Connect with us
Redmi 9C
Advertisement

Heart

මගේ ගාන සැරයි

Published

on

‘දේදුන්නේ සමනලියක්’ තුළින් කලා ක්‍ෂේත්‍රයට අවතීර්ණ වුණු
ඇය පසුකාලීනව ටෙලිනාට්‍ය චරිතාංග ශිල්පිනියක් බවට පත්වෙමින් වසුදා, චතුර්්‍යය වැනි ටෙලිනාට්‍ය හරහා ප්‍රේක්‍ෂක ආදරය දිනා ගත්ත සුවිශේෂී කලා ශිල්පිනියක්. ඇයට ආදරය කළ බොහෝ පිරිසක් අද ඇය කෝ කියලා හොයන්න පටන්ගෙන. අද ඇය ටෙලිනාට්‍ය තුළින් දකින්න නැති වුණත් කලාව වෙනුවෙන් ජීවය දෙන වෙනත් වැඩකටයුතු බොහොමයකට සම්බන්ධ වෙලා ඉන්න බව අපට ආරංචි වුණා. ඒ හැමදේම ගැන කතා කරන්න අපි ලක්ෂිකාට කතා කළා.
ලක්ෂිකා මේ දවස්වල ටෙලිනාට්‍යයවලින් ඈත් වෙලා වෙනත් වැඩකටයුත්තකට සූදානම් වන බව ආරංචියි?
ඔව්. 22015 අපි ආරම්භ කළ ‘රු රෑ’ ප්‍රසංගය අපිට ඉදිරි වසරවල කරගැනීමට බැරිවුණා. 2019 තමයි නැවැත අපි ප්‍රසංගය නෙළුම් පොකුණ රඟහලේ උත්කර්ෂවත් අන්දමින් පැවැත්වූයේ. මේ වසරේ ඒ ප්‍රසංගය පැවැත්වීමට තිබුණේ අගෝස්තු මාසයේ. ඉතින් කොරෝනා ප්‍රශ්නය නිසා අපට ඒ ප්‍රසංගය කල් දැමීමට සිද්ධ වුණා. ඒ දෙසැම්බර් මාසයේ ‘රු රෑ’ ප්‍රසංගය පැවැත්වීමට කටයුතු සූදානම් කරලා තියෙන්නේ.
‘රු රෑ’ ප්‍රසංගයට අමතරව 70 දශකයේ ජනප්‍රිය පැරැණි ගී ප්‍රසංගයකුත් පැවැත්වීමට කටයුතු කරනවා නේද?
ඒ ප්‍රසංගයට අතගහන්නේ ‘රු රෑ’ ප්‍රසංගයේ වැඩකටයුතු ඉවර වුණාට පස්සේ තමයි. අපේ රටේ විතරක් නෙවේ පැරැණි හින්දි චිත්‍රපට ගීතත් මේ ප්‍රසංගයට ඇතුළත්. අපේ රටේ දක්‍ෂ පිරිසක් ඉන්නවා. ඔවුන්ට ශක්තියක් වෙන්නයි අපට ඕනා.
ජනප්‍රිය තලයේ ටෙලිනාට්‍යවලට ජීවය දුන් ඔබ ඇයි ටෙලිනාට්‍යවලට සම්බන්ධ නොවන්නේ?
කිසිම හේතුවක් නිසා නෙවේ බජට් ප්‍රශ්න තමා. හොඳ නිර්මාණයක් නම් මම නිකම් ගිහින් රඟපාල හරි එනවා. ඒත් අඩු මුදලට මම රඟපාන්න කැමැති නැහැ. නැතුව නිර්මාණ ප්‍රතික්‍ෂේප කිරීමක් කරලා නැහැ. මාස කිහිපයකින් වැඩ කළේ නැහැ. පසුගිය දවස්වල ‘හිරු’ ටෙලි චිත්‍රපටයක වැඩ කළා පමණයි.
‘වසූදා’ ටෙලිනාට්‍යයේත් ඔබ වෙනස්ම පැතිකඩකට රැගෙන ගියා. අදටත් ඔබව ප්‍රේක්‍ෂකයන් වැලැඳ ගන්නේ ඒ විදියටද?
‘වසුදා’ ඒ කාලේ ජනප්‍රිය වුණු ටෙලිනාට්‍යයක්. ඒ කාලේ හිටිය වැඩිහිටි පිරිස, තරුණ පිරිස ‘වසුදා’ විතරක් නෙවේ ‘චාතුර්්‍යයා’ ටෙලිනාට්‍යයත් වැලැඳ ගත්තා. ඒ ලැබුණු ජනප්‍රියතාවත් එක්ක ප්‍රේක්‍ෂකයන් හිතුවේ මම නපුරු කෙනෙක් කියලා. මම නපුරු චරිතයක් කරපු පළමු අවස්ථාව තමයි ඒ.
ඔබව ‘වසුදා’ ටෙලිනාට්‍යයට සම්බන්ධ කරගන්න එපා කියලා ඔබේම සහෝදර ශිල්පීන් කටකතාවක් ගොතපු හැටි මතකද?
මොකද නැත්තේ. ගොඩදෙනෙක් කියලා තිබුණා මාව ඒ චරිතයට සම්බන්ධ කරගන්න එපා කියලා. මොකද මම නපුරු චරිත කරලා නැති නිසා කරන්න බැරි වෙයි කියලා. මම ‘වසුදා’ ටෙලිනාට්‍යයට කලින් මම හැම නිර්මාණයකම රඟපෑවේ අහිංසක චරිත තමයි.
