Connect with us
Redmi 9C
Advertisement

Heart

සල්ලි ඉල්ල ඉල්ල පස්සෙන් යන්න මට ලැජ්ජයි

Published

on

පුංචි තිරයේ අහිංසකාවිය ලෙසින් බොහෝ දෙනාගේ ආදරයට පාත්‍ර වූ මුතූ තරංගා කලක් රූපවාහිනිය හරහා නිරන්තරයෙන්ම දකින්න ලැබුණු චරිතයක්. ඒත් එක්වරම ඇය රංගනයෙන් ඈත් වුණු බවක් දැක ගන්න ලැබුණා. ඒකට හේතුව ඇය රංගනය ගැන කලකිරීමෙන් ඉන්න එක කියලත් අපිට දැන ගන්න ලැබුණා. මේ දේවල ගැන තොරතුරු දැන ගන්න අපි කාලෙකට පස්සේ මුතූට කතා කළා.
දැන් මුතූව වැඩිය පේන්න නැත්තේ ඇයි කියලා ඔබේ රසිකයෝ අපෙන් අහනවා?
ඔව්. කොහොමත් මේ දවස්වල වැඩ මොකුත් කරන්න බැහැනේ. යොදාගෙන තිබුණු රූගත කිරීම් පවා නවත්වන්න සිද්ධ වුණා. ඒවගේම පසුගිය කාලේ මගේ තාත්තා අසනීපයෙන් හිටිය හින්දා වැඩිය නිර්මාණ බාර ගත්තේ නැහැ. මීට මාස තුනකට විතර කලින් තාත්තා නැති වුණා. ඒත් මම රඟපෑව නිර්මාණ 12ක් විතර ඉදිරියේදී විකාශනය වෙන්න නියමිතව තියෙනවා.
මුතූ තරංගා දැන් චරිත තෝරා බේරා ගෙන රඟපානවා කියලත් කතාවක් තියෙනවා. ඒක ඇත්තද?
ඒක ඇත්ත. අපි දැන් ක්ෂේත්‍රයට ඇවිත් කාලයක් වෙනවනේ. ඒ කාලේ ලැබුණු අත්දැකීම් සහ ඉගෙන ගත්ත දේ එක්ක දැන් ලැබෙන හැම චරිතයම බාර ගන්නේ නැහැ. මේ ළඟදිත් එහෙම ලැබුණු චිත්‍රපටයක් තිරපිටපත කියෙව්වට පස්සේ ප්‍රතික්ෂේප කළා.
හැබැයි එහෙමයි කියලා ආරාධනාවලින් නම් අඩුවක් නෑනේ?
ආරාධනාවල නම් අඩුවක් නැහැ. හැබැයි ඒ හැම එකක්ම බාර ගන්නේ නැහැ.
මුතූ ක්ෂේත්‍රය ගැන කලකිරීමෙන්ද ඉන්නෙ?
ඇත්තටම ඔව්. මොකද අපි නිර්මාණයක් සඳහා සම්බන්ධ වෙන්නේ කැප කිරීම් රාශියක් කරලා. සමහර තැන්වල හරියට කන්නවත් ලැබෙන්නේ නැහැ. ඒත් එහෙම කරන නිර්මාණයට ලැබිය යුතු මුදලවත් හරියට ලැබෙන්නේ නැතිනම් වැඩක් නැහැ. ඒ හින්දා තමයි මම රඟපාන එක ගැන කලකිරුණේ. සමහර නාට්‍ය දැන් විකාශනය වෙලා අවුරුදු ගානක් ගත වෙලා ඉවරයි. ඒත් ඒවායේ සල්ලි තාම ලැබිලා නැහැ. මේක මට විතරක් නෙවෙයි. බොහෝ ශිල්පීන්ට වෙන දෙයක්. ඒත් මේ ගැන කවුරුත් කතා කරන්නේ නැහැ.
මේ තරම් අසාධාරණයක් වෙද්දිත් ඇයි මේ ගැන කවුරුත් කතා නොකරන්නේ?
ඒක නම් ඇයි කියලා මම දන්නේ නැහැ. මේ වැඬේ අපේ ක්ෂේත්‍රයේම අය කරන එක තමයි කනගාටුවට කාරණය. අපේ ප්‍රසිද්ධ නළුවෙක්ගෙම නිර්මාණයකට මට ලැබිය යුතු මුදල් නොලැබුණු හින්දා තමයි මම කාලයක්ම ටෙලි නාට්‍ය සඳහා සම්බන්ධ නොවී හිටියේ. ඇත්තටම ටෙලි නාට්‍යයක රඟපාලා ඒකට ලැබිය යුතු සල්ලි ඉල්ල ඉල්ලා පස්සෙන් යන්න මට නම් ලැජ්ජයි. ඒත් එහෙම සල්ලි දෙන්න ඕනෑ අය මොකුත් වෙලා නැහැ වගේ අපි එක්ක කතා කරනවා.
ඒ කලකිරීම හින්දද සංගීතය පැත්තට යොමු වුණේ?
ඇත්තටම ඔව්. සංගීත ක්ෂේත්‍රයේ එහෙම ප්‍රශ්නයක් නැහැ. මගේ කියලා ගීත කිහිපයක්ම මම එළි දැක්වූවා. ඒ වගේම සංගීතය හින්දා විදේශීය ප්‍රසංග රාශියකට සම්බන්ධ වෙන්නත් මට අවස්ථාව ලැබුණා.
ඉදිරියෙදිවත් ඒ කලකිරීම අඩුවෙලා නැවත පෙර වගේ රඟපාන්න අදහසක් නැද්ද?
මගේ කොහොමත් ලොකු බලාපොරොත්තු නැහැ. හොඳ නිර්මාණ ලැබුණොත් බාර ගන්නවා. ඒත් මේ විදියට මේ ක්ෂේත්‍රයේ රැඳිලා ඉන්න අමාරුයි කියන එක නම් මම තේරුම් අර ගෙන ඉන්නේ. මොකද හිත හොඳ වැඩි වුණාම මේ ක්ෂේත්‍රයේ කටයුතු කරන්න අමාරුයි. ඒ හින්දා මගේ පෞද්ගලික ව්‍යාපාර ගැනත් මේ දවස්වල වැඩි අවධානයක් යොමු කරලා තියෙනවා.
චන්දන පොන්නම්පෙරුම

