Connect with us
Add

News

ඊළග රජා තනන වතුකරයේ රජා කව්ද? ජීවාද-දිගාද?

Published

on

ඡන්දය ආවේය. අංකත් ලැබුණේය. නඩු හබ අවසන්ය. දැන් සටන ඇරඹී තිබේ. ඒ නිසාම දැන් කතාව පටන් ගතයුතුය. කොරෝනා මාතෘකාව ගැන කතා පවත්වා අවසන්ය. මේ වතාවේ දෙපැත්තක සටනකට වඩා ඇත්තේ පැති කීපයක සටනකි. පොහොට්ටුව ආණ්ඩු බලය සමග සීරුවෙන්ය. අතට එක අතක් ඇත. සමගි ජන බලවේගය අලුතෙන් සටනේය. අලියා අත අරින පාටක් නැත.
රතු රෝස වී අනුරලා අලුත් පාටකින් නැතත් සටනකට ඒමකට නියමිතය. ඒ අස්සේ රතන හාමුදුරුවන්ගේ ජය කොඩියකි. සෙල්ලම වෙනදාට වඩා දරුණුය.
උතුරටත් නැඟෙනහිරටත් අමතරව සාමාන්‍යයෙන් සුළු ජාතික ඡන්ද සහිත මැතිවරණ කොට්ඨාසය නුවරඑළිය මස්කෙළියයි.
මෙවර සජිත් මස්කෙළියෙන් මනාප 174413ක් ලබා ගන්නේ ශ්‍රී ලංකා මැතිවරණ ඉතිහාසයේ වාර්තාවක් පිහිටුවමිණි. ඒ 1982 සිට ජනාධිපතිවරණයකදී එක මැතිවරණ කොට්ඨාසයකින් ලබාගත් වැඩිම මනාප ප්‍රමාණය වාර්තා කරමින්ය. නමුත් ඉන් සජිත්ලා උදම් නොවිය යුතුය. 2015දී ඔවුන් නුවරඑළි මස්කෙළියෙන් වැඩි ඡන්ද 113810ක් ගනිද්දී මෙවර එය 98914 දක්වා අඩු වී තිබේ. නමුත් මේ මනාපද එකතු කරගත් විට එජාපය ලංකාවේ සුළු ජාතික යැයි සම්මත කරගත් මනාපවලින් සජිත් පිලට ලැබුණ මනාප ප්‍රමාණය 1,327,037කි.
ඊට එරෙහිව ගෝඨා පිලේ මනාප ප්‍රමාණය 352,518කි. පරතරය 974,519කි. එය ප්‍රකාශිත මුළු ඡන්දවලින් ප්‍රතිශතයක් ලෙස ගත් විට 7.27%කි. මේ සියල්ලම එකතු වූ විට ප්‍රකාශිත මුළු ඡන්ද සංඛ්‍යාව 1,822,833කි. ඒ යාපනය, වන්නි, ත්‍රිකුණාමලය, මඩකළපුව, දිගාමඩුල්ල, නුවරඑළිය, මස්කෙළිය දිස්ත්‍රික්ක පහේ සහ නුවරඑළිය මස්කෙළිය ඡන්ද බලප්‍රදේශයේ මනාප එකතුවයි. මේ ලක්ෂ දහඅට හැරුණ විට ප්‍රකාශිත ඉතිරි ඡන්ද ප්‍රමාණය 11,565,118කි. ඉන් මනාප 5380326ක් ගත්තා නම් ගෝඨාභය පරාජය වී අවසන්ය. ගෝඨාභය ජයග්‍රහණය වෙත යන්නට නම් දකුණෙන් පමණක් ඡන්ද 6,184,788ක් ලබාගන්නට සිදුව තිබුණේය. මින් නුවරඑළියේ ඉතිරි ඡන්ද ප්‍රමාණයද ඉවත් කළ පසු ඉතිරි වෙන්නේ මැතිවරණ දිස්ත්‍රික්ක 16ක් පමණි. ඒ අනුව ගත් විට මේ වතාවේත් නුවරඑළිය මස්කෙළිය අතිශය තීරණාත්මක ඡන්ද බල ප්‍රදේශයකි. උණුසුම වැඩි වෙන්නේ ඒ නිසාය. දේශපාලනයේ බලය ඇත්තේ වත්තටය. ඒ නිසා වත්තෙ ආදරය හිමි කෙනාට රටේ මහ දේශපාලනයේ ආදරය හිමිවේ. නුවරඑළි දේශපාලකයන්ට හොඳම ඇමැතිකම් හිමිවෙන්නේ එහෙමය. ඒ නිසාම නුවරඑළියේ දේශපාලනය මහ දේශපාලනයට ඕනෑ තරම් බලපෑම් කරන්නට සමත්ය.
ගිය අවුරුද්දේ නුවරඑළිය මස්කෙළියෙන් පමණක් ජනාධිපතිවරණයේදී ලබා දීමට නියමිතව තිබුණ ඡන්ද ප්‍රමාණය 547766කි. ලබාදී තිබුණ ඡන්ද ප්‍රමාණය 434095කි. මේ ප්‍රමාණය එන මහ ඡන්දයේ තවත් වැඩි වීමට නියමිතය. මේ කුට්ටිය ඡන්ද කුට්ටිය කඩා ගන්නට පුළුවන් කාටද කියනා එක තීරණාත්මකය.
ඒ එක්කෝ කාලයක් තොණ්ඩමන්ගේ බල අධිකාරිය කඩා බිඳ දමා බලය ඇල්ලූ පළනි දිගම්බරම්ගේ කණ්ඩායමටය. නැත්නම් අලුතින් ආ වීරයා ජීවන් තොණ්ඩමන්ගේ බලය සමගින් තොණ්ඩමන්ලාගේ පිලටය. ඒ නිසාම අපි ඒ දෙන්නාගේම පැටිකිරිය හොයන්නට තීරණය කළෙමු. මේ ඒ උත්සාහයේ අවසන් ප්‍රතිඵලයයි.

