Connect with us
Redmi 9C
Advertisement

Mahawanshaya

මුහුදු රළ අතර සැඟවුණු රාමාගේ පාළම

Published

on

වසර ලක්‍ෂ ගණනක් එහෙමත් නැත්නම් වසර මිලියන 1.7ක් පැරැණි පාලමක් ගැන කෙනෙක් කිව්වොත් එය මිත්‍යාවක් කියලා බැහැර කරන්න තව කෙනකුට හිතෙන්න පුළුවන්. හැබැයි එහෙම පාලමක සාක්‍ෂි සාධක නටබුන් තියෙනවා කිව්වොත් නිකම්ම නිකම් ඒක අතහරින්න බැරි වෙනවා. එහෙම ලේසියෙන් අතහැරලා දාන්න බැරි පාලමක් තියෙනවා. ඒක ලේසිපහසු පාලමක් නෙවෙයි. ඒ කියන්නෙ රටක් මැද ඇලක, දොළක ගංගාවක දෙකොන යා කරලා හදපු නිතර දකින්න ලැබෙන සාමාන්‍ය පාලමකුත් නෙවෙයි. මේක රටවල් දෙකක් එකට යා කරපු මහ මුහුද මැද හදපු විශ්මිත පාලමක්. කිලෝමීටර් 30ක් දිග, කිලෝමීටර් 3ක් පළල මේ මහා පාලමට කවුරුත් කිව්වෙ රාමාගෙ පාලම කියලා. මේ විශ්මිත දැවැන්ත පාලමේ එක් කෙළවරක් පිහිටියේ ඉන්දියාවේ පම්බාන් දූපතේ ධනුෂ්කොඩි තුඩුවේ. අනෙක් කෙළවර පිහිටියේ අපේ ලංකාවට අයිති මන්නාරම් දූවේ.

මේ රාමාගේ පාලමේ අද වෙද්දි දක්නට ලැබෙන්නෙ මුහුදේ පාවෙන දිගු ගල් පේළියක් පමණයි. ඒත් මෙහි කිසිවකුටත් හරි හැටි අවබෝධ කරගත නොහැකි විශ්මිත අබිරහසකුත් සැඟවී තිබෙනවා. ඊට විශේෂිත හේතුවක් ඇති බවටත් බොහෝ විද්වතුන් මත පළකරලා තිබෙනවා.

මතුපිටින් අපට පෙනෙන ගල් පේළියට යටින් කොරල්පර ඇති බවටත්, මීට කාලයකට ඉහත මේවා මිනිසා විසින් ඉදිකර ඇති බවටත් මේ වෙද්දී සොයාගෙන තිබෙනවා. වාල්මිකි ඍෂිවරයාගේ කෘතියක් වන රාමායනයේත් මේ පාලම ගැන ඉතා පැහැදිලිව සඳහන් වෙනවා. ක්‍රි.පූ. 500ත් ක්‍රි.පූ. 100 අතර කාලයේ සිදුවීමක් සම්බන්ධව ලියැවුණු රාමායනය කාණ්ඩ හතකින් හා සර්ග 500කින් යුක්තයි. එහි සංස්කෘත ස්ලෝක 24000ක් ඇතුළත්. ක්‍රි.පූ. 500ත්, 100ත් අතර කාලයේ කෝසල රාජධානියේ රජකම් කළ දසරජ රජතුමා සිය පළමු බිසවගේ පුත් කුමරා වූ රාම වනයට පිටුවහල් කරනවා. ඒ තෙවැනි බිසවගේ කුමන්ත්‍රණයකින් ඔහුව බේරා ගන්න අයෝධ්‍යා අගනුවරින් දුරස්ව මහ වන මැද වසර 14 දිවි ගෙවන රාමාට එහිදී අත්දැකීම් රැසකට මුහුණ දෙන්නට සිදුවෙනවා. ඔහුට එහිදී වාල්මිකී ඍෂිවරයාත් හමුවෙනවා.
රාමායනයට අනුව නම් රාමසේතු පාලම එහෙමත් නැත්නම් රාමාගේ පාලම ඉදිකර ඇත්තේ හනුමාන් සහ ඔහුගේ වානර සේනාවයි.

