Connect with us
Redmi 9C
Advertisement

Heart

බොරු කයිවාරු නෑ වැඩ විතරයි…

Published

on

අද තියෙන්නේ නිර්මාණ මංකොල්ලයක් සහ බංකොලොත්කමක්…

රඟපෑමේ වරම හිමිවුණු කළු කොල්ලා…

මතක් කරකර රස විඳින්නට හැකි යමක්, ප්‍රේක්‍ෂකයන් වෙත තිළිණ කළ තරුවක් පමණක්ම නොවූ නළුවන් අතර පාලිත සිල්වාද එක් අයෙකි. ‘සුසීමා’හි රංග ලෙසත්, ‘දිය සුළියෙහි’ පරාක්‍රම ලෙසත් රංගනයෙහි යෙදුණු පාලිතට එකල යෞවනියන් පෙම් කළ වග අතිශයෝක්තියක් නොවීය. රංගවේදියකු ලෙස පුළුල් පරාසයක් තුළ සියුම් සක්මනක යෙදුණු මේ අපූරු කලාකරුවා ඉතිහාසගත නිර්මාණයක් සඳහා පිඹුරුපත් සකසන වග අපට ආරංචි විය. ඒ ගැන හරි තොරතුරක් දැනගන්නට වගේම, නිතර මාධ්‍ය හමුවට නොඑන ඔහු ගැන සවිස්තරාත්මක කතාබහක නියැළෙන්නට ‘මව්රට – හාට්’ විශේෂාංගයට දැනුණු චමත්කාර ජනක කැමැත්ත අලංකාරව පෙළගැසුණේ මෙලෙසිනි.
කොහොමද ඔබේ වගතුග කියලා අපි පළමුව අහනවා?
උත්තරය සරලයි. මම හොඳින් කාලය ගෙවනවා. මේ දවස්වල ‘මහවිරු පණ්ඩු’ රූගත කිරීම නිසා මඳක් කාර්යබහුලව සිටිනවා.
මාධ්‍ය සමඟ ඔබ එතරම් සුහද නැත්තේ ඇයි කියා ඇහුවොත්?
සම්පූර්ණ වැරැදි අදහසක්… මාධ්‍යය සමඟ මගේ නොහොඳක් නැහැ. මම කා සමඟත් සුහදයි. ඒ වගේම මම වැඩිපුර වැඩ කරන, අඩුවෙන් කතා කරන කෙනෙක්. මාධ්‍ය පසුපස ගොස් බොරු කයිවාරු කියනවාට වැඩිය ප්‍රේක්‍ෂකයනට මතක හිටින යමක් කිරීම තුළ කලාකරුවකුට සදා නොමැකෙන ප්‍රතිරූපයක් ගොඩනඟන්නට පුළුවන්.
ඓතිහාසික නිර්මාණයක් කෙරෙහි යොමු වූයේ එවැනි චේතනාවකින්ද?
සමහර විට ඔබේ ඒ ප්‍රශ්නයට ‘ඔව්’ කිව්වොත් වැරැදි නැහැ මං හිතන්නේ.
ඒ ඓතිහාසික නිර්මාණය ගැන ටිකක් කතා කරනවා නම්?
අවුරුද්දක හමාරක සිට සාකච්ඡා මට්ටමේ තිබුණු වැඩක්. 2020 දෙසැම්බර් මාසයේ වැඩ ආරම්භ කිරීමට නියමිතව තිබුණත් ‘කොවිඞ්-19’ උවදුර නිසා සියල්ල අවුල් වුණා. හැමදෙයක්ම සමථයකට පත්වනතුරු දැන් ඉතින් බලා සිටීමට සිදුවෙනවා.
කතා තේමාව සහ එහි රඟන රංගවේදීන් ගැන යමක් කියන්න කැමැතිද පාලිත..?
ඓතිහාසික කතාවක් ගැන කියැවෙන දැවැන්ත චිත්‍රපටයක්. චරිත විශාල ප්‍රමාණයක් කතා පුවතට සම්බන්ධයි. නමුත් තවම කිසිදුම රංගවේදියකු තෝරාගෙන නැහැ. තිර පිටපත නම් මා අතින් ලියැවී අවසන්.
