Connect with us

News

කොරෝනාව ලංකා‌වෙ ආර්ථිකයත් විනාශ කරයිද? මහාචාර්යවරු ‌දෙන්නෙක් මව්රටට කියපු කතාව ‌මෙන්න

Published

on

කොවිඞ් 19 රෝගය ලංකාවේ ව්‍යාප්ත වෙන්නට පටන් ගන්නවාත් සමඟම අපි ඒ ගැන අවධානය යොමු කරන්නට පටන් ගත්තේය. නමුත් ඒ වෙද්දීත් අපිට ඒ පීඩාව ටිකෙන් ටික දැනෙන්නට පටන් ගෙන අවසන්ය. ඒ අපිට ඇස් ඉදිරියේ පෙනෙනා වසංගතයට වඩා වෙනස් තත්ත්වයකි.
ඒ ආර්ථික අර්බුදයයි. ඉන් ගැලවීම හෝ බේරීම ලෙහෙසි පහසු නැත. අපි ඒ ගැන ශ්‍රී ලාංකේය ආර්ථික විශේෂඥයන්ගේ විමසීමට තීරණය කළේ ඒ නිසාය. රටක් ලෙස මේ තත්ත්වය යටතේ මේ අර්බුදයයෙන් ගොඩ එන්නට නම් විශේෂ වශයෙන්ම ආර්ථික අර්බුදයට මුහුණ දිය යුතුමය.
කොළඹ විශ්වවිද්‍යාලයේ ආර්ථික විද්‍යා පීඨයේ ජ්‍යෙෂ්ඨ මහාචාර්ය එච්.ඩී. කරුණාරත්න මහතා ඒ පිළිබඳ දක්වන්නේ මෙවන් අදහසකි.

“මේ ඇති වෙලා තියෙන්නෙ අපිට විතරක් මුහුණ දෙන්න වෙන තත්ත්වයක් නෙමෙයි. මේක ගෝලීය අර්බුදයක්. මේ හරහා ප්‍රශ්න කීපයක්ම ඇතිවෙලා තියෙනවා. එකක් ආනයන අපනයන අර්බුදය. ඊළඟට කොටස් වෙළෙඳපළ අර්බුදය. තෙල් මිල පහළ වැටීමේ අර්බුදය. අමුද්‍රව්‍ය හිඟ වීමේ අර්බුදය. මේ සියල්ලම එන්නෙ එකට. ඒ නිසා මේ සියල්ලටම එක සේ මුහුණ දෙන්න වෙනවා.
එතකොට මේ වෙන කොට කොටස් වෙළෙඳ පොළේ ආයෝජනය කරන ආයෝජකයන් තමන්ගේ ආයෝජන ආපහු ගන්නවා. ඒක අපිට පේන්නෙ අති විශාල මූල්‍ය අර්බුදයක් විදියට. ඒත් ඒක අපි දකින්නෙ ඒතරමටම කලබල වෙන්න තරම් කාරණයක් විදියට නෙමෙයි. මේ වගේ තත්ත්වයක් යටතේකොටස් වෙළෙඳපළ කඩා වැටීම ලෝකයේ හැම තැනකම දකින්න පුළුවන්.
ලෝකයේ හැම රටක්ම වගේ මේ තත්ත්වය පාලනය කර ගත යුතුයි. විශේෂයෙන්ම ඇමෙරිකාව වගේ රටවල් මේ තත්ත්වය යටතේ පවා ඉතාම සෘජුව ආකාරයෙන් වැඩ කරලා තියෙනවා. යුරෝපයෙන් පැමිණෙන කිසිම ගුවන් යානයක රටට ඇතුළු වෙන්ඩ ඉඩ නොදෙන්න.
දැන් අපිට වෙනස් වෙන්න කාලෙ හරි. මෙතෙක් තිබුණ ග්ලෝබලයිශේෂන් එක වෙනුවට දැං ලෝකලයිශේෂන් වෙන්න කාලෙ හරි. අපිට දේශීය දේවල්වලට හැඩ ගැහෙන්න වෙනවා. විශේෂයෙන්ම දේශීය ආහාරවලට හුරු වෙන්න ඕනෑ. කරන්න දෙයක් නෑ. මේක අපිට හෝ අපේ රටට හෝ විතරක්ම වුණ දෙයක් නෙමේනෙ.
මේ තත්ත්වයත් එක්ක විදේශ විනිමය අනුපාත විශාල වශයෙන් ඉහළ යනවා. මේ වෙනකොට ජපන් යෙන් එක තුන් ගුණයකින් විතර වැඩි වෙලා. ඒත් එක්කම අපි යෙන්වලින් ගත්ත ණය ඒ ගුණාකාරයෙන්ම වැඩි වෙනවා. මේ වගේ තත්ත්වයන්ට අපිට නොදැනීම මුහුණ දෙන්න වෙනවා.
මේ වෙනකොට ජපානයේ ආර්ථික සංවර්ධන වේගය ඍණ 7යි. ලෝකයේම ආර්