වාල්මිකී රාමායනයේ විස්තර කරන ආකාරයට රාමා යනු විෂ්ණු දෙවියන්ගේ දස අවතාරවලින් සත්වැනි අවතාරයයි. එසේම ඔහු කෝසල රාජධානියේ රාජ්‍යත්වයට හිමිකම් ඇත්තායි. කුමන්ත්‍රණය පරාජය කරන අදහසින් රාමා සිය සුරූපී බිරිය සීතා සහ සොහොයුරු ලක්‍ෂ්මන සමඟ වනගත වෙනවා.

එකලද ගුවනින් යෑමේ විශ්මිත තාක්‍ෂණ දැනුමක් සහ අසීමිත බලයක් තිබූ ලංකාදේශය පාලනය කළ මහාබල රාවණ සහ රාම අතර වනයේදී ප්‍රශ්නයක් ඇති වෙනවා. එයින් කෝපයට පත්වූ රාවණ රජු පළිගැනීමේ චේතනාවෙන් සිතා පැහැරගෙන ගුවනින් ලංකා දේශයට පැමිණෙන අතර, ඇයව බේරා ගැනීමේ අදහසින් රාම – ලක්‍ෂ්මන හනුමාන් සහ වඳුරු සේනාව සමඟ ලංකාවට එන්නට තීරණය කරනවා. එහෙත් ඔවුන්ට ඊට එරෙහි වන ප්‍රධානම බාධකය වුණේ මහ සයුරයි. තමන්ටත් තම කණ්ඩායමටත් මුහුදෙන් එතෙර වෙන්න ඉඩ දෙන්නැයි රාාම මුහුදු පාලක වරුණ දෙවිඳුන්ගෙන් ඉල්ලීමක් කළත් වරුණ දෙවිඳු පවසා ඇත්තේ විශ්වකර්මගේ දරුවකු වානර සේනාවේ ඇති බවත්, ඔහුගේ උදව්වෙන් පාලමක් ඉදිකර ලංකාවට යන ලෙසත්ය.

එවැනි බලයක් ඇති වානරයා නාලා බව හඳුනා ගන්නා රාමා නාලාට පාලම හදන කාර්යය බර කරනවා. එම කාර්යයට නාලාට සහාය වෙන්නේ නීල් නමැති සෙන්පතිවරයායි. රාමා සේතු පාලමට නාලාගේ පාලම නාලා සේතු පාලම යන නමින්ද පසුකාලීනව හැඳින්වෙන්නේ ඒ නිසයි. කෝටියක වානර පිරිසක් මේ ඉදිකිරීම් කටයුත්තට සම්බන්ධ වූ බවක් තමයි පැවසෙන්නේ. කොතරම් කාර්යක්‍ෂමව මේ කටයුත්ත සිදුකළාද යන්න හොඳම උදාහරණය දින පහක් තුළ මේ පාලමේ කටයුතු අවසන් කිරීමයි.

රාමායනයට අනුව නම් පාලම ඉදිකිරීමට වානර හමුදාව වන සතුන් වගේම මුහුදු ජීවිනුත් සහාය වී තිබෙනවා. තල්ගස්, පොල්ගස් කඳන් වගේම හුනුගල්ද මෙයට භාවිත කර තිබෙනවා. පාලමට යොදාගත් ගල් මහුදේ පාවෙන තත්ත්වයට පත්කළේ නාලාගේ විශේෂිත දැනුම භාවිතයෙන් බවත් රාමායනයේ සඳහන් වෙනවා.

රාමා සේතු පාලමට සම්බන්ධ කොටස් යැයි විශ්වාස කරන මුහුදේ පාවෙන ගල් කුට්ටි සහ ගල් පතුරු අද වන විට නොවිසඳුණු අබිරහසක් බවට පත්ව අවසන්. ඒ අනුව රාමායනය සත්‍යයක්ද යන්න නැවැත නැවැතත් සිතා බැලිය යුතු තත්ත්වයකුත් උදාවෙමින් තිබෙනවා.

