Connect with us
Redmi 9C
Advertisement

Heart

හැමදාම දහඅටේ කෙල්ලෙක් වෙන්න බෑ

Published

on

පුංචි තිරයේ විටෙක කටකාර, තවත් විටෙක අහිංසක චරිත මවන්නියක් තමයි නදීෂා අලහප්පෙරුම කියන්නේ. පසුගිය දින කිහිපය තුළ ඇයව අප සම්බන්ධකර ගැනීමට උත්සාහ කළත් සාර්ථක වුණේ නැහැ. එහෙත් අපගේ උත්සාහය නිසා අද ඇය අපගේ ඉල්ලීමට පුංචි වේලාවක් වෙන්කළේ ඔබ වෙනුවෙන්මයි.
නදීෂා මේ දවස්වල පුංචි තිරයෙන් සැඟවිලාද?
එහෙම ලොකුවට නැහැ. ‘සිඳු’ ටෙලිනාට්‍යයේ විතරයි වැඩ කරගෙන යන්නේ. එක වැඩක වැඩ කළත් හොඳ ප්‍රතිචාර ලැබෙනවා. ඒ තරමට ‘සිඳු’ ටෙලිනාට්‍ය ගොඩදෙනෙක් බලන නිසා.
කාලයක් ඔබට පුංචි තිරයේ හොඳ ඉල්ලුමක් තිබුණා. ඒ ලැබුණු ඉල්ලුම දැන් නැතිද?
එහෙම නෙවේ. එදා ඉඳලා මට නිර්මාණවලින් ආරාධනා එනවා. ඒත් පසුගිය කාලෙ ලෝකේ ඇතිවුණු ‘කොරෝනාව’ නිසා ලංකාවටත් එය බලපෑවා. ඉතින් අපි කාටවත් වැඩක් නැතුව ගෙදර ඉන්න සිද්ධ වුණා. දැන් තමයි ක්‍ෂේත්‍රයේ නිර්මාණ කරගෙන යන්නේ. නැවැත නිර්මාණ කෙරුණොත් අපට ආරාධනා එනවා.
වසර ගණනාවක් ඔබ කලා ක්‍ෂේත්‍රයෙන් ඉවත්වෙලා හිටියේ කලකිරීමකින්ද?
අපෝ එහෙම කලකිරීමක් නැහැ. පුතා හමුවෙන්න ඉද්දි මම කලාවෙන් මඳකට සමුගත්තා. ඒ කෙටි කාලය තුළ දුවත් ලැබුණු නිසා මම අවුරුදු පහක් විතර කලාවෙන් ඈත්වෙලා දරුවන් වෙනුවෙන්ම තමයි කාලය වෙන් කළේ.
එතකොට විදේශ ගතවුණා කියන කතාව බොරුවක්ද?
ගොඩදෙනෙක් හිතාගෙන ඉඳලා තියෙන්නේ එහෙම. මොකද මම පේන්න හිටිය නැති නිසා. මම එහෙම රට අත්හැරලා ගියේ නැහැ. විදේශීය සංචාරවලට විතරයි ගියේ.
ක්‍ෂේත්‍රයට එකතු වන නව පරපුරේ අයත් මුහුකාර චරිත රඟපාන්න ගියාම නදීෂාට තියෙන ඉල්ලුමත් අඩුවෙනවා ඇති?
අපිට හැමදාම අවුරුදු දහඅටේ කෙල්ලගේ චරිත රඟපාන්න බැහැනේ. ක්‍ෂේත්‍රයේ අලුත් පිරිසක් ඉන්නවා වයස් භේදයකින් තොරව. අධ්‍යක්‍ෂවරුන් කතා කරන්නේ චරිතයට ගැළපෙන අයට. ඉතින් මට එහෙම කිසිම කෙනෙක් අභියෝග වෙලා නැහැ. මට අභියෝගය මම විතරයි. ඒ වගේම ලැබෙන චරිතය මට අභියෝගයක්.
ජනප්‍රිය වීමට ගොඩදෙනෙක් පෙම්වතිය චරිතය රඟපෑමට පොරකනවා නේද?
ජනප්‍රිය වීමට පෙම්වතිය චරිතය කළයුතුයි කියලා මම හිතන්නේ නැහැ. එතැනින් එහාට විහිදුණු විවිධ චරිත තිබෙනවා කරන්න.
ඒ කියන්නේ නදීෂාට දැන් පෙම්වතිය චරිතය රඟපාන්න සුදුසු කාලය නෙවෙයි?
අපි තීරණය කරන්න ඕනෑ අපි රඟපාන්න ඕනෑ චරිත. මම දැන් දරුවෝ දෙන්නෙක් ඉන්න අම්මා කෙනෙක්. මට කෙල්ලගේ චරිතය රඟපාන්න බැහැනේ. මැදි වයසේ විවිධ චරිත තියෙනවා. එවැනි චරිතයකට හැඩගැසීමත් අභියෝගයක් විදියට තමයි මම හිතන්නේ. මේ දවස්වල මම ගැන ගොඩදෙනෙක් කතා කරන්නේ ‘සිඳු’ ටෙලිනාට්‍යයේ මම රඟපාන චරිතය ගැන තමයි.
ඔබේ දක්‍ෂතාවය තුළින් වේදිකාවේ හිඩැසක් දකිනවා?
ඇත්තටම මම වේදිකා නාට්‍යවලට සම්බන්ධ වෙලාම නැහැ. ආරාධනා ලැබුණත් ඒ වෙනුවෙන් මට ලොකු කාලයක් යොදවන්න අපහසුයි දරුවන්ගේ වැඩකටයුතු නිසා.
ඔබේ සිඟිති දුවත් දැන් සිනමාවෙන් දක්‍ෂතා මතු කරනවා. අම්මා කෙනෙක් විදියට ඔබට මොනවගේ හැඟීමක්ද දැනෙන්නේ?
ඇත්තටම චිත්‍රපටය බලපු පළමු දවසේ මටම ඇඬුණා මගේ දුවගේ දක්‍ෂතාවය ගැන. ‘සුනාමි’ වැනි දැවැන්ත චිත්‍රපටයක් හරහා ඇයගේ දක්ෂතා මේ තරම් අඩු වයසකින් මට දැකගන්න ලැබෙයි කියලා මම හිතුවේ නැහැ. මගේ දුව ගැන මම සතුටු වෙනවා. හොඳ අධ්‍යක්‍ෂවරයකුගේ හොඳ නිර්මාණයකට සම්බන්ධ වීම.
අම්මාගේ දැනහැඳුනුම්කම් මතද දුව සිනමාවේ පුංචි තාරකාවියක් වුණේ?
ගොඩදෙනෙක් හිතාගෙන ඉන්නේ එහෙම තමයි. නමුත් ඒක නෙවෙයි ඇත්ත කතාව. ‘සුනාමි’ චිත්‍රපටයට කුඩා දරුවන් පන්සියයක් විතර කැඳවලා තිබුණා. ඒ සියලුම දෙනා අතරින් තමයි දුව තේරුණේ.
වසන්ත විතාරණගේ

