Connect with us
Add

Mahawanshaya

2024 කොළඹට මොකද වෙන්නෙ

Published

on

ස්වාභාවික විපත් කිව්වාම එක එක විදියට එය අප වෙත ළඟා වෙන්න පුළුවන්. සමහරවිට ගංවතුරක්, නියඟයක්, සුළිසුළඟක් එහෙමත් නැත්නම් ඊටත් වඩා ප්‍රබල විපතක් වුණත් වෙන්න බැරිකමක් නැහැ. ඒ කියන්නෙ සුනාමියක් එහෙමත් නැත්නම් අපට සමීපම අත්දැකීම වන කොරෝනා වසංගතය වගේ දෙයක් වෙන්නත් පුළුවන්. මේ විදියට කොයි මුහුණුවරකින් ආවත් බොහෝ ස්වාභාවික විපත්වල අවසන් ප්‍රතිඵලය විශාල මිනිස් ජීවිත ප්‍රමාණයක් මේ මහපොළොවට අහිමි කිරීම වෙන්නත් බැරි නැහැ.

කොහොම වුණත් මේ වෙද්දි බොහෝ දෙනෙක්ගෙ මතය සහ විශ්වාසය වෙලා තියෙන්නෙ කාලෙන් කාලෙට ස්වභාවධර්මය විසින්ම මිනිසාගේ ක්‍රියාකාරකම් පාලනය කිරීමට මෙවැනි විපත් නිර්මාණය කරනවා යන්නයි. එම අදහසේ අර්ථයක් නැතැයි කියා ඉවත දමන්නට බැරි බව අද වෙද්දි හොඳටම පැහැදිලි වෙලා තියෙනවා.

මේ මොහොත වන විටත් ලෝකයේ රටවල් 200කට අධික ප්‍රමාණයක ජීවත්වන මිනිසුන් කෝටි ගණනක් භීතියට පත්කරගෙන සිටින කොරෝනා වසංගතය ගැන හිතද්දී කොතරම් සූක්‍ෂ්මව ස්වභාවධර්මය මිනිසාව පාලනය කරන්නට සමත්වෙලාද කියලා පැහැදිලි වෙනවා. මිනිසා සිදු කළ අධික පරිසර දූෂණය මේ වෙද්දි පාලනය වෙලා. වායුගෝලයට එකතුවන විෂ වායු, විෂ රසායන, වගේම පරිසරයට අහිතකර සියලු ක්‍රියාකාරකම් පාලනයට නතුවෙලා. ලෝකයේ මිනිසුන්ගෙන් බහුතරයකගේ මුඛ ආවරණය කරන්න ස්වභාවධර්මයට හැකිවෙලා. වෙනදාට අසීමිතව නිකුත් වූ හඬවල් අද වෙද්දි පාලනය වෙලා. මිනිසා කොන්ක්‍රීට් බිත්ති අතරට සිරකරලා. සතා සිවුපාවා නිදහසේ පරිසරයට බැහැලා. මේ සියල්ල දවස් ගණනක් තුළ කරන්නට තරම් ස්වභාවධර්මය ප්‍රබල වෙලා. එහෙම බැලුවාම කොතරම් තාක්‍ෂණය දියුණු වුණත් ස්වභාධර්මයට අභියෝග කරන්න මිනිසා අසමත්ද නැද්ද කියලා තව සැරයක් දෙසැරයක් නෙවේ කිහිප වතාවක් හිතුවොත් හොඳයි කියලා මිනිසා තේරුම් ගතයුතු කාලය උදාවෙලා.

