Connect with us
Redmi 9C
Advertisement

Heart

මම ලේසියෙන් අතහරින්නෙ නැහැ

Published

on

කලාව වෙනුවෙන් ජීවත් වෙනවා කියන්නෙ විහිළුවක්…

කලා ක්‍ෂේත්‍රයේ යුග පරම්පරාවක් හදමින් ඇගැයීමට ලක්වුණු සම්මානලාභී ජනප්‍රිය රංගන ශිල්පී රොෂාන් පිලපිටිය කාලෙකට පස්සේ ‘හාට්’ පිටු අතරට එක්කර ගන්න හිතුවා. මොකද ඔහුගේ ජනප්‍රියතාව එදා මෙන්ම අදටත් ප්‍රේක්‍ෂක හදවත් තුළ රැඳෙන නිසා. ඉතින් මේ ගෙවන කාලවකවානුවේ ඔහුගේ වැඩකටයුතු ගැන අපි කතාබහ කළේ මේ විදියටයි.
රොෂාන්ට මේ දවස්වල නිදහසේ දරු සුරතල් බලන්න පුළුවන් කාලවකවානුවක් නේද?

ඔව්. ඉතින් පසුගිය දවස් කිහිපයේම ටිකක් කාර්යබහුල වෙලා තමයි හිටියේ. එහෙමයි කියලා මම ගෙදර එන්නෙ කොයිවෙලේද කියලා බලාගෙන හිටියේ. දැන්නම් ඉතින් ගෙදරට වෙලා පවුලේ අයත් එක්ක සතුටින් ඉන්නවා.
මේ දවස්වල රොෂාන් ටෙලිනාට්‍ය කිහිපයකම අපට දැකගන්න පුළුවන්?
‘මහාවිරු පණ්ඩු, අහස් මාලිගා, නෑනලා ටෙලිනාට්‍යවල විවිධ චරිත නිරූපණය කරනවා. ඒ අතර මහාවිරු පණ්ඩු ටෙලිනාට්‍යයට හොඳ ප්‍රතිචාර ලැබෙනවා.
මෑත කාලයේ රොෂාන් සිනමාවට දක්වන දායකත්වයේ අඩුවක් අපි දකිනවා. සිනමාව අත්හැරලාද?
එහෙම අත්හරින්නේ නැහැ. පෙර සේම සිනමාවටත් හොඳ දායකත්වයක් මම ලබාදෙනවා. රටේ මේ තිබෙන කොරෝනා වසංගතය නිසා සිනමාශාලා පවා වසා දැමුවා. ඒ විතරක් නෙවේ සිනමා ශාලාවට එන ප්‍රේක්‍ෂකයන්ගේ පැමිණීමේත් අඩුවක් දැකගන්න පුළුවන්. ඉතින් මම සම්බන්ධ වුණු චිත්‍රපට කිහිපයක්ම තිරගත වීමට තිබෙනවා. ඉදිරියේදී එය දැකගන්න පුළුවන් වෙයි.
කලා ක්‍ෂේත්‍රයේ කාලයෙන් කාලයට යුග පරම්පරාවන් බිහිවුණා. එහෙම යුග කාලයක් ඔබටත් තිබුණා නේද?
මම එහෙම යුගයක් කියලා වැඩ කරලා නැහැ. එහෙමයි කියලා මම වැඩ කරන්නේත් නැහැ. ලෙස්ටර් ජේම්ස් පීරිස් අධ්‍යක්‍ෂණය කළ ‘ගොළු හදවත’ තමයි මම සම්බන්ධ වුණු පළමු නිර්මාණය. එදායින් පසු මම විවිධ නිර්මාණවල වැඩ කරමින් මගේ උපරිම දායකත්වය ලබා දෙමින් කලාව පෝෂණය කිරීමට දායකත්වය ලබාදුන්නා කියලා කිව්වොත් හරි. හැබැයි කවදාවත් මම හිතාගෙන නැහැ කලාකාරයෙක් වෙලාම මැරෙන්න ඕනෑ කියලා. මොකද මම අහම්බෙන් මේ ක්‍ෂේත්‍රයට සම්බන්ධ වුණු කෙණෙක් නිසා.
ඒ කියන්නේ රොෂාන් ජීවත් වෙන්නේ අරමුණක් නැතිවද?
මමත් මනුෂ්‍යයෙක්. අනෙක් අයට වගේම මටත් අරමුණක් තියෙනවා. හැබැයි කලාව වෙනුවෙන් ජීවත් වෙනවා කියලා පැවැසුවොත් එය විහිළුවක්. කලාවේ කිසිම ප්‍රතිපත්ති මාලාවක් නැහැ. නමුත් විදේශීය රටවල කලාව තුළ ප්‍රතිපත්තියක් තියෙනවා. අපේ රටේ කලාවටත් ප්‍රතිපත්තියක් අනිවාර්යයෙන්ම අවශ්‍යයි. මම අදාළ බලධාරීන්ට පවා මේ ගැන දැනුවත් කළා.
ඉදිරියේදීවත් ඔබ පවසන පරිදි ප්‍රතිපත්ති මාලාවක් ඇතිව කලාවට සුබවාදී කාලයක් උදාවෙයි?
වත්මන් ජනාධිපති ගෝඨාභය රාජපක්‍ෂ මැතිඳුන් කලාවට විතරක් නෙවේ රටටම සුබවාදී කාලයක් උදාකරාවි කියලා විශ්වාසයක් තිබෙනවා. දේශපාලනඥයෙක් කවදාවත් අසරණ වෙලා කියලා අහන්න ලැබෙනවාද නැහැ. මුළු රටේම ජනතාව පිනවන කලාකරුවන්ට අවසානයේ අත්වන ඉරණම එයට වඩා හාත්පසින්ම වෙනස්. ඔවුන් අසරණ වුණාම කිසිම කෙනකුගේ පිහිටක් නැහැ කියලා අපි කවුරුත් දන්නවා.
ඔබ පවසන විදියට ඔය ප්‍රශ්නයට මුහුණ පෑමට සිදුවන්නේ රංගන ශිල්පීන්ට විතරමද?
කවදාවත් මම එහෙම කියන්නේ නැහැ. කලාව වෙනුවෙන් දායකත්වය සපයා දෙන සියලුම දෙනා ගැන මම කතා කරන්නේ. මාධ්‍යවේදීන් පවා ඔය දුෂ්කරතාවලට මුහුණ පානවා. කැමරා ශිල්පියෙක් ගත්තොත් ඔහුටත් කැමරාවක මුදල පියවාගන්න වෘත්තියට අමතරව වෙඩින් එකක් හරි කරලා තමයි මුදල හොයන්න වෙලා තියෙන්නේ. බලන්න නුවර පෙරහැරේ නැට්ටුවෙක් කකුල්වල දියපට්ට දාගෙන නටනවා. ඒත් ඔවුන්ගේ ඒ දක්‍ෂතාවට කිසිම වටිනාකමක් නැහැ. මේ සියලු දෙනාම සුරක්‍ෂිත කළ යුතුයි කියලයි මම කියන්නේ. නිකම් නමට කලාකරුවෙක් කියලා කිව්වට පලක් නැහැ.
ඔබටත් පසුගිය කාලේ විවිධ ප්‍රශ්න මතුවුණා නේද. දැන් ඒ ප්‍රශ්න විසඳිලාද?
මට එහෙම කිසිම ප්‍රශ්නයක් තිබුණේ නැහැ. වෙන අය මගේ ප්‍රශ්න ප්‍රශ්නයක් කරගෙන කටයුතු කළාද කියන්න මම දන්නෙත් නැහැ. මගේ පවුලේ සියලුදෙනාම දුක – සැප බෙදාගෙන සතුටින් ජීවත් වෙනවා.
අපි ඔබේ දකින විශේෂත්වයක් තමයි ඔබට සම්මාන නැතත් ඒ සතුට බෙදාගැනීමට නිරන්තරයෙන් ඔබ දායක වන බව?
මම සම්මාන ඕන තරම් හිමිකරගෙන තියෙනවා. හැම පාරම සම්මාන මට හිමි වෙන්න කියලා නීතියක් නැහැ. ඉතින් මට ආරාධනා කළොත් ඒ සුන්දර මොහොතට මම යන්නේ ඉතාමත් සතුටින්. මොකද ඒ සොඳුරු දවසේ සම්මානයක් ගන්නේ මගේම සහෝදර ශිල්පිනියක් හෝ ශිල්පියෙක්. ඔවුන් වෙනුවෙන් ඒ මොහොතේ අත්පුඩියක් හරි මට ගහන්න ලැබීමත් වටිනවා.
වසන්ත විතාරණගේ

