Connect with us
Advertisement

Heart

මම නිළියක් වුණේ අම්මා එපා කියද්දි

Published

on

ඉන්දියාවේ ජනප්‍රිය රංගන ශිල්පිනියන් බොහොමයක්ම ඒ තැනට ඇවිත් තියෙන්නේ ලෝක රූ රැජින තරගය ජයගෙන. ලෝක රූ රැජින තරගය නැතත් ඉන්දියාවේ රංගන ශිල්පීන් බොහොමයක් අඩුම තරමේ දේශීය රූ රැජින තරගයක් හරි ජය අරගෙන තියෙනවා. බොලිවුඞ් සිනමාවේ විතරක් නෙවෙයි ඉන්දියාවේ ටෙලි නාට්‍ය නිළියන් පවා අතිශයින් රූමත් වෙලා තියෙන්නේ ඒ හින්දයි. ඒත් අපේ රටේ කතාව ඊට ටිකක් වෙනස්. ලෝක රූ රැජින කොහොම වුණත් දේශීය රූ රැජිනියන් අපේ රටෙන් හොයා ගන්න හරිම අමාරුයි. රූ රැජිනියක් නිළියක් වුණු අවස්ථා ඊටත් වඩා විරලයි. මේ වෙද්දී ලංකාවේ ජනප්‍රිය රංගන ශිල්පිනියක් වෙන විනූ උදානි සිරිවර්ධන සුවිශේෂී චරිතයක් වෙන්නේ ඉහත කාරණය හින්දයි. ඇය කලාවට යොමු වෙන්නේ ශ්‍රී ලාංකීය රූ රැජින විදියට වීම තමයි ඒ විශේෂත්වය. රංගන ශිල්පිනියක් වෙන්න ලස්සන ඕනෑම නැහැ. හැබැයි ලස්සන නැතිව රූප රාජිනියක් වෙන්න බැහැ. රූප රාජිනියක් වෙලා රංගන ශිල්පිනියක් බවට පත් වුණු විනූ එක්ක අපේ කතාබහ දිගහැරුණේ මෙන්න මෙහමයි.
මේ දවස්වල මොකද කරන්නේ?
මම රඟපෑව එක ටෙලි නාට්‍යයක් මේ දවස්වල රූපවාහිනියේ විකාශනය වෙනවා. තවත් ටෙලි නාට්‍යයක වැඩ කටයුතු අගෝස්තු මාසයේදී ආරම්භ වෙන්න නියමිත වෙලා තියෙනවා.
ඒ කියන්නේ මේ දවස්වල විනූ වැඩිය පේන්න නැහැ කියන එකද? ඇයි මේ කාලේ වැඩ අඩු වෙලාද?
නැහැ. මම කොහොමත් කරන්න බැරි තරම් වැඩ බදා ගන්න කෙනෙක් නෙවෙයි. කොහොමත් එක පාරට නිර්මාණ දෙකක් විතරයි මම බාර ගන්නේ. එතැනින් එකක් ඉවර වුණාට පස්සේ තමයි තව එකක් බාර ගන්නේ. මේ දවස්වලත් ඒ විදියම තමයි.
විනූ උදානි සිරිවර්ධන කියන්නේ නිළියක්ද, නිවේදිකාවක්ද, නිරූපණ ශිල්පිනියක්ද? ඔබ කැමැති ඔබව කොයි විදියට හඳුන්වන එකටද?
මෙහෙමයි. නිළියක්, නිවේදිකාවක් යන දෙවිදියටම මාව හඳුන්වන එකට මම කැමැතියි. ඒ වගේම රූප රාජිනියක් විදියට හැඳින්වුවත් ඒකටත් මම කැමැතියි.
එතකොට දැන් නිරූපණය පැත්ත අමතක කරලාද?
ඇත්තටම දැන් අඩුවෙන්ම යොමු වෙන්නේ නිරූපණය පැත්තට තමයි. මොකද නිරූපණයට යොමු වෙන්න දැන් වෙලාව හරිම අඩුයි. ඒත් නිවේදිකාවක් විදියට කටයුතු කරන එක නම් නැවත ආරම්භ කළා. නිවේදිකාවක් සහ රංගන ශිල්පිනියක් කියන දෙඅංශයෙන් තමයි දැන් කලාව එක්ක වැඩිපුර සම්බන්ධ වෙලා ඉන්නේ.
විනූ කලාවට සම්බන්ධ වෙන්නේ මිස් ශ්‍රී ලංකා ජයග්‍රහණයෙන් පස්සේ කියන එක හැමෝම දන්න කාරණාවක්. ඇත්තටම ඊට කලින් රංගන ශිල්පිනියක් වීමේ අදහසක් ඔබට තිබුණද?
ඇත්තටම නැහැ. අඩුම තරමේ රූප රාජිනියක වීමේ අදහසක්වත් මට තිබුණේ නැහැ. මගේ තාත්තා තමයි ඒ සඳහා අයදුම්පත පවා යොමු කළේ. නමුත් මිස් ශ්‍රී ලංකා ජයග්‍රහණයෙන් පස්සේ මගේ ගමන වෙනස් වුණා. ඒක මගේ ජීවිතයේ හැරවුම් ලක්ෂ්‍යය බවට පත් වුණා. ඊට පස්සේ කලාවට සම්බන්ධ ලැබුණු ආරාධනා එක්ක මම රංගනය පැත්තට යොමු වුණා.
නමුත් අපි දන්න විදියට ඔබට ඒ සඳහා බාධාවකුත් තිබුණා?