Continue Reading
Click to comment

Leave a Reply

Your email address will not be published. Required fields are marked *

Advertisement
Advertisement
Exclusive1 year ago

මහේෂ්ට ජනපතිවරණයට ආරාධනාවක්

Exclusive1 year ago

සිකුරාදා රෑ කරන්න ගිය ‌මෛත්‍රිගේ අගමැති කුමන්ත්‍රණය කඩා වැටේ

Exclusive1 year ago

මහින්දගෙන් ‌ගෝඨාට නියෝගයක්

Exclusive1 year ago

එජාප ඇමැතිලා 5ක් ඉවතට -අලුත් නම් 5ක් සූදානම්

Exclusive6 months ago

හිටපු ජනපති පුතා ඇඳිරි නීතිය මැද මහ රෑ දාපු පාටිය ගැන මාධ්‍යවේදිනිය ‌පොලිසියෙන් ප්‍රශ්න කරයි

Astrology9 months ago

2020 ලග්න පලාපල ඔබට කොහොමද?

Exclusive5 months ago

අමෙරිකා-බ්‍රිතාන්‍යය-ජර්මන්-යුරෝපා සංගම් තානාපතිවරු පෝලිමේ සජිත් හමුවන්න එති (VIDEO)

Astrology10 months ago

ඔබේ සහකරු ඉන්න තැන මෙන්න

Mahawanshaya1 year ago

ගම්දනාව බියවද්දමින් උලමා හොයන දේ

Exclusive5 months ago

කෝටිපති දිලිත් කෝටි 2ක් දීලා විශේෂ යානයක් හදිසියේම ඩුබායි යැව්වේ ඇයි? (PHOTOS)