මේ කාරණාව පිළිබඳව බොහෝ රටවල් සිය අවධානය යොමුකර තිබෙනවා. ඒ අතරින් ප්‍රධාන තැනක් ගන්නා ඇමෙරිකාවේ නාසා ආයතනයේ විiාඥයන් පවසන අන්දමට පෘථිවි කක්‍ෂයේ රඳවා ඇති අති ප්‍රබල චන්ද්‍රිකා දුරේක්‍ෂ ආධාරයෙන් රාමා සේතු පාලමේ නටබුන් අධීක්‍ෂණයෙන් හෙළිවී ඇත්තේ එම ගල් කුට්ටි පාලමකට අයත් ඒවා නොවන බවයි. ඒවා කොරල් පර පිහිටීමක් බවත් ඔවුන් වැඩි දුරටත් පෙන්වා දෙනවා. එහෙත් භූ විiාඥයන් පෙන්වා දෙන අන්දමට කොරල් සෑදී ඇත්තේ කැල්සියම් කාබනේට්වලිනුයි. එනිසා කොරල් ජලයේ පාවෙන්නේ නැහැ. ඊළඟට සැලකිය යුතු කාරණාව ලෙස ඔවුන් පෙන්වා දෙන්නේ වසර ගණනාවක සිට කොරල් නිර්මාණය වෙන්නේ මුහුදු පතුලේ සිට භාණ්ඩ කිහිපයක් වශයෙනි. එසේ නොමැතිව මුහුදු මතුපිට කොරල් නිර්මාණය වෙන්නේ නැහැ. අනෙක් කාරණය නම් කොරල් නිර්මාණය වීමට ඝන පෘෂ්ඨයකුත් අවශ්‍යයි. එබැවින් රාමාසේතු පාලමේ කොටස් යැයි සැලකෙන කොටස් කොරල් යැයි පිළිගත නොහැකි බවයි භූ විiාඥයන්ගේ මතය වෙන්නෙ.

මෙහිදී රාමායනය විශ්වාස කරන විද්වතුන්ගේ මතය ගැන අවතක්සේරු කරන්නට බැහැ. ඔවුන් පවසන අන්දමට නම් රමාසේතු පාලම සැබෑවකි. එය අතීත ඉන්ජිනේරු විශ්කමකි. වර්තමානයේ රාමේෂ්වරම්හි පාවෙන ගල් ජලයේ පාවීමට නම් ඒවායේ ඝනත්වය ජලයට වඩා අඩුවිය යුතුය. එහෙත් ඒවා ජලයට වඩා ඝනත්වයෙන් වැඩිය. එසේ නම් ඒවා පාවෙන්නේ කෙසේද, මේ කාටත් ඇතිවන ඊළඟ ප්‍රශ්නයයි. භූ විiාඥයන් පවසන්නේ එම ගල්තුළ වායු කුහර ඇති බවත්, එම තාක්‍ෂණය නිසා ඒවා ජලයේ ගිලී නොයන බවයි. ඊට හොඳම උදාහරණය පියාඹන කුරුල්ලන්ය. උන්ගේ සිරුර බරින් වැඩි වුවද අස්ථිවල ඇති වායු කුහර නිසා උන් සිරුර ගුවනේ සමබර කරගනී. මෙම පාලම ඉදිකිරීමට එදා උපයෝගී කරගත්තේ මෙම තාක්‍ෂණික රහස විය නොහැකි දැයි අද බොහෝ දෙනකු ප්‍රශ්න කරනවා.

