Connect with us

News

අනතුරක්ද-රැග් එකක්ද: ජපුරේ ‌මොකද වුණේ?

Published

on

මේ වතාවේ මේ කතාව එන්න පටන් ගත්තේ ජයවර්ධනපුර විශ්වවිද්‍යාලය පැත්තෙන්. සාමාන්‍යයෙන් ලංකාවේ ඉතාම ඉක්මනින් පොදු විරෝධයක් මතු වෙන කාරණා අතර සරසවි සම්බන්ධ දේවල් තියෙන්නේ ඉතාම ඉදිරියෙන්. සාමාන්‍යයෙන් පොදුවේ කිසිම සමාජ අසාධාරණයට එරෙහිව පාරට නොබහින ජනතාව සරසවි ශිෂ්‍යයන් සම්බන්ධව මතුවෙන ගැටලුවකදී ඉතාම ඉක්මනට පොලු, මුගුරු අරගෙන එනවා. ඊටත් වඩා කොවිඞ් 19 රෝගය රටට ඒ කියලා ඒ පිළිබඳව පියවර ගන්න උනන්දු වුණාට වඩා මේ රජය නවක වදයට එරෙහි වෙන්න උනන්දුවෙන් ඉන්න එක හරි අපූරු තත්ත්වයක්. කොහොම නමුත් මේ හදන්නේ කවුරුවත් හරි කරන්නවත් වැරදිකාරයා කරන්නවත් නෙමෙයි. කාටවත් චෝදනා කරන්නත් නෙවෙයි. හැබැයි අපිට ජනමාධ්‍යවේදියෝ විදිහට ජනප්‍රිය තර්කයෙන් එහාට දේවල් හොයන්න වෙනවා. එහෙම වුණාම වුණාම අපිට කියන්න වෙන්නේ ඔබ ආසා කරන දේට වඩා සමහර විට වෙනස් කතාවක්. එහෙම වුණාම එකෙන් දේශපාලන වාසි ගන්න බැරි සමහර පාර්ශ්ව අපිත් එක්ක අමනාප වේවි. ඒකට මුහුණ දෙන්න අපි ලෑස්තියි.
හැබැයි කොහොම වුණත් වුණත් විශ්වවිද්‍යාල ශිෂ්‍යයන් තත් ශිෂ්‍යයන්ට මේ විදිහට හෝ වෙනත් විදිහකට තමන්ගේ සහෝදර ශිෂ්‍ය ශිෂ්‍යාහකට තමන්ගේ සහෝදර ශිෂ්‍ය ශිෂ්‍යාවන්ට කරදර හිරිහැර අඩන්තේට්ටම් ශාරීරිකව හෝ මානසිකව සිද්ධ කිරීමට ඉඩ නොතැබිය යුතුයි. එහෙම කරන කෙනෙක් ඉන්නව නම් හෝ කරපු කෙනෙක් ඉන්නව නම් ඔහුට හෝ ඇයට දඬුවම් කරන්නට විද්‍යාල පරිපාලනය ශිෂ්‍ය සංගම් සහ පොලිසිය පියවර ගත යුතුයි. නමුත් එක එක්කෙනා තම තමන්ට පෙනෙන දැනෙන හැටියට තීන්දු කරන්නට යෑම අතිශය භයානකයි.
ඒත් ඇත්තටම මොකක්ද වුණේ?
අපි මේ ගැන අතිශය ස්වාධීනව සරසවි පාර්ශ්වයෙන් හොයලා සහ අහලා බැලුවා.
සාමාන්‍යයෙන් ජ’පුර ගල් පිට්ටනිය කියන්නෙ නිතර සරසවි සිසුන් ගැවසෙන තැනක්. සාමාන්‍යයෙන් ජ’පුරෙ අය දන්නවා මේ සරසවියට අදාළ විවිධ කටයුතුවලට මේ අය පාවිච්චි කරන්නෙ ගල්පිට්ටනිය. සරසවි සිසුන් අතර මත්පැන් පානය නිතරම කෙරෙන දෙයක්. මේ අය ඒකට යොදාගන්නෙ ගල්පිට්ටනියම විතරයි. සරසවිය තුළ වෙන කිසිම තැනක මත්පැන් නොබොන්න මේ අය තමන්ටම නීතියක් දාගෙන තියෙනවා. ඒ ගැන ඔබට විවිධ තර්ක යෝජනා චෝදනා තියෙන්න පුළුවන්. ඒත් මෙතැනදි නැඟෙන ප්‍රසිද්ධ තර්ක කීපයක් තියෙනවා.
ඒ එකක් වෙන්නෙ “අපිට විසි එකට වැඩී” කියන එක. ලංකාවෙ මත්ද්‍රව්‍ය නීතියට අනුව අවුරුදු විසි එකට වැඩි පුද්ගලයෙක්ට තහනම් නොවන මත්ද්‍රව්‍ය නිකුත් කිරීම වරදක් නෙමෙයි.
