Connect with us
Add

Holiday

ඔරුවේ පැද්දි පැද්දි නෙලුම් වැවේ උණුදිය උල්පතට

Published

on

මුළු රටම අනතුරට පත්වෙලා තිබෙන මොහොතක ගෙදරට වෙලා පරිස්සමින් ඉන්න ඔයාලාව Travel with Mind අපිත් එක්ක ගොඩක් අය නොදන්න තැනකට එක්ක යන්න හිතුවා.
කාර්යබහුල ජීවිතයෙන් පොඩි වෙලාවකට මිදීම සඳහා සංචාරය කිරීම කදිම විනෝදාංශයක් කරගත් අපේ කණ්ඩායම මේ සංචාරය කරන්නේ ලස්සන ප්‍රදේශ සොයා පමණක් නොවෙයි. ලස්සන සිත් ඇති මිනිසුන් සොයාය. අපේ සංචාරය බොහෝමයක් පිරිස් නොදන්නා පොළොන්නරුවේ, බොරවැව පිහිටි උණු දිය උල්පත් හොයාය. අවුරුද්දේ මුල්ම කාර්තුව නිසාම හොඳින් වැසි ඇද හැලී වියළී ගිය පරිසරයට හොඳ ජීවියක් එක්වී තිබුණු බව පොළොන්නරුවට ඇතුළු වන විටම දැනුණු කාරණයක් විය. මහා පරාක්‍රම සමුද්‍රය දිගේ හමාගෙන එන ඒ අමු ගැමි සුවඳ එක්ක මුසු වුණු සොබාධර්මයේ සුවඳ ස්පර්ශ කරගත් අපි පුංචි ගොම මැටි ගෑ කඩපිලක උදේ ආහාරය සඳහා නවත්තන විටත් උදේ 10 පසුවී තිබුණද උණු උණු රොටියක් සමඟ ලුණු මිරිසක රස බලා ඉඟුරු plan tea රස බැලීමට අමතක නොකළෙමු.

පොළොන්නරුව, කදුරුවෙල නගර පසුකොට නැවැත වනාන්තරබද ප්‍රදේශයකට පිවිසුණු අපට ඒ අවට නිදැල්ලේ ගැවසුණු මුව පැටවුන් දැක ගැනීමටත් හැකි විය. මනම්පිටිය ජල ගැලීම් නිම්න ජාතික උද්‍යානයට ඇතුළු වන විට තිබෙන දේවාලයෙන් කවුරුත් පාහේ ආශීර්වාද ගෙන ගමන නැවත ඇරැඹීම එම ප්‍රදේශයේ සෑම දෙනකුගේම පාහේ පුරුද්දක් වූ නිසා පොඩි වේලාවකට අපි සියලු දෙනාද ආශීර්වාද ගෙන නැවැත අප ගමන ආරම්භ කළේ උණු දිය උල්පත් සොයාය. අප්‍රමාණ සිතට සැනසීම ගෙන දෙන සාරවත් වෙල්යායවල් මැදින් වැටී ඇති මෙම මාර්ගවල ගමනා ගමනය සිතට ගෙන දෙන්නේ මහත් සැනසීමක් බව ඇස් රහසේම පවසන්නේ බැලු බැලූ අත කොළපාටින් වර්ණ වුණු පොළොන්නරු ගොවියාගේ විශ්වකර්ම ගොවිතැනයි. බොර වැව අසල පොඩි වෙලාවකට රථය නැවැත්වීමේ ප්‍රබල ආශාවක් අපේ සැමටම දැනුණි. බොරවැව නාවුල්ලෙන් එන සිසිල් සුළං පහර නිසා විඩාබර වූ අපේ සිත් එක මොහොතකින් ඒකාලෝක කළ බව දැනටද දැනේ. බොර වැවේ එක පසෙකින් දිඹුලාගල පෙනෙන අපූරුව අපේ කැමරා කාචයේ ලස්සනට සටහන් විය. පොළොන්නරුවේ ධෛර්යවන්ත මිනිසුන් අතින් සාරවත් වුණු කුඹුරුයායවල් බොර වැවේ අනෙත් පැත්තෙන් දිස්වෙයි. මෙවන් දර්ශන දැකගැනීමට තරම් අප භාග්‍යවන්ත වූ බව කිව යුතුමයි.

