Connect with us
Redmi 9C
Advertisement

Heart

ලස්සන හඬක් දෙවියො මට දුන්නෙ වාසනාවට

Published

on

80 දශකය අග භාගයෙහි රූපවාහිනී මාධ්‍යය එන්නට පළමුව ශ්‍රී ලාංකේය ප්‍රේක්‍ෂකයෝ විවිධාකාර වූ ජනප්‍රිය පුද්ගලයන්ගේ ‘හඬට’ ඇලුම් කරන්නට හුරුව සිටියහ. සවස 6.30 පසුවන යාමයට නිවෙසෙහි බොහෝ දෙනා රේඩියෝව වටා පුටු තබා පෙළගැසුණේ එදිනට නියමිත නාට්‍යය අසන්නටය. මොණරතැන්න, මුවන්පැලැස්ස, වජිරා, ගිම්හානේ ගී නාදේ සහ ගුවන්විදුලි රඟමඬල එවකට ජනප්‍රියව තිබූ ගුවන්විදුලි නාට්‍ය අතර ප්‍රධානව තිබුණා මතකය. එකී නාට්‍යය අතර පළමු පෙළට පැමිණි එක් සුවිශේෂී හඬක් විය. ඒ හඬ මයික්‍රපෝනය හමුවේ ඉතා සමබර විය. කාගේ වුවද සවනට සුමධුර විය… පැහැදිලි වචන උච්චාරණයක් ගාම්භීරව ගලා යන හඬ ස්වරයත් නිසා ගුවන්විදුලියෙහි ප්‍රවෘත්ති ප්‍රකාශයට ඇගේ හඬ නැතුවම බැරි විය. ඈ කවුදැයි ඔබ දන්නවද..? නොදැන සිටින්නට බැරිය.., අලංකෘත හඬ ස්වරය සමඟ ප්‍රේක්‍ෂක සවන්පත් සැනසූ ඈ රම්‍යා වනිගසේකර විය. ටෙලි නිළියක ලෙස ප්‍රේක්‍ෂකයන් හමුවට පැමිණීමට පළමුව ගුවන්විදුලිය සහ වේදිකාව තුළ සුවහසක් වූ පිරිස සැනැසූ අතීත කතාවක මතකය අවදි කරන්නට මේ අඳුරු කලාකාරිය අප හා එක්වූයේ මෙලෙසිනි.

සිරිතක් ලෙස පළමුව ඔබේ සුවදුක් විමසනවා නම්?
ඇත්තෙන්ම මම බොහොම සතුටින් කාලය ගෙවනවා. ඒ වගේම කලාකාරියක ලෙස මම තවමත් කාර්යබහුල වීම ගැන තෘප්තියට පත්වෙනවා.
දශක ගණනකට පළමුව එදා ගුවන සැනැසූ ඔබේ හඬ තවමත් ගාම්භීරයි?
මමත් එහෙම හිතනවා… තවත් සමහරු එහෙම කියනවා… ‘මේ දහවල ප්‍රවෘත්ති විකාශනයයි, මම රම්‍යා වනිගසේකර’ කියා මම එදා බොහොම ගාම්භීරව පැවැසූ හඬ අදටත් අමතක නැහැ කියා අසන්නන් කියන කොට මම දැඩි ආත්ම තෘප්තියකට පත්වන වග අවංකව කියන්න සතුටුයි.
ඒ කාලේ උදේ-සවස ප්‍රවෘත්ති විකාශනයට ඔබව සුවිශේෂීව තෝරා ගැනුණාලු?
යොවුන් තරුණියක කාලයේ ඉඳලම මට ඒ අවස්ථාව ලැබුණා. ‘ප්‍රවෘත්තිවලට රම්‍යාව දාන්න… කියා ගුවන්විදුලි සංස්ථාවේ නිෂ්පාදක අංශයේ ප්‍රධානීන් නිතර අන් අයට දැනුම් දුන්නා. අදටත් මතකයි.
ඔබට එදා එය මහා ආඩම්බරයක් වන්නට ඇති?
නැතුව ඉතින්.., ලස්සන කටහඬක් දෙවියන් දුන්නා කියන්නේ ලොකු වාසනාවක්. ඒ වගේම ඒ හඬ මෙහෙය වන්නට අවශ්‍ය නිසි අවස්ථාවක් ලැබෙනවා කියන එකත් කොයිතරම් පිනක්ද? හිතලා බලන්න, ලස්සන කටහඬක් සමඟ මේ ලෝකෙට ආවත් එහි මිහිරියාව අන් අයට අසන්නට දෙන්නට වරමක් නැති අය කොයිතරම් ඉන්නවද?
ගුවන සනහන වරම උදාවූයේ පාසල් වියේ ඉඳලමද?