හැබැයි මේ අය ශිෂ්‍යයන් නිසා වයස කීය වුණත් මේ විදියෙ හැසිරීම් අනුමත කරන්න බෑ කියලා බොහෝ අය කියනවා. කොහොම නමුත් සරසවි පාර්ශ්වයට අනුව මේ සිදුවීම වෙන විදිය අපිට ශ්‍රී ජයවර්ධනපුර විශ්වවිද්‍යාලයෙ මහා ශිෂ්‍ය සංගමයෙ සභාපතිවරයා පැහැදිලි කළා.
“මේ සිදුවීම වෙන්නෙ නවක සිසුන්ගෙ සාදයක් ඇතුළෙ. මේ අය මේ සාදය සඳහා තෝරාගෙන තියෙන්නෙ අපේ විශ්වවිද්‍යාලයෙ තියෙන පිට්ටනියක්. අපි සාමාන්‍යයෙන් සම්ප්‍රදායක් විදියට විශ්වවිද්‍යාලයෙ වෙන කිසිම තැනක් මේ විදියෙ වැඩවලට යොදාගන්නෙ නෑ.
තොරණක් ගහනවා නම් ඒකත්, වෙනත් සංවිධානයක් වෙනවා නම් ඒකත්, සාකච්ඡා වගේ දේවලුත්, සාදයක් නම් ඒකත් කරන්නෙ මෙතැන.
මේ අයගෙ මේ සාදය සඳහා මෙතැන යොදාගන්නෙ ඒ විදියට. හැබැයි මේක වෙන කණ්ඩායමක් සූදානම් කරපු සාදයක් නෙමේ. විශේෂයෙන්ම ජේ්‍යෂ්ඨ සහෝදරවරු සූදානම් කරපු එකක් නෙමෙයි. මේක මේ ප්‍රථම වසර සහෝදරයන්ම සූදානම් කරපු එකක්. මෙහෙම එකක් සූදානම් කරන පළමු වතාවක් ඒක නෙමෙයි. හැබැයි මේ වෙනකොට තවත් අය මේ කියන සීමාවෙ ඉන්න ඇති. මොකද විශ්ව විද්‍යාලයක් කිව්වම එකිනෙකට සම්බන්ධ නැති අධ්‍යයනාංශ විශාල ප්‍රමාණයක්ම තියෙනවා. ඒත් ඔවුන් අතර ගැටුමක් නෑ.
අපේ විශ්වවිද්‍යාලයට “රැග්” කියලා ඇඟිල්ල දික් කරන එක වැරැදියි. මොකද නවක නම්‍යකරණය යටතේ සාමාන්‍යයෙන් කරන හැමෝම එක වගේ ඇඳුමක් ඇඳිය යුතුයි කියන සම්ප්‍රදායවත් අපේ නෑ. ඒ නිසා මෙහෙ කාටවත් රැග් එක දෙන්නෙ නෑ කියලා දන්න අය දන්නවා. ඒත් මේ වගේ දේවල් මතු කරමින් කවුරු හෝ කෙනෙක් ඒකෙන් වාසි ගන්න උත්සාහ කරනවා.
මේ ශිෂ්‍යයන්ගෙ සාදය ඇතුළත යම් කිසි කණ්ඩායමක් ඔය කියන ටයර් එක තල්ලු කරමින් ඉඳලා තියෙනවා. ඒක රෝල් වෙලා ගිහිල්ලා පහළට වැටිලා. ඒ වෙනකොට මේ කියන සහෝදරයා ඉඳලා තියෙන්නෙ පඩිපෙළ ළඟ. ඒ ටයර් එක ගිහිල්ලා ඔහුගෙ ඇඟේ වැදිලා. ඔහු වැටිලා. ඒ වැටුණ වෙලාවෙ තමයි ඒ සහෝදරයගෙ ඔළුව වැදිලා තියෙන්නෙ. මේ වෙලාවෙ අපේ අනෙක් සහෝදරවරු මෙයාව රෝහලට අරගෙන ගිහිල්ලා. මම යනකොටත් ඔවුන් අවශ්‍ය පියවර අරගෙන ඉවරයි.
මේ සිදුවීම ගැන අපි ගොඩක් දුක් වෙනවා. මේ අනතුරෙන් පීඩාවට පත්වෙලා තියෙන්නෙ අපේ සහෝදරයෙක්. අවාසනාවකට මේ සිදුවීමෙන් වාසි ගන්න උත්සාහ කරන පිරිසක් ඉන්නවා. ඒ හරහා මේක නවක වදය බව හුවා දක්වමින් සරසවියට හමුදාව ඇතුළු කිරීමේ උත්සාහයක් පේන්න තියෙනවා.”
ඒ ඔහුගේ පැහැදිලි කිරීම.