ස්වාභාවික විපර්යාස එහෙම නැත්නම් ස්වාභාවික විපත් ගැන කියද්දී මේ දේවල් වෙන්න කලින් දැනගන්න, දියුණුයි කියන තාක්‍ෂණික ක්‍රමවේද බොහොමයක් මිනිසා විසින් සොයාගෙන ඇතත් ඒ සියලු නවීන ක්‍රම පරදන ජ්‍යොතිෂ ක්‍රම සහ ආධ්‍යාත්මික ක්‍රමවේද යම් තරමක ඉදිරියෙන් පසුවෙනවාද කියන එකත් කෙනකුට හිතෙන්න පුළුවන්. එහෙම හිතන්න සාධාරණ හේතුන් මේ වෙද්දි ගොඩක් ඉදිරිපත් වෙමින් තිබෙනවා. ඒ අනාවැකි සම්බන්ධව යම් විශ්වාසයක්ද මිනිසා තුළ ගොඩනැඟෙමින් තිබෙනවා. 2004ට පෙර මුහුද ගොඩගැලීමක් ගැන අනාවැකි කියද්දී ඒ අනාවැකිකරුවන්ට හිනාවුණු අය සුනාමියෙන් පස්සේ ඒ ගැන පසුතැවුණා පමණක් නොවේ අනාවැකිකරුවන්ගේ ප්‍රකාශ ගැන විශ්වාස කළා නම් ජීවිත විශාල ප්‍රමාණයක් ආරක්‍ෂා කරගන්නට තිබුණාය කියලත් හිතන්න ගත්තා. හැබැයි 2004 පස්සේ මුහුද ගොඩගැලීම ගැන අනාවැකියක් ඇහෙද්දී මිනිස්සු යම් උනන්දුවකින් ඒ ගැන හිතුවා. ඒ සුනාමි අත්දැකීම නිසයි. හැබැයි මුහුද ගොඩගැලිල්ල එහෙම නැත්නම් සුනාමි ගැන එහෙම හිතුපු ගොඩාක් දෙනෙක් ඊට පස්සේ කියපු 2020 මහා වසංගතය ගැන අනාවැකිය නොසලකා හැරිය. ඒ මේ තරම් තාක්‍ෂණය දියුණු කාලෙ එහෙම වසංගතයකට හිස උස්සන්න පහසු නැහැ කියලා හිතලා. හැබැයි ඒ අනාවැකියත් සැබෑවක් කරමින් පරද්දන්න බැහැ කියපු තාක්‍ෂණයත් පරදවමින් ස්වභාවධර්මය කොරෝනා වසංගතය එවලා ලෝක ප්‍රජාවම තිගැස්මට පත්කර ගත්තා.

තත්ත්වය එහෙම වෙද්දි සුනාමියට කලින් සුනාමි ගැන කියපු කොරෝනාවට කලින් කොරෝනා ගැන කියපු අනාවැකිකරුවන් ගැන මිනිස්සු හොයන්න පටන්ගත්තා. ඉතින් ඊට ආසන්නම උදාහරණය සපයන කොරෝනා ගැන 2019 අනාවැකියක් කියපු කෙනෙක් තමයි ශ්‍රීපාද අඩවියේ භාවනානුයෝගීව වැඩවසන ලේල්වල සද්ධජීව ස්වාමීන් වහන්සේ. උන්වහන්සේ පවසන්නේ ස්වභාවධර්මයට පිටින් කටයුතු කර කිසිවකුටත් ජයගත නොහැකි බවයි. එනිසා සිදුවූ විපත් ගැන පසුතැවිලි නොවී අනාගතයේ සිදුවන්නට නියමිත ව්‍යසන වළක්වා ගන්නට හෝ ඒවායින් ගැලවී සිටින්නට කටයුතු කරන ලෙසත් උන්වහන්සේ ඉල්ලා සිටිනවා.

කෙසේ නමුත් 2019 උන්වහන්සේ ප්‍රකාශ කළ අනාවැකිවලට අනුව 2030 සැප්තැම්බර් 22දා න්‍යෂ්ටික පිපිරුමකින් කෝටි ගණනක් මිනිසුන්ට ජීවිත අහිමිවිය හැකි අතර, 2024දී සිදුවන මහා විපතක් ගැනත් උන්වහන්සේගේ අනාවැකිවල ප්‍රකාශව තිබෙනවා. එනම් 2024 දී ආසියාතික රටවලට ප්‍රබල විපත් ගෙනදෙන සුනාමි තත්ත්වයක් ගැනයි. එම සුනාමි තත්ත්වයෙන් ලංකාවේ උතුරු කෙළවරේ සිට නැඟෙනහිර මුහුද දක්වාත්, බස්නාහිර දිශාවෙන් කොළඹ – මහරගම දක්වාත් මුහුදු රළට බිලිවන බව උන්වහන්සේ තමන්ගේ අනාවැකියෙන් ප්‍රකාශ කරනවා. මේ සියලුම විපත්වලින් ස්වභාවධර්මය උත්සාහ කරන්නේ 2030 සිදුවන මහා ව්‍යසනයට මිනිසා හුරුකිරීමට බවයි උන්වහන්සේ ප්‍රකාශ කර ඇත්තේ.

මේ විපත්, කරදර ගැන කොතරම් කලින් දැනගත්තද කිසිවකුට මේවා නතර කළ නොහැකි බවයි. අධික වර්ෂාවත් සමඟ කැලණි ගඟ, ගිං ගඟ පිටාර ගලනවා සේම, 2020 කොරෝනා, 2024 සුනාමිය, 2030 න්‍යෂ්ටික පිපිරුම සිදුවන බවත්, මිනිසාට කළ හැක්කේ එයින් ආරක්‍ෂා විය හැකි ක්‍රමවේදයන් සූදානම් කරගැනීම පමණක්ම බවත් උන්වහන්සේ ඉතා පැහැදිලිව ප්‍රකාශ කර තිබෙනවා.

