Connect with us
Advertisement Redmi Note 9

Heart

OSCAR හොල්ලපු මහිලාව ක්ලොයි ෂාවෝ

Published

on

⬤ Anthony Hopkins ඉතිහාසගත වෙයි…

‘Covid’ යන වචනය හැරුණු විට මේ වන විට ලොව බොහෝදෙනාගේ අවධානය දිනාගත් අනෙක් වචනය බවට පත්ව ඇත්තේ ‘Nomadland’ විය යුතුය. ඒ පසුගිය සතියේ ‘Nomadland’ චිත්‍රපටය 93 වැනි ඔස්කා සම්මාන උළෙලේ අණසක පතුරවමින් එහි ප්‍රධානම සම්මාන තුනකට හිමිකම් කීමට සමත් වීමත් සමගය.

ඇමෙරිකාවේ ලොස් ඇන්ජලීස්නුවර දැඩි කොවිඩ් ආරක්ෂක ක්‍රම අනුගමනය කරමින් පැවැති මෙවර සම්මාන උළෙල ඉතිහාසයට එක්වන්නේ සම්මාන පිරිනමන්නෙක් නොමැතිව සම්මානලාභියාටම තමාට හිමි සම්මානය ලබාගැනීමට සිදුවූ සම්මාන උළෙලක් ලෙසටය. චිත්‍රපට නිර්මාණ හා නිර්මාණකරුවන් ඇගයීමට ලොව කුමන ආකාරයේ සම්මාන උළෙලවල් පැවැත්වුවද ඔස්කා නැත්නම් ඇකඩමි සම්මාන උළෙල හැඳින්වෙන්නේ චිත්‍රපට සම්මාන උළෙලවල්වල මුදුන්මල්කඩ ලෙසය. ඔස්කා සම්මානය හිමිකර ගැනීම ලොව සෑම චිත්‍රපට නිර්මාණකරුවකුගේම සිහිනයක් වන්නේ ඒ නිසාය. කෙසේ වෙතත් ගියවර මෙන්ම මෙවරද ඔස්කා සම්මාන උළෙල එක් අතකින් ආසියාතික අපටද වැදගත් වන්නේය. ඒ ගියවර parasite චිත්‍රපටය වෙනුවෙන් දකුණු කොරියානු චිත්‍රපට අධ්‍යක්ෂ Bong Joon-ho හොඳම චිත්‍රපට අධ්‍යක්ෂණය වෙනුවෙන් සම්මානය දිනාගැනීමත්, මෙවර ‘Nomadland’ අධක්ෂණය වෙනුවෙන් චීන ජාතික චිත්‍රපට අධක්ෂිකා Chloé Zhao සම්මානය දිනාගැනීමත් නිසාය. එයට අමතරව Chloé Zhao සැලකෙන්නේ හොඳම අධ්‍යක්ෂණය වෙනුවෙන් ඔස්කා සම්මානය දිනාගත් පළමු ආසියාතික කාන්තාව ලෙසය.

මෙවර සම්මාන උළෙලේ වැඩි ගෞරව දිනා ගැනීමට සමත්වූ ‘Nomadland’ චිත්‍රපට පදනම් වන්නේ ස්ථිර වාසස්ථානයක් නොමැතිව සංචාරක දිවියක් ගත කරන ‘Nomad’ ප්‍රජාව ගැනය. හොඳම චිත්‍රපටය, හොඳම චිත්‍රපට අධක්ෂණයට අමතරව ‘Nomadland’ හි ඉදිරිපත් කරන අද්විතීය රංගනය වෙනුවෙන් හොඳම රංගන ශිල්පිනියට හිමි සම්මානයටද හිමිකම් කීමට Frances McDormand සමත් වන්නේය. මෙම චිත්‍රපටයෙහි ඇති තවත් එක් විශේෂත්වයක් වන්නේ මෙහි ප්‍රධාන නිළිය ලෙස රංගනයට දායක වන Frances McDormand හැරුණු විට අනෙක් සියලුමදෙනා වෘත්තීය රංගන ශිල්පීන් නොව ‘Nomad’ ප්‍රජාව නියෝජනය කරන ජනතාව වීමය. බොහෝදෙනාගේ අදහස වන්නේ ‘Nomadland’ යනු ‘Nomad’ ජනතාවගේ සැබෑම ජීවන අන්දරය කියාපාන කතාන්දරයක් කියාය.

සම්මාන උළෙලේ බොහෝදෙනාගේ අවධානය දිනාගත් අනෙක් ප්‍රධානම කාරණය වූයේ හොඳම නළුවාට හිමි සම්මානය. එහි ඇති අනෙක් විශේෂත්වය වන්නේ මෙවර සම්මාන උළෙලේදී ඔවුන් මෙතෙක් පැවතගෙන ආ සම්ප්‍රදායෙන් පිට පැනීමය. ඒ මෙතෙක් සම්ප්‍රදායක් ලෙස ඔවුන් පැවතගෙනආ අවසාන සම්මාන ප්‍රදානය ලෙස හොඳම චිත්‍රපටයට සම්මානය ප්‍රදානය කරනවා වෙනුවට මෙවර අවසාන සම්මාන ප්‍රදානය ලෙස හොඳම නළුවාට හිමි සම්මානය ප්‍රදානය කිරීමට තීරණය කිරීමය. කෙසේ වෙතත් හොඳම නළුවාට හිමි සම්මානයට යම් අගයක් එක්කිරීමට ඔවුන් යම් උත්සායක් ගත්තද එය ව්‍යර්ථ වී ගියේ එම සම්මානය ගැනීමට සම්මානලාභියා නොපැමිණීමත් නිසාය.

