Connect with us
Redmi 9C
Advertisement

Heart

ලංකාවේ ටොප් ලෙවල් එකේ අලුත්ම ගායකයා

Published

on

චරිත් අබේසිංහ කියන චිත්‍රපට නිෂ්පාදකවරාය ගැන බොහෝ දෙනෙක් දැන ගෙන හිටියා. ඒ වගේම චරිත් අබේසිංහ කියන සිනමා නළුවටත් බොහෝ දෙනෙක් ආදරය කළා. ඒත් චරිත් අබේසිංහ කියන ගායන ශිල්පියා ගැන ගොඩ දෙනෙක් දැන ගෙන හිටියේ නැහැ. ඒ සියල්ල වෙනස් වුණේ දෙරණ රූපවාහිනිය හරහා පසුගිය මාසයේදී විකාශනය වුණු “මා නොවන මම” වැඩසටහන හරහා. ඒ වැඩසටහන ප්‍රචාරය වීමත් එක්ක සිනමා ශිල්පියෙක් විදියට ජනප්‍රිය වෙලා හිටිය චරිත් අබේසිංහගේ ගායන හැකියාව ගැන බොහෝ දෙනා කතා කරන් පටන් ගත්තා. ඒ වගේම චරිත් ඇයි ගායන ශිල්පියෙක් වුණේ නැත්තේ කියලත් බොහෝ දෙනා අහන්න පටන් ගත්තා. ඒ හින්දා ඒ ගැන දැන ගන්න අපි චරිත්ට කතා කළා.
චරිත් අබේසිංහ ගායකයෙක් වුණේ නැත්තේ ඇයි කියන එක දැන් හැමෝටම ප්‍රශ්නයක් වෙලා. කතා බහට ආරම්භය ගන්න අපිත් ඒ ප්‍රශ්නෙම ඔබෙන් ඇහුවොත්?
ඇත්තටම ගායකයෙක් වෙන එක තමයි තිබුණු හීනේ. ඒත් ලංකාවේ සංගීත ශිල්පියෙකුට තියෙන අවදානම එක්ක ඒක වෙනස් වුණා කිව්වොත් හරි. ඒකට හොඳම උදාහරණයක් වර්තමානයෙන්ම හමු වෙනවා. කොවිඞ් 19න් පස්සේ සංගීත ප්‍රසංග හැර ජනතාව රැස් වෙන හැම දෙයක්ම පටන් අරන්. අන්න ඒ ස්ථිර නැති බව ගායකයෙක්ට තියෙනවා කියලා මට එදා ඉඳන්ම තේරුණා. ගායකයෙක් වෙන හීනය අත්හැරලා පිට රට යන්න තීරණය කළේ අන්න ඒ හින්දයි. හැබැයි එහෙ ගිහිල්ලත් සංගීතය සහ ගායනය අමතක කළේ නැහැ. පුළුවන් විදියට ඒ හැමදේමට සම්බන්ධ වුණා.
නළුවෙක්, නිෂ්පාදකවරයෙක් සහ අධ්‍යක්ෂවරයෙක් වීම ගැන කතා කරන්න කලින් අපි චරිත් අබේසිංහට ගායනය සමඟ තියෙන සම්බන්ධය කතා කරලා ඉමු?
මම ලංකාවෙන් ගියේ වයස අවුරුදු 21දි. ඒත් ඒ වෙද්දී මම ලංකාවේ ජනප්‍රිය සංගීත කණ්ඩායම් කිහිපයකම නියාමක ගායන ශිල්පියා විදියට කටයුතු කරලා තිබුණා. සීදුවේ සකුරා, සමන් ඇන්ඞ් ද ක්ලෑන්, සියැක්, සන්ශයින් වගේ සංගීත කණ්ඩායම් කිහිපයක් එක්කම මම වැඩ කෙරුවා. අවුරුදු 16දි තමයි මම කණ්ඩායම් සංගීතයට සම්බන්ධ වුණේ. ඇත්තටම ඒ හරහා මගේ ගායන හැකියාව වැඩි දියුණු වුණා කිව්වොත් හරි.
අවුරුදු 16දි කණ්ඩායම් සංගීතයට යොමු වෙනවා කියන්නේ ඉතාම විශේෂ දෙයක්. ඊට පෙර කලාව සහ ඔබ අතර තිබුණු සම්බන්ධ මොන වගේද?
හඬ කැවීම් ශිල්පියෙක් විදියට ගුවන් විදුලියේ ළමා පිටියෙන් තමයි මම මුලින්ම කලාවට සම්බන්ධ වුණේ. ඊට පස්සේ තරුණ සේවා සභාවට සම්බන්ධ වුණා. ඒත් ගායකයෙක් විදියට නෙවෙයි.
අවුරුදු 21දී විදෙස් ගත වුණු චරිත් ගැන ඊට පස්සේ රටම කතා කරන්නේ ජූලියා චිත්‍රපටය හරහා. ඇයි පිටරට ඉඳන් එකපාරටම ලංකාවට චිත්‍රපටයක් කරන්න හිතුණේ?
ඒක එකපාරටම වුණු දෙයක් නෙවෙයි. ඒකත් හිතේ තිබුණු ලොකු ආශාවක්. ලංකාවෙන් ගියාට පස්සේ විශේෂයෙන් සිනමාව ගැන ගොඩක් දේවල් හදාරන්න මට අවස්ථාව ලැබුණා. ලංකාවේ අධ්‍යක්ෂවරයකුට නොලැබෙන ලොකු අවස්ථාවක් මට ඒ හරහා ලැබුණා. අපේ කාලයේදී තමයි ලෝකයේ ලොකුම තාක්ෂණික වෙනස්කම් සිද්ධ වුණේ. කලා ලෝකයටත් ඒක ඒ විදියටම බලපෑවා. ඉතිං ඒ නවීන තාක්ෂණය කලාවට සම්බන්ධ වෙන විදිය මම ඉගෙන ගත්තා. ඒ ඉගෙන ගත්ත දේ තමයි මම ජූලියා හරහා ලංකාවට අරගෙන ආවේ.
