Connect with us

Heart

පොඩි කාලේ සින්දු ඇහුවේ පාරෙ ඉඳන්

Published

on

යෙහෙළියක සේ සොයුරියක සේ
ඔබ කියන අයුරින්
මා කෙසේ 
ඔබ දෙස බලන්නද
පෙම් කඳුළු දෑසින්

ඒ සුමියුරු ගීත රාවය අදටත් අපටත් අමතකව නැත. හැබැයි ඒ සොඳුරු හඬ අවදි කරවීමට දහසක් දුක්ගැහැට මැද ජීවිතය ගෙවූ ආදරණීය ගායන ශිල්පියෙක් සිටියා. ගමේ ගොඬේ දුවපනිමින් පුංචි ගෙපල තුළ ගී ගයද්දී තම හඬට රටක් ආදරය කරාවි යැයි නොසිතූ චන්ද්‍රසේන හෙට්ටිආරච්චි ජීවිතයේ ගෙවුණු මතකයන් ගැන කතා කරන්නට අපිට හිතුණා.
ඔබේ ළමා අවධිය ගෙවුණේ ගමක. ඒ සොඳුරු අවධිය ගැන කතා කළොත්?
යටියන්තොට ගරාතොට ගමේ තමයි මගේ ඒ සොඳුරු අවධිය ගෙවුණේ. මම අධ්‍යාපනය හැදෑරුවේ යටියන්තොට ගරාතොට සිංහල කනිෂ්ඨ විiාලයේ. දැන් වගේ නෙවේ පාසල ඇරුණ ගමන් යාළුවෝ සෙට් එකත් එක්ක අපි කරන්නේ ඇළක, දොළක පැනලා නාන එක තමයි.
ඔබගේ කලා කුසලතා උපන්නෙත් ඔය කියපු යටියන්තොටින්මද?
පුංචි කාලේ ඉඳලම මම පැරැණි ගීත මුමුනන පුරුද්දක් තිබුණා. මගේ අම්මයි, තාත්තයි හවසට අපිවත් එකතු කරගෙන ගීත ගායනා කරනවා. මගේ අම්මාට, තාත්තාට හොඳට ගීත ගායනා කරන්න පුළුවන්. මගේ ගෙදර හවසට ඉතින් සතුට පිරුණු කලාගාරයක්.
කොහොමද ඒ කාලේ ජීවිතය?
ආර්ථික පැත්ත නැතුවාමත් නොවේ. මගේ තාත්තා මේසන් වැඩ කළේ. මගේ අම්මා උදේ සවස රබර් කිරි කැපුවේ. ඉතින් මොන අඩුපාඩුකම් තිබුණත් අපේ පවුල හැමදාමත් සතුටින් හිටියේ. පාසලෙන් ඉවත් වුණාට පස්සේ මොකද කළේ?
මගේ දක්‍ෂතාව දැන හඳුන ගත්තා මගේ මව්පියෝ සහ ගමේ පිරිස නිතර දෙවේලේ මගේ සින්දු අහලා මට ප්‍රශංසා කරනවා ඉදිරියටම යන්න කියලා. ඉතින් 1979 ජාතික තරුණ සේවා සභාවේ සංගීත කණ්ඩායමකට බැඳෙන්න කියලා ෂර්ලි වෛජයන්ත මට යෝජනා කළා. ඔහු මට ගොඩාක් උදව් කළා. මම ඉතින් අයැදුම්පතක් දැම්මා.
ජාතික තරුණ සේවා සභාවේ තෝරා ගැනීමේ තරගයේදී මොකද වුණේ?
අයැදුම්පතට ලිපියක් ආවා තෝරාගැනීමේ තරගයට ඉදිරිපත් වෙන්න කියල. ඇත්තටම මට එහිදී ලොකු බයක් දැනුණා. හැබැයි මගේ දක්‍ෂතාව මම දැන හඳුනාගෙන හිටියේ. විවිධ අය සංගීත කණ්ඩායම් සමඟ පැමිණ හිටියා ගීත ගායනා කිරීමට. හැබැයි ඔවුන්ට මට තරම් ගායනා කරන්න බැරි බව මම එහිදී තේරුම් ගත්තා. නොබියව මම තරගයට ඉදිරිපත් වුණා.
ඔබේම ගීතයක්ද එහිදී ගායනා කළේ?
ඔව්. මගේ පද රචනයෙන්, සංගීතයෙන් නිමවුණු ‘ජය භූමි ශ්‍රී ලංකා දේශාභිමානී’ ගීතය මම සංගීතය සපයමින් ගායනා කළා.
ඉතින් ඊට පස්සේ?
පස්සේ ඉතින් මගේ ගෙදරට ලිපියක් ආවා කෑගල්ලේ දිස්ත්‍රික්කයෙන් ප්‍රථමයා විදියට මම තේරී පත්වුණා කියා. නැවැත දිස්ත්‍රික් මට්ටමින් ප්‍රථමයා තෝරලා කොළඹ ජිනරතන පුහුණු මධ්‍යස්ථානයේ නැවැත තරගයක් තිබෙන බව එහි සඳහන් කරලා තිබුණා. එයට සහභාගි වුණු අවස්ථාවේ විනිශ්චය මණ්ඩලයට හිටියේ සෝමදාස ඇල්විටිගල මහතා සහ තවත් කිහිප දෙනකු තමයි. ඔවුන් මගේ ගීත අහලා මට ගොඩාක් ප්‍රශංසා කරලා මට සුබ පැතුවා. එදත් ලොකු තරගයක් තිබුණා. දින කිහිපයකට පසු ගෙදරට ලිපියක් ආවා යෞවන සම්මාන උළෙලේ ප්‍රථමයා ලෙස මම තේරුණ බවට සඳහන් කරලා.
