Connect with us
Redmi 9C
Advertisement

Heart

මට එක එක කාලෙට කතා හැදෙනවා

Published

on

කලාවට ලැදි කාටවත් ගයත්‍රි ඩයස් ගැන අමුතුවෙන් හඳුන්වලා දෙන්න ඕනෑ නැහැ. එදා වගේම අදටත් එක වගේම ලස්සන නිළියක් විදියට තමයි බොහෝ දෙනෙක් ඇයව හඳුන්වන්නේ. ඒ වගේම ඇය ගැන එක එක කාලෙට එක එක විදියේ තොරතුරුත් අහන්න ලැබෙනවා. කොහොම වුණත් ගයත්‍රි කියන්නේ නිතරම මාධ්‍ය එක්ක කතා බහ කරන කෙනකුත් නෙවෙයි. ඒ හින්දම කාලෙකට පස්සේ ඇය එක්ක කතා කරන්න අපි තීරණය කළා.
මේ දවස්වල අලුත් වැඩක් පටන් අරන් නේද?
මම ටික දවසකට කලින් යූටියුබ් චැනල් එකක් පටන් ගත්තා. ඒකේ වැඩත් කර ගෙන යනවා. ටෙලි නාට්‍ය තුනක් බාර අරගෙන තියෙනවා. ඒ අතරින් දෙකක වැඩ මේ සතියේ පටන් ගන්නවා. අනෙක් එක නම් ටිකක් පහු වේවි. මගේ සැලුන් එක අළුත් තැනකට ගෙනිච්චා. ඒ හින්දා ඒ වැඩත් එක්කත් පොඞ්ඩක් කාර්යබහුල වෙලා ඉන්නේ.
විකාශණය අවසන් වෙලා කාලයක් ගත වෙලා තිබුණත් “පිණි” ටෙලි නාට්‍යයේ රාණිගේ චරිතය තවමත් ප්‍රේක්ෂකයන් අතර ජනප්‍රියයි. ඔබටත් ඒ ප්‍රතිචාර ලැබෙනවා ඇති?
ඔව්. නාට්‍යය විකාශණය වෙලා දැන් ටිකක් කල්. ඒත් ඒ නාට්‍යයේ කොටස් සමාජ මාධ්‍ය ඔස්සේ තවමත් ප්‍රචාරය වෙනවා. ඒක මම ගොඩක් ආසාවෙන් කරපු චරිතයක්. ඒ වගේම ප්‍රතිචාරත් හොඳයි.
කාලයක් ගයත්‍රි ඩයස් හාස්‍ය චරිතයන්ට කොටු වෙලා කියල චෝදනාවක් තිබුණා. දැන් හාස්‍ය චරිතවල දකින්න නැත්තේ ඒ චෝදනා හින්දද?
නැහැ. මම කොහොමත් එහෙම විශේෂ තෝරා ගැනීමක් කළේ නැහැ. ඒත් පසුගිය කාලේ එවැනි චරිත මට ලැබුණේ නැහැ. ඒත් ඒ වගේ චරිතයක් ඉදිරියේදී ලැබුණත් රඟපාන්න මම කැමැතියි.
ඔබේ යූටියුබ් නාළිකාවටත් බොහොම හොඳ රසික ප්‍රතිචාර තියෙන බව පේනවා. ඒ වගේම ඒ හරහා ඔබ බොරැල්ලේ සිරිසුමන හිමියන් සමඟ ගෙන ආව සාකච්ඡාව බොහෝ දෙනාගේ කතාබහට ලක් වුණා. මේ දේවල් කරන්නේ තවත් ජනප්‍රිය වෙන්න ආසා නිසාද?
අපෝ නැහැ. මට තවත් ජනප්‍රිය වෙන්න දෙයක් නැහැ. මට එහෙම ජනප්‍රියත්වයක් අවශ්‍යත් නැහැ. බොරැල්ලේ සිරිසුමන හිමියන්ව මම පෞද්ගලිකව දන්නවා. උන්වහන්සේ ගැන වැරැදි දේවල් සමාජයේ කතා කරද්දී, උන්වහන්සේගේ තියෙන හොඳ දේවල් සමාජයට පෙන්වන්න තමයි මට ඕනෑ වුණේ. ඒ හින්දයි ඒ වීඩියෝව කළේ. නැතිව වෙන දෙයක් එතැන නැහැ.
ඒ කියන්නේ ඔබ ජනප්‍රියත්වය හොයා ගෙන යන කෙනෙක් නෙවෙයි කියලද?
ඇත්තටම ඔව්. මම පත්තරයකට සම්මුඛ සාකච්ඡාවක් පවා දෙන්නේ හරිම අඩුවෙන්. මගේ පෞද්ගලික ජීවිතය ගත කරගෙන පාඩුවේ ඉන්න තමයි මම ආසා. අඩුම ගාණේ මම පත්තරයක කවර් පේජ් එකකටවත් ඉන්නේ නැහැ. ඒවට වැය කරන වෙලාව මගේ වැඩකට යොදා ගන්න එක හොඳයි කියලයි මම හිතන්නේ.
පසුගිය දවස්වල සමාජ මාධ්‍ය ඔස්සේ ඔබ සම්බන්ධයෙන් තරුණයකු පළ කරලා තිබුණු ටික් ටොක් වීඩියෝ ගැනත් ලොකු කතාබහක් ඇති වුණා. ඇත්තටම මොකක්ද එතැන වුණේ?
ඒවා බැලුව අය කියනකම් මම ඒ ගැන කිසි දෙයක් දැන ගෙන හිටියේ නැහැ. කොහොමත් මං ගැන එක එක කාලෙට එක එක කතා එනවනේ. ඇයි කියන්න මම දන්නේ නැහැ. මොකද ඕනෑම දෙයක් ගැන ටික් ටොක් වීඩියෝ කරන්න ඕනෑම කෙනකුට පුළුවන්. මීට කලින් එවැනි වීඩියෝවක් හරහා අපේ ප්‍රසිද්ධ කලාකාරිණියක් සම්බන්ධ වුණු සිදුවීමක් තිබුණනේ. මාත් එවැනි දෙයකට සම්බන්ධයි කියලා සමහර අය කිව්වා. සමහර අය එහෙම හිතුවා. ඕනෑම කෙනකුට ඕනෑම දෙයක් කියන්න පුළුවන්. මම ඒවා ගැන හොයන්නෙත් නැහැ. මට වැඩකුත් නැහැ.
අපි ටෙලි නාට්‍ය ගැන කතා කෙරුවට සිනමාව ගැන කතා කළේ නැහැ. ඔබ සිනමාව අමතක කරලද?
නැහැ. කොහොමත් තවම හරියට චිත්‍රපට ප්‍රදර්ශණය ආරම්භ වුණේ නැහැනේ. මම රඟපෑව චිත්‍රපට කිහිපයක්ම එන්න තියෙනවා. ඒත් කවදද කියන්න බැහැ.
අපි ඔබේ ව්‍යාපාර කටයුතු ගැන කතා කරමු. අළුත් තැනකට ගිහින් මොකක්ක කරන්න හදන අළුත් වැඬේ?
මගේ අලුත් සැලුන් එක නුගේගොඩ කෝට්ටේ පාරේ විවෘත කළා. ඒක කාන්තා, පිරිමි දෙපාර්ශවයම සඳහාම අවශ්‍ය සියළුම නවීන ක්‍රමවේදවලින් යුතු සුඛෝපබෝගී සැලුන් එකක්. ඒක අලුත්ම වැඩක් තමයි.
මේ දේවල් එක්ක ගයත්‍රි ඩයස් කියන රංගන ශිල්පිණිය ඉදිරියේදී ප්‍රේක්ෂකයන්ට අහිමි වේවිද?
අපෝ නැහැ. රංගනය තමයි මම වැඩියෙන්ම ආස කරන දේ. හැබැයි ඒ වගේම රූපලාවන්‍යයටත් ආසයි. ඒ හින්දා ඔය දෙකෙන්ම මම කවදාවත් අයින් වෙන එකක් නැහැ.
චන්දන පොන්නම්පෙරුම

