Connect with us
Advertisement

Heart

වසල දේශපාලනයට ගහපු අමුඩෙ

Published

on

දේශපාලකයන් වෙනුවෙන් ප්‍රශස්ති ගායනා ගැයෙන යුගයක 72 වසරක ලංකා දේශපාලනයේ අප්‍රසන්න පෙළගැස්ම රසිකයන්ට වෙනස්ම ආකාරයක මියුසික් වීඩියෝවක් තුළින් ඉදිරිපත් කරන්නට ගත් උත්සාහය මේ වන විට සමාජ මාධ්‍ය ජාලාවල ශීග්‍රයෙන් පැතිර යනවා. මෙම අපූරු නිර්මාණය පිළිබඳව එහි නිර්මාපකයන් අදහස් දැක්වූ ආකාරයයි මේ.

සාදර බණ්ඩාර
සාදර ඡන්දෙ කිට්ටු කරල බෝම්බයක් අතඇරිය නේද?

මම විශ්වාස කරන දෙයක් තමයි රටක් දියුණු වෙනව කියන්නෙ ඒ රටේ මිනිස්සු වෙනස් විදිහට හිතනව කියන එක. ඉතින් මේ රටට, මිනිසුන්ට, ගහට කොළට ආදරේ කරන නිර්මාණකරුවෙක් විදිහට මම හිතනව මේ නිර්මාණය හරහා මිනිසුන්ට වෙනස් විදිහට හිතන්න අවස්ථාවක් සලසල දුන්න කියල.
ඇයි ඒකට අමුඩයක් තෝරගත්තෙ?
ඇත්තටම ඔය අමුඩෙන් මම සංකේතවත් කරන්න උත්සාහ කළේ යල්පැනගිය සිස්ටම් එක. ඒ කියන්නෙ අපේ යල්පැනගිය සිතුවිලි ධාරාව. මම උත්සාහ කළේ 1947 ඉඳල මේ දක්වා අපේ දේශපාලන ඉතිහාසය පොඞ්ඩක් මතක් කරල දෙන්න. ඒ හරහා අවුරුදු 72ක් පුරාවට අවුරුදු පහෙන් පහට වෙනස් වෙවී ඔවුන් ඔප්පු කරල තියෙනව ඔවුන්ට මේ රට වෙනස් කිරීමේ කිසිම හැකියාවක් නෑ කියල. ඒ නිර්මාණයක් හරහා සමාජයට දෙන්න තමයි මම මේ හරහා උත්සාහයක් ගත්තෙ. දරුවෙක්ට වුණත් මේ නිර්මාණය හරහා අපේ රටට මොකද වුණේ කියලා පියවරෙන් පියවර බලාගන්න පුළුවන්.
ඔබ නිර්මාණවලින් උත්සාහ කරන්නෙ සමාජය, දේශපාලනය ගැන විවේචනයක් කරන්නද?
මගේ නිර්මාණවල මූලික අදහස වෙන්නෙ ‘ආදරය සහ සාමය’. මගේ කලින් නිර්මාණවලිනුත් මම උත්සාහ කළේ සමාජය ගැන විවේචනයක් කරනවට වැඩිය අපේ මනුස්සකම් ඉස්මතු වෙන විදිහෙ වැඩක් කරන්න. ඒ හරහා මිනිසුන්ගෙ හිතන විදිහ වෙනස් කරන්න නිර්මාණකරුවෙක් විදිහට මොනයම් හරි සපෝට් එකක් දෙන්න තමයි මම උත්සාහ කරන්නෙ.
සින්දුව හැදෙන හැටි කතා කළොත්?
සින්දුව ලියන්නෙ වෛද්‍ය ජනක මාරපන. සංගීතය කරන්නෙ මම. මම මේක සලකන්නෙ මගේ නිර්මාණයකට වඩා අපේ නිර්මාණයක් සහ සමාජය සතු නිර්මාණයක් විදිහට.