පාසල් යන කාලේ සාහිත්‍ය සමිතියේ විවිධ ප්‍රසංග පවත්වන කොට මම ගීත ගායනයට එක්වුණා. මගේ හඬ හරිම මිහිරිය කියලත්, කවදා හෝ මම ජනප්‍රිය ගායිකාවක වෙයි කියලත් ගුරුවරියන් පවා කිව්වා. ඔය අතර ඔන්න දවසක් අපේ පාසලේ ‘මනමේ’ නාට්‍යය ප්‍රදර්ශනය වුණා. එහි නළු නිළියන් හරි අපූරුවට රඟනවිට මට හිතුණේ අනේ වේදිකා නිළියක වන්නට ඇත්නම් කොයිතරම් අපූරුද කියලයි.
ගායිකාව සැඟව ගිහින්, රංගවේදිනිය මතුවුණේ එතැනින්ද?
ඉන්නකෝ කතාව කියනකල්.., ගුවන්විදුලි සංස්ථාවේ ඒ කාලේ ‘තක්සලාව’ කියලා ළමා වැඩසටහනක් තිබුණා. ළාබාල යෞවනියක කාලේමයි මම එයට සහභාගි වුණේ. එතැනදී කවි, සින්දු, නාට්‍ය වාගේ හැම අංශයකින් වැඩසටහන් ඉදිරිපත් වුණා. ඒ සඳහා අපව මෙහෙය වූයේ තේවිස් ජයවීර කියලා ප්‍රවීණයෙක්. නිවේදන කලාව පවා එතැනදී අප ප්‍රගුණ කළා. එහිදී දැනගන්නට ලැබුණා ගුවන්විදුලියට තරුණ නිවේදිකාවන් හොයනව කියලා. ලොකු බලාපොරොත්තුවක් හිතේ නොතිබුණත් ඉල්ලුම් පත්තරයක් දැම්මා. මයික් එකට හඬ හුරුව තිබුණු නිසා පළමු වටයේ එකසිය ගණනට තේරුණා. ඉන්පස්සේ ඒ ගණන 60 වෙලා 12 කටත් අවසානේ 4 දෙනකුගෙටත් එනතුරුම මමත් එහි සිටියා. අන්තිමේදී ගුවන්විදුලි සංස්ථාවේ වෘත්තිමය නිවේදිකාවක වීමේ වාසනාව හිමිවුණා. එදා ඉඳන් 2018 වන තුරුම මම ‘ප්‍රවෘත්ති’ වැඩසටහන් ඇතුළුව බොහෝ නාට්‍යමය විශේෂාංගවල මගේ හඬ ගෙනගියා.
වේදිකා නිළියක වීමේ සිහිනය, නිවේදිකාවක හමුවේ මලක් යටපත් වුණා කිව්වොත් එය නිවැරැදිද?
යටපත් වුණාය කියන එකට වැඩිය මඳක් ප්‍රමාද වුණාය කිව්වොත් වඩාත්ම නිවැරැදියි. සරලවම කියනවා නම් මේ ඉසව් දෙක අතර එදා මම ක්‍රියා කළ ආකාරය ගැන සතුටක් සමඟ ආඩම්බරයක් මට අදත් දැනෙනවා. උදේ කාලය තුළ ගුවන්විදුලියෙහි වෘත්තීමය කටයුතු සියල්ල ඉටු කරලා සවස් භාගය යොදවන්නේ වේදිකාවටයි. අද තරුණ කලාකාරියන් වගේ නෙවෙයි එදා අප තුළ ‘වගකීම’ කියන වචනය ගැන මහා ලොකු හැඟීමක් තිබුණා. කිසිම අංශයක වචනයක් අහන්නෙ නැති විදියට තමයි අපි අපේ කාර්යභාරය ඉටුකළේ.
අවංකවම කියනවා නම්, ගුවන්විදුලිය නිසා ඔබට වේදිකාව මගහැරුණු තැන් තියෙනවා නේද?
සත්තකින්ම ඔව්, බොහෝ වේදිකා නාට්‍යය ගුවන්විදුලිය නිසා මට මඟහැරී ගියා… හැබැයි කිසිම සිත්තැවුලක් නැහැ, ‘ගුවන’ තුළ මා ගෙවූ කාලය හරිම ආකර්ෂණීයයි.
‘කැලණි පාලම’ රූපවාහිනියෙහි විකාශනය වීම තුළ ඔබ නොසිතූ ජනප්‍රියත්වයකට බඳුන් වුණා?
බොහෝ විට, කිසිදුම කලාකාරියකට නොලැබෙන අවස්ථාවක් තමයි මට ඒ ලැබුණේ. ‘කැලණි පාලම’ සතිපතා විකාශනය වීම හරහා වේදිකාවත් ටෙලි කලාවත් තුළ හොඳ ප්‍රේක්‍ෂක පිරිසක් මා වටා රොක් වුණා. ‘මැණික් නදිය ගලා බසී’ සහ ‘කන්දෙ ගෙදර’ යන ටෙලි වෘත්තාන්ත තුළින් මා ලද ප්‍රතිචාර අසීමිතයි.
කැබ් රථයකට ගොඩවෙන්නටත් බැරි තරමට ඒ ප්‍රතිචාර ආදරණීය වුණා?
අනේ ඔව් දෙයියනේ… කැබ් එකකට හදිසියකට ගොඩවුණාම ‘මැඩම් ඔයා රම්‍යා වනිගසේකර නේද, මම අදත් ‘මැණික් නදී ගලා බසී’ බලලා තමයි ආවේ කියනවා. ‘මැණික් නදිය ගලා බසී’ නැවැත විකාශනය සඳහා යන දවසක තරුණ හාදයෙක් එහෙම කිව්වා මතකයි. තවත් දවසක මම කොහේ හරි යන්න මීටර් ටැක්සි එකකට නැඟපු වෙලේ එහි රියැදුරා මගේ දිහා ටිකක් වේලා බලන් ඉඳලා, ‘අනේ මැඩම් ‘කන්දෙ ගෙදර’ ඔයා රඟපාන චරිතයට මගේ නෝනා හරිම ආසයි. මම ෆෝන් එක දෙන්නම් විනාඩියකට එයාට කතා කරන්න පුළුවන්ද කියලා ඇහුවා… අනේ ඉතින් මමත් ඒ දරුවගේ නෝනට කතා කළා. එදා මගේ ඇස්වලට කඳුළුත් ආවා. අනේ ප්‍රේක්‍ෂකයන් මේ තරම් මට ආදරෙයි නේද? කියන හැඟීම ගැන මම සතුටට පත්වුණා.
හැබැයි ඔබ තුළ සිටි ගායිකාවට ඔබ තැනක් දුන්නේ නැහැ?
ඇත්තෙන්ම ඒක මටත් ප්‍රශ්නයක්… නමුත් මියයන්නට පළමුව ගීතයක් එළිදැක්වීමේ මෙහෙවරක මා නියුතුව සිටිනවා. එය ළමා ගීත පෙළක්. රංජිත් කුරුවිට බණ්ඩාර මහත්තයා එහි හරි වැරැදි පවා බලා අවසන්. නුදුරු දිනෙක එය එළිදැක්වීමේ බලාපොරොත්තුව තුළ තවමත් දවස ගෙවමින් සිටිනවා.
දමයන්ති රේණුකා ප්‍රනාන්දු

