Connect with us
Add

Heart

මවුපිය තරු උරුමයට බාල්දිය දැම්ම කන්ගනා

Published

on

එක්දහස් නවසිය පනස් ගණන්වල සිටම උතුරු ඉන්දියානු සිනමාවේ සුපිරි තරු බිහිවූයේ වැඩිහරියක්ම ‘බූදල්’ විලාසිතාවට අනුවය. ඒ සඳහා ඉතාම පැහැදිලි නිදසුනක් වන්නේ, කපූර් පරම්පරාවය. නර්ගිස් දත් සමඟ සොඳුරු පෙම් පලහිලව්වකට මැදිව හුන් රාජ් කපූර්ට ප්‍රේක්‍ෂකයන් සැලකුවේ දේවත්වයෙනි. එකී ඇදහීම හරහා රාජ් කපූර් වියපත්ව යන විට ඔහුගේ පුත්‍ර සමාගම ඉන්දියානු සිනමාව පුරා සිය අණසක පතුරවන්නට විය.
රන්බීර්, ශෂී, රිෂී යන තුන් කට්ටුවට පියාගේ ආභාසය මත තැනුණු ගෞරවය තුරු රෑනට එක්වීමේ වාසනාව උදාවිය.

ඒ යුගයද කෙමෙන් ගෙවී යන විට ඔවුන්ගේ දූදරුවන්ද, සිය පියවරුන්ගේ ආකර්ෂණය මත සිනමාවට පිවිසිණි. ඒ නියෝජන තුළ කරන් කපූර්, කරීනා කපූර්, කරිෂ්මා කපූර්, තුෂාර් කපූර් සහ රන්බීර් කපූර්ද පියවරෙන් පියවර ඉන්දියානු හින්දි සිනමා අංගණය තුළ සිත්සේ රැඟූහ. එවකට කිසියම් පුවත් කලාවේදියකු විසින් ප්‍රකාශ කර තිබුණේ හින්දි සිනමාව කපූර්ලාගේ තෝ තැන්නක්ම පමණක් බවය. එම ලිපියෙහි සිරස්තලය සඳහා ඔහු භාවිත කොට තිබුණේ ‘ඉන්දියානු සිනමාව සහ කපූර් කන්ධාන්’ යන වචන පෙළය. කන්ධාන් යන්නෙහි අරුත ‘පෙළපත’ යන්නය.
ඒ කපූර්ලාගේ කතාවය.

බූදල් විලාසිතාවට හින්දි සිනමාවට පැමිණෙන තරු ක්‍රමය තවමත් බච්චන්ලාගෙන් පසුවද අද වන තෙක්ම දීපව්‍යාප්තව ඇත. කපූර්ලාගේ සම්බන්ධයක් නොවුණාට ඔවුන්ද මවුපිය තරු ක්‍රමයට පැමිණි දූපුතුන්ය.

අනිල් කපූර්ගේ සුන්දර දියණිය වූ සෝනම් කපූර්ද මහේෂ් බාට් හරහා පූජා බාට්ගෙන් පසුව ආලියා බාට්ද සයිෆ්ගේ දූ සාරා ඛාන්ද, ශ්‍රී දේවි සහ බොනී සුසංයෝගයෙන් පාව ආ ජාන්වී කපූර්ද, චින්කි පාන්ඬේගේ දූ අනන්‍යා පාන්ඬේද, ඬේවිඞ් ඛන්‍ාන්ගේ පුත්‍ර, කඩවසම් කොලු ගැටයකු වූ වරූන් බවාන්ද ඒ අතර කිහිපදෙනෙකි.
මේ අතර කතා නොකරම බැරි තවත් එක් සුපිරි මිනිසකු වන්නේ කරන් ජොහාර්ය. කරන් ප්‍රවීණ චිත්‍රපට අධ්‍යක්‍ෂ යාෂ් ජොහාර්ගේ පුත්‍රරත්නයයි.
සත්තකින්ම මේ කියන බූදල් තරු ක්‍රමයට කිසිවකුගෙන් බාධාවක් නොවීය. ඔවුහු රිසි සේ සිය රාජ්‍යයන් පිහිටුවාගෙන රජ කළහ.
මඳකට සිතා බැලුවහොත් ඇත්තෙන්ම එහි වරදක් වෙයිද?

වත්මන් සුපිරි තාරකාවක ලෙස කාගෙත් කතාබහට ලක්ව සිටින කන්ගනා රහනාවුත් නම් කියන්නේ මෙම මවුපිය තරු ක්‍රමය අසාධාරණ බවය. කොටි දෙනක මස් කුට්ටියක් ‘ගොදුරකට’ නිතර කුරුමානම් අල්ලන කන්ගනා බාල්දියක් පෙරලීම සඳහා කාව හෝ ඉලක්ක කොට ගන්නේ අහේතුකවය.