ඒ වගේම මේ අනතුර සම්බන්ධව බොහෝ මාධ්‍ය වාර්තා කරන කාරණාවලත් ගැටලු තියෙනවා. සමහර මාධ්‍ය මේ ගැන තමන්ගෙ මත ඉදිරිපත් කරමින් ඒ ගැම උපමාන ඉදිරිපත් කරනවා. අපි කරපු හොයා බැලීම්වලදී දැනගන්න ලැබුණෙ මේ කණ්ඩායම මත්පැන් පානය කරමින් සිටි බව. නමුත් මේ සාදයට නවක සිසුන් සියලුම දෙනාත් සහභාගි නොවුණා වගේම මේ සියලුම දෙනා මත් පැන් බිව් හෝ නොබිව් බවට ඔප්පු කළ හැකි සාක්ෂි නෑ. නමුත් මේ සාදය ඔය කියන විදියට නවක වදයකට සම්බන්ඳ නෑ කියන එක පැහැදිලියි.
පහු ගිය වරක් රුහුණ සරසවියෙ ශිෂ්‍යයෙක් සම්බන්දව මතුවුණ කාරණේදී වගේම මේ වතාවෙත් ඒ සඳහා විශාල මාධ්‍ය ප්‍රචාරයක් ලබාදීමට උත්සාහ කරනවා වගේ ගතියක් පේන්න තියෙනවා. ඒක සංවිධානාත්මකව කරන දෙයක්ද නැත්නම් සැලසුමකින් තොරව වෙන දෙයක්ද කියන්න අපි දන්නෙ නෑ. අපිට මේ වෙලාවෙ පුළුවන්කම තියෙන්නෙ උපමාන ගොඩ නඟන්න විතරයි. හැබැයි ඒ රුහුණ සරසවි ශිෂ්‍යයා සහ මේ ශිෂ්‍යයත් ගම්පහ උඩුගම්පළ ප්‍රදේශයේ වීම පුදුම සහගතයි. ඒක අහේතුකව වුණ දෙයක් වෙන්න ඇති. නමුත් ඔවුන් දෙන්නම කිලෝමීටර කීපයක දුරක ඉන්න අය.
කොහොම නමුත් මේ ශිෂ්‍යයා මේ පිට්ටනියට යන්නේ කාගෙ හෝ බලකිරීමකට නොවෙන බවක් තමයි සරසවි පාර්ශ්වයෙන් දැනගන්න ලැබෙන්නෙ. මේ ආකාරයෙන් පාන්දර එක දෙක වෙනතුරු ඔවුන් රැඳී ඉඳලා තියෙනවා. සාමාන්‍යයෙන් සරසවියක ශිෂ්‍යාවන්ට මේ විදියට රාත්‍රිය උදාවෙනතුරු රැඳී ඉන්න බැරි වුණත් ශිෂ්‍යයන්ට ඒ විදියෙ සීමාවක් නෑ. සාමාන්‍යයෙන් මේ විදියෙ සීමා පැන වෙන්නෙ සරසවිය තුළ යම්කිසි ගැටලුකාරී තත්ත්වයක් උද්ගත වෙලා තියෙනවා නම් විතරයි.
කොහොම නමුත් පරීක්ෂණ සිදුවෙමින් තියෙනවා. පොලිස් සහ අධිකරණ පරීක්ෂණවලට යම් කාලයක් ගතවෙනවා. ඒ අතර අර අනතුරට පත් ශිෂ්‍යයාගෙ තත්ත්වය සුව අතර හැරෙමින් තියෙනවා. නමුත් සමාජ ජාලා සහ පුද්ගලික නාළිකා විසිම් මේ ගැන වෙනම පරීක්ෂණ ආරම්භ කරලා. සමාජ ජාලා පරීක්ෂණ ඉතාම ඉක්මන්. ඔවුන් ජ‘පුර මහා ශිෂ්‍ය සංගමයේ කැඳවුම්කරු බරපතළ ලෙස වරදකරුවෙක් කරමින් සියලු ජ’පුරටම ඇඟිල්ල දික් කරන්න පටන් අරගෙන. පෞද්ගලික නාළිකා කීපයක් ඉන්නෙ “හමුදාව දාන තුරු සටන අතනොහරිමි” කියන උදාන වාක්‍ය ප්‍රමුඛ කොටගෙන. කොහොම නමුත් මේ සිදුවීම අනතුරක් බව සාමාන්‍ය ඇහැට පේනවා. නමුත් ඒ ගැන පරීක්ෂණ වාර්තා පිටවෙන තුරු අපි ඒ පරීක්ෂණ ගැන විශ්වාස තියමින් බලා ඉන්නවා. මේ හරහා තවත් ශිෂ්‍යයන් කීප දෙනෙක් ජීවිත එක්ක සෙල්ලම් නොකරන්න බලධාරීන්ට පුළුවන් ඒක රටක් විදියට අපි ලබන විශාල ජයක් විදියට අප හිතනවා.