මියුසික් වීඩියෝ එක හැදෙන්නෙ කොහොමද?
ඕකෙ මූලික අදහස මගේ. ඕකෙන් අපි පෙන්නන්නෙ එකම අමුඩෙ දෙපැත්ත මාරු කරකර මනුස්සයෙක් අඳින එක. ඕක කොළපාට, නිල් පාට කියල බෙදාගෙන තියෙනව. සමහර විට ඔතන්ට රතු පාට එන්නත් පුළුවන්. ඕකට විෂබීජයක් ගිහිල්ල, ඒක ඔඩුදුවල උත්සන්න වුණත් ඔහු කැමැති නෑ අමුඩය මාරු කරන්න. ඒ වේදනා විඳිමින් ඔහු ඒක ඇඳගෙන ඉන්නව. සමස්ත ශ්‍රී ලංකාවම විඳවපු විඳවීම තමයි ඕකෙන් නිරූපණය වෙන්නෙ.
වීඩියෝ එකට ගැළපෙනම කෙනා තෝරාගත්ත කියල හිතනවද?
මේකට ගන්නව කියල මුලින්ම ඔළුවෙ හිටියෙ වෙන කෙනෙක්. ඔය ඇක්ට් එක කරන්න පුළුවන් ලංකාවේ ඉන්න ප්‍රධානම පෙළේ නළුවන්ට මම කතා කළා. නමුත් මේකෙ අන්තර්ගතය දැක්කට පස්සෙ ඔවුන් කවුරුත් මේකට කැමැති වුණේ නෑ. පස්සෙ අපි මේක ගැන ධර්මප්‍රියට කිව්වට පස්සෙ ඔහු එක පයින් කැමැති වුණා මේ වැඬේ කරන්න. ධර්මප්‍රිය කියන්නෙ මේ වෙද්දි රඟපෑමට ඉහළ මිලක් අය කරන කෙනෙක්. නමුත් මේ සඳහා මගෙන් ඔහු ඉතාමත් සුළු මුදලක් ගත්තෙ. ඔහු කිව්වෙ මේක නියම වැඩක් සල්ලි ගැන හිතන්න එපා මට පුළුවන් ගානක් දීල වැඬේ කරමු කියල. ඇත්තටම මේ නිර්මාණය සාර්ථක කරගන්න ඔහුගෙන් ලැබුණෙ විශාල දායකත්වයක්.
මේ වගේ නිර්මාණවලට මාධ්‍යයෙන් ලැබෙන සපෝට් එක මොන වගේද?
ඇත්තටම ඒ සම්බන්ධයෙන් නම් ඉතාම කනගාටුදායක තත්ත්වයක් තමයි තියෙන්නෙ. මීඩියා වැඩ කරන්නෙත් යමකිසි පොලිටිකල් ව්‍යාපෘතියකට යටත්ව. ඒක අපි හැමෝම දන්නව. මීඩියාවලින් දෙන්නෙ හොඳයි කියල සම්මත දේවල් නෙවෙයි. ඔවුන්ට ඕන දේවල් තමයි ඔවුන් මිනිසුන්ට දෙන්නෙ. ඉතින් මේ වගේ නිර්මාණවලට මීඩියාවලින් සපෝට් එකක් ලැබෙයි කියල කොහොමත් හිතන්න බෑ.
එතකොට ඔබ නිර්මාණ කරන්නෙ සමාජ මාධ්‍ය ජාල ප්‍රේක්ෂකයන් ඉලක්ක කරගෙනද?
ඔව්. සමාජ මාධ්‍ය තමයි අපිට මේ වෙලාවෙ නිර්මාණ මිනිස්සු අතරට ගෙනියන්න තියෙන එකම මාධ්‍ය වෙලා තියෙන්නෙ. එතනත් ලොකු ප්‍රශ්න ටිකක් තියෙනව. නමුත් මේ වෙලාවෙ අපිට එකම විකල්පය වෙන්නෙ සමාජ මාධ්‍ය තමයි.

