Connect with us
Advertisement Redmi Note 9

Heart

‘සන්තෝසෙන්’ කිව්වේ තහරකට නෙවෙයි

Published

on

⬤ තව කාලයක් යනකම් මම කියන්නේ බයිලා විතරයි…

⬤ සමහර විට ඉදිරියේදී සම්පූර්ණයෙන් වෙනස් වේවි…

උදාර කෞශල්‍ය කියන්නේ කවුද කියලා කාටවත් අමුතුවෙන් විස්තර කරන්න අවශ්‍ය නැහැ.
පසුගිය හිරු ස්ටාර් කිරුළ දිනාගත් උදාර ඒ තරමටම හැමෝම අතර ජනප්‍රියයි. හිරු ස්ටාර් කිරුළ දිනාගැනීමෙන් පස්සේ උදාර ගායනා කළ පළමු ගීතය පසුගියදා අන්තර්ජාලයට එකතු වුණා. ඒ හරහා උදාරට තිබුණු ජනතා ආකර්ෂණය තවත් වැඩි වුණා කිව්වොත් හරි. ගීතය යූටියුබ් වෙත එකතු කරලා දින දෙකක් තුනක් යද්දි ඊට ලැබුණු ප්‍රතිචාර අති විශාලයි. ඒ හින්දා ඒ සන්තෝසය ගැන දැන ගන්න අපි උදාරට කතා කළා. සන්තෝසයි ගැන උදාර කතා කළේ මෙහෙමයි.