තිර පිටපත ලියන විටවත් අහවල් රංගවේදියා මේ චරිතයට ගතයුතුය කියන හැඟීම තිබුණේ නැද්ද?
තිර පිටපතක් ලියන විට යම් රංගවේදියකු මනසෙහි ඉදිවීම මම නම් දකින්නේ අවදානමක් ලෙසයි. අනෙක යම් කතාපුවතක පිටපත නිර්මාණය කරන විට එම නිර්මාණකරු නිදහසේ එය අකුරු කළ යුතුයි. අහවලා මේ සඳහා සුදුසුය යන බැරියරය ඒ නිදහසට බාධාවක්.
තිර පිටපතට තේමාව වූ ඓතිහාසික කතාව කුමක්ද?
කතා තේමාව රහසක් ලෙස තබා ගැනීමට මම කැමැතියි. එය හෙළි කිරීමෙන් යම් අවැඩක් සිදුවිය හැකියි.
‘අවැඩක්’ යැයි ඔබ අදහස් කළ කාරණය කුමක්ද පාලිත?
මම මෙහෙම කියන්නම්. ‘නිර්මාණ මංකොල්ලය සහ බංකොලොත් බව’ අද සිනමාව වාගේම ටෙලි කලාව තුළද තියෙනවා. කවුරුන් හෝ ප්‍රවීණ කෙනකු කිසියම් නිර්මාණයක් කලාත්මක ලෙස එළිදැක්වීමට අවශ්‍ය පසුබිම ඉතා හෙමින් හෙමින් සකසමින් සිටිනවාය කියා අපි සිතමු. ඔන්න ඉතින් ඒ අතර ක්‍ෂණික ක්‍රමයට නිර්මාණ කරන වෙනත් කෙනෙක් එම තේමාවම සොරාගෙන දවසෙන් දෙකෙන් චිත්‍රපටයක් හෝ ටෙලියක් කරනවා. කරලා නිකං ඉන්නෙත් නැහැ. අහවල් ප්‍රවීණයට වඩා ඉක්මනින් මම මේ වැඬේ කළාය කියා කයිවාරුත් කියනවා. නිකන් හිතලා බලන්න ඔබ, ඉතාම අලංකාරව ආධ්‍යාත්මිකව අර ඉහත කී අය කරන්නට බලා සිටි නිර්මාණයට සිදුවූ අසාධාරණය කෙතරම්ද? ඇත්තෙන්ම එය ශෝකාන්තයක්. ඒ ශෝකාන්තයට මුහුණ දීමට මම කැමැති නැහැ.
හොඳයි.., ශෝකාන්තයක් නොවන සතුටුදායක ඉසව්වකට අපි ඔබව රැගෙන යන්නම්.., කතා කරමු ‘සුසීමා’ හී ‘රංග’ ගැන?
ඇත්තෙන්ම ‘සුසීමා’ කියන්නේ මගේ රංගන ජීවිතයේ ඉතාම අලංකාර ඉසව්වක්. ඒකාංගික ටෙලිනාට්‍යවල විතරක් රඟපෑ මට කතා මාලාවක් ලෙස රඟපෑමට ලැබුණු පළමු ටෙලිනාට්‍ය වුණේ ‘සුසීමා.’ සත්තකින්ම හරිම ආශ්වාදජනක නිර්මාණයකට.
‘මැණික් කුරුකුලසූරියගේ රූමත් පෙනුමට ඔබේ පෙනුම කළු වැඩියි කියලා කැපිල්ලක් ආවය කියන කතාව ඇත්තද?
සම්පූර්ණයෙන්ම ඇත්ත. ‘සුසීමා’ අධ්‍යක්‍ෂ රොහාන්ට කිහිපදෙනෙක්ම ‘කනු කුනු’ ගෑවාලු, මැණික් කොයිතරම් පෙනුමයිද ඇයි මේ කළු කොල්ලෙක්ට ‘සුසීමා’ එකට තෝරාගත්තෙ කියලා.
හිතපු නැති විදියට ‘කළු කොල්ලා’ දැකුම්කලු විදියට ‘හිට්’ වුණා?
ආඩම්බරෙන් කියනවා මම, දශක කිහිපයක් පුරාම ටෙලිනාට්‍ය තුන්සිය ගණනක පමණ ප්‍රධානම චරිත රඟපෑමේ වරම ඒ කළු කොල්ලට හම්බවුණා.