ඉන්පසුද එළිමහන් ප්‍රසංග කලාවට පිවිසියේ?
ඔව්. තවලම, සීත කඳුයායෙ, යෙහෙළියක සේ, ලොව සත හට සෙත සෑදේ ගීත මම එළිමහන් ප්‍රසංග වේදිකාවේ ගායනා කළා.
තවලම කැසට් එක එළියට ආවේ ඔය කාලයේද?
මගේ සින්දු ගොඩාක් ජනප්‍රිය වුණා. මගේ මුල්ම කැසට් එක තවලම නමින් නිර්මාණය කළා. මමත්, සෝමසිරි මැදගෙදරත්, චන්ද්‍රලේඛාත් එකතුවෙලා ගීත ගායනා කළා. ඔය විදියට කැසට් පට දහතුනක් විතර නිර්මාණය කළා. පසුකාලීනව කැසට්පටවලින් පසු සංයුක්ත තැටි පහළොවක් විතර නිර්මාණය කළා.
ඔබේ කැසට් සහ සී.ඩී. තැටිවලට හොඳ අලෙවියක් ඔය කාලවකවානුවේ තියෙන්න ඇති?
අනිවාර්යයෙන්ම නිතර දෙවේලේ මාධ්‍යවල මගේ ගීත ප්‍රචාරය වුණා. හොඳ අලෙවියක් තිබුණා. ඔය කාල වකවානුවේ දෙස්, විදෙස් ප්‍රසංගවලට මට හොඳ ඉල්ලුමක් තිබුණා.
ඔබේ ගීතවලට මුලින්ම අය කළේ කීයද?
ගුවන්විදුලියේ කර්තෘ භාගය වෙනුවෙන් මට රුපියලක් තමයි මුලදිම ලැබුණේ. ඒ රුපියලත් තුන්දෙනෙක්ට බෙදෙනවා. සරල ගී කළොත් රුපියල් දෙසිය පනහක් විතර ලැබෙනවා. සමහර අවස්ථාවල ඔබව මුළාවට හසුවුණු අවස්ථාත් ඇති නේද?
ඔව්. ඉතින් මුල් කාලයේ කලාව ගැන ලොකු දැනුමක් නැහැ. ගී පද ලියලා දෙන්න කිව්වත් සමහරු ලියලා දුන්නේ නැහැ. බැරිම තැන මට හොඳට ලියන්න පුළුවන් නිසා මගේ ගීත මමම නිර්මාණය කළා. තවත් සමහර අවස්ථාවල ගී තැටි ගහලා දෙන්නම් කියලා මගේ සල්ලි ගත්තා. අවසානයේ සල්ලිත් නැහැ, ගී තැටිත් නැති වුණා. හැබැයි මට කැපිලි කෙටිලි තිබුණේ නැහැ.
පසුකාලීනව ඔබත් හින්දි ගීත කොපිකරණයට යොමුවුණා නේද?
තරුණ සේවා සභාවේ සභාපති චරිත් රත්වත්ත මහතාට වුවමනා කළේ නව ගීත කලාවක් හඳුන්වා දීමට. ඉතින් හින්දි ගී අනුකරණය කරමින් ගීත නිර්මාණය කළා. හරිම ලස්සන විදියට ගීත නිර්මාණය වුණා. ඒ ගීත අදටත් ජනප්‍රියම තලයේ ගීත බවට පත්ව තිබෙනවා.
එතරම් ජනප්‍රිය ඔබ චිත්‍රපට පසුබිම් ගායනයට යොමු නොවුණේ ඇයි?
ඔය කාලේ චිත්‍රපටවලට ගීත ගායනා කිරීමට බැඳුණු පිරිසක් හිටියා. ඒ රාමුවෙන් ඔවුන් පිට පැන්නේ නැහැ. ඉතින් තරග කරලා වැඩක් නැති නිසා මම මගේ පාඩුවේ හිටියා. සමහරවිට මගේ හඬ සිනමාවට ඔබින්නෙ නැතුව ඇති.
ඔබ නොමිලේ ප්‍රසංග පවත්වන්නේ ඇයි?
මගේ මුල් අවධියේ ගෙවුණු ජීවිතය මට අමතක කරන්න බැහැ. මට ඒ කාලේ පුදුම ආශාවක් තිබුණා එළිමහන් ප්‍රසංග නරඹන්න. ඒත් මට ප්‍රවේශපත්‍රයක් ගන්න වත්කමක් තිබුණේ නැහැ. ප්‍රවේශ පත්‍රයක් නැති නිසා සංවිධායකවරුන් මාව ඇතුළට ගන්නේ නැහැ. ඉතින් මම කරන්නේ පාරට වෙලා ඉඳගෙන සින්දු අහපු එක තමයි. එදා මම ඒ විඳපු වේදනාව වෙනුවෙන් මම හිතුවා අවුරුදු පහකට සැරයක්වත් ප්‍රසංගයක් පවත්වලා මගේ ජනතාවට එය නොමිලේ රසවිඳීමට ඉඩකඩ සලස්වන්න. ඉතින් මම මේ ප්‍රසංගය පවත්වන්නේ තරුණ සේවා සභාවේ තමයි. තරුණසේවා සභාව එක්ක මගේ තියෙන්නේ ලේ බැඳීමක්.
වසන්ත විතාරණගේ