🔴 මුලින්ම “සන්තෝසයි”ට ලැබෙන ප්‍රතිචාර ගැන අහලම කතාව පටන් ගන්න අපිත් සන්තෝසයි?
ඇත්තටම ඉතාම හොඳයි. සිංදුව අන්තර්ජාලයට එකතු කරලා දවස් තුනක් යද්දි මිලියනය ඉක්මවා ගිය පිරිසක් ගීතය නරඹලා තිබුණා. ඒ වගේම දවස් තුනක් වෙද්දි ඔඍෑභෘෂභඨ 01 වෙන්නත් සන්තෝසයි ගීතයට පුළුවන් වුණා. ඉතිං ගොඩක් සන්තෝසයි.
🔴 සන්තෝසයි හැදුණු විදිය ගැනත් අපි පොඩ්ඩක් මතක් කරමු?
හිරු ආයතනයෙන් මට ගීත ඇල්බම් එකක් හදලා දෙනවා. හිරු ස්ටාර් වෙන හැමෝටම එහෙමයි. ඒ ඇල්බම් එකේ මුල්ම ගීතය තමයි මේක. චතුර වර්ණසේකර තමයි මේ ගීතය නිර්මාණය කළේ. ඇත්තටම චතුර අයියා බයිලා ආරට නිර්මාණය කළ මුල්ම ගීතයත් මේකයි. මං හිතන්නේ මගේ රසිකයෝ මගෙන් බලාපොරොත්තු වුණු විදියේ ගීතයක් මුලින්ම දෙන්න මට පුළුවන් වුණා. ඒ හින්දනේ මේ තරම් ප්‍රතිචාර ලැබෙන්නේ.
🔴 ගීතයේ පද මාලාව බැලුවමත් මේක ඔබටම සුවිශේෂී ගතියක් තියෙනවා වගේ?
ඇත්තටම ඔව්. මාව ඉහළට ගේන්න මගේ රසිකයෝ ගහපු අප්පුඩියට ස්තුති කරන එක තමයි මේ සිංදුවෙන් කරන්නේ. ඒ වගේම කැපිලි කෙටිලි ඔක්කොම දරාගෙන මම ආව ගමන ගැනත් මේකේ තියෙනවා. ඒ හින්දා මේක මටම ගැළපෙනවා කියලා තමයි හිරු එකෙන් හදලා දුන්නේ. හැබැයි මේක මට විතරක් අදාළ සිංදුවක් නෙවෙයි. ඉස්සරහට යන ඕනෑම කෙනෙකුට කියන්න පුළුවන් එකක්.
🔴 හිරු ආයතනයෙන් ඔබට හදලා දෙන ඇල්බම් එකට ගීත කීයක් ඇතුළත් වෙනවාද?
ඒ ඇල්බම් එකට ගීත 12ක් ඇතුළත් වෙනවා.
🔴 කවදාද ඒ ටික එළියට එන්නේ?
මෙහෙමයි. ඒ සේරම එකසැරේ එළියට දාන්න මගේ අදහසක් නැහැ. දැන් ඒ අනිත් සිංදුවලත් වැඩ කරගෙන යනවා. කොහොමත් ඒ 12ම වැඩ ඉවර කරලා මගේ ළඟ තියා ගන්න තමයි මම හිතා ගෙන ඉන්නේ. ඒවා එකින් එක මිනිසුන්ට එපා නොවෙන විදියට එළියට දාන්න තමයි මට ඕනෑ.
🔴 අඩුම ගානේ ඊළඟ සිංදුවවත් එන දවස කියන්න බැරිද?
තවම කියන්න බැහැ. එක සිංදුවක් මිනිස්සු අතර තියෙනකම් වෙන එකක් දාන්න මගේ අදහසක් නැහැ. ඒකේ උපරිමයට ගියාට පස්සේ තමයි වෙන එකක් දෙන්නේ. ඒ හින්දා තවම ඊළඟ එක එන කාලය ගැන කියන්න බැහැ.
🔴 ඒ අනෙක් සිංදුත් මේ වගේම බයිලා සින්දුද?
ඔව්. ජනතාව මාව හඳුනා ගත්තේ බයිලා ගායකයෙක් විදියට. එක සැරේටම එතැනින් වෙනස් වෙන්න මට බැහැ. ඒ හින්දා මගේ මුල් ගීත 12ම බයිලා ආරට තමයි ගායනා කරන්නේ. ඒත් ඒ එකකට එකක් වෙනස්. මොකද බයිලා කලාවෙත් විවිධ වෙනස්කම් තියෙනවා. ඒ හැමදේම මම යොදා ගන්නවා. ඒ හින්දා මේ සිංදුවට වැඩිය ඊළඟ එක ගොඩක් වෙනස් වේවි.
🔴 ඒ කියන්නේ උදාර කෞශල්‍ය හැමදාම බයිලා ආරේ සින්දු විතරක් කියන ගායකයෙක් කියන එකද?
නැහැ. සමහරවිට ඉදිරියේදී මම සම්පූර්ණයෙන්ම වෙනස් විදියේ ගීත ගායනා කරන්න පුළුවන්. ඒත් ඒ දැන්ම නෙවෙයි. මිනිස්සු මට ආදරය කෙරුව විදියේ ගීත ටිකක් කියලා මම මගේම විදියට ඒ අය අතරට යන්න ඕනෑ. මගේ මුල්ම ඉලක්කය ඒකයි. එතැනින් පස්සේ මම ආශා විදියට වෙනස් වෙන්න පුළුවන්. ඒකට තව කාලයක් යාවි.
🔴 ඔබව මේ විදියට එක තැනකට කොටු කරලා තියෙන්නේ හිරු ආයතනයෙන්ද? ඒ අයද ඔබ කියන්න ඕනෑ මොන විදියේ ගීතද කියලා තීරණය කරන්නේ?
මාත් එක්ක කතා කරලා තමයි ඒ අය ඒ තීරණය ගන්නේ. ඒක මගේ තනි තීරණයවත්, හිරු එකේ තනි තීරණයවත් නෙවෙයි. අපි කතා කරලා ගන්න තීරණයක්. මේ වෙලාවේ වෙනස් විදියේ ගීත ගායනා කරන තරුණ පරපුරේ අය ඕනෑ තරම් ඉන්නවා. ඒත් බයිලා ගීත කියන අයගේ ලොකු අඩුවක් තියෙනවා. මට මේ තරම් ජනතා ප්‍රතිචාරයක් ලැබුණේ ඒ හින්දනේ. ඉතිං ඒ හින්දා ඒ අය ඉල්ලන දේ මේ වෙලාවේ මම දෙන්න ඕනෑ. හිරු එකෙන් කියන්නෙත් ඒකම තමයි.
🔴 “සන්තෝසයි” කියන්නේ උදාර ගායනා කරපු මුල්ම ගීතයද?
හිරු ස්ටාර් වුණාට පස්සේ මම ගායනා කළ පළමු ගීතය සන්තෝසයි. ඒත් ඊට කලින් මම ගීත කිහිපයක් ගායනා කරලා තියෙනවා. ඒත් ඒවා ජනතාව අතරට ගියේ නැහැ. සන්තෝසයි ගීතය නිර්මාණය කළ චතුර අයියාත් මට මීට කලින් ගීතයක් නිර්මාණය කරලා තියෙනවා. ඒ මීට අවුරුදු 06කට විතර කලින්. ඒත් ඒක මගේ ආරට ගැළපෙන්නේ නැතිව ඇති. ඒ හින්දා ඒවා ජනප්‍රිය වුණේ නැහැ.
🔴 කොහොමද ඒ සම්බන්ධය නැවත ඇති වුණේ. මේ ගීතයට චතුරව සම්බන්ධ කර ගත්තේ ඔබද?
නැහැ. හිරු ආයතනයෙන් තමයි මට චතුර අයියාව සම්බන්ධ කරලා දුන්නේ. ඒත් මගේ වෙලාවට මම දන්නා කෙනෙක්ම මට හම්බ වුණා. ඒ වගේම චතුර අයියා මං වෙනුවෙන් මීට කලින් කරලා නැති වෙනස්ම විදියේ නිර්මාණයක් කළා. ඒකට හැමෝම කැමැති වුණා.
🔴 අවසන් වශයෙන් “සන්තෝසයි” ගැන තව මොනවාද කියන්න තියෙන්නේ?
මේක නම් කියන්නම ඕනෑ. මේ ගීතයේ තියෙන ඇතැම් පදවලින් මම ඇතැම් අයට ප්‍රහාර එල්ල කරනවා කියලා කතාවක් යනවා. මම පොඩ්ඩක් එහෙම හිතලා මේ ගායනා කරන්නේ නැහැ කියන එක කියන්නම ඕනෑ. දැන් නරි නාවන්නේ නැහැ කියන එක හැමෝටම පොදු කතාවක්. ඒකෙන් කියන්නේ අපි නැවත මෝඩ වැඩ කරන්නේ නැහැ කියන එකයි. එහෙම නැතිව ඒක කාටවත් එල්ල කරන ප්‍රහාරයක් නෙවෙයි. ඒ හින්දා එහෙම වැරැදි වැටහීමක් ඇති කර ගන්න එපා කියලා මම හැමෝගෙන්ම බොහොම ආදරයෙන් ඉල්ලනවා. ඒ වගේම මොන දේ කිව්වත් මං කා එක්කවත් තරහා නැහැ කියන එකත් කියන්න ඕනෑ.
චන්දන පොන්නම්පෙරුම