‘වසුදා’ ටෙලිනාට්‍යයත් එක්ක සම්බන්ධ වෙලා කාලය ගෙවන කාලවකවානුවේ ජීවිතයත්, මරණයත් අතර සටන් කරපු දවසකුත් තිබුණා නේද?
ඒ දවස මතක් වෙද්දි අදටත් මම ඉන්නවා නේද කියලා පුදුම හිතෙනවා. එදා සිද්ධ වුණු ඒ අනතුර වෙලාවේ මම නම් හිතුවේ ඒ වෙලේම මැරෙයි කියලා. අඩි 20ක් විතර පහළට වාහනය පෙරැළෙද්දි කොහොමද ඉතින්. ඒ දවස කවදාවත් එදා වාහනයේ හිටිය අයට අමතක වෙන්නැති වෙයි.
අක්කාගේ කැමැත්ත ගන්න ඇවිත් අවසානයේ ‘දේදුන්නේ සමනලියක්’ නිසා ලක්ෂිකාට පාරක් හැදුණු හැටි මතකද?
මගේ හිත රඟපාන්න කිසිම ආශාවක් තිබුණේ නැහැ. අපේ පවුල කලා පවුලක්. ඒ ආභාෂය මටත් පිහිටන්න ඇති. මගේ අක්කාත් ඒ කාලේ චිත්‍රපටවල රඟපානවා. මම ඉස්කෝලේ ඇරිලා ගෙදර එනකොට බෙනට් ජයතුංග අපේ අක්කාව බලන්න ඇවිත් හිටියා. ඉතින් මාව දැකල මගෙන් ඇහුවා රඟපාන්න කැමැතිද කියලා. මම ඔය කාලේ ඉස්කෝලේ විවිධ ප්‍රසංගවල රඟපාලා, නටලා තිබුණා. පස්සේ ඉතින් ඔහු මාව යසපාල නානායක්කාරට හඳුන්වලා දුන්නා. ඒ හරහා තමයි ‘දේදුන්නේ සමනලියක්’ චිත්‍රපටයට සම්බන්ධ වුණේ. දැන් අක්කා රඟපාන්නේ නැහැ මම රඟපානවා.
දැන් ඉතින් අම්මයි, දුවයි එකට රඟපානවා නේද?
මගේ දුව පොඩි කාළේ ඉඳලා රඟපානවා. මම එක්ක ටෙලිනාට්‍ය ගොඩක රඟපෑව. ඒත් දුව දැන් රඟපාන්නේ නැහැ. දුවගේ අධ්‍යාපන කටයුතු නිසා. මේ ළඟදිත් දුවට ටෙලිනාට්‍යයකින් ආරාධනා කළා.
ලක්ෂිකා ජ්‍යොතිෂ විශ්වාස කරනවාද?
ජ්‍යොතිෂය මම විශ්වාස කරනවා ඉලක්කම්වලින්
හදලා කියන පලාපලවලට. හැබැයි දැන් ගොඩදෙනෙක් කරන්නේ රැවටීමක්. මට අපලයි කිය කියා මම හිත්නනේ නැහැ.
ලක්ෂිකා ජීවිතයෙන් කොටසක් සතුන් වෙනුවෙන් වෙන්කරලා නේද?
අම්මේ ඔව්. මම සතුන්ට ගොඩාක් ආදරෙයි. මගේ ගෙදර ඉන්න සුරතලුන්ට කතා කරන්න විතරයි බැරි. අනෙක් හැම දෙයක්ම අපට වගේ හොඳට තේරෙනවා.
ලක්ෂිකා ෂූටිං ගියාම සෙට් එකේ අයට කටට රහට උයලා දෙන්නත් කැමැතියි කියන්නේ ඇත්තද?
මම ඉතින් ෂූටින් ගියාම මගේ ගෙදර දෙවැනි තැන එතැන තමයි. හරිම විනෝදයෙන්, සුහදව කාලය ගතකරන්නේ. මම ‘සත්සර’ රංගන ටෙලිනාට්‍ය රඟපාන කාලෙත් මුළු කණ්ඩායමට කොළ කැඳ හදාගෙන යනවා. තේ හදන මල්ලිට උදවු වෙලා මමත් තේ හදනවා. එහෙම කාලය ගෙවද්දි හරිම සුන්දරයි. මම විශේෂ කෑමක් ගෙදර හැදුවොත් ඉතින් මුළු සෙට් එකටම තමයි හදාගෙන යන්නේ.
ඉදිරි නිර්මාණ වැඩකටයුතු කොහොමද ඔබගේ?
ප්‍රසංග, දෙරණ වැඩකටයුතුවලට අමතරව ලක්හඬ ගුවන් විදුලියේ අලුත් ගුවන්විදුලි නාට්‍යයක හඬ කැවීමකට ආරාධනාවක් ලැබුණා. එයට අමතරව අජිත් පී. ධර්මසූරියගේ ටෙලිනාට්‍යයක රඟපෑමට අවස්ථාවක් ලැබුණා. ඔය වැඩකටයුතු එක්ක තමයි කාලය ගතවෙන්නේ.
වසන්ත විතාරණගේ

Continue Reading
Click to comment

Leave a Reply

Your email address will not be published. Required fields are marked *

Advertisement
Advertisement