Continue Reading
Click to comment

Leave a Reply

Your email address will not be published. Required fields are marked *

Advertisement
Exclusive6 days ago

මැරෙන්න කලින් මධූෂ් හෙළි කරපු මහකුඩ්ඩන් හතර දෙනාගේ නම් මෙන්න (VIDEO)

Exclusive1 year ago

මහේෂ්ට ජනපතිවරණයට ආරාධනාවක්

Exclusive1 year ago

සිකුරාදා රෑ කරන්න ගිය ‌මෛත්‍රිගේ අගමැති කුමන්ත්‍රණය කඩා වැටේ

Exclusive1 year ago

මහින්දගෙන් ‌ගෝඨාට නියෝගයක්

Exclusive7 months ago

හිටපු ජනපති පුතා ඇඳිරි නීතිය මැද මහ රෑ දාපු පාටිය ගැන මාධ්‍යවේදිනිය ‌පොලිසියෙන් ප්‍රශ්න කරයි

Astrology10 months ago

2020 ලග්න පලාපල ඔබට කොහොමද?

Exclusive1 year ago

එජාප ඇමැතිලා 5ක් ඉවතට -අලුත් නම් 5ක් සූදානම්

Astrology11 months ago

ඔබේ සහකරු ඉන්න තැන මෙන්න

Mahawanshaya1 year ago

ගම්දනාව බියවද්දමින් උලමා හොයන දේ

Exclusive6 months ago

අමෙරිකා-බ්‍රිතාන්‍යය-ජර්මන්-යුරෝපා සංගම් තානාපතිවරු පෝලිමේ සජිත් හමුවන්න එති (VIDEO)

Exclusive6 months ago

කෝටිපති දිලිත් කෝටි 2ක් දීලා විශේෂ යානයක් හදිසියේම ඩුබායි යැව්වේ ඇයි? (PHOTOS)

Astrology1 year ago

නිවෙසේ උපකරණ සඳහා සුබම දිශාව

Astrology1 year ago

විෂ්ණු දෙවියන්ගේ පිහිට ගෙනන පූජාවක්

Exclusive7 months ago

රනිල්ගේ UNP එකයි සජිත්ගේ UNP එකයි

Exclusive12 months ago

පොතේ හැටියට දිනන්නේ කවුද? (උපුල් ‌ජෝශප් ප්‍රනාන්දුගේ ගුරුදා විග්‍රහය)