Connect with us
Advertisement

Heart

වැලන්ටයින් එකට සමනලී දුන්න කිස් එක

Published

on

⬤ මගේ කිස් එක බලලා හරි හැදෙනව නම් කමක් නැහැ…

⬤ තාම ලංකාවේ ඉන්නේ බස් එකේ ගිහින් ලව් කරන පිරිසක්…

‘දෙනෝදාහක් ඇස් ඉදිරියේ
කවදාද දෙන්නේ
මං උණුහුම් හාදුවක්
කවදාද දෙන්නේ
අපි උණුසුම් හාදුවක්’
මේ සමනලී ආදරවන්තයන්ගේ දිනයේදී ආදරවන්තයන් වෙනුවෙන් දුන් තිළිණයයි. මේ මොහොතේ බොහෝදෙනාගේ කතාබහට ලක්ව ඇති මෙම අපූරු නිර්මාණය පිළිබඳව සමනලී අපිත් එක්ක කතා කළේ මේ විදිහට.

🔴 සමනලීගෙ ‘හාදුව’ මේ වෙනකොට බොහෝදෙනා කතා කරන මාතෘකාවක් බවට පත්වෙලා?
ඇත්තටම මං හිතුවටත් වඩා හාදුව මිනිස්සු වැලඳගෙන තියෙනව. මං හිතන්නෙ මේ සින්දුව පොඩි කට්ටියක් එකතු වෙලා කරපු ලොකු විප්ලවයක් කියල.
🔴 ඒ ගැන තව පැහැදිලි කිරීමක් කළොත්?
මම හිතන්නෙ යල්පැනගිය අදහස්වලින් ඔළුව පුරවගත්ත මිනිස්සු වෙනස් කරන්න හරි අමාරුයි. ඉතින් ඒ වෙනස හරි සියුම්ව මියුසික් හරහා කරන්න පුංචි උත්සාහයක් තමයි අපි මේ හරහා ගත්තෙ. ඒක හරිම ආදරණීය ඇරඹුමක්. ඒ අර්ථයෙන් තමයි මේක විප්ලවයක් වෙන්නෙ.
🔴 සින්දුව තුළින් දෙන්න උත්සාහ කරපු පණිවුඩය රසිකයන් ඒ විදිහටම භාරගත්ත කියල ඔබ හිතනවද?
සින්දුවෙ මියුසික් වීඩියෝ එක එළියට ආවට පස්සෙ ගොඩක් අය මේක අරන් තිබුණෙ අසහනයට පත්වුණ පෙම්වතුන්ගේ ගීතයක් විදිහට වගේ. මේක ප්‍රසිද්ධියෙ කියන්න ඕනෙ දෙයක්ද වගේ අදහසකුත් ඒ කියන අය අතරෙ තිබුණ. මං හිතන්නෙ ගොඩක් දෙනෙක්ට තේරුණේ නෑ ඒ සින්දුවෙ තියෙන අවිහිංසාවාදී කෑල්ල. අපි දෙන්න උත්සාහ කරපු දේ සියයට සියයක්ම රසිකයන් භාරගත්තද කියන ප්‍රශ්නය තියෙනව.
🔴 නිර්මාණය පිටුපස ඉන්න පිරිස ගැන කිව්වොත්?
සින්දුව ලිව්වෙ සුජීව හෙට්ටිතන්ත්‍රි. සුජීව එක්ක මන් කලිනුත් වැඩ කරල තියෙනව. සින්දුවෙ වචන දිහා බැලුවම මට හරිම ආස හිතුණ. අරුණ ගුණරත්න තමයි ගීතය සංගීතවත් කළේ. අරුණගෙ මියුසිකුයි, සුජීවගෙ වචනයි, මගේ කටහඬයි මේ සින්දුවෙ හොඳමට ගැළපිලා තියෙනව.
🔴 ගීතයෙ වචනවල තියෙන සරල බව මියුසික් වීඩියෝ එකටත් ගෙනල්ල තියෙන බවක් පේනව?
මට මේ සින්දුවට මියුසික් වීඩියෝ එකක් කරන අදහසක් තිබුණෙ නෑ. ඉතින් බොහොම සරලව සින්දුවෙ අයිඩියා එක දෙන්න පුළුවන් වැඩක් කරන්න තමයි උත්සාහ කළේ. මේක අධ්‍යක්‍ෂණය කළේ තිසර ඉඹුළාන. අහිංසකත්වය මූලික කරගෙන බහුශ්‍රැත, බහුභූත සංකීර්ණ දේවල් නැතුව ඉතාම සරලව වැඩක් කරන්න ඕනෙ කියන අදහස තමයි අපිට තිබුණෙ. මේ හරහා මිනිසුන්ට තමන් ගැනම වරදකාරී හැඟීමක් ඇති වෙනව ඇයි පෙම්වතුන්ට මෙහෙම වෙලා තියෙන්නෙ කියන කාරණය ගැන. ඒ අදහස් ඉතාම සරලව දෙන්න ගත්ත උත්සාහයක් තමයි මේ මියුසික් වීඩියෝ එක.
🔴 පෙම්වතුන්ට සමාජයෙන් ලොකු අසාධාරණයක් වෙනව කියන එකද ඔබ එයින් අදහස් කරන්නෙ?
සමාජය තුළ පෙම්වතුන්ට ලැබෙන ඉඩ, ගෞරවය, ඔවුන්ට දෙන පිළිගැනීම නිසි පරිදි ලැබෙනවද කියන ප්‍රශ්නය තියෙනව. පෙම්වතුන් දෙදෙනෙක් දිහා අපි බලන විදිහ, ඔවුන්ට නිදහස අපි ලබාදෙනවද කියන දේ ගැන ඇත්තටම අපිට අදහසක් තියෙනවද කියල හිතෙනව. දෙන්නෙක් ආදරය කරනව කියන එක දැකපු ගමන්ම අපි ඒක ගැන කතා කරන්නෙ සෙක්ස් මූලික කරගෙන. ඇයි අපි ඒක එතැනින් විතරක් අල්ලන්නෙ. ආදරය, කරුණාව, දයාව, අවිහිංසාවාදය කියන හැම දෙයක්ම ආදරය තුළ තියෙනවනෙ. ඒ වුණාට අපි අල්ලගන්නෙ ඒකෙ සෙක්ස් කියන කාරණය විතරයි. අපේ අය ආදරය, කරුණාව, දයාව කියන දේවල් ගැන කතා කරන්නෙ දානයක් දෙන, පින්කමක් කරන කාරණාවලදි විතරයි. ඒ ගුණාංග පෙම්වතුන් අතර තියෙනව කියන එක දකින්න සමාජය කැමැති නෑ. ඒක තමයි මේ සමාජයෙ අපි දකින ලොකුම දුර්වලතාවය.
🔴 සමාජ මාධ්‍ය හරහා සින්දුවට ප්‍රචාරය ලැබුණෙත් ඔබ ඔය කියන ‘සෙක්ස්’ කියන කෑල්ල අල්ලගෙන නේද?
සමාජ මාධ්‍ය තුළ මොන විදිහට ප්‍රචාරය කරල තිබුණත් ඔවුන් ගීතය බැලුවට පස්සෙ නතර වෙන්නෙ එතැන නෙමෙයි. ඒ හැමෝම පාස් කරන් ආපු ජීවිතය ඒ සින්දුව තුළ කතා කරල තියෙනව. මධ්‍යම පාන්තික ජීවිත ගත කරන අය විදිහට අපි බහුතරයක් පෙම්වතුන් විදිහට ඔය ප්‍රශ්නවලට මුහුණදීල තියෙනව. ධනවත් මිනිසුන්ට ඔය ප්‍රශ්නයට මුහුණදෙන්න වෙලා නැතුව ඇති. ඒගොල්ලන්ට ඕන තැනක ඕන දෙයක් කරගන්න පුළුවන්නෙ. තවමත් ලංකාවෙ බහුතරයක් ඉන්නෙ බස් එකේ ගිහින් ලව් කරන පිරිසක්. ලංකාවේ සියයට අසූවකටම මේ ප්‍රශ්නයට මුහුණදෙන්න වෙලා තියෙනවා. සමාජ මාධ්‍යවල ගහල තියෙන ඒව බලල මගේ කිස් එක බලන්න ගිහිල්ල පස් දෙනෙක් හරි වෙනස් වෙනව නම් මට ඒ ඇති.
ඉන්දික වික්‍රමරත්න

