1 year ago

ඔබේ සහකරු ඉන්න තැන මෙන්න

Exclusive2 years ago

සිකුරාදා රෑ කරන්න ගිය ‌මෛත්‍රිගේ අගමැති කුමන්ත්‍රණය කඩා වැටේ

Astrology1 year ago

නිවෙසේ උපකරණ සඳහා සුබම දිශාව

Exclusive11 months ago

හිටපු ජනපති පුතා ඇඳිරි නීතිය මැද මහ රෑ දාපු පාටිය ගැන මාධ්‍යවේදිනිය ‌පොලිසියෙන් ප්‍රශ්න කරයි

Exclusive2 years ago

එජාප ඇමැතිලා 5ක් ඉවතට -අලුත් නම් 5ක් සූදානම්

Astrology1 year ago

විෂ්ණු දෙවියන්ගේ පිහිට ගෙනන පූජාවක්

Exclusive10 months ago

කෝටිපති දිලිත් කෝටි 2ක් දීලා විශේෂ යානයක් හදිසියේම ඩුබායි යැව්වේ ඇයි? (PHOTOS)

Exclusive10 months ago

අමෙරිකා-බ්‍රිතාන්‍යය-ජර්මන්-යුරෝපා සංගම් තානාපතිවරු පෝලිමේ සජිත් හමුවන්න එති (VIDEO)

Exclusive1 year ago

පොතේ හැටියට දිනන්නේ කවුද? (උපුල් ‌ජෝශප් ප්‍රනාන්දුගේ ගුරුදා විග්‍රහය)

Exclusive11 months ago

රනිල්ගේ UNP එකයි සජිත්ගේ UNP එකයි