මෙවර දේශපාලන සටනේදී වඩාත්ම කතාබහට ලක්වන චරිතය බවට පත්ව ඇත්තේ ජීවන් තොණ්ඩමන්ය. ඒ ඔහු තරුණ නිසා විය හැක. අනික ඔහු දේශපාලනයට තවමත් බ්‍රෑන්ඞ් නිව්ය. මිනිසුන්ට කොහොමත් රීකන්ඩිෂන් බඩුවලටත් වඩා බ්‍රෑන්ඞ් නිව් වෙන එකේ පොඩි ගතියක් තිබේ. නුවරඑළියෙන් නොව ලංකාවෙන්ම දේශපාලනයට එන සමහර අය සෙකන්ඞ් හෑන්ඞ්ය. සමහරු එහෙට මෙහෙට යන ගෙම්බෝය. ජීවන් තවම මඩ ගාගෙන නැත. හැබැයි ජීවන්ගේ තාත්තා වත්තෙ මිනිසුන්ගෙ වීරයා වී හිටියේ ඉස්සරය. ආරුමුගම් තොණ්ඩමන් කාගේ වීරයා නොවුණද දිගටම රජයේ වීරයෙක් විය. ගෝඨාභය රජයේ පුංචි කැබිනෙට්ටුවේ වූ කැබිනට් ඇමැතිකමක් ඔහුට ලැබුණේය. ඒ ඔහුගේ බලපරාක්‍රමය ගැන පොහොට්ටුව තැබූ විශ්වාසයයි. ආරුමුගම් තොණ්ඩමන්ගේ පියා සෞම්‍යමූර්ති තොණ්ඩමන්ය. නමුත් දැන් ඒ පරිච්ඡේද දෙකම අවසන්ය. අලුතෙන් ඇරැඹී ඇත්තේ ජීවන් තොණ්ඩමන් යුගයයි.
ජීවන් තොණ්ඩමන් තවමත් විසිහය හැවිරිදිය. තරුණය. තොණ්ඩමන් පවුලේ එකම කොල්ලාය. ඔහුට ඉන්නේ සහෝදරියන් දෙදෙනෙකි. පසුගිය දිනෙක චෝදනාවට ලක්වූ නිරෝධායනයට ලක් නොවුණාය කියූ වෛද්‍ය නම්බියාර්ට අමතරව තවත් වෛද්‍යවරියක් ඒ සහෝදරියන් අතර සිටී.
ජීවන් කුමාරවේල් තොණ්ඩමන්ගේ පදිංචිය කොටගල කීවාට කොටගලම නොවේ. ඒ බොහෝ විට දේශපාලන වාසියට ඔවුන් කියන පාරම්පරික නිවස්නයි. තොණ්ඩමන් නිවෙස තියෙන්නේ කොළඹ 08 ජාවත්ත පාරේය. කොහොම නමුත් ලංකා කම්කරු කොංග්‍රසය වැඩ පෙන්වන්නේ නුවරඑළියේය.
ජීවන්ගේ අධ්‍යාපනය ගේට්වේ ජාත්‍යන්තර පාසලෙන්ය. කොටගල සී.ටී.එෆ්. වත්තේ සිට කොළඹ ගේට්වේ පාසලට ආ ගිය එක පුදුමය. ගේට්වේ පාසලින් පසු ලේඩි අණ්ඩාල් විද්‍යාලයට ඔහු ඇතුළු වෙයි. ඔහුගේ අධ්‍යාපනයේ ඊළඟ කොටහ වෙන්නේ ඉන්දියාවේය. ඒ චෙන්නායි චෙන්මායි පාසලෙන් සහ චෙන්නායි නෙටිංහැම් සරසවියෙනි. ඔහු මැලේසියාවේ නොදන්බියා සරසවියෙන් සහ එංගලන්තයේ නිව්කාසල් සරසවියෙන්ද අධ්‍යාපනය ලැබූ බව කියයි. ඔහු බැරිස්ටර් හෙවත් නීති අධ්‍යාපනය ලබා තිබේ. ශ්‍රී ලංකා නීති විද්‍යාලයේ අවසන් වසර විභාගයට මුහුණදීමෙන් පසු ඔහුට නීතිඥවරයෙක් බවට පත්විය හැක.
පියාගේ මරණය වන විට තොණ්ඩමන්ගේ පිලේ තරුණ සංවිධානයේ නායකයා ඔහුය. නමුත් මීට පෙර ඔහුට දේශපාලනයට පැමිණීමේ අදහසක් තිබුණේම නැත. වතුකරයේ දිනක් වූ ප්‍රශ්නයක් නිසා ඔහුට දේශපාලනයට පැමිණෙන්නට සිතී තිබේ. ඒ නිසාම ඔහු හෙට ක්‍රියාකාරී දේශපාලනයට පැමිණෙනු ඇත. තොණ්ඩමන්ගේ පිලෙන් ඒ සඳහා අවශ්‍ය මඟපෙන්වීමටත් අවස්ථාවක් ලැබී අවසන්ය. ඒ නිසාම මේ තත්ත්වය ජීවන්ටද නරකම නැත. නමුත් ප්‍රශ්නය තියෙන්නේ මේ තත්ත්වය වතුකරයට කොයි තරම් හොඳද කියනා එකය.

