Connect with us
Advertisement Redmi Note 9

Heart

ෂෝලේ තරුවට සුදු සැරයැටිය අතට ගන්න වෙයිද?

Published

on

⬤ කියවන්න අකුරු පේන්නෙ නෑ – ලියන්න එල්ලය පේන්නෙ නෑ…

⬤ මේක කොරෝනාවල අතුරුඵලයක්ද…?

පසුගිය සතියක අන්තර්ජාලය පුරා පැතිර ගිය ඒ දුක්මුසු ආරංචියෙන් මුළු බොලිවුඩයම කැලඹී ගියේය. අමිතාබ්ට ආදරය කරන සුවහසක් වූ රසික රසිකාවියන්ගේ කනගාටුදායක සුසුම්වලින් සහ විවිධ ප්‍රශ්නයන්ගේ අමිතාබ්ගේ ටිව්ටර් ගිණුම පිරී ගියේය.

අමිත් ජී මෙය ඇත්තක්ද?
ආදරණීය ෂෝලේ තරුව ඔබ හොඳින් නේද?
මෙවැනි ඕපාදූප පතුරන අධමයන්ට යහපතක්ම වෙයිද?
යන ප්‍රශ්න සහ දුක්ගැනවිලි සමඟ සුබපැතුම්ද අමිතාබ් බච්චන් වෙනුවෙන් පෙළගැසී තිබිණි.
කතාව ඇත්තක්ද?
ඔව්. එය සම්පූර්ණ ඇත්තකි. අමිතාබ්ට ඇස් අන්ධව යෑමේ ප්‍රවණතා පෙන්නුම් කර ඇත.
එය කොරෝනාවෙහි අසුබ ඵලයක්ද?
වෛද්‍යවරු නිගමනය කොට තිබෙන්නේ මෙය කොරෝනාවේ අතුරුඵලයක් ලෙසය. අවුරුදු 60න් හෝ 70න් පසුව කොරෝනා වැලඳෙන බොහෝදෙනකු එවැනි අතුරු ආබාධයනට මුහුණදෙන බව වෛද්‍ය මත හරහා අනාවරණය වී ඇත.
අමිතාබ් මේ ගැන කිසිදු මාධ්‍යයකට කරුණු හෙළිකර නැතිද?
බච්චන් මැඳුරේ ලෑන්ඩ් ෆෝන්වල ලයින් බිසීය. එහි සාමාජිකයන්ගේ ජංගම දුරකතනයන්ද එලෙසමය. ඒ කියන්නේ අමිතාබ් මේ කාරණය ගැන කොළේ වහලා දමලද?
කවුරුත් හිතුවේ අමිතාබ්ගේ නිහඬතාවය මැද එවැන්නක් සිදුවෙමින් තිබෙනවාය කියලයි. නමුත් බොහෝ විට යම් සිදුවීම් ගෙන බලන විට අමිතාබ් බච්චන් කියන්නේ මහත්මා ගති තිබෙන වැදගත් මහත්මයකු මිස කොළේ වහලා ගහන ගේම්කාරයකු නොවේය.
මම සහ මගේ එකම පුතු අභිෂේක් කොරෝනා ආසාදිතයන් ලෙස අවදානමට ලක්ව සිටින්නෙමු. මා සේම මා පුතු සමඟ ආසන්න දිනෙක ඇසුරු කළ අයකු වේ නම් වහා වෛද්‍ය උපදෙස් වෙත යොමුවන්න යැයි යනුවෙන් මීට මාස කිහිපයකට ඉහතදී අමිතාබ් තම ට්විටර් ගිණුමෙහි සටහනක් තැබුවේද ඒ මහත්මා ගතිය නිසාය.
මෙම ව්‍යසනයේදීද අමිතාබ් සිය විවෘතභාවය එලෙසම හුවා දැක්වූයේය. තමා පිළිබඳ තොරතෝංචියක් නැතුව වෙහෙස වන දයාබර ප්‍රේක්ෂකයන් වෙනුවෙන් ඔහු ට්විටර් ගිණුමෙහි තැබූ ඉතා දීර්ඝ අකුරු සටහන මෙසේ පළවී තිබිණි.
මා ප්‍රිය රසික රසිකාවියන් වෙත දයාවෙන් ලියමි.
මගේ වයස දැන් අවුරුදු 78කි. නමුදු තවමත් ඔබ එක්දහස් නමසිය හැත්තෑ ගණන්වල ඔබ පිනවූ ෂෝල් තරුවට ආදරය කරයි. එය මට මහා සතුටකි.