ජූලියා නිෂ්පාදකවරයා සහ ප්‍රධාන නළුවා වීම පමණක් නෙවෙයි ඒ චිත්‍රපටයේ ප්‍රධාන ගීතය ගායනා කළෙත් ඔබ. ගායකයෙක් වෙන්න තිබුණු ආශාව නේද ඒ හරහා ඔබ ඉෂ්ට කර ගත්තේ?
එහෙම කිව්වත් ඒක වැරැදි නැහැ. මොකද මම ලංකාවෙන් ගිහින් අවුරුදු හතරකට විතර පස්සේ තමයි ජූලියා නිෂ්පාදනය කළේ. ඒ වෙද්දී මම කවුද කියන එක මෙහේ අයට මතක නැහැ. ඉතිං එහෙම තත්ත්වයක කවුරුවත් මට ගීත ගායනා කරන්න අවස්ථාවක් දේවි කියලත් හිතන්න බැහැ. මගේ ආශාව ඒ හරහා ඉටු කර ගත්තා කියන එක වැරැදි නැහැ කියලා මම කිව්වේ ඒකයි. ජූලියාගෙන් පස්සේ මම නිෂ්පාදනය කළ ජූලි හතයි චිත්‍රපටයෙත් මම ගීතයක් ගායනා කළා. ඒ ගීත දෙකටම සම්මානත් හිමි වුණා.
අපි දැන් “මා නොවන මම” පැත්තට හැරෙමු. ඒ වැඩසටහනින් පස්සේ තමයි නැවත වරක් චරිත් ගැන බොහෝ දෙනා කතා කරන්න පටන් ගත්තේ. “මා නොවන මම” වැඩසටහනට සම්බන්ධ වෙන්න අවස්ථාව උදා වුණේ කොහොමද?
වැඩසටහන මෙහෙයවන කැළුම් අයියා මං ගැන දන්නවා. මොකද කැළුම් අයියා තමයි මගේ සරත් සඳේ ගීතය රචනා කළේ. නමුත් මා නොවන මම නිෂ්පාදක කණ්ඩායමේ ශර්මිලා සහ චින්තකගේ ආරාධනය අනුව තමයි මම ඒ සඳහා එකතු වුණේ. ඊට කලින් මම දෙවරක් දෙරණ නාළිකාවේ රියැලටි වැඩසටහන් එක්කත් එකතු වෙලා හිටියා. ඒ හින්දා මගේ ගායන හැකියාව ගැන ඒ අය දැනගෙන හිටියා. කොහොම වුණත් මේ වැඩසටහන මීට ගොඩ කාලෙකට කලින් කරන්න තිබුණු එකක්. ආරාධනා ලැබිලා තිබුණත් මට කිහිප වරක්ම ඒ අවස්ථාව ගිලිහිලා ගියා. ඊට පස්සේ කොවිඞ් 19 හින්දා වැඩසටහන කාලයක් පරක්කු වුණා. ඒත් නියම වෙලාවට මේක සිද්ධ වුණා කියලයි මම හිතන්නේ. ඒ හින්දා බොහෝ දෙනෙකුට මේක නරඹන්න අවස්ථාවත් ලැබුණා.
වර්තමානයේදී චරිත්ව මොන විදියටද ප්‍රේක්ෂකයන්ට දැක ගන්න ලැබෙන්නේ?
මම අධ්‍යක්ෂණය කෙරුව සත්‍යා ටෙලි නාට්‍ය මේ දිනවල සති අන්තයේදී ස්වාධීන රූපවාහිනිය හරහා ප්‍රචාරය වෙනවා. ඒ වගේම ලංකාවේ පළමුවරට භැඑකෙසං වෙනුවෙන් නිර්මාණයක් කරන්න මට පුළුවන් වුණා. එහි වැඩකටයුතුත් මේ දිනවල සිද්ධ කර ගෙන යනවා.
අලුත් තාක්ෂණයත් එක්ක කලාව රස විඳින හැම දෙනාටම ඒක අපූරු ආරංචියක් වෙනවා කියලා අපිට විශ්වාසයි. ඒ හින්දා අපි ඒ ගැනත් තව ටිකක් කතා කරමු.
ඔව්. ඇත්තටම ඒක අහම්බයකින් ලැබුණු අවස්ථාවක්. ඒක කොටස් season 05 කින් සමන්විත ටී. වී. මාලා (T.V. series නාටකයක්. එහි කොටස් දෙකක් මේ වෙද්දී ඉවරයි. ඉතුරු කොටස් දැන් කර ගෙන යනවා. අපේ රටේ ජනප්‍රිය ටෙලි නාට්‍ය ශිල්පීන් බොහෝ දෙනෙක් මේ වැඬේට එකතු වෙලා ඉන්නවා. අපි කරන වැඬේ හොඳද නැද්ද කියන එක ප්‍රේක්ෂකයෝ තමයි තීරණය කරන්න ඕනෑ. ඒත් මේ ලැබුණු අවස්ථාවෙන් අපේ අනෙක් කලාකරුවොත් ඉදිරියේදී ප්‍රයෝජන ගනීවි කියලා මම විශ්වාස කරනවා.
මේ නිර්මාණය කවදා වගේද ප්‍රේක්ෂකයන්ට දැක ගන්න ලැබෙන්නේ?
ලබන ඔක්තෝබර් මාසය වෙද්දී ඒක දැක ගන්න පුළුවන් වේවි.
චන්දන පොන්නම්පෙරුම