Continue Reading
Click to comment

Leave a Reply

Your email address will not be published. Required fields are marked *

Advertisement
Exclusive4 months ago

මැරෙන්න කලින් මධූෂ් හෙළි කරපු මහකුඩ්ඩන් හතර දෙනාගේ නම් මෙන්න (VIDEO)

Exclusive2 years ago

මහේෂ්ට ජනපතිවරණයට ආරාධනාවක්

Mahawanshaya1 year ago

ගම්දනාව බියවද්දමින් උලමා හොයන දේ

Exclusive2 years ago

මහින්දගෙන් ‌ගෝඨාට නියෝගයක්

Astrology1 year ago

2020 ලග්න පලාපල ඔබට කොහොමද?

Astrology1 year ago

ඔබේ සහකරු ඉන්න තැන මෙන්න

Exclusive2 years ago

සිකුරාදා රෑ කරන්න ගිය ‌මෛත්‍රිගේ අගමැති කුමන්ත්‍රණය කඩා වැටේ

Astrology1 year ago

නිවෙසේ උපකරණ සඳහා සුබම දිශාව

Exclusive11 months ago

හිටපු ජනපති පුතා ඇඳිරි නීතිය මැද මහ රෑ දාපු පාටිය ගැන මාධ්‍යවේදිනිය ‌පොලිසියෙන් ප්‍රශ්න කරයි

Exclusive2 years ago

එජාප ඇමැතිලා 5ක් ඉවතට -අලුත් නම් 5ක් සූදානම්

Astrology1 year ago

විෂ්ණු දෙවියන්ගේ පිහිට ගෙනන පූජාවක්

Exclusive10 months ago

කෝටිපති දිලිත් කෝටි 2ක් දීලා විශේෂ යානයක් හදිසියේම ඩුබායි යැව්වේ ඇයි? (PHOTOS)

Exclusive10 months ago

අමෙරිකා-බ්‍රිතාන්‍යය-ජර්මන්-යුරෝපා සංගම් තානාපතිවරු පෝලිමේ සජිත් හමුවන්න එති (VIDEO)

Exclusive1 year ago

පොතේ හැටියට දිනන්නේ කවුද? (උපුල් ‌ජෝශප් ප්‍රනාන්දුගේ ගුරුදා විග්‍රහය)

Exclusive11 months ago

රනිල්ගේ UNP එකයි සජිත්ගේ UNP එකයි