මේ දවස්වල ඔබ තැවෙන්නේ අමිතාබ් බච්චන් සුදු සැරයටිය සුරත දැරීමට සූදානම්ව සිටින වග අහන්නට ලැබුණු නිසා වන්නට ඇත. යම් විටෙක එවැන්නක් සිදුවන්නට ඉඩකඩ තිබිය හැකිය.
මන්දයත්,
මම කොරෝනාවේ අතුරු ප්‍රතිඵලයක් නිසා ඇස් නොපෙනී යෑමේ කඩිනම් උවදුරකට මුහුණදී සිටින්නෙමි.
මට පොත කියවීමට අකුරු නොපෙනේ. ලියන්නට එල්ලය නොපෙනේ. කිසිවකු එකවර හඳුනා ගැනීමට නොහැකි ලෙස දෙනෙත බොඳව ඇත.
ලොව නිෂ්පාදිත හොඳම උපැස් යුවල භාවිතයට ගත්තද මගේ පෙනීම අඳුරුය.මේ වයසේදී අක්ෂි සැත්කම් වැනි සියුම් දෑ අවදානම්සහගත බව වෛද්‍යවරුන් පවසන නිසා විශාල පරිමාණයේ සැත්කමක් සඳහා නොයා සිටීමට අදහස් කර සිටිමි.
මගේ එක් ඇසක් යම් සැත්කමකට බඳුන්වූ අතර අනෙක් ඇස සඳහා එම සැත්කම කිරීමට තව මඳ කාලයක විරාමයක් අවශ්‍යව ඇත. එතෙක් මම නිවීහැනහිල්ලේ බලා සිටින්නෙමි. ඔබ වෙනුවෙන් මෙම අකුරුකරණය යතුරු ලියනයෙන් ප්‍රකාශ කර දීමට මගේ දයාවන්ත ලේලිය ඉදිරිපත් වුවද මා විසින්ම මගේ හුරුවට එය කරලීමට මම සිතුවෙමි. වැරැද්දක් ඇතොත් සමාව අයදිමි.
සිදුවන යමකට ඉඩදී බලා සිටීමේ කලාව තුළ මිනිසාට බොහෝ ධනාත්මක විය හැකිය. එම ධනාත්මක බව තුළ මමද මේ දිනවල දවස ගෙවමි.
‘මිනිසා විසින් යෝජනා කරන බොහෝ දේ විණිද, ඔවුනට ඇවැසි ප්‍රමාණය සඳහා තීන්දුව දෙන්නේ දෙවියන්ය. සිදුවන දේ සඳහා සිත හදාගනිමු. ඔබට සුබ දවසක් වේවා.’
බොහෝමයක් වූ බච්චන් අනුගාමිකයන්, එම සටහන කියවා නිම කරන විට ඔවුනගේ දෙනෙතට කඳුළු උනා තිබිණි.
‘ඔබට දෙවි පිහිටයි අමිත් ජී’
දස දහස් ගණන් එම පැතුම සටහන් කොට තිබිණි.
අමිතාබ් දැනටමත් අන්ධභාවය තමා වෙත ආවොත් එයට මුහුණදිය යුතු ආකාරය ගැන සැලැසුම් තනමින් සිටියි. බච්චන් මැඳුරේ සෙස්සන්ට එය දුක්බර සිදුවීමක් වුවද බච්චන් එයට සුබදායීව මුහුණදෙමින් සිටින්නේය.
2021 මාර්තු 04 වැනි බ්‍රහස්පතින්දාවේ අමිතාබ් නම් වූ ෂෝලේ තරුව මෙවැනි සොඳුරු සටහනක් සිය ට්විටර් ගිණුමට බැර කළේය.
‘දෑස පෙනෙන මිනිසෙකුට වඩා දෑස නොපෙනෙන අන්ධ මිනිසකුට අහස් කුසෙහි පාව යන වලාකුළක සියුම් කලබලය පැහැදිලිව දැනෙයි. සංගීතය හරි අපූරුවට ඔවුනට රසවිඳිය හැකිය. කුරුලු හඬ, සුළඟේ සිරිය, ගහකොළ සොබාදහම සමඟ කරන මිහිරි ගනුදෙනුවද අන්ධ මිනිසුනට හොඳින් දැනෙන්නේය.
ඉතින්, ලොව නොපෙනුණාට ලොව හොඳින් කියවීමට සවන සහ මනස තියේ නම් දැන් නොපෙනීම සිතූ තරම් අසතුටක් නොවන්නේ යැයි මට හැඟෙන්නේය. ඒ හැඟීමට මම පෙම් කරමි.’
දමයන්ති රේණුකා ප්‍රනාන්දු