Continue Reading
Click to comment

Leave a Reply

Your email address will not be published. Required fields are marked *

Advertisement
Exclusive7 months ago

මහේෂ්ට ජනපතිවරණයට ආරාධනාවක්

Exclusive7 months ago

සිකුරාදා රෑ කරන්න ගිය ‌මෛත්‍රිගේ අගමැති කුමන්ත්‍රණය කඩා වැටේ

Exclusive7 months ago

එජාප ඇමැතිලා 5ක් ඉවතට -අලුත් නම් 5ක් සූදානම්

Exclusive7 months ago

මහින්දගෙන් ‌ගෝඨාට නියෝගයක්

Exclusive5 months ago

පොතේ හැටියට දිනන්නේ කවුද? (උපුල් ‌ජෝශප් ප්‍රනාන්දුගේ ගුරුදා විග්‍රහය)

Exclusive1 week ago

රනිල්ගේ UNP එකයි සජිත්ගේ UNP එකයි

Exclusive3 months ago

සංගාගේ බිරිය ගැන අමුතු කතාවක් එළියට එයි

Exclusive6 months ago

මහරාජා අතින් ‌මේ මිනිසා ඉවර විය යුතුද? (උපුල් ‌ජෝශප් ප්‍රනාන්දුගේ ගුරුදා විග්‍රහය)

Gurudawa7 months ago

යූඑන්පී අපේක්ෂකයා ‌තෝරන්නේ ‌මෙහෙමෙයි… (උපුල් ‌ජෝෂප් ප්‍රනාන්දුගේ ගුරුදා විග්‍රහය)

Exclusive5 months ago

රණසිංහ ‌ප්‍රේමදාස නැගිටියි (උපුල් ‌‌ජෝශප් ප්‍රනාන්දුගේ ගුරුදා විග්‍රහය)