පෙරළිකාර, නිර්භීත, මේ ලස්සන තරුණිය කියා සිටින්නේ උතුරු ඉන්දීය සිනමාව තුළත්, දූර දර්ශන් වැනි රූපවාහිනී සේවාවල විකාශනය වන රියැලිටි වැඩසටහන් මෙහෙය වීමට වාගේම චිත්‍රපට අධ්‍යක්‍ෂණය සඳහාත් මවුපිය තරු ක්‍රමය අහෝසිකර පිටස්තරයනට තැන දිය යුතු බවය.
කන්ගනා ‘වහෙන් ඔරෝ’ තාලෙට දොස් නඟා තිබුණේ, මූලිකවම ‘කරන් ජොහාර්ව’ කේන්ද්‍රකොට ගෙනය.

‘ඔබ කරන් ජොහාර්ට විරුද්ධව නිතර වචන පාවිච්චි කරන්නේ ඇයිදැයි’
මාධ්‍යවේදියකු පසුගිය දිනෙක කන්ගනාගෙන් ඇසූ මොහොතක කන්ගනා ඊට දුන් පිළිතුර ඕනෑවට වඩා උණුසුම් විය.
කරන් ජොහාර් හරි ලොකු මිනිහෙකැයි ඔබ සිතනවාද? කරන් ඔහුගේ අසුන අටවාගෙන සිටින්නේ සිය තාත්තාගේ නම උඩයි.
කරන්ගේ චිත්‍රපට තුළද පෙන්වන්නේ ඉතා හිස් ආටෝපයන් පමණයි. රාජ වංශයේ කතා පුවත් සහ ලේ හැලීම් මිස ඔහුට ආවේණික වෙනත් රසයක් නැහැ. ‘යාශ් ජොහාර්’ මහත්තයා නොසිටින්නට කරන් ජොහාර් ගැන දන්නා කිසිවකු ඉන්දියාවෙහි කවදාවත් නොසිටින්නට තිබුණා මම හිතන්නේ.

කන්ගනා කරන් ජොහාර්ට සේම ආලියාට සහ සෝනම් කපූර්ටද චෝදනා කර තිබිණි. එයට හේතුව වූයේ, කරන් ‘කොෆි විත් කරන්’ වැඩසටහනට සෝනම්ව සහ ආලියාව ගෙනැවිත් කළ කදිම රංගනයයි. ඔවුන් එතැනදී ‘මවුපිය තරු ක්‍රමය මත බිහිවූ’ ලස්සන කෙල්ලන්, කොල්ලන් ගැනය. ඒ අපූරු වැඩසටහන බොහෝ අය විසින් නරඹා තිබිණි.

‘කන්ගනා කියන්නේ කා සමඟ හෝ ඇමිණෙන්නට බලා සිටින බාල්දි කොක්කක්, කොහොමත් ඈ මා සමඟ තරහයි. කෝපි එකක් බොන්නට මා සමඟ එක්වන්නට කියා මම ඇයට ආරාධනා නොකරපු ද්වේශයට ඈ මට මඩ ගහනවා.’

කන්ගනා දෙඩූ අවිනීත කතාවට කරන් එසේ පිළිතුරු දුන්නේ ඉතා සන්සුන්වය.
හොඳ නිර්මාණ කරන්නට පුළුවන්, බොහෝ තරුණ කෙල්ලන්, කොල්ලන් ඉන්දියාවේ අහුමුලුවල ඕනෑ තරම් සිටියදී මවුපිය උරුමයට තරු පොකුරු ඇතිකිරීම නව නිර්මාණ බිහිවීමේ සියලු මංපෙත් වසා දමන බව කන්ගනා රනාවත් පුන පුනා කියන්නීය.

කරන් ජොහාර්ගේ නිර්මාණ විලාසිතා රටාව වෙනස් කළ යුතු නම් එය කෙසේ වෙනස් විය යුතු බව දැයි ඔබ කියන්නේ, යි.
කන්ගනාගෙන් සිනමා විචාරකයකු ඇසූ මොහොතේ,

‘එවැන්නක් මට අදාළ නැහැ, ඔහුව වෙනස් කිරීමට මම ඔහුගේ කවුද? වෙනස් විය යුත්තේ ඔහුයි. කරන් ජොහාර් චිත්‍රපට තැනිය යුත්තේ ‘යාෂ් ජොහාර්’ මහතාව අනුස්මරණය කිරීමට නොවේ. ඔහු චිත්‍රපට තැනිය යුත්තේ, තමාට අලුත් යමක් කළ යුතු බව ප්‍රේක්‍ෂකයාට පෙන්වීමටය.’
යනුවෙන් ඈ එයට පිළිතුරු දී තිබිණි.

මවුපිය උරුමය හරහා තරු වූ දූ පුතුන් දෙස බලන්න. ඔවුන් හැම අයකු තුළම වන්නේ තම මවුපියන්ගේම අනුරුවයි. අනුකරණයක මිස අනුගමනයක් ඔවුන් තුළ නැහැ.