Continue Reading
Click to comment

Leave a Reply

Your email address will not be published. Required fields are marked *

Advertisement
Exclusive6 months ago

මැරෙන්න කලින් මධූෂ් හෙළි කරපු මහකුඩ්ඩන් හතර දෙනාගේ නම් මෙන්න (VIDEO)

Mahawanshaya2 years ago

ගම්දනාව බියවද්දමින් උලමා හොයන දේ

Exclusive2 years ago

මහේෂ්ට ජනපතිවරණයට ආරාධනාවක්

Exclusive2 years ago

මහින්දගෙන් ‌ගෝඨාට නියෝගයක්

Astrology1 year ago

ඔබේ සහකරු ඉන්න තැන මෙන්න

Astrology1 year ago

2020 ලග්න පලාපල ඔබට කොහොමද?

Astrology2 years ago

නිවෙසේ උපකරණ සඳහා සුබම දිශාව

Exclusive2 years ago

සිකුරාදා රෑ කරන්න ගිය ‌මෛත්‍රිගේ අගමැති කුමන්ත්‍රණය කඩා වැටේ

Exclusive1 year ago

හිටපු ජනපති පුතා ඇඳිරි නීතිය මැද මහ රෑ දාපු පාටිය ගැන මාධ්‍යවේදිනිය ‌පොලිසියෙන් ප්‍රශ්න කරයි

Astrology2 years ago

විෂ්ණු දෙවියන්ගේ පිහිට ගෙනන පූජාවක්

Exclusive2 years ago

එජාප ඇමැතිලා 5ක් ඉවතට -අලුත් නම් 5ක් සූදානම්

Exclusive11 months ago

කෝටිපති දිලිත් කෝටි 2ක් දීලා විශේෂ යානයක් හදිසියේම ඩුබායි යැව්වේ ඇයි? (PHOTOS)

Exclusive11 months ago

අමෙරිකා-බ්‍රිතාන්‍යය-ජර්මන්-යුරෝපා සංගම් තානාපතිවරු පෝලිමේ සජිත් හමුවන්න එති (VIDEO)

Exclusive1 year ago

පොතේ හැටියට දිනන්නේ කවුද? (උපුල් ‌ජෝශප් ප්‍රනාන්දුගේ ගුරුදා විග්‍රහය)

Exclusive1 year ago

රනිල්ගේ UNP එකයි සජිත්ගේ UNP එකයි