Connect with us
Redmi 9C
Advertisement

Heart

හෂේන්ට කප් එක අරන් දුන්න කෝච් සනුක

Published

on

‘කෝච් සනුක’ ඒ විදිහට තමයි පහුගිය කාලෙ බොහෝදෙනෙක් සනුකව හැඳින්නුවෙ. මියුසික්වලට වගේම කෝච් වැඬේටත් සනුක දක්ශයෙක් කියල වොසිය් ටීන් හරහා ඔහු මුළු රටටම ඔප්පු කරල පෙන්නුවා. වොයිස් ටීන් එකේදි ඇත්තටම මොකද වුණේ කියල සනුක කිව්වෙ මේ විදිහට.
සනුක දැන් ලොකු බරකින් නිදහස් වුණා වගේ දැනෙනවද?
ඇත්තටම ඔව්. ඒත් සම්පූර්ණයෙන්ම ඒකෙන් නිදහස් වුණා කියල දැනෙන්නෙ නෑ. මොකද සිරසෙ වොයිස් ටීන් එකට අනිත් කෝචස්ල තුන්දෙනයි මායි සෑහෙන්න මහන්සි වුණා. විශේෂයෙන් අන්තිම දවස් ටිකේ හොඳ අවසන් වැඩසටහනක් කරන්න ලොකු කැප කිරීමක් කළා. දැන් වැඬේ ඉවර නිසා සැහැල්ලුවක් දැනෙනව. නමුත් ඒකෙ උණුසුමේ තාමත් ඉන්නෙ.
මහන්සියේ ප්‍රතිඵල ගැන සෑහීමකට පත්වෙන්න පුළුවන්ද?
ඇත්තෙන්ම ඔව්. මහන්සියේ ප්‍රතිඵල සීයට සීයක්ම තියෙනව කියල මම හිතනව. මොකද අවසාන වට දෙකේදි එස්.එම්.එස්.වලින් තමයි ජයග්‍රාහකයන් තෝරගන්න අවස්ථාව දුන්නෙ. ටීම් හතරෙන්ම දක්ෂ ළමයි ටිකක් තමයි අපි අන්තිම තරගවලට ගෙනල්ල තිබුණෙ. මිනිස්සුන්ට තෝරගන්න තිබුණෙ අපි ඒ තොරපු දක්ෂයන්. ඉතින් ඇත්තටම සතුටුයි අවසානෙ ඒ ලැබුණ ප්‍රතිඵලය ගැන.
අවසානයේ ලැබුණ විනිශ්චය සාධාරණයි කියලද ඔබ හිතන්නෙ?
ඇත්තටම විනිශ්චය කිසිම ප්‍රශ්නයක් නෑ කියල තමයි මම හිතන්නෙ. මොකද අන්තිම වටයට ආපු ළමයි හතරදෙනාම තෝරගත්තෙ ජනතාව මනාපය ප්‍රකාශ කරල. මම වගේම අනිත් කෝචස්ලත් ඒ ප්‍රතිඵලය ගැන එකඟ වෙනව.
ඔබට හිතෙන්නෙ නැද්ද මීට වැඩිය දක්ෂතා තියෙන අය මීට කලින් කැපිල ගියා කියල?
එහෙම වෙච්ච අවස්ථා තිබුණ. මොකද එදා දවසෙ ඒ ඒ අයගෙ ඉදිරිපත් කිරීම අනුව තමයි ඒක රඳාපවතින්නෙ. පුහුණුවීම්වල හොඳටම ගායනා කරල තරගෙ වෙලාවෙදි ඒක හරියට කරගන්න බැරිවෙච්ච අවස්ථා අනන්තවත් තිබුණ. තරගයක ස්වභාවය ඉතින් ඒක තමයි.
ඒ ගත්ත තීන්දු තීරණ ගැන කෝචස්ල අතර මතගැටුම් ඇතිවුනේ නැද්ද?
එහෙම අපි අතර තීරණ සම්බන්ධයෙන් ප්‍රශ්න ඇතිවුණේ නෑ. මොකද යම් ටීම් එකක ඉන්න අයගෙ දක්ෂතා හා ඒ අය කරන කැපවීම, ඒ අයගෙ ස්ටයිල් දන්නෙ ඒ අය ටේ්‍රන් කරන කෝච්. ඉතින් වෙන කෝච් කෙනෙක්ගෙ ළමයෙක්ට මම කමෙන්ට් එක දෙනකොට අපි දකින්නෙ එයාගෙ එදා දවසෙ ඉදිරිපත් කිරීම විතරයි. නමුත් එතන්ට එන්න එයා කොච්චර කැප කිරීමක් කරනවද, එයා කොහොම කෙනෙක්ද කියල හරියටම දන්නෙ එයාගෙ කෝච්. ඉතින් ඒ ඉදිරිපත් කිරීම සම්බන්ධයෙන් අපි දෙන කමෙන්ට් හරිම දේවල් නොවෙන්න පුළුවන්. එහෙම වුණා කියල අපි අතර ප්‍රශ්න ඇතිවුණේ නෑ.
ඔබලා ගත්ත තීරණවලට සිරසෙන් මොනයම් හෝ බලපෑමක් තිබුණද?
සිරසෙන් කිසිම බලපෑමක් තිබ්බෙ නෑ. මොකද මේක තනිකරම පිටරට සමාගමක අධීක්ෂනය යටතේ සිදුකරන තරගාවලියක්. ඒක තියෙන කොන්දේසිවලට අනුව තමයි සිරස ලංකාවෙ මේක ක්‍රියාත්මක කරන්නෙ. එතකොට ඒගොල්ලන් එවනව නීති මාලාවක් මේ තරගය කොහොමද පවත්වන්න ඕනෙ කියල. රවුන්ඞ් එකෙන් එවුන්ඞ් එකට සින්දු තොරන විදිහ, ස්ටේජ් එක නිර්මාණය කරන විදිහ, ලයිට් ක්‍රියාත්මක වෙන විදිහ පවා ඒ නීති මාලාවට ඇතුළත්. ඉතින් සිරස ඒ නීති ඇතුළෙ ක්‍රියාත්මක වෙන හින්ද කිසිම බලපෑමක් කරන්න බෑ. ඒවා තනිකම කෝච්ල වශයෙන් අපි ඒ ඒ වෙලාවල්වල ගත්ත තීරණ. ඒකට සීයට සීයක්ම වගකියන්නෙ අපි.
මේ තරගයෙන් කළින් ඉවත් වුණු කෙනෙක් පහුගිය දවසක චෝදනා කරල තිබුණ සමහර තරගකරුවන්ට කෝච්ල විශේෂ සැලකිල්ලක් කරා කියල?
මං දැනුවත්ව කෝචස්ල හතරදෙනාගෙන්වත්, සිරස ආයතනයෙන්වත් කාටවත් අසාධාරණයක් හෝ කාටවත් විශේෂ සැලකිල්ලක් වෙලා නෑ.
මේ තරගකරුවන්ගේ අනාගතය මොනවගේ වෙයිද?
ඇත්තටම මගේ බලාපොරොත්තුවක් තියෙනව මේකෙ ඉන්න ළමයි වෙනුවෙන් යම්කිසි දෙයක් කරන්න. සිරස ආයතනය එක්කත් කතා කරල ඒ වැඩකටයුතු කොහොමද වෙන්න ඕනෙ කියල බලන්න ඕනෙ. ඊට අමතරව අපිට පුළුවන් හැම වෙලාවකම ඔවුන්ගෙ ඉදිරි නිර්මාණ සඳහා අපේ දායකත්වය අපි ලබාදෙනවා.
ඉන්දික වික්‍රමරත්න