Continue Reading
Click to comment

Leave a Reply

Your email address will not be published. Required fields are marked *

Advertisement
Exclusive1 week ago

මැරෙන්න කලින් මධූෂ් හෙළි කරපු මහකුඩ්ඩන් හතර දෙනාගේ නම් මෙන්න (VIDEO)

Exclusive1 year ago

මහේෂ්ට ජනපතිවරණයට ආරාධනාවක්

Exclusive1 year ago

සිකුරාදා රෑ කරන්න ගිය ‌මෛත්‍රිගේ අගමැති කුමන්ත්‍රණය කඩා වැටේ

Exclusive1 year ago

මහින්දගෙන් ‌ගෝඨාට නියෝගයක්

Astrology10 months ago

2020 ලග්න පලාපල ඔබට කොහොමද?

Exclusive7 months ago

හිටපු ජනපති පුතා ඇඳිරි නීතිය මැද මහ රෑ දාපු පාටිය ගැන මාධ්‍යවේදිනිය ‌පොලිසියෙන් ප්‍රශ්න කරයි

Exclusive1 year ago

එජාප ඇමැතිලා 5ක් ඉවතට -අලුත් නම් 5ක් සූදානම්

Astrology11 months ago

ඔබේ සහකරු ඉන්න තැන මෙන්න

Mahawanshaya1 year ago

ගම්දනාව බියවද්දමින් උලමා හොයන දේ

Exclusive6 months ago

අමෙරිකා-බ්‍රිතාන්‍යය-ජර්මන්-යුරෝපා සංගම් තානාපතිවරු පෝලිමේ සජිත් හමුවන්න එති (VIDEO)

Exclusive6 months ago

කෝටිපති දිලිත් කෝටි 2ක් දීලා විශේෂ යානයක් හදිසියේම ඩුබායි යැව්වේ ඇයි? (PHOTOS)

Astrology1 year ago

නිවෙසේ උපකරණ සඳහා සුබම දිශාව

Astrology1 year ago

විෂ්ණු දෙවියන්ගේ පිහිට ගෙනන පූජාවක්

Exclusive7 months ago

රනිල්ගේ UNP එකයි සජිත්ගේ UNP එකයි

Exclusive12 months ago

පොතේ හැටියට දිනන්නේ කවුද? (උපුල් ‌ජෝශප් ප්‍රනාන්දුගේ ගුරුදා විග්‍රහය)