‘දිය සුළිය’ හරහා ඔබට විශාල ප්‍රතිචාරයක් ලැබුණා?
ඒ කාලේ ටෙලි කතා අද වාගේ දිගට ඇදුණේ නැහැ. වැඩිම වුණොත් කොටස් තිහයි. එහෙම නැත්නම් පනහයි. ‘දිය සුළිය’ විකාශනය වූයේ කොටස් විස්සයි හෝ විසිපහයි පමණයි. ඒ වාගෙම සතියට එක දවසයි. එය ප්‍රේක්‍ෂකයන්ගේ සිත් තුළට ඉතාම තදින් කාවැදුණා. ඒ හැඟීම කොතෙක්දැයි කියනවා නම්, ‘දිය සුළිය’ අවසාන කොටස විකාශනය වන දවසේ ලංකාවේ බොහෝ ප්‍රදේශ ගණනාවකට තද අකුණු සහිත වැස්සක් ආවා. ඒ අතර විදුලියද විසන්ධි වුණා. වැඩි හරියක් දෙනකුට එය නැරැඹීමේ අවස්ථාව අහිමි වුණා. එයට පසුව දවස් දෙකයි ගෙවී ගියේ. රූපවාහිනී සේවා ආයතනයට ලියුම් දහස් ගණනක් ආවා. එහි තිබුණේ ‘දිය සුළිය’ අවසාන කොටස නැවැත විකාශනය කරන්න කියලයි. රූපවාහිනියට බැරි වුණා ඒ ඉල්ලීමට කන්නොදී ඉන්න. මඳකට හිතන්න, ‘දිය සුළිය’ වෙත ප්‍රේක්‍ෂකයන් කොයිතරම් නම් ඇබ්බැහිව සිටින්නට ඇත්දැයි තීරණය කරන්න ඒ සිදුවීම මදිද? ඉතින්… එලෙසම එහි ප්‍රධානම චරිතය රඟපෑ පරාක්‍රමට ඔවුන් කෙතරම් ආදරයද කරන්නට ඇතිද..?‘නිදිකුම්බා මල්’ ටෙලිනාට්‍යයද එවැනිම ආකර්ෂණයක් තිබුණු කතා මාලාවක්. මෑතදි එය නැවැත විකාශනය වූ මොහොතේ නැවැතත් මා ලද ප්‍රතිචාර අලුත් වුණා.
කොහොමත් ඔබ හරි ලකී පාලිත, ඒ නිසා වෙන්නට ඇති ප්‍රවීණ නිර්මාණකරුවන් ඔබ සොයා පැමිණියේ?
ඇත්තෙන්ම එය බොහොමයක් කලාකරුවනට නොලැබෙන වාසනාවක් තමයි. ලෙස්ටර් ජේම්ස් පීරිස්, වසන්ත ඔබේසේකර, තිස්ස අබේසේකර, ධර්මසේන පතිරාජ වැනි විශිෂ්ට ගණයේ සිනමා කරුවන් මා සොයා පැමිණියේ මම ඉතා තරුණ අවදියේදීමයි. පමණක් වෙලාවට මට හිතාගන්නට බැරි වුණා, මම ඒ තරමටම දක්‍ෂදැයි කියලා. මෙය කයිවාරුවක් ලෙස ගන්නට එපා. එම සිතුවිල්ල තුළ ඇත්තේ අමන්දානන්දයකට සමාන ගෞරවනීය හැඟීමක්.
තිරපිටපත වෙනස් කරන්නැයි ඇතැම් නිර්මාණකරුවන් හමුවේ ඔබ බලපෑම් කළ අවස්ථා තිබුණාද?
බලපෑම් කළේ නැහැ. මා වෙත යම් තිර පිටපතක් ලැබුණු විට මම ඔවුන් වෙත යම් ආකාරයක ඉල්ලීමක් කරනවා මට හිමි චරිතය ගැන. එහි අහවල් වෙනස සිදුවුණා නම් හොඳයි නේදැයි මම ඔවුනට මගේ අදහස කියා සිටිනවා පමණයි. ඇතැම් අය ඉතා සුහදව එය අනුමත කරනවා. කිසිවකු එය අනුමත නොකරන්නේ නම් මම එම තිරපිටපත ප්‍රතික්‍ෂේප කරනවා. ඉතාම සුහද ආකාරයටයි එයද සිදුවන්නේ.