ඇත්තටම ඔව්. මිස් ශ්‍රී ලංකා තරගයේ ජයග්‍රහණය ලැබෙන්නත් කලින්, ඒ තරගයට සම්බන්ධ වෙලා ඉන්න අතරෙදි තමයි මට කලාවට සම්බන්ධ වෙන්න ආරාධනා ලැබුණේ. නමුත් මම නිළියක් වෙන එකට අපේ අම්මා පොඞ්ඩක්වත් කැමැති වුණේ නැහැ. ගෙදර අනෙක් අයගෙන් විරුද්ධත්වයක් නැති වුණත් පෙර පාසල් ගුරුවරියක් විදියට අම්මා ඒකට දැඩි විරෝධයක් දැක්වූවා.
ලංකාවේ රංගන ශිල්පිනියන් සම්බන්ධයෙන් ජනතාව තුළ තියෙන ප්‍රතිරූපයද ඒකට හේතු වුණේ?
ඒක තමයි හේතුව. ගොඩක් වෙලාවට නිළියෝ කියලා අපේ මිනිස්සු අමුතු ප්‍රතිරූපයක් මවා ගෙන ඉන්නවා. නමුත් කලාවට ආවට පස්සේ මට ඒකෙන් මිදෙන්න හැකියාව ලැබුණා. ඇත්තටම මගේ පළමු නිර්මාණය දැක්කට පස්සේ අම්මගේ තිබුණු විරෝධයත් නැති වුණා කිව්වොත් හරි. මොකද තමන්ගේ ආත්මගරුත්වය රැකගෙන වැඩ කරනවා නම් ඕනෑම ක්ෂේත්‍රයක හොඳට ඉන්න පුළුවන්. කලාවට විතරක් නෙවෙයි හැම ක්ෂේත්‍රයකටම ඒක අදාළයි. ඇත්තටම අද රංගන ක්ෂේත්‍රය ගැන පිටින් ඉඳන් බලන අය තමයි ගොඩක් විවේචන කරන්නේ. නමුත් ඒක ඇතුළට ගිහින් කටයුතු කරන අය ඇත්ත මොකක්ද කියලා දන්නවා.
කලාවට යොමු වීම අහම්බයක් කියලා ඔබ කිව්වා. කලාවට සම්බන්ධ නොවුණා නම් මේ වෙද්දී මොන ක්ෂේත්‍රයකට යොමු වෙලා තියේවි කියලද ඔබට හිතෙන්නේ?
මට හිතෙන්නේ එහෙම වුණා නම් මම බැංකු ක්ෂේත්‍රය සම්බන්ධ රැකියාවකට යොමු වේවි. මොකද මම වාණිජ අංශයෙන් තමයි උසස් පෙළ හැදෑරුවේ. ඒ කාලේ එහෙම බලාපොරොත්තුවක් තමයි තිබුණේ.
විනූ කලාවට සම්බන්ධ වුණේ ටෙලි නාට්‍ය හරහා නමුත් මේ වෙද්දි ඔබ ජනප්‍රිය සිනමා නිළියක් බවටත් පත් වෙලා තියෙනවා. ඔබේ සිනමා ගමන ගැන කතා කළොත්?
ටෙලි නාට්‍ය හරහා කලාවට පිවිසුණත් ඔය දෙකම බොහොම සමබරව කර ගෙන යන්න මට මුල ඉඳන්ම අවස්ථාව ලැබුණා. හැම අවුරුද්දකම මට ටෙලි නිර්මාණවලට වගේම සිනමා නිර්මාණ සඳහාත් සම්බන්ධ වෙන්න පුළුවන් වුණා. මේ වෙද්දී මම රඟපෑව චිත්‍රපට පහක් විතර තිරගත වෙලා තියෙනවා. තවත් හතරක් ඉදිරියේදී තිරගත වීමට නියමිතයි.
විනූ නිතරම ෆේස්බුක් ලයිව් එනවා කියලා ඔබේ රසිකයෝ කතා වෙනවා. ජනප්‍රියත්වය වැඩි කර ගන්නද එහෙම කරන්නේ?
අනේ නැහැ. මම හරිම අඩුවෙන් තමයි ෆේස් බුක් ලයිව් එන්නේ. අලුත් නිර්මාණයක වැඩකටයුතු පටන් ගනිද්දී ඒ අයගේ ඉල්ලීමට ලයිව් ආවොත් මිසක් මම ලයිව් එන්නේ හරිම අඩුවෙන්.
විනූගේ ඉදිරි කලා කටයුතු ගැන කතා කළොත්?
එහෙම ලොකු සැලසුමක් නැහැ. නමුත් ඉදිරියේදී සිනමාව පැත්තට ටිකක් වැඩිපුර යොමු වීමේ බලාපොරොත්තුවක් තියෙනවා.
ඒ කියන්නේ ඔබ කලාත්මක සිනමාව පැත්තට යොමු වෙනවා කියන එකද?
කොහොමත් මම නිර්මාණ තෝරා බේරා ගෙන තමයි රඟපාන්නේ. මට ලැබෙන චරිතයට මට සාධාරණයක් කරන්න පුළුවන්ද කියන එක තමයි මම එතැනදි බලන්නේ. මට සාධාරණය කරන්න බැහැ ඒක මහ අපහසුයි කියලා හිතෙනවා නම් ඒ වගේ චරිත මම බාරගන්නේ නැහැ. චරිතය බාර ගත්තට පස්සේ අධ්‍යක්ෂවරයා හා කණ්ඩායම එක්ක එකතු වෙලා තමයි එතැනින් එහාට චරිතය නිර්මාණය කර ගන්නේ. ඒ හින්දා සිනමාව පැත්තට වැඩිපුර යොමු වුණත් ඉදිරියේදී නිර්මාණ තෝරා ගැනීම සිද්ධ වෙන්නේ ඒ විදියටම තමයි.
චන්දන පොන්නම්පෙරුම