වතුකරයේ ඉපදුණ වතුකරයේ දැන් පරණම චරිතය දිගම්බරම්ය. මෙවර පළනි දිගම්බරම් සටනට එන්නට සූදානම්ය. පරණ අස්සයාට වඩා දැන් සටන වෙනස්ය. ඒ නිසාම ගැටුම වඩා තීව්‍ර වෙනු ඇත.
දිගම්බරම් ඉපදෙන්නේ නුවරඑළිය තලවාකැලේ මැදකුඹුර වත්තේය. තාත්තා වත්තේ කංකානම්ය. අම්මා සාමාන්‍ය දලු කඩන කාන්තාවකි. වත්තේ දුක ඔහු දැක්කා නොව වින්දේය. අම්මා විඳි දුක් ගැහැට ඔහු දැන උන්නේය. මුදල්වල වටිනාකමත්, ලැයිමේ ජීවිතයේ අඩුලුහුඬුකමත් ඔහුට අලුතෙන් උගන්වන්නට දෙයක් නැත.
දිගම්බරම් මූලික අධ්‍යාපනය ලබන්නේ වටගොඩ ඉස්කෝලයෙනි. ඊළඟට තලවාකැලේ මහා විද්‍යාලයෙනි. නුවරඑළිය වත්තේ සිට කොළඹ ජීවිතයක් සොයා එන එක වතු දරුවන්ගේ සාමාන්‍ය සිරිතයි. දිගම්බරම්ද ඒ ජීවිතය සොයා කොළඹ ආවේය. ඒ තමන්ගේ අයියා සමඟය. රස්සාව රෙදි කඩයකය.
නමුත් දිගම්බරම්ලාගේ වත්තට විදුලිය තිබුණේ නැත. ඒ සඳහා ඒ කාලයේ සිටි දේශපාලකයන්ගෙන් ඉල්ලීම් කළ යුතුය. නමුත් වැඳවැටුණද කාරණය ඉටුවුණේ නැත. දිගම්බරම්ට තමන්ට ඡන්ද ඉල්ලිය යුතු යැයි හිතෙන්නේ එහෙමය. වත්තේම ඉපදී ජීවිතය හදාගන්නට දුක් විඳිමින් සිට දිගම්බරම්ට ඒ වෙනකොට වතුකරයේ හොඳ ප්‍රසිද්ධියක් තිබුණේය. ඒ ඔහු වතුකරයේ සිටි හොඳම වොලිබෝල් ක්‍රීඩකයා නිසාය. මේ ප්‍රසිද්ධිය නිසාම මිනිස්සු පළනි දිගම්බරම් සමඟ කොන්දේසි විරහිතව රොද බැන්දේය. ඊට ප්‍රධානතම හේතුවක් වූයේ වතු අයිතිකාරයන්ගේ දේශපාලනය වත්තට නිතර කළ රිදුමය. මේ නිසා ඔවුන් හොයමින් ඉන්නේ තමන් වෙනුවෙන් නායකයෙකි. මේ වෙනකොට තම ව්‍යාපාර ශක්තිය එහෙන් මෙහෙන් දියුණු කරගෙන සිටි දිගම්බරම් දේශපාලන සටනට පය ගහන්නේ 2004 අවුරුද්දේදීය. 2004 කඳුරට ජනතා පෙරමුණෙන් මනාප 18,387ක් ගෙන පළාත් සභාවට යන දිගම්බරම් 2009 අලියා ලකුණෙන් මනාප 45,229ක් ලබාගනී. 2010 පාර්ලිමේන්තු මැතිවරණයෙන් මනාප 39,490ක් ලබා පාර්ලිමේන්තු යන පළණි දිගම්බරම් 18 වැනි ව්‍යවස්ථා සංශෝධනයට අත් ඉස්සූ අයෙකි. ඒ මහින්ද පිලට සිය සහාය දෙමිනි. ඉන්පසු 2015 එහෙන් මෙහෙට පනින්නේ ජාතික භාෂා නියෝජ්‍ය ඇමැතිකම දැරීමෙන් පසුවය. රනිල්ගෙන් සහ මෛත්‍රිගෙන් ඔහු එදා ඉල්ලූ බව කියන්නේ පර්චස් හතක ඔප්පු තිරප්පු සහිත ඉඩමක් සහිත තනි නිවෙසක් වතු ජනතාවට ලබාදෙන බවට වූ පොරොන්දුවකි. ඒ පොරොන්දුව ඉටුවෙමින් යන අතර වතු යටිතල පහසුකම් කැබිනට් ඇමැතිකම්ද ඔහුට ලැබුණේය. ඔහු 2015 1,10,528ක් වූ නුවරඑළිය වැඩිම මනාපලාභියාය. නුවරඑළි ජනතාවට නිවාස 4000ක් සාදා දී මෝඩි අතින් විවෘත කරන්න පුරෝගාමියාද ඔහුය.