නැවැත ගමන් ආරම්භ කළ අප විනාඩි 10ක් පමණ යන විට නෙලුම් වැව උණු දිය උල්පත් අසලට පැමිණියෙමු. සියල්ල ගරා වැටී ඇත. උණු දිය උල්පත පිහිටා ඇත්තේ නෙලුම් වැවේ මැද පිහිටි දූපතකය. අඩුම තරමින් දූපත මැදට යෑමට ඔරුවක්වත් අයිතිකරුවකුවත් පෙනෙන්නට නොසිටියේය. පොඩි දුරක් ගම ඇතුළට ගමන් කළ අප ඉතා අමාරුවෙන් අනුර මාමාව සොයා ගත්තේය. ඔහු ඔහුගේ වැඩ ඉවතලා අප සමඟ මේ ගමනට යෑමට සූදානම් විය. ඔහුගේ ඔරුව වැවේ එක කොනක ගහක බැඳ ඇති අයුරු ඈතින්ම සිට ඔහු පෙන්වන විට මේ ගමනේ ත්‍රාසජනක බව වඩ වඩා අපිට දැනෙන්නට වූයේ ඔරුවේ තත්ත්වය සහ වැව මැද තත්ත්වය ගැන හොඳ වැටහීමක් අපිට නොතිබුණු නිසාය. ‘ඔය වැවේ හරියට කිඹුල්ලු ඉන්නවා නෝනා අපි නාන්නෙත් එක ඉවුරකින් විතරයි’ යැයි අනුර මාමා සැහැල්ලුවෙන් පවසන විට අපිට දැනුණු බය වචනයෙන් විස්තර කිරීමට අපහසුය. නමුත් අපි කොහොම හරි මේක කරමු යැයි සිතූ සියල්ලම ඔරුවට ගොඩ විණි. ඔරුව සෙලවි සෙලවී තම ගමනාන්තය බලා ගමන් කරන විට අපගේ බය කෙමෙන් කෙමෙන් නැති විය. ඔරුවක නැඟී හුළං ඒ මේ අත වැනෙන වැවක් මැද අපේ ගමන සහ ගමනාන්තය උණු දිය උල්පත්ය. සොබාවධර්මය යනු මහා විශ්වකර්මයෙකි. වැවක් මැද ඉතා කුඩා දූපතක උණු දිය උල්පතක් මැවීමට තරම් ඔහු විශිෂ්ට නිර්මාණකරුවෙකි. මේ අත්දැකීම ඔබ ලබාගත යුතු බව මට හැඟේ. විනාඩි 8ක් පමණ වෙලා ඔරුවෙන් ගමන් කළ අප අපගේ ගමනාන්තයට පැමිණියේ හද පිරි සතුටිනි. උණු දිය උල්පත් 7 එතැන විය. ඒවා වැඩි උෂ්ණත්වයෙන් යුතු විය. උණු දිය උල්පතේ උෂ්ණත්වය 62-67C 0 අධික වුවත් මම ඇඟිලි 2, 3ක් උණු දිය උල්පතට දමා බැලුවෙමි. තැමුබුණු ගෙම්බෙක් උණු දිය උල්පතේ අසල හිටියේ ඔහුගේ අවසාන හුස්ම උණු දිය උල්පතටම පිරිනමමින්ය.

