Connect with us

Heart

මම දේශපාලනයට එන්නෙ නෑ

Published

on

එළැඹෙන මහ මැතිවරණයට තව සුළු කාලයයි. හතර වටින් අපට අසන්නට ලැබෙන්නේ විවිධ කලා ශිල්පීන් දේශපාලනයට ඉදිරිපත් වීම සම්බන්ධ තොරතුරුයි. ඉතින් මොවුන් රටේ යහපත වෙනුවෙන් එහෙමත් නැතිනම් කලාව වෙනුවෙන් මොනවා කරයිද? ඉතින් මේ කරුණු කාරණා ගැන කෙළින් කතා කරන සුවිශේෂී රංගන ශිල්පියෙක්ගෙන් අහන්න අපි හිතුවා. ඔහු ප්‍රවීණ, සම්මානනීය රංගන ශිල්පී ගිහාන් ප්‍රනාන්දුයි.
ගිහාන් මේ දවස්වල පුංචි තිරයේ නිතරම දකිනවා?
ඔව්. ටෙලිනාට්‍ය කිහිපයක්ම විකාශය වෙනවා. විශේෂයෙන්ම මම මුල් කාලයේ කරපු ටෙලිනාට්‍ය කිහිපයකුත් විකාශය වෙනවා. ඒ අතර ‘සඳගලතැන්න’ ටෙලිනාට්‍ය ගැන ගොඩක් දෙනෙක් කතා වෙනවා. ඒ වගේම සුපුන් රත්නායකගේ ටෙලි නාට්‍යයකත් වෙනස්ම චරිතයක් නිරූපණය කරනවා. එයට අමතරව ‘නෝ පාකින්’, ‘සිහින ගෙනෙන කුමාරි’ ටෙලිනාට්‍ය විකාශය වෙනවා. ඒවාටත් හොඳ ප්‍රතිචාර මඟතොටේදී ලැබෙනවා.
කොහොමද ඔය තරම් සාර්ථකව චරිතවලට මාරුවෙන්නේ?
රංග අභ්‍යාස මූලික කරගෙන වැඩ කටයුතු කිරීමේදී චරිත වෙනස් කර නිරූපණය කිරීම සරල දෙයක්. මම උත්සාහ කරන්නේ පිටපතේ චරිතයෙන් මතුවන දේ නිරූපණය කිරීමටයි.
මෙවර මහ මැතිවරණය වෙනුවෙන් කලා ක්ෂේත්‍රයේ ඔබේ සමකාලීන මිතුරන් ක්‍රියාකාරීව කටයුතු කරනවා. ඔබේ අදහසක් නැතිද දේශපාලනයට පිවිසීමට?
මම හිතන්නේ මේ ලෝකෙට අපි උපදිනකොට එකිනෙකාට කරන්න විවිධ කාර්යයන් අරගෙන තමයි එන්නේ. ඉතින් මම රංගන වෘත්තිය අරගෙන ආවා. මම ආර්ට් එකේ දේශපාලනය කරනවා. ඔය විදියට අනෙකුත් අයත් විවිධ අංශවල වැඩ කරන්නේ ඔවුන් රැගෙන ආ සහජ හැකියාවන් එක්ක තමයි.
ජනප්‍රියතාව වෙනුවෙන් කරන්න බැරි දෙයක් නැහැ නේද?
මම ජනප්‍රිය වුණේ කලාව නිසා. ජනතාවගෙන් ලැබුණ ආදරය, ගෞරවය නිසා. ඉතින් ඔවුන්ගේ ඒ සතුට වෙනුවෙන් මම රටට දෙයක් කරනවා. ඒ ජනප්‍රියතාවට හානි කරගෙන කටයුතු කරන්න මම කැමැති නැහැ. රට වෙනුවෙන් මම මේ කරන දේ හොඳට ඇති. ලංකාවේ කෝටි දෙකක් ඉන්නව කියපු ඔවුන්ව සතුටු කරන්න පුළුවන් දේවල් මම කරනවා. ඔවුන් හමුවුණාම දක්වන ප්‍රතිචාරය මට ඇති.
ඔබට මෙයට වඩා තවත් යමක් කළ හැකියි කියලා අපි කිව්වොත්?
මම අවුරුදු පනහක් ජීවත් වුණා. එයින් අවුරුදු තිහක්ම කළේ කලාව. මම මිනිසුන් උපරිම සතුටු කළා. මෙයටත් වඩා තවත් දෙයක් කරන්න පුළුවන් වෙයි කියලා මම විශ්වාස කරන්නේ නැහැ.
රට වෙනුවෙන් කියලා හිතාගෙන දේශපාලනයට එන අය කරන්නේ රැවටීමක් කියලද ඔබ හිතන්නෙ?
එය මට වඩා රටේ ජනතාව දන්නවා. රට වෙනුවෙන් කියලා දේශපාලනයට එන අය විහිළුවක් කරන්නේ කියලා මුළු රටම දන්නවා.
ඔබ එලෙස අදහස් කරන්නේ කලා ක්ෂේත්‍රයෙන් දේශපාලනයට එන අය ගැනද?
මම කලා ක්ෂේත්‍රයෙන් දේශපාලනයට එන අයට දොස් කියනවා නෙමේ. ප්‍රාදේශීය මන්ත්‍රිවරුන්ගේ සිට මහා මැතිවරණවලින් පාර්ලිමේන්තුවට ආපු අය දක්වා බහුතරයක් කළේ බොරු පමණයි. ඔවුන්ට වාහනයක් දෙනවා නම් රියැදුරෙක් දෙනවා නම්, ආරක්ෂාවක් දෙනවා නම් එච්චරයි කියලා හිතනවා. ඒත් රට වෙනුවෙන් කරපු දෙයක් නැහැ. කවුරු ආරාධනා කළත් මම නම් යන්නෙ නැහැ දේශපාලනයට.
ඒ කියන්නේ ඔබට පක්ෂ භේදයක් නැතිද?
මම දේශපාලනයට කැමැති නැහැ. පාට, පක්ෂ භේදයකින් තොරව අපේ ජනතාව අපේ නිර්මාණ රසවිඳිනවා. එය සතුටට කරුණක්.
කලාකරුවෝ දේශපාලනයට ගිහින් කලාව වෙනුවෙන් මොනවා හරි කළා කියලා හිතනවද?
කලා ක්ෂේත්‍රයේ කෙනෙක් දේශපාලනයට ගිහින් කලාව වෙනුවෙන් දෙයක් කෙරුවේ නැහැ කියන අදහසට මම විරුද්ධයි. රටේ ජනතාව කලාව රසවිඳිනවා. එන නාට්‍ය බලනවා. රටේ ජනාධිපතිවරුන්, නායකයන් කලාවේ අඩුපාඩු ගැන සොයා බැලිය යුතුයි. පාර්ලිමේන්තුවට යන 225 අතරේ කලාකරුවන් විසිපස් දෙනෙක් හිටියොත් මෙයට වඩා කලාව පෝෂණය වෙයි. ඒත් එහෙම යන්න පුළුවන් වෙයිද?
කාලෙක ඉඳල ඔබ සිහින දකිනවා නිර්මාණයක් කිරීමට. තවම ප්‍රමාද?
නිර්මාණයක් කරන්න මගේ ලොකු බලාපොරොත්තුවක් තියෙනවා. එයට සූදානම් වෙනකොට තවත් නිර්මාණවලින් මට ආරාධනා කරනවා. ආවට ගියාට නිර්මාණයක් කරන්න බැහැ. හොඳට සැලැසුම් කරලා කාලය අරගෙන කරන්න ඕනෑ.
වේදිකාවේ, සිනමාවේ, පුංචි තිරයේ ඔබ කාර්යබහුල රංගන ශිල්පියෙක්. කොහොමද මේ සියල්ල සැලැසුම් කරන්නේ?
මම ගැන දන්න අය දන්නවා හැම වෙලාවෙම හොඳ සැලැස්මක් ඇතිවයි මම වැඩ කරන්නේ. මම මාසෙකට කරන්න තියෙන වැඩ ටික මට කටපාඩම්. ආර්ථිකය ගැන හිතලා මම වැඩ බදාගෙන කරන්නේ නැහැ. ඔය සැලැසුම් අතර මගේ පෞද්ගලික වැඩකටයුතුත් කිසිම ප්‍රශ්නයක් නැතුව කරනවා.
ජනප්‍රිය නළුවකු සමඟ එකතු වෙලා වෙනස්ම වැඩකටයුත්තක් කරගෙන යනවා නේද?
මමයි කුමාර තිරමාදුරයි එකතු වෙලා තමයි මේ ප්‍රසංගය කරන්නේ. එය “වත්තල ගිහාන් විත් මහරගම කුමා” නමින් කරගෙන යන්නේ.
වසන්ත විතාරණගේ