ඇතැම් විට මා මේ කතා කරන කාරණය තුළ තව බොහෝ දෙනකු විමසිලිමත්වනවා වන්නට පුළුවන්. සමහර දිනෙක කන්ගනා රනාවත් ලෙස මා දුන් මේ ආරම්භය ඔවුනට උත්තේජනයක්ද විය හැකියි.

කන්ගනා නම් වූ මේ සුපිරි පුලාන් දේවිය පවසන කාරණය සමහර විට ඇත්තක් විය නොහැකි යැයි සිතන්නට බැරිය.
බොහෝ විට බොහෝ මිනිසුන් කතා කළයුතු බොහෝ දේ කිසිවකුගේ අවුලවාලීමක් එළිදැක්වෙන තුරු සඟවාගෙන සිටිති.

පාරම්පරිකව පැවැත එන මවුපිය උරුමය සහිත තරු විලාසිතාව ගැන කන්ගනා සිය සිතැඟි චෝදනාවක් කොට පුපුරවා හැරියාය.
ඊළඟට කුමක් විය හැකිද?
එය නම් කියන්නට දන්නේ නැත.
දන්නේ එකකි. ඒ, කන්ගනා රනාවත්, නම් පෙරළිකාර, සුන්දර මිනිස් බෝම්බය ලෙහෙසියෙන් කිසිවක් අතහැර නොදමන බවය.
දමයන්ති රේණුකා ප්‍රනාන්දු

Continue Reading
Click to comment

Leave a Reply

Your email address will not be published. Required fields are marked *

Advertisement
Advertisement
Exclusive1 hour ago

ක්‍රිකට් ක්‍රීඩකයන්ට අපලයක්: මෙන්ඩිස් අත්අඩංගුවට

Exclusive4 hours ago

පාතාලයට අවිආයුධ ගියේ ගිනිගත් අවි ගබඩාවකින්?

Exclusive4 hours ago

නීතිපති පොලිසියට කනේ ඇඟිලි ගහගන්න දෙයි: පොලිස්පති නැඟිට යයි

Exclusive7 hours ago

ජනපති තන්තිරිමල පුදබිමේ ඖෂධ පූජාවක (PHOTOS)

Exclusive7 hours ago

දිනවිය යුතු අපේක්ෂකයන් ගැන අගමැති ලේකම්ගෙන් ප්‍රකාශයක්

Business13 hours ago

හේමාස් රෝහල් සමූහය සංචාරක ක්ෂේත්‍රය ප්‍රවර්ධනය කරයි

Business13 hours ago

කොමර්ෂල් බැංකුවෙන් අධ්‍යාපන ආයතන වෙත ආරක්ෂිත අන්තර්ජාල ගෙවීම් සේවා ලබාදෙයි

Business13 hours ago

Uber Rentals වෙතින් මගීන් හට පහසුකම් රැසක්

Business13 hours ago

DFCC බැංකුවෙන් අපනයන ආශ්‍රිත ව්‍යාපාර වෙනුවෙන් සහනදායී ණයක්

Business13 hours ago

ලංකා බැංකුව චීන සංවර්ධන බැංකුව අතර ණය ගිවිසුමක්

Exclusive11 months ago

මහේෂ්ට ජනපතිවරණයට ආරාධනාවක්

Exclusive11 months ago

සිකුරාදා රෑ කරන්න ගිය ‌මෛත්‍රිගේ අගමැති කුමන්ත්‍රණය කඩා වැටේ

Exclusive11 months ago

එජාප ඇමැතිලා 5ක් ඉවතට -අලුත් නම් 5ක් සූදානම්

Exclusive3 months ago

හිටපු ජනපති පුතා ඇඳිරි නීතිය මැද මහ රෑ දාපු පාටිය ගැන මාධ්‍යවේදිනිය ‌පොලිසියෙන් ප්‍රශ්න කරයි

Exclusive11 months ago

මහින්දගෙන් ‌ගෝඨාට නියෝගයක්

Astrology6 months ago

2020 ලග්න පලාපල ඔබට කොහොමද?

Exclusive2 months ago

අමෙරිකා-බ්‍රිතාන්‍යය-ජර්මන්-යුරෝපා සංගම් තානාපතිවරු පෝලිමේ සජිත් හමුවන්න එති (VIDEO)

Exclusive2 months ago

කෝටිපති දිලිත් කෝටි 2ක් දීලා විශේෂ යානයක් හදිසියේම ඩුබායි යැව්වේ ඇයි? (PHOTOS)

Exclusive4 months ago

රනිල්ගේ UNP එකයි සජිත්ගේ UNP එකයි

Exclusive8 months ago

පොතේ හැටියට දිනන්නේ කවුද? (උපුල් ‌ජෝශප් ප්‍රනාන්දුගේ ගුරුදා විග්‍රහය)