2020 කොරෝනා වසංගතය හමුවේ ලෝකයම බියට පත්ව තිබුණත් එය ඉතාම සරල සිදුවීමක් ලෙස ප්‍රකාශ කරන උන්වහන්සේ පවසන්නේ මෙය 2030 මහා විනාශයට පෙරහුරුවක් පමණක්ම බවයි. නිසැකවම 2030 සැප්තැම්බර් 22 අලුයම 3.42 මුල්ම න්‍යෂ්ටික පිපිරුම සිදුවන බවට සිය අනාවැකියෙන් ප්‍රකාශ කරන හිමියන් පවසන්නේ මේ මහා විපත්වලින් බේරී සිටින්නට නම් සියලුම ජනයා පස්පවින් වැළකී, කුසල් දහම්හි යෙදෙන ලෙසයි. දහමෙහි හැසිරෙන්නා දහම විසින්ම සුරකින බවත්, කුසල් වැඩූ මිනිසුන්ට මේ මහ විපත්වලින් බේරී සතුටින් සිටීමට වාසනාව උදාවනු ඇති බවත් උන්වහන්සේ සිය අනාවැකිය අවසානයේ ප්‍රකාශ කරන්නේ සියල්ලන්ටම තම තමන්ගේ ක්‍රියාකාරකම් ගැන දෙවරක් සිතාගන්නට සිහිපත් කරමින්.
කුමාර රත්නායක

Continue Reading
Click to comment

Leave a Reply

Your email address will not be published. Required fields are marked *

Advertisement
Advertisement
Exclusive55 mins ago

ක්‍රිකට් ක්‍රීඩකයන්ට අපලයක්: මෙන්ඩිස් අත්අඩංගුවට

Exclusive4 hours ago

පාතාලයට අවිආයුධ ගියේ ගිනිගත් අවි ගබඩාවකින්?

Exclusive4 hours ago

නීතිපති පොලිසියට කනේ ඇඟිලි ගහගන්න දෙයි: පොලිස්පති නැඟිට යයි

Exclusive7 hours ago

ජනපති තන්තිරිමල පුදබිමේ ඖෂධ පූජාවක (PHOTOS)

Exclusive7 hours ago

දිනවිය යුතු අපේක්ෂකයන් ගැන අගමැති ලේකම්ගෙන් ප්‍රකාශයක්

Business12 hours ago

හේමාස් රෝහල් සමූහය සංචාරක ක්ෂේත්‍රය ප්‍රවර්ධනය කරයි

Business12 hours ago

කොමර්ෂල් බැංකුවෙන් අධ්‍යාපන ආයතන වෙත ආරක්ෂිත අන්තර්ජාල ගෙවීම් සේවා ලබාදෙයි

Business12 hours ago

Uber Rentals වෙතින් මගීන් හට පහසුකම් රැසක්

Business12 hours ago

DFCC බැංකුවෙන් අපනයන ආශ්‍රිත ව්‍යාපාර වෙනුවෙන් සහනදායී ණයක්

Business13 hours ago

ලංකා බැංකුව චීන සංවර්ධන බැංකුව අතර ණය ගිවිසුමක්

Exclusive11 months ago

මහේෂ්ට ජනපතිවරණයට ආරාධනාවක්

Exclusive11 months ago

සිකුරාදා රෑ කරන්න ගිය ‌මෛත්‍රිගේ අගමැති කුමන්ත්‍රණය කඩා වැටේ

Exclusive11 months ago

එජාප ඇමැතිලා 5ක් ඉවතට -අලුත් නම් 5ක් සූදානම්

Exclusive3 months ago

හිටපු ජනපති පුතා ඇඳිරි නීතිය මැද මහ රෑ දාපු පාටිය ගැන මාධ්‍යවේදිනිය ‌පොලිසියෙන් ප්‍රශ්න කරයි

Exclusive11 months ago

මහින්දගෙන් ‌ගෝඨාට නියෝගයක්

Astrology6 months ago

2020 ලග්න පලාපල ඔබට කොහොමද?

Exclusive2 months ago

අමෙරිකා-බ්‍රිතාන්‍යය-ජර්මන්-යුරෝපා සංගම් තානාපතිවරු පෝලිමේ සජිත් හමුවන්න එති (VIDEO)

Exclusive2 months ago

කෝටිපති දිලිත් කෝටි 2ක් දීලා විශේෂ යානයක් හදිසියේම ඩුබායි යැව්වේ ඇයි? (PHOTOS)

Exclusive4 months ago

රනිල්ගේ UNP එකයි සජිත්ගේ UNP එකයි

Exclusive8 months ago

පොතේ හැටියට දිනන්නේ කවුද? (උපුල් ‌ජෝශප් ප්‍රනාන්දුගේ ගුරුදා විග්‍රහය)