Connect with us
Redmi 9C
Advertisement

Heart

මගේ කැමැත්තට හරියන චාන්ස් එකක් තවම ලැබිලා නෑ

Published

on

විශ්ව කොඩිකාර කියන්නේ බොහෝ විට එන එන විලාසිතාවනට අනුව තම ප්‍රතිරූපය වෙනස් කර නොගන්නට උත්සාහ කළ ටෙලි තරුවකි. විශේෂයෙන්ම ‘බම්ප්’ ක්‍රමය අනුව තරමකට වැඩුණු කොණ්ඩය, විශ්ව සිය ප්‍රතිරූපය තුළ අනන්‍යතාවක් කරගෙන සිටින තරමට එම පෙනුම හරහා රසිකයනට ඔහුව වඩාත්ම හුරුපුරුදු විය. නමුත් ඊයේ පෙරෙයිදා පෞද්ගලික රූපවාහිනී සේවයක ප්‍රසංගික වැඩසටහනකට විශ්ව පැමිණ සිටියේ වෙනස්ම ආකාරයකටය. සුවිශේෂීවම සඳහන් කරන්නේ නම් ඉහත කී විශ්වගේ බම්ප් එක සහිත කොණ්ඩය හොඳටම කොටට කපා තිබිණි. හිටි අඩියේ සිදුව තිබූ මේ වෙනස ගැන අසන්නටත්, අහස් මාලිගා ටෙලියට නැවත ඔහු සම්බන්ධ වූ ආකාරය ගැන කතා කරන්නට වාගේම ඔහුගේ නවතම තොරතුරු ගැන විමසිලි වන්නටත් විශ්වට හදවතින්ම ‘හාට්’ වෙත කොටුකර ගන්නට අප ගත් උත්සාහයක ප්‍රතිඵලය මෙලෙස අකුරු කරන්නෙමු.
ඉතින් විශ්ව ඔබ මේ දවස්වල මඳක් කාර්යබහුලව සිටින බවයි ආරංචිය?
ඔව්. අහස් මාලිගා ටෙලිනාට්‍යයට නැවත සම්බන්ධ වීමත් සමඟ එහි රූගත කිරීම් ආරම්භ වුණා. ඒ අතරම ලක්ෂ්මන් පුෂ්පකුමාරගේ අලුත්ම ටෙලිනාට්‍යයෙහි ප්‍රධාන චරිතයට ඇරයුම් ලැබීම නිසා ඒ සඳහාද සූදානම් වෙමින් සිටිනවා.
‘අහස් මාලිගා’ ටෙලියට නැවත සම්බන්ධ වූයේ සියලුම මතභේද දුරුවූ නිසාද?
මතභේදයක්ය කියන එක සඳහන් කිරීම හොඳ මදියි. යම් ගැටලුවක් ඇතිවුණා. පසුව සුහද කතාබහක් හරහා නැවැත සියල්ල සමථයකට පත්වුණා. දැන් යළි ‘අහස් මාලිගා’හි රඟපානවා.
ළඟකදී ඉඳන් ඔබේ පෙනුම වෙනස් වෙලා කියා කවුරුත් කතා වෙනවා?
මගේ හෙයා ස්ටයිල් එක ගැන වෙන්නැති ඔය අහන්නෙ මං හිතන්නෙ.
ඔව්. සුපුරුදු බම්ප් විලාසිතාවෙන් ඔබ බැහැර වෙලා?
හේතු කීපයක්ම නිසයි කොණ්ඩෙ කොටට කපන්න සිදුවුණේ. ඒකත් ‘අහස් මාලිගා’ ටෙලියට නැවැත සම්බන්ධ වීම මත ඒ ඒ අවස්ථාවන් උලුප්පා දැක්වීමට කොණ්ඩය කොට කරන්නට සිදුවුණා. අනිත් කාරණය ලක්ෂ්මන් පුෂ්පකුමාර මහතාගේ අලුත්ම ටෙලි නාට්‍යයට අනුව ඔහු මගෙන් ඉල්ලා සිටියා ‘විශ්ව කොණ්ඩෙ තරමකට කොට වෙනවා නම් මගේ කතාවට හොඳයි’ කියා. ඉතින් ඒ කරුණු කාරණා මත කොණ්ඩ මෝස්තරය වෙනස් වුණා.
ඔබේ සුපුරුදු ප්‍රතිරූපය වෙනස් වීම ගැන හිත් තැවුලක් දැනුණද?
අයියෝ නැහැ. මම සම්බන්ධ වන නිර්මාණ කාර්යය සඳහා මගෙන් ඉටුවිය යුතු යමක් වේද මම එය සතුටින් කරනවා. අනිත් කාරණය යම් වෙනසකට බඳුන් වීම කොහොමත් නරකක් වෙන්නෙ නැහැ.
කවදාවත් ඔබට ටෙලි නාට්‍යයවල හිඟයක් තිබුණෙ නැහැ නේද විශ්ව?
නැහැ. හැමදාමත් මම ටෙලි තිරය හරහා ප්‍රේක්ෂකයන්ගේ ආලින්දයට ආවා.
එයට හේතුව ඔබ ටෙලි නාට්‍ය තෝරා බේරාගැනීම නොකිරීමද?
මෙහෙමයි. තෝරල බේරලා ඉවත දමන්නට වුවමනා චරිත මා වෙත එන්නේ නැහැ. තිර පිටපත අනුව චරිතයක් සඳහා ගිවිසුම් අස්සන් කිරීමේදී මම බලන්නේ එකම එක දෙයයි. ඒ මම රඟපාන චරිතය හෝ ඒ කතාව පවුලේ හැමෝටම එකට ඉඳගෙන බලන්නට පුළුවන්දැයි කියන එක විතරයි. ඒ සුදුසුකම තිබෙන ඕනෑම ටෙලිනාට්‍යයක් මම සතුටින් බාර ගන්නවා.
හැබැයි ඔබ හැමදාටත් පෙම්වතාට කොටුවෙලා නේද?
ඒ මට එම චරිතයන් ලැබෙන විදියයි. කවදාවත් පෙම්වතාගේ චරිතය මට දෙන්නය කියා මම කාටවත් කියලා නැහැ. පෙම්වතා සඳහා මට ආරාධනා එනවා. මම එය බාරගන්නවා. එතැන සිදුවන්නේ එයයි.
ඒකාකාරීව සිදුවන එම ක්‍රමයෙහි වෙනසක් සිදුවෙනවට කැමැති නැද්ද?
කැමැතියි. හුඟක්ම කැමැතියි. නමුත් ඒ කැමැත්ත ඉටුකර ගැනීමට අවශ්‍ය අවස්ථාවන් මට තවම කාගෙන්වත් ලැබිලා නැහැ. එවැනි අවස්ථාවක් ලැබෙනතුරු මම ඉතාම සතුටින් බලා සිටින බව අවංකව කියනවා. ඒ වගේම මගේ ගුරුවරයා මහේන්ද්‍ර පෙරේරා මහත්තයා. ඔහු යටතේ මා ලද දැනුම සහ ආභාෂය ඉස්මතු කර දැක්වීමට අවශ්‍ය නිර්මාණයක් මට ලැබෙනවා නම් ඒක මගේ වාසනාවක් කියන කාරණයද මෙහිදී කිව යුතුයි.
ලස්සන තරුණ නිළියන් සමඟ පෙම් කිරීම ගැන බිරිය සිත් තැවුලට පත්වූ අවස්ථා නැද්ද විශ්ව?
අනේ නැහැ. එරන්දි කියන්නේ මගේ ප්‍රියතම රසිකාවියක්. ඈ මට සමීප වුණේ ‘පබළු’ ටෙලිනාට්‍යයේ හසරැල්ගේ චරිතයට ඈ තුළ ඇතිවූ දැඩි ආකර්ෂණය නිසයි. ඈ මාව ඉතාම හොඳින් තේරුම් ගත්ත කෙනෙක්. ඒ වගේම පවුල යන විෂය තුළ මම හොඳ සැමියෙක් වගේම හොඳ ආදරණීය තාත්ත කෙනෙක්.
දමයන්ති රේණුකා ප්‍රනාන්දු