කෙසේ නමුත් වසර දහස් ගණනකට එපිට ශ්‍රී ලාංකික මහාරාවණ රජු ගුවනින් යන තාක්‍ෂණයත්, ගුවන් යානා ඉදිකිරීමත් ගැන දැන සිටියා නම් ඉන්දියාව රාමා කුමරුට සහායට පැමිණි නාලාට ගල්කුට්ටි මුහුදු ජලය මත පාකර වීමේ තාක්‍ෂණික දැනුමක් නොතිබුණා කියා තර්ක කිරීමත් සුදුසු නැහැ. එහෙම බලද්දී රාමාගේ පාලම මිත්‍යාවක් කියන්නට උත්සාහ කරන කෙනකුට දෙවරක් නොව කිහිප වරක් සිතා බලන්නත් සිද්ධ වෙනවා. මේ සියල්ල තර්ක, විතර්කවලින් මගහරිනවාට, වසා දමනවාට වඩා වැදගත් වෙන්නේ එයින් ගතහැකි ඥානය මිනිසාගේ අනාගත දියුණුව උදෙසා යොදා ගැනීම නොවේද.

කුමාර රත්නායක

Continue Reading
Click to comment

Leave a Reply

Your email address will not be published. Required fields are marked *

Advertisement
Advertisement
Exclusive2 hours ago

බන්දුල පොල් ගැන කියපු මාර කතාව (VIDEO)

Business3 hours ago

සෙලාන් බැංකුව ඇමරිකානු අධ්‍යාපන කේන්ද්‍රය තුළ මර්චන්ට් පෝටල් සේවා ආරම්භ කරයි

Business3 hours ago

සෙලින්කෝ ලයිෆ් තට්ටු 05 කින් සමන්විත නෙල්ලිඅඩි හරිත ශාඛාව විවෘත කරයි

Business3 hours ago

ඉස්කෝලේ ගෙදරටම ඇවිත්

Business3 hours ago

රකුටෙන් වයිබර් 2020 වසරේ පළමු අර්ධය සාර්ථකව නිම කරයි

Business4 hours ago

පාරිභෝගික පහසුව සඳහා Huawei විසින් කුරියර් මඟින් අලුත්වැඩියා කිරීමේ සේවාව අරඹයි

Business4 hours ago

IBM, CLOUD සහ AI තුළින් ශ්‍රී ලංකාවට ඩිජිටල් පරිවර්තනයක් එක් කරයි

Business4 hours ago

ගනුදෙනුකරුවන් හට උපරිම නම්‍යශීලී සේවාවක් සලසන බලපත්‍රලාභී මූල්‍ය සමාගම්

Exclusive4 hours ago

තාජුඩීන් නඩුව ඉවරයි

Business4 hours ago

ඩීමෝ හි, මහින්ද්‍රා ට්‍රැක්ටර් රථ සේවා වැඩසටහන මහ කන්නයේ ගොවීන්ට අත්වැලක් වෙයි

Exclusive1 year ago

මහේෂ්ට ජනපතිවරණයට ආරාධනාවක්

Exclusive1 year ago

සිකුරාදා රෑ කරන්න ගිය ‌මෛත්‍රිගේ අගමැති කුමන්ත්‍රණය කඩා වැටේ

Exclusive1 year ago

මහින්දගෙන් ‌ගෝඨාට නියෝගයක්

Exclusive1 year ago

එජාප ඇමැතිලා 5ක් ඉවතට -අලුත් නම් 5ක් සූදානම්

Exclusive6 months ago

හිටපු ජනපති පුතා ඇඳිරි නීතිය මැද මහ රෑ දාපු පාටිය ගැන මාධ්‍යවේදිනිය ‌පොලිසියෙන් ප්‍රශ්න කරයි

Astrology9 months ago

2020 ලග්න පලාපල ඔබට කොහොමද?

Exclusive5 months ago

අමෙරිකා-බ්‍රිතාන්‍යය-ජර්මන්-යුරෝපා සංගම් තානාපතිවරු පෝලිමේ සජිත් හමුවන්න එති (VIDEO)

Astrology10 months ago

ඔබේ සහකරු ඉන්න තැන මෙන්න

Exclusive5 months ago

කෝටිපති දිලිත් කෝටි 2ක් දීලා විශේෂ යානයක් හදිසියේම ඩුබායි යැව්වේ ඇයි? (PHOTOS)

Mahawanshaya1 year ago

ගම්දනාව බියවද්දමින් උලමා හොයන දේ