Continue Reading
Click to comment

Leave a Reply

Your email address will not be published. Required fields are marked *

Advertisement
Advertisement
Exclusive1 year ago

මහේෂ්ට ජනපතිවරණයට ආරාධනාවක්

Exclusive1 year ago

සිකුරාදා රෑ කරන්න ගිය ‌මෛත්‍රිගේ අගමැති කුමන්ත්‍රණය කඩා වැටේ

Exclusive1 year ago

මහින්දගෙන් ‌ගෝඨාට නියෝගයක්

Exclusive1 year ago

එජාප ඇමැතිලා 5ක් ඉවතට -අලුත් නම් 5ක් සූදානම්

Exclusive6 months ago

හිටපු ජනපති පුතා ඇඳිරි නීතිය මැද මහ රෑ දාපු පාටිය ගැන මාධ්‍යවේදිනිය ‌පොලිසියෙන් ප්‍රශ්න කරයි

Astrology9 months ago

2020 ලග්න පලාපල ඔබට කොහොමද?

Exclusive5 months ago

අමෙරිකා-බ්‍රිතාන්‍යය-ජර්මන්-යුරෝපා සංගම් තානාපතිවරු පෝලිමේ සජිත් හමුවන්න එති (VIDEO)

Astrology10 months ago

ඔබේ සහකරු ඉන්න තැන මෙන්න

Exclusive5 months ago

කෝටිපති දිලිත් කෝටි 2ක් දීලා විශේෂ යානයක් හදිසියේම ඩුබායි යැව්වේ ඇයි? (PHOTOS)

Mahawanshaya1 year ago

ගම්දනාව බියවද්දමින් උලමා හොයන දේ