Continue Reading
Click to comment

Leave a Reply

Your email address will not be published. Required fields are marked *

Advertisement
Advertisement
Exclusive1 year ago

මහේෂ්ට ජනපතිවරණයට ආරාධනාවක්

Exclusive1 year ago

සිකුරාදා රෑ කරන්න ගිය ‌මෛත්‍රිගේ අගමැති කුමන්ත්‍රණය කඩා වැටේ

Exclusive1 year ago

මහින්දගෙන් ‌ගෝඨාට නියෝගයක්

Exclusive1 year ago

එජාප ඇමැතිලා 5ක් ඉවතට -අලුත් නම් 5ක් සූදානම්

Exclusive6 months ago

හිටපු ජනපති පුතා ඇඳිරි නීතිය මැද මහ රෑ දාපු පාටිය ගැන මාධ්‍යවේදිනිය ‌පොලිසියෙන් ප්‍රශ්න කරයි

Astrology9 months ago

2020 ලග්න පලාපල ඔබට කොහොමද?

Exclusive5 months ago

අමෙරිකා-බ්‍රිතාන්‍යය-ජර්මන්-යුරෝපා සංගම් තානාපතිවරු පෝලිමේ සජිත් හමුවන්න එති (VIDEO)

Astrology10 months ago

ඔබේ සහකරු ඉන්න තැන මෙන්න

Exclusive5 months ago

කෝටිපති දිලිත් කෝටි 2ක් දීලා විශේෂ යානයක් හදිසියේම ඩුබායි යැව්වේ ඇයි? (PHOTOS)

Mahawanshaya1 year ago

ගම්දනාව බියවද්දමින් උලමා හොයන දේ