ජීවන පහන් තිලිණ

Continue Reading
Click to comment

Leave a Reply

Your email address will not be published. Required fields are marked *

Advertisement
Exclusive54 mins ago

ඇඳිරි නීතිය ගැන අලුත්ම නිවේදනය ‌මෙන්න

Exclusive59 mins ago

මමත් ‌ගෙදර…. (VIDEO)

News2 hours ago

චීන ආණ්ඩුව ගැන ජනතා විශ්වාසය බිඳවැටේ

Exclusive3 hours ago

කොරෝනාවෙන් මව්රට මුදා‌ගෙන ජන්දෙට යන්නද? (උපුල් ‌ජෝශප් ප්‍රනාන්දුගේ ගුරුදා විග්‍රහය)

Exclusive15 hours ago

පළමු මරණය වාර්තා ‌වෙයි: කොරෝනා මරණ ‌ලයිස්තුවට ලංකාවත් එකතු ‌වෙයි

Exclusive16 hours ago

කොරෝනා මධ්‍යමටත් ඇතුලු ‌වෙයි

Exclusive16 hours ago

සමෘද්ධිලාභීන්ට 5000ක්: විශ්‍රාම සහ වැඩිහිටි දීමනා ‌ගෙදරටම: ආබාධිත අයටත් දීමනාවක්

Exclusive16 hours ago

තැපෑලෙන් ‌බෙහෙත් එවන්න බළකාය ලෑස්තියි

Exclusive19 hours ago

මෙන්න විශේෂ නිවේදනයක්: ‌කොරෝනා ගැන ‌වෛද්‍ය ජාසිංහ කියන ‌දේ විතරක් අහන්න

Exclusive19 hours ago

මරික්කාර් ‌හොරෙන්ම බෙදන්න පටන් අරන් (VIDEO & PHOTOS)

Exclusive7 months ago

මහේෂ්ට ජනපතිවරණයට ආරාධනාවක්

Exclusive7 months ago

සිකුරාදා රෑ කරන්න ගිය ‌මෛත්‍රිගේ අගමැති කුමන්ත්‍රණය කඩා වැටේ

Exclusive7 months ago

එජාප ඇමැතිලා 5ක් ඉවතට -අලුත් නම් 5ක් සූදානම්

Exclusive7 months ago

මහින්දගෙන් ‌ගෝඨාට නියෝගයක්

Exclusive5 months ago

පොතේ හැටියට දිනන්නේ කවුද? (උපුල් ‌ජෝශප් ප්‍රනාන්දුගේ ගුරුදා විග්‍රහය)

Exclusive1 week ago

රනිල්ගේ UNP එකයි සජිත්ගේ UNP එකයි

Exclusive3 months ago

සංගාගේ බිරිය ගැන අමුතු කතාවක් එළියට එයි

Exclusive6 months ago

මහරාජා අතින් ‌මේ මිනිසා ඉවර විය යුතුද? (උපුල් ‌ජෝශප් ප්‍රනාන්දුගේ ගුරුදා විග්‍රහය)

Gurudawa7 months ago

යූඑන්පී අපේක්ෂකයා ‌තෝරන්නේ ‌මෙහෙමෙයි… (උපුල් ‌ජෝෂප් ප්‍රනාන්දුගේ ගුරුදා විග්‍රහය)

Exclusive5 months ago

රණසිංහ ‌ප්‍රේමදාස නැගිටියි (උපුල් ‌‌ජෝශප් ප්‍රනාන්දුගේ ගුරුදා විග්‍රහය)