Connect with us

Holiday

බිසෝවරු නාපු තැන බලන්න කරවනැල්ලෙන් මාවනැල්ලට

Published

on

මානැල්ලට යන්න පාරවල් කීපයක්ම තියෙනවා- වඩාත්ම පහසු වෙන්නෙ ගලිගමුව- අවිස්සාවේල්ල පාරෙ ලියන්ගහමුලින් දකුණට හැරිලා ගුරුගොඩ ඔයෙන් එගොඩ වෙලා යන පාර- ගලිගමුව පැත්තෙන් යද්දි ලියන්ගහමුල මුණගැහෙන්නෙ කොටියාකුඹුර පහුකරගෙන ටික දුරක් ඉස්සරහට යද්දි- ටික කාලෙකට ඉස්සර ගුරුගොඩ ඔයෙන් එගොඩ වුණේ පාරුවකින්- ඒත් අද වෙනකොට පාලමක් සකස් කරලා තියෙන හින්දා පොඩි වාහනයකින් යන්න පුළුවන්- පාලම ළඟ ඉඳලා කිලෝමීටර් එක හමාරක විතර දුරකිනුයි දිය ඇල්ල පිහිටලා තියෙන්නේ.

කොළඹ- නුවර පාරෙ නෙළුන්දෙණියෙන් හැරිලා ගලපිටමඩ පැත්තට එනකොට මුණගැහෙනවා ලෙනගල හන්දිය- වරකාපොළ- කරවනැල්ල පාරෙන් ඇවිත් ගලපිටමඩ හරහාත් ලෙනගල හන්දියට එන්න පුළුවන්- එතැන ඉඳලා ලෙනගල පාරෙ ටික දුරක් යද්දි හමුවෙන කිවුල්දෙණියෙන් හැරිලා කිලෝමීටර් 5ක විතර දුරක් ගිහිල්ලත් මානැල්ලට යන්න පුළුවන්- මේ පාරෙන් යද්දි නාරංගල හරහා ගලාගෙන යන දිය පාරක පිහිටලා තියෙන දිය අඬාහැලෙන ඇල්ලත් දැකගන්න ලැබෙනවා- දිය අඬාහැලෙන ගල කියල තමයි ගමේ අය මෙතැනට කියන්නෙ- මීටර් හතරක විතර උසින් ගල්තලාවක් දිගේ ගලාගෙන හැලෙන දිය අඬාහැලෙන ඇල්ලත් ගහකොළවලින් වටවෙලා තියෙන ලස්සන තැනකයි පිහිටලා තියෙන්නෙ-

මේ පාරෙ තවත් ටිකක් ඉස්සරහට යද්දි වම් අත පැත්තෙන් ගලාගෙන යන මානැල්ල ඔය දැකගන්න ලැබෙනවා- මානැල්ල ගලා හැලෙන්නෙ කොටස් දෙකකින්. මානැල්ලේ කුඩා දිය ඇල්ල කියලයි පළමු ඇල්ල හැඳින්වෙන්නෙ. මුලින්ම මුණගැහෙන්නෙත් ඒ කුඩා ඇල්ලයි- මහ මානැල්ලට උඩින් පිහිටලා තියෙන මේ දිය ඇල්ල පැත්තට වැටුණු පොඩි අඩි පාරක් තියෙනවා- උසින් මීටර් 6ක් විතර වෙන කුඩා මානැල්ල ගල් තලාව පුරාම විසිරිලා ගලාගෙන හැලෙන දර්ශනය හරිම සුන්දරයි- ගහකොළවලින් සෙවණ වැටුණු හරිම නිස්කලංක තැනක්- කුඩා මානැල්ල විදියට ඇද හැලෙන දිය දහර එතැන ඉඳලා තවත් කෙටි දුරක් ගලාගෙන ගිහිල්ලා මහා මානැල්ල විදියට ඇද හැලෙනවා- ඒ කෙළවර දක්වාම යන්න පුළුවන්- ඒත් ගල් තලාවන් ලිස්සන හින්දා වඩාත් පරිස්සම් වෙන එක හොඳයි.

කුඩා මානැල්ල මුදුනේ ඔය ඉවුරේ නුග ගහක් ළඟ මානැල්ලේ දෙවියන් වෙනුවෙන් පුද පූජා පවත්වන තැනක් තියෙනවා- වැහි නැති කාලෙට වැස්ස ලබා ගන්න, ගොවිතැන් ඇතුළු වෙනත් නොයෙක් අපල උපද්‍රවවලදී ගමේ අය එකතුවෙලා පඬුරු ගැට ගහලා පිරිත් දේශනා කරලා මේ පූජාවන් පවත්වනවා- මෑතදී මෙතැන කුඩා බුදු මැඳුරකුත් හදලයි තියෙන්නෙ-

මානැල්ල ඔයේ කුඩා මානැල්ලට ඉහළින් ඔය මැද පුංචි ගල් වළවල් කීපයක් දැකගන්න පුළුවන්- මේවා වළගම්බා රජතුමාගේ බිසෝවරුන් හත් දෙනා ස්නානය කරන්න ආවම හිසේ ගාන්න නානු කෙටූ ගල් වළවල් බවයි ජනප්‍රවාදයේ තියෙන්නෙ- වළගම්බා රජතුමා මේ කිට්ටුව තියෙන ලෙනගල හා සල්ගල වාගෙ තැන්වල ආරක්ෂාව වෙනුවෙන් කාලයක් හැංගිලා හිටිය බව ජනප්‍රවාද කතා වගේම ඉතිහාස තොරතුරුවලිනුත් අනාවරණය කරගෙන තියෙනවා- ලෙනගල ගල් ලෙන්වල හිටිය කාලෙදියි ස්නානය කරන්න මෙතැනට ආ ගිය බව කියන්නෙ-