Continue Reading
Click to comment

Leave a Reply

Your email address will not be published. Required fields are marked *

Advertisement
Advertisement
Exclusive1 year ago

මහේෂ්ට ජනපතිවරණයට ආරාධනාවක්

Exclusive1 year ago

සිකුරාදා රෑ කරන්න ගිය ‌මෛත්‍රිගේ අගමැති කුමන්ත්‍රණය කඩා වැටේ

Exclusive1 year ago

මහින්දගෙන් ‌ගෝඨාට නියෝගයක්

Exclusive1 year ago

එජාප ඇමැතිලා 5ක් ඉවතට -අලුත් නම් 5ක් සූදානම්

Exclusive6 months ago

හිටපු ජනපති පුතා ඇඳිරි නීතිය මැද මහ රෑ දාපු පාටිය ගැන මාධ්‍යවේදිනිය ‌පොලිසියෙන් ප්‍රශ්න කරයි

Astrology9 months ago

2020 ලග්න පලාපල ඔබට කොහොමද?

Exclusive5 months ago

අමෙරිකා-බ්‍රිතාන්‍යය-ජර්මන්-යුරෝපා සංගම් තානාපතිවරු පෝලිමේ සජිත් හමුවන්න එති (VIDEO)

Astrology10 months ago

ඔබේ සහකරු ඉන්න තැන මෙන්න

Exclusive5 months ago

කෝටිපති දිලිත් කෝටි 2ක් දීලා විශේෂ යානයක් හදිසියේම ඩුබායි යැව්වේ ඇයි? (PHOTOS)

Mahawanshaya1 year ago

ගම්දනාව බියවද්දමින් උලමා හොයන දේ