ධර්මප්‍රිය ඩයස්
ළඟදි අමුඩ සෙල්ලමක් කළා නේද?

ඔව්. සාරද බණ්ඩාරගෙ අලුත් මියුසික් වීඩියෝ එකේ අමුඩ සෙල්ලමක් කළා. සාරද බණ්ඩාරයි, මියුසික් වීඩියෝ එකේ ඩිරෙක්ටයි ඇවිල්ල මාත් එක්ක කතා කළා මෙහෙම වැඩක් තියෙනව කරමුද කියල. ඉතින් ඊට පස්සෙ ඒකෙ කන්සෙප්ට් එක දැක්කට පස්සෙ මට හිතුණ මේක හොඳ වැඩක් මේ වැඬේ කරන්න ඕනෙ කියල. ඉතින් එහෙම තමයි අමුඩ සෙල්ලමට සම්බන්ධ වෙන්නෙ.
ඔබ මියුසික් වීඩියෝවල දකින්න ලැබෙන්නෙ නැහැ නේද?
ඇත්තටම මම මියුසික් වීඩියෝවලට සම්බන්ධ වෙන්නෙ නැති තරම්. ඒත් මේ සින්දුව ඇහුවට පස්සෙ මට හිතුණ මේක අමුතු වැඩක් තියෙනව කියල. අනික මේ අය කරන්න යන්නෙ මොකක්ද කියල මට ඒ වෙලාවෙ තේරුණා. ඉතින් එහෙම හිතල තමයි වැඬේට කැමැති වෙන්නෙ.
මේ වීඩියෝ එකේ ඔබ තනියම තමයි චරිතය නිරූපණය කරන්නෙ. ඔබට වැඬේ ගොඩදාගන්න පුළුවන් වෙයි කියලා හිතුණද?
ඇත්තටම මේකෙදි අපි කරන්න ඕනෙ මොකක්ද කියල කලින් කතා කරගෙන හිටියෙ. මේකෙ වැඩිපුරම තිබුණෙ හැඟීම් ප්‍රකාශ කිරීම මඟින් කතාවක් කියන එක. එක විදිහකින් ඒක ලොකු අභියෝගයක් තමයි. වීඩියෝ එකේ මම විතරක් පේන්න හිටියට මගේ වටේ ගොඩක් පිරිසක් හිටියා සපෝට් එකට. ඔවුන්ගෙ උදව්වත් එක්ක ප්‍රශ්නයක් වෙන්නෙ නැති විදිහට වැඬේ ගොඩදාගන්න පුළුවන් වුණා.
සින්දුවෙන් මූලික වශයෙන් කරන්නෙ ලංකාවේ දේශපාලනය ගැන විවේචනයක්. කලාකාරයෙක් හැටියට කලාකරුවන් දේශපාලනයට සම්බන්ධ වීම ඔබ කොයි විදිහටද දකින්නෙ?
ඕකට මට කියන්න තියෙන්නෙ ‘අමුඩ සෙල්ලමේ සිද්ධියේ තවත් කොටසක් නොවේවා කියල මම ප්‍රාර්ථනා කරනව’ කියල තමයි.

ඩොටා
කොහොමද වැඬේට සම්බන්ධ වෙන්නෙ?