මහ මානැල්ල බලන්න කුඩා මානැල්ල ළඟින් පහළට බහින්න බැහැ- ආයෙත් පාරට ඇවිත් තව ටික දුරක් පහළට යන්න ඕනෑ- මේ පාරම තමයි කොටියාකුඹුර, ලියන්ගහමුල, ගුරුගොඩ ඔය හරහා එන පාරට සම්බන්ධ වෙන්නෙ- මේ කොයි පැත්තකින් ආවත් මානැල්ලේ පාමුලට යන්න වෙන්නෙ එකම පාරකින්- ඇල්ලට යන අඩි පාර මුලදි ගෙවල් දොරවල් අතරිනුයි වැටිලා තියෙන්නේ. පස්සේ තරමක හුදකලා භූමියක් පහුකරනවා. පයින් මීටර් 200ක විතර දුරක් ඇවිල්ලා ඇල්ලේ පාමුලට එන්න පුළුවන්- මානැල්ල උසින් මීටර් 20ක් බවයි කියන්නෙ-

වටපිටාව ගහකොළවලින් පිරිලා- ගල් කුළුවලින් වටවුණු ගැඹුරු දිය තටාකයකට ඇල්ල ඇද හැලෙනවා- කඩුක්කන් දාපු රන් ආඳෙක් මේ දිය තටාකයේ ඉන්න බව ජනප්‍රවාදයේ සඳහන් වෙනවා- ගමේ අය විශ්වාස කරන්නේ ඉස්සර ඉඳලම මේ වළ ඇතුළෙ තියන බව කියන වටිනා වස්තූන්ගේ ආරක්ෂකයා කඩුක්කන් දාපු ආඳා බවයි- ඇල්ල අවට පාළු වගේම හරිම ගුප්ත බවක් දකින්න තියෙනවා. ඒ වගේම ඇල්ල අවට පරිසරය වටා තවත් ඒ වගේ අද්භූතජනක කතා අහන්න ලැබෙනවා- ඇල්ල පාමුලත් මානැල්ලේ දෙවියන් වෙනුවෙන් පූජා පවත්වනවා- ඒ වෙනුවෙන් සකස් කරපු පුහුල් පහන් ඇල්ල අවට ගස්වල එල්ලලා තියෙන විදිය බොහෝ වෙලාවට දැකගන්න පුළුවන්- ඒවා පුහුල් ගෙඩියේ හැඩයට හදපු පහන් විශේෂයක්-

මානැල්ල අවට නිදහස් පරිසරයක් තිබුණත් ගැඹුරු දිය තටාකය නාන්න සුදුසු තැනක් නෙවෙයි- ඒ හින්දා මෙතැන බලන්න එන අය හැරුණාම කාලා බීලා විනෝද වෙන අය අඩුයි- ඒ වගේම විවිධ ඇදහිලි හා විශ්වාසත් එක්ක බැඳිලා තියෙන නිසාම අවට පරිසරයත් බොහෝ දුරට ආරක්ෂා වෙලා තියනවා-
මහේෂ් ඉන්දික විජේතිලක

Continue Reading
Click to comment

Leave a Reply

Your email address will not be published. Required fields are marked *

Advertisement
Exclusive7 months ago

මහේෂ්ට ජනපතිවරණයට ආරාධනාවක්

Exclusive7 months ago

සිකුරාදා රෑ කරන්න ගිය ‌මෛත්‍රිගේ අගමැති කුමන්ත්‍රණය කඩා වැටේ

Exclusive7 months ago

එජාප ඇමැතිලා 5ක් ඉවතට -අලුත් නම් 5ක් සූදානම්

Exclusive7 months ago

මහින්දගෙන් ‌ගෝඨාට නියෝගයක්

Exclusive3 days ago

හිටපු ජනපති පුතා ඇඳිරි නීතිය මැද මහ රෑ දාපු පාටිය ගැන මාධ්‍යවේදිනිය ‌පොලිසියෙන් ප්‍රශ්න කරයි

Exclusive5 months ago

පොතේ හැටියට දිනන්නේ කවුද? (උපුල් ‌ජෝශප් ප්‍රනාන්දුගේ ගුරුදා විග්‍රහය)

Exclusive2 weeks ago

රනිල්ගේ UNP එකයි සජිත්ගේ UNP එකයි

Exclusive3 months ago

සංගාගේ බිරිය ගැන අමුතු කතාවක් එළියට එයි

Exclusive6 months ago

මහරාජා අතින් ‌මේ මිනිසා ඉවර විය යුතුද? (උපුල් ‌ජෝශප් ප්‍රනාන්දුගේ ගුරුදා විග්‍රහය)

Gurudawa7 months ago

යූඑන්පී අපේක්ෂකයා ‌තෝරන්නේ ‌මෙහෙමෙයි… (උපුල් ‌ජෝෂප් ප්‍රනාන්දුගේ ගුරුදා විග්‍රහය)