මෙවර හොඳම නළුවා සම්මානය සඳහා දැඩි තරගයක් පැවැති අතර, බොහෝදෙනා සිතා සිටියේ මෙවර හොඳම නළුවාට හිමි සම්මානය ‘Ma Rainey’s Black Bottom’ චිත්‍රපටයේ රංගනය වෙනුවෙන් පිළිකා රෝගයකින් මියගිය Chadwick Boseman විසින් දිනාගනු ඇතැයි කියාය.
බොහොදෙනා එසේ සිතීමට පෙළඹී සිටියේ නැසීගිය හීත් ලෙජර් මරණින් පසු The Dark knight චිත්‍රපටයේ රංගන වෙනුවෙන් හොඳම නළුවාට හිමි සම්මානය දිනාගත්තා සේම මෙවරද නැසීගිය Chadwick Boseman හොඳම නළුවාට හිමි සම්මානය දිනාගනු ඇතැයි කියාය. නමුත් ඒ සියලු බලාපොරොත්තු බිඳහෙළමින් මෙවර හොඳම නළුවාට හිමි සම්මානය දිනාගත්තේ The Father චිත්‍රපටයෙහි රංගනය වෙනුවෙන් Anthony Hopkinsය. සම්මානයට අමතරව Anthony Hopkins ඉතිහාසගත වන අනෙක් කාරණය වන්නේ හොඳම නළුවාට හිමි සම්මානය දිනාගත් වයස්ගතම පුද්ගලයා වීමෙන්ය.
83 වැනි වියෙහි පසුවන Anthony Hopkins මෙවර දිනාගන්නේ තම රංගන ජීවිතයේ දෙවැනි හොඳම නළුවාට හිමි සම්මානය වන අතර, මීට වසර තිහකට ඉහතදී ඔහු සිය පළමු හොඳම නළුවාට හිමි ඇකඩමි සම්මානය දිනා ඇත්තේ The Silence of Lambs චිත්‍රපටයෙහි රංගනය වෙනුවෙන්ය.

ඔස්කා සම්මාන උළෙලේ ප්‍රධාන සම්මාන එසේ බෙදීගිය අතර, වර්ගීකරණයන් 25ක් යටතේ සමස්ත සිනමා ක්ෂේත්‍රයම නියෝජනය වන පරිදි සම්මාන ප්‍රදානය සැලැසුම් කර තිබිණි. ඒ අතර මෙවර සම්මාන උළෙලේ අවධානය දිනාගත් අනෙක් ප්‍රධාන සම්මානයන් වූයේ හොඳම සංස්කරණයට, හොඳම විදෙස් චිත්‍රපටයට හා හොඳම තිරරචනයට හිමි සම්මානයන්ය. මෙවර හොඳම සංස්කරණයට හිමි සම්මානය Sound of Metal චිත්‍රපටය දිනාගත් අතර හොඳම විදෙස් චිත්‍රපටය ලෙස Another Round චිත්‍රපටයත්, හොඳම තිරරචනයට හිමි සම්මානය Promising Young Woman චිත්‍රපටයත් දිනාගැනීමට සමත් විය.
ඉන්දික වික්‍රමරත්න

Continue Reading
Click to comment

Leave a Reply

Your email address will not be published. Required fields are marked *

Advertisement
Exclusive7 months ago

මැරෙන්න කලින් මධූෂ් හෙළි කරපු මහකුඩ්ඩන් හතර දෙනාගේ නම් මෙන්න (VIDEO)

Mahawanshaya2 years ago

ගම්දනාව බියවද්දමින් උලමා හොයන දේ

Exclusive2 years ago

මහින්දගෙන් ‌ගෝඨාට නියෝගයක්

Astrology1 year ago

ඔබේ සහකරු ඉන්න තැන මෙන්න

Exclusive2 years ago

මහේෂ්ට ජනපතිවරණයට ආරාධනාවක්

Astrology2 years ago

නිවෙසේ උපකරණ සඳහා සුබම දිශාව

Astrology1 year ago

2020 ලග්න පලාපල ඔබට කොහොමද?

Exclusive2 years ago

සිකුරාදා රෑ කරන්න ගිය ‌මෛත්‍රිගේ අගමැති කුමන්ත්‍රණය කඩා වැටේ

Astrology2 years ago

විෂ්ණු දෙවියන්ගේ පිහිට ගෙනන පූජාවක්

Exclusive1 year ago

හිටපු ජනපති පුතා ඇඳිරි නීතිය මැද මහ රෑ දාපු පාටිය ගැන මාධ්‍යවේදිනිය ‌පොලිසියෙන් ප්‍රශ්න කරයි

Exclusive2 years ago

එජාප ඇමැතිලා 5ක් ඉවතට -අලුත් නම් 5ක් සූදානම්

Exclusive1 year ago

කෝටිපති දිලිත් කෝටි 2ක් දීලා විශේෂ යානයක් හදිසියේම ඩුබායි යැව්වේ ඇයි? (PHOTOS)

Exclusive1 year ago

අමෙරිකා-බ්‍රිතාන්‍යය-ජර්මන්-යුරෝපා සංගම් තානාපතිවරු පෝලිමේ සජිත් හමුවන්න එති (VIDEO)

Exclusive2 years ago

පොතේ හැටියට දිනන්නේ කවුද? (උපුල් ‌ජෝශප් ප්‍රනාන්දුගේ ගුරුදා විග්‍රහය)

Exclusive1 year ago

රනිල්ගේ UNP එකයි සජිත්ගේ UNP එකයි