චර්ම රෝග සුව වීම සඳහා උණු දිය උල්පතකින් ස්නානය බොහෝම හොඳ බව වෛද්‍ය මතය වූ නිසාම උණු දිය උල්පත්වලින් අඩුම රස්නය තිබෙන උල්පතකින් ස්නානය කරගත් අපි අවට පරිසරය රසවිඳීමට පොඩි වේලාවක් විඩංගු කළේය. ඔබ පැමිණ මේ ත්‍රාසය හා ප්‍රීතිමත් අත්දැකීම විඳගත යුත්තේ මේ ස්වභාවධර්මයේ අපූර්වතම දායාද ගැන සිත පහදවා ගෙන බව අමතක නොකළ යුතුයි. පරිසරය පිරිසුදුව තබා ගැනීම අපගේ පරම යුතුකමකි. එන්න විඳින්න ඔබට අයිති සුන්දරත්වය ඔබේ මනසින් පරිසරය සමඟ.
වාසනා බිනරගම

Continue Reading
Click to comment

Leave a Reply

Your email address will not be published. Required fields are marked *

Advertisement
Advertisement
Exclusive2 hours ago

මහින්ද-සජිත් ගැටුම උත්සන්න වෙයි

Exclusive8 hours ago

ගෝඨා පොලොන්නරුවේ ජන්ද සටනට එක්වෙයි: ගොවීන්ගෙන් ඉල්ලීම් ගොඩක්

Exclusive11 hours ago

අල්ලන කුඩු විකිණිල්ල ‘මව්රට’ හෙළි කළේ ගිය අප්‍රේල් මාසයේ

Exclusive11 hours ago

පොලිස් ‘නාකොටික්’ එකේ රෙදි ගැලවුණේ ඩුබායි මොරිල් ගහපු ගේමකින්ද?

Exclusive14 hours ago

ක්‍රිකට් ක්‍රීඩකයන්ට අපලයක්: මෙන්ඩිස් අත්අඩංගුවට

Exclusive17 hours ago

පාතාලයට අවිආයුධ ගියේ ගිනිගත් අවි ගබඩාවකින්?

Exclusive17 hours ago

නීතිපති පොලිසියට කනේ ඇඟිලි ගහගන්න දෙයි: පොලිස්පති නැඟිට යයි

Exclusive20 hours ago

ජනපති තන්තිරිමල පුදබිමේ ඖෂධ පූජාවක (PHOTOS)

Exclusive20 hours ago

දිනවිය යුතු අපේක්ෂකයන් ගැන අගමැති ලේකම්ගෙන් ප්‍රකාශයක්

Business1 day ago

හේමාස් රෝහල් සමූහය සංචාරක ක්ෂේත්‍රය ප්‍රවර්ධනය කරයි

Exclusive11 months ago

මහේෂ්ට ජනපතිවරණයට ආරාධනාවක්

Exclusive11 months ago

සිකුරාදා රෑ කරන්න ගිය ‌මෛත්‍රිගේ අගමැති කුමන්ත්‍රණය කඩා වැටේ

Exclusive11 months ago

එජාප ඇමැතිලා 5ක් ඉවතට -අලුත් නම් 5ක් සූදානම්

Exclusive3 months ago

හිටපු ජනපති පුතා ඇඳිරි නීතිය මැද මහ රෑ දාපු පාටිය ගැන මාධ්‍යවේදිනිය ‌පොලිසියෙන් ප්‍රශ්න කරයි

Exclusive11 months ago

මහින්දගෙන් ‌ගෝඨාට නියෝගයක්

Astrology6 months ago

2020 ලග්න පලාපල ඔබට කොහොමද?

Exclusive2 months ago

අමෙරිකා-බ්‍රිතාන්‍යය-ජර්මන්-යුරෝපා සංගම් තානාපතිවරු පෝලිමේ සජිත් හමුවන්න එති (VIDEO)

Exclusive2 months ago

කෝටිපති දිලිත් කෝටි 2ක් දීලා විශේෂ යානයක් හදිසියේම ඩුබායි යැව්වේ ඇයි? (PHOTOS)

Exclusive4 months ago

රනිල්ගේ UNP එකයි සජිත්ගේ UNP එකයි

Exclusive8 months ago

පොතේ හැටියට දිනන්නේ කවුද? (උපුල් ‌ජෝශප් ප්‍රනාන්දුගේ ගුරුදා විග්‍රහය)