Continue Reading
Click to comment

Leave a Reply

Your email address will not be published. Required fields are marked *

Advertisement
Exclusive6 days ago

මැරෙන්න කලින් මධූෂ් හෙළි කරපු මහකුඩ්ඩන් හතර දෙනාගේ නම් මෙන්න (VIDEO)

Exclusive1 year ago

මහේෂ්ට ජනපතිවරණයට ආරාධනාවක්

Exclusive1 year ago

සිකුරාදා රෑ කරන්න ගිය ‌මෛත්‍රිගේ අගමැති කුමන්ත්‍රණය කඩා වැටේ

Exclusive1 year ago

මහින්දගෙන් ‌ගෝඨාට නියෝගයක්

Exclusive7 months ago

හිටපු ජනපති පුතා ඇඳිරි නීතිය මැද මහ රෑ දාපු පාටිය ගැන මාධ්‍යවේදිනිය ‌පොලිසියෙන් ප්‍රශ්න කරයි

Astrology10 months ago

2020 ලග්න පලාපල ඔබට කොහොමද?

Exclusive1 year ago

එජාප ඇමැතිලා 5ක් ඉවතට -අලුත් නම් 5ක් සූදානම්

Astrology11 months ago

ඔබේ සහකරු ඉන්න තැන මෙන්න

Mahawanshaya1 year ago

ගම්දනාව බියවද්දමින් උලමා හොයන දේ

Exclusive6 months ago

අමෙරිකා-බ්‍රිතාන්‍යය-ජර්මන්-යුරෝපා සංගම් තානාපතිවරු පෝලිමේ සජිත් හමුවන්න එති (VIDEO)

Exclusive6 months ago

කෝටිපති දිලිත් කෝටි 2ක් දීලා විශේෂ යානයක් හදිසියේම ඩුබායි යැව්වේ ඇයි? (PHOTOS)

Astrology1 year ago

නිවෙසේ උපකරණ සඳහා සුබම දිශාව

Astrology1 year ago

විෂ්ණු දෙවියන්ගේ පිහිට ගෙනන පූජාවක්

Exclusive7 months ago

රනිල්ගේ UNP එකයි සජිත්ගේ UNP එකයි

Exclusive12 months ago

පොතේ හැටියට දිනන්නේ කවුද? (උපුල් ‌ජෝශප් ප්‍රනාන්දුගේ ගුරුදා විග්‍රහය)