Continue Reading
Click to comment

Leave a Reply

Your email address will not be published. Required fields are marked *

Advertisement
Exclusive7 months ago

මැරෙන්න කලින් මධූෂ් හෙළි කරපු මහකුඩ්ඩන් හතර දෙනාගේ නම් මෙන්න (VIDEO)

Mahawanshaya2 years ago

ගම්දනාව බියවද්දමින් උලමා හොයන දේ

Exclusive2 years ago

මහින්දගෙන් ‌ගෝඨාට නියෝගයක්

Astrology1 year ago

ඔබේ සහකරු ඉන්න තැන මෙන්න

Exclusive2 years ago

මහේෂ්ට ජනපතිවරණයට ආරාධනාවක්

Astrology2 years ago

නිවෙසේ උපකරණ සඳහා සුබම දිශාව

Astrology1 year ago

2020 ලග්න පලාපල ඔබට කොහොමද?

Exclusive2 years ago

සිකුරාදා රෑ කරන්න ගිය ‌මෛත්‍රිගේ අගමැති කුමන්ත්‍රණය කඩා වැටේ

Astrology2 years ago

විෂ්ණු දෙවියන්ගේ පිහිට ගෙනන පූජාවක්

Exclusive1 year ago

හිටපු ජනපති පුතා ඇඳිරි නීතිය මැද මහ රෑ දාපු පාටිය ගැන මාධ්‍යවේදිනිය ‌පොලිසියෙන් ප්‍රශ්න කරයි

Exclusive2 years ago

එජාප ඇමැතිලා 5ක් ඉවතට -අලුත් නම් 5ක් සූදානම්

Exclusive1 year ago

කෝටිපති දිලිත් කෝටි 2ක් දීලා විශේෂ යානයක් හදිසියේම ඩුබායි යැව්වේ ඇයි? (PHOTOS)

Exclusive1 year ago

අමෙරිකා-බ්‍රිතාන්‍යය-ජර්මන්-යුරෝපා සංගම් තානාපතිවරු පෝලිමේ සජිත් හමුවන්න එති (VIDEO)

Exclusive2 years ago

පොතේ හැටියට දිනන්නේ කවුද? (උපුල් ‌ජෝශප් ප්‍රනාන්දුගේ ගුරුදා විග්‍රහය)

Exclusive1 year ago

රනිල්ගේ UNP එකයි සජිත්ගේ UNP එකයි