ජීවන පහන් තිලිණ

Continue Reading
Click to comment

Leave a Reply

Your email address will not be published. Required fields are marked *

Advertisement
Advertisement
Exclusive4 hours ago

මහින්ද-සජිත් ගැටුම උත්සන්න වෙයි

Exclusive9 hours ago

ගෝඨා පොලොන්නරුවේ ජන්ද සටනට එක්වෙයි: ගොවීන්ගෙන් ඉල්ලීම් ගොඩක්

Exclusive12 hours ago

අල්ලන කුඩු විකිණිල්ල ‘මව්රට’ හෙළි කළේ ගිය අප්‍රේල් මාසයේ

Exclusive12 hours ago

පොලිස් ‘නාකොටික්’ එකේ රෙදි ගැලවුණේ ඩුබායි මොරිල් ගහපු ගේමකින්ද?

Exclusive15 hours ago

ක්‍රිකට් ක්‍රීඩකයන්ට අපලයක්: මෙන්ඩිස් අත්අඩංගුවට

Exclusive18 hours ago

පාතාලයට අවිආයුධ ගියේ ගිනිගත් අවි ගබඩාවකින්?

Exclusive18 hours ago

නීතිපති පොලිසියට කනේ ඇඟිලි ගහගන්න දෙයි: පොලිස්පති නැඟිට යයි

Exclusive21 hours ago

ජනපති තන්තිරිමල පුදබිමේ ඖෂධ පූජාවක (PHOTOS)

Exclusive21 hours ago

දිනවිය යුතු අපේක්ෂකයන් ගැන අගමැති ලේකම්ගෙන් ප්‍රකාශයක්

Business1 day ago

හේමාස් රෝහල් සමූහය සංචාරක ක්ෂේත්‍රය ප්‍රවර්ධනය කරයි

Exclusive11 months ago

මහේෂ්ට ජනපතිවරණයට ආරාධනාවක්

Exclusive11 months ago

සිකුරාදා රෑ කරන්න ගිය ‌මෛත්‍රිගේ අගමැති කුමන්ත්‍රණය කඩා වැටේ

Exclusive11 months ago

එජාප ඇමැතිලා 5ක් ඉවතට -අලුත් නම් 5ක් සූදානම්

Exclusive3 months ago

හිටපු ජනපති පුතා ඇඳිරි නීතිය මැද මහ රෑ දාපු පාටිය ගැන මාධ්‍යවේදිනිය ‌පොලිසියෙන් ප්‍රශ්න කරයි

Exclusive11 months ago

මහින්දගෙන් ‌ගෝඨාට නියෝගයක්

Astrology6 months ago

2020 ලග්න පලාපල ඔබට කොහොමද?

Exclusive2 months ago

අමෙරිකා-බ්‍රිතාන්‍යය-ජර්මන්-යුරෝපා සංගම් තානාපතිවරු පෝලිමේ සජිත් හමුවන්න එති (VIDEO)

Exclusive2 months ago

කෝටිපති දිලිත් කෝටි 2ක් දීලා විශේෂ යානයක් හදිසියේම ඩුබායි යැව්වේ ඇයි? (PHOTOS)

Exclusive4 months ago

රනිල්ගේ UNP එකයි සජිත්ගේ UNP එකයි

Exclusive8 months ago

පොතේ හැටියට දිනන්නේ කවුද? (උපුල් ‌ජෝශප් ප්‍රනාන්දුගේ ගුරුදා විග්‍රහය)