Continue Reading
Click to comment

Leave a Reply

Your email address will not be published. Required fields are marked *

Advertisement
Exclusive2 months ago

මැරෙන්න කලින් මධූෂ් හෙළි කරපු මහකුඩ්ඩන් හතර දෙනාගේ නම් මෙන්න (VIDEO)

Exclusive1 year ago

මහේෂ්ට ජනපතිවරණයට ආරාධනාවක්

Exclusive1 year ago

සිකුරාදා රෑ කරන්න ගිය ‌මෛත්‍රිගේ අගමැති කුමන්ත්‍රණය කඩා වැටේ

Exclusive1 year ago

මහින්දගෙන් ‌ගෝඨාට නියෝගයක්

Astrology11 months ago

2020 ලග්න පලාපල ඔබට කොහොමද?

Exclusive8 months ago

හිටපු ජනපති පුතා ඇඳිරි නීතිය මැද මහ රෑ දාපු පාටිය ගැන මාධ්‍යවේදිනිය ‌පොලිසියෙන් ප්‍රශ්න කරයි

Mahawanshaya1 year ago

ගම්දනාව බියවද්දමින් උලමා හොයන දේ

Exclusive1 year ago

එජාප ඇමැතිලා 5ක් ඉවතට -අලුත් නම් 5ක් සූදානම්

Astrology1 year ago

ඔබේ සහකරු ඉන්න තැන මෙන්න

Astrology1 year ago

නිවෙසේ උපකරණ සඳහා සුබම දිශාව

Exclusive7 months ago

කෝටිපති දිලිත් කෝටි 2ක් දීලා විශේෂ යානයක් හදිසියේම ඩුබායි යැව්වේ ඇයි? (PHOTOS)

Exclusive7 months ago

අමෙරිකා-බ්‍රිතාන්‍යය-ජර්මන්-යුරෝපා සංගම් තානාපතිවරු පෝලිමේ සජිත් හමුවන්න එති (VIDEO)

Astrology1 year ago

විෂ්ණු දෙවියන්ගේ පිහිට ගෙනන පූජාවක්

Exclusive9 months ago

රනිල්ගේ UNP එකයි සජිත්ගේ UNP එකයි

Exclusive1 year ago

පොතේ හැටියට දිනන්නේ කවුද? (උපුල් ‌ජෝශප් ප්‍රනාන්දුගේ ගුරුදා විග්‍රහය)