එය ඔබ සතු ‘උද්ධච්ච’ කමකැයි යනුවෙන් ඔවුන් චෝදනා කළ අවස්ථා තිබුණාද?
එය කොහොමද උද්ධච්චකමක් වෙන්නේ. එය රංගවේදියකුගේ අයිතිය සහ මනාපයයි. අනෙක ප්‍රේක්‍ෂකයන් හමුවේ යම් චරිත නිරූපණයන්ට වගකිව යුත්තේ එය රඟපාන නළුවා මිස අධ්‍යක්‍ෂවරයා නෙවෙයි. පෞද්ගලිකවම මා වටා සිටින ප්‍රේක්‍ෂකයන් ගණන අප්‍රමාණයි. එතැන විවිධ තරාතිරම්වල අය සිටිනවා. ඔවුන් මා සමඟ රඟපෑ චරිතයන් ගැන ගුණදොස් කියනවා. කමකට නැති චරිතයක් රඟපා ඔවුන් අතර විහිළුකාරයකු වන්නට මම කැමැති නැහැ. මොකද රසිකයන් යනු වටිනා පිරිසක්. රසික පිරිසක් ගොඩනඟා ගැනීම තුළද වන්නේ ඒ ඒ කලාකරුවන් සතු ප්‍රතිරූපයෙහි අනන්‍යතාවයයි.
‘කස්පා’ ගැන කතා නොකිරීම ඔබ තුළ සිටින වේදිකා නළුවාට කරන අසාධාරණයක් විය හැකියි?
සත්තකින්ම එය එහෙමයි. පාලිත සිල්වා මතුව පැමිණියේ වේදිකාව හරහායි. ඒ වගේම ‘කස්පා’ කියන්නේ එම වේදිකාව තුළ වූ අමරණීය සිදුවීමක්. ‘කස්පා’ වේදිකා නාට්‍යයේ නිර්මාණකරු වූයේ ජර්මන් ජාතික එමාවෝ නම් අධ්‍යක්‍ෂවරයායි. එහි ප්‍රධාන චරිතය මට ලැබීම ලොකු ගෞරවයක් ලෙසයි මම සලකන්නේ. එමාවෝ කස්පා හී මා කළ මෙහෙවර පිළිබඳව දැඩි තෘප්තියට පත්ව සිටියා. එම නිර්මාණය තුළ ඔහු මගේ ගුරුවරයාද වූවා. එමාවෝ අද ජීවතුන් අතර නැහැ. හැබැයි ‘කස්පා’ තවමත් සජීවීව සිය මෙහෙවර ඉටුකරනවා. ‘කස්පා’ වේදිකා නාට්‍යය අද ‘යූ-ටියුබ්’ සහ සංරක්‍ෂණය හරහා විදේශීය නාට්‍ය වැඩමුළුවලදී ආධුනිකයන්ව පුහුණු කරවන සුවිශේෂී අංගයක් ලෙස යොදා ගැනෙනවා. ඒ වගේම ලාංකේය වේදිකා නාට්‍යයක් ජර්මනිය ඇතුළු විදේශ රටවල් කිහිපයක සංරක්‍ෂණය වූ පළමු අවස්ථාව මෙයයි. ‘කස්පා’ එලෙස ගෞරවනීය වීම ගැන එයට දායක වූ ප්‍රධාන නළුවා වශයෙන් මම උද්දාමයට පත්වෙනවා.
කලාකරුවකු ලෙස ඔබ බලාපොරොත්තු වන තව යම් දෙයක් තියෙනවද?
දැනට මා තුළ තිබෙන එක් බලාපොරොත්තුවක් ගැන කියන්නම්. අග්‍රාමාත්‍ය මහින්ද රාජපක්‍ෂ මැතිතුමා මට යෝජනාවක් කළා ‘නෙලුම් පොකුණ’ රඟහලෙහි ‘ප්‍රාසාංගික කලාව පිළිබඳව සම්බන්ධීකරණ කාර්යභාරය’ බාර ගන්නය කියා. එම ගෞරවනීය තනතුර තුළ හෙට දවසට වැදගත් විය හැකි ‘නවක කලාකරුවන් පිරිසක්’ බිහිකිරීමේ මෙහෙවර දියත් කිරීමට මම වැඩකටයුතු සැලැසුම් කරමින් සිටිනවා.
දමයන්ති රේණුකා ප්‍රනාන්දු