ඇත්තටම මම සාදර එක්ක මීට කලින් වැඩ කරල තිබ්බෙ නෑ. සාදර මුලින්ම ඕකට ගන්න ඉඳල තියෙන්නෙ වෙන කෙනෙක්. පස්සෙ සින්දුව රෙකෝඞ් කරපු ස්ටූඩියෝ එකේ සවුන්ඞ් ඉන්ජිනියර්ගෙ දැන හැඳුනුම්කමට තමයි මට මේක රැප් එක කරන්න චාන්ස් එක ලැබෙන්නෙ.
සින්දුවෙ කතා කරන මාතෘකාව ගැන ඔබට මොකද හිතෙන්නෙ?
ඇත්තටම මම රැකියාව කරන්නෙ නාවිකයෙක් විදිහට. ඉතින් ලෝකෙ වටේ යන කෙනෙක් හැටියට මට පේනව අනිත් රටවල්වලට සාපේක්ෂව අපේ රටට ඇතිවෙලා තියෙන තත්ත්වය. අපිට දුකයි අපේ රට මේ වෙන කොට ඉන්න තැන දැක්කහම. ඉතින් ඕකට වගකියන්න ඕනෙ කවුද කියලත් පොඩි ළමයෙක් වුණත් දන්නව. ඒකට අපි දේශපාලනඥයන්ට බැනල වැඩක් නෑ. අපි බනින්න ඕනෙ ඔවුන්ව එතැනට යවන මිනිස්සුන්ට.
මිනිස්සුන්ට පණිවුඩයක් දෙන්න මේ සින්දුව හරහා උත්සාහ කළේ?
ඇත්තටම ඔව්. ඒ වගේ මිනිස්සු දැනුවත් කරන්න ගත්ත උත්සාහයක් කිව්වොත් ඒකෙ වරදක් නෑ. ඡන්දයක් එන මේ කාලෙ මිනිස්සු හිතන්න පෙලඹුණොත් හොඳයි අපි මෙච්චර කල් කරපු දේම මේ පාරත් කරනවද? නැත්නම් වෙනස් දෙයක් කරනවද කියල. ඒක මිනිස්සු තමයි තීරණය කරන්න ඕනෙ.
කොහොමද රැප් එකට ලැබෙන ප්‍රතිචාර?
ඇත්තටම මට මේ අවස්ථාව දුන්නට සාදරට ගොඩක් ස්තුතිවන්ත වෙන්න ඕනෙ. මොකද මට වඩා ගොඩක් ප්‍රසිද්ධ, ටැලැන්ටඞ් අය ගොඩක් ඉද්දි මේ අවස්ථාව දුන්නට. ඇත්තටම මේ වෙද්දි මට ගොඩක් අය කතා කරනව වැඬේ හොඳයි කියල. ඉතින් ගොඩක් සතුටුයි මේ වගේ දැනෙන වැඩකට සම්බන්ධ වෙන්න අවස්ථාව ලැබුණ එක ගැන.
ඉන්දික වික්‍රමරත්න

Continue Reading
Click to comment

Leave a Reply

Your email address will not be published. Required fields are marked *

Advertisement
Advertisement
Exclusive1 year ago

මහේෂ්ට ජනපතිවරණයට ආරාධනාවක්

Exclusive1 year ago

සිකුරාදා රෑ කරන්න ගිය ‌මෛත්‍රිගේ අගමැති කුමන්ත්‍රණය කඩා වැටේ

Exclusive6 months ago

හිටපු ජනපති පුතා ඇඳිරි නීතිය මැද මහ රෑ දාපු පාටිය ගැන මාධ්‍යවේදිනිය ‌පොලිසියෙන් ප්‍රශ්න කරයි

Exclusive1 year ago

එජාප ඇමැතිලා 5ක් ඉවතට -අලුත් නම් 5ක් සූදානම්

Exclusive1 year ago

මහින්දගෙන් ‌ගෝඨාට නියෝගයක්

Astrology9 months ago

2020 ලග්න පලාපල ඔබට කොහොමද?

Exclusive4 months ago

අමෙරිකා-බ්‍රිතාන්‍යය-ජර්මන්-යුරෝපා සංගම් තානාපතිවරු පෝලිමේ සජිත් හමුවන්න එති (VIDEO)

Astrology10 months ago

ඔබේ සහකරු ඉන්න තැන මෙන්න

Exclusive5 months ago

කෝටිපති දිලිත් කෝටි 2ක් දීලා විශේෂ යානයක් හදිසියේම ඩුබායි යැව්වේ ඇයි? (PHOTOS)

Mahawanshaya1 year ago

ගම්දනාව බියවද්දමින් උලමා හොයන දේ