Continue Reading
Click to comment

Leave a Reply

Your email address will not be published. Required fields are marked *

Advertisement
Advertisement
Exclusive1 year ago

මහේෂ්ට ජනපතිවරණයට ආරාධනාවක්

Exclusive1 year ago

සිකුරාදා රෑ කරන්න ගිය ‌මෛත්‍රිගේ අගමැති කුමන්ත්‍රණය කඩා වැටේ

Exclusive1 year ago

මහින්දගෙන් ‌ගෝඨාට නියෝගයක්

Exclusive1 year ago

එජාප ඇමැතිලා 5ක් ඉවතට -අලුත් නම් 5ක් සූදානම්

Exclusive6 months ago

හිටපු ජනපති පුතා ඇඳිරි නීතිය මැද මහ රෑ දාපු පාටිය ගැන මාධ්‍යවේදිනිය ‌පොලිසියෙන් ප්‍රශ්න කරයි

Astrology9 months ago

2020 ලග්න පලාපල ඔබට කොහොමද?

Exclusive5 months ago

අමෙරිකා-බ්‍රිතාන්‍යය-ජර්මන්-යුරෝපා සංගම් තානාපතිවරු පෝලිමේ සජිත් හමුවන්න එති (VIDEO)

Astrology10 months ago

ඔබේ සහකරු ඉන්න තැන මෙන්න

Mahawanshaya1 year ago

ගම්දනාව බියවද්දමින් උලමා හොයන දේ

Exclusive5 months ago

කෝටිපති දිලිත් කෝටි 2ක් දීලා විශේෂ යානයක් හදිසියේම ඩුබායි යැව්වේ ඇයි? (PHOTOS)