Continue Reading
Click to comment

Leave a Reply

Your email address will not be published. Required fields are marked *

Advertisement
Exclusive1 month ago

මැරෙන්න කලින් මධූෂ් හෙළි කරපු මහකුඩ්ඩන් හතර දෙනාගේ නම් මෙන්න (VIDEO)

Exclusive1 year ago

මහේෂ්ට ජනපතිවරණයට ආරාධනාවක්

Exclusive1 year ago

සිකුරාදා රෑ කරන්න ගිය ‌මෛත්‍රිගේ අගමැති කුමන්ත්‍රණය කඩා වැටේ

Exclusive1 year ago

මහින්දගෙන් ‌ගෝඨාට නියෝගයක්

Astrology11 months ago

2020 ලග්න පලාපල ඔබට කොහොමද?

Exclusive8 months ago

හිටපු ජනපති පුතා ඇඳිරි නීතිය මැද මහ රෑ දාපු පාටිය ගැන මාධ්‍යවේදිනිය ‌පොලිසියෙන් ප්‍රශ්න කරයි

Exclusive1 year ago

එජාප ඇමැතිලා 5ක් ඉවතට -අලුත් නම් 5ක් සූදානම්

Mahawanshaya1 year ago

ගම්දනාව බියවද්දමින් උලමා හොයන දේ

Astrology12 months ago

ඔබේ සහකරු ඉන්න තැන මෙන්න

Astrology1 year ago

නිවෙසේ උපකරණ සඳහා සුබම දිශාව

Exclusive7 months ago

අමෙරිකා-බ්‍රිතාන්‍යය-ජර්මන්-යුරෝපා සංගම් තානාපතිවරු පෝලිමේ සජිත් හමුවන්න එති (VIDEO)

Exclusive7 months ago

කෝටිපති දිලිත් කෝටි 2ක් දීලා විශේෂ යානයක් හදිසියේම ඩුබායි යැව්වේ ඇයි? (PHOTOS)

Astrology1 year ago

විෂ්ණු දෙවියන්ගේ පිහිට ගෙනන පූජාවක්

Exclusive8 months ago

රනිල්ගේ UNP එකයි සජිත්ගේ UNP එකයි

Exclusive1 year ago

පොතේ හැටියට දිනන්නේ කවුද? (උපුල් ‌ජෝශප් ප්‍රනාන්දුගේ ගුරුදා විග්‍රහය)