Continue Reading
Click to comment

Leave a Reply

Your email address will not be published. Required fields are marked *

Advertisement
Exclusive7 months ago

මහේෂ්ට ජනපතිවරණයට ආරාධනාවක්

Exclusive7 months ago

සිකුරාදා රෑ කරන්න ගිය ‌මෛත්‍රිගේ අගමැති කුමන්ත්‍රණය කඩා වැටේ

Exclusive7 months ago

එජාප ඇමැතිලා 5ක් ඉවතට -අලුත් නම් 5ක් සූදානම්

Exclusive7 months ago

මහින්දගෙන් ‌ගෝඨාට නියෝගයක්

Exclusive3 days ago

හිටපු ජනපති පුතා ඇඳිරි නීතිය මැද මහ රෑ දාපු පාටිය ගැන මාධ්‍යවේදිනිය ‌පොලිසියෙන් ප්‍රශ්න කරයි

Exclusive5 months ago

පොතේ හැටියට දිනන්නේ කවුද? (උපුල් ‌ජෝශප් ප්‍රනාන්දුගේ ගුරුදා විග්‍රහය)

Exclusive2 weeks ago

රනිල්ගේ UNP එකයි සජිත්ගේ UNP එකයි

Exclusive3 months ago

සංගාගේ බිරිය ගැන අමුතු කතාවක් එළියට එයි

Exclusive6 months ago

මහරාජා අතින් ‌මේ මිනිසා ඉවර විය යුතුද? (උපුල් ‌ජෝශප් ප්‍රනාන්දුගේ ගුරුදා විග්‍රහය)

Gurudawa7 months ago

යූඑන්පී අපේක්ෂකයා ‌තෝරන්නේ ‌මෙහෙමෙයි… (උපුල් ‌ජෝෂප් ප්‍රනාන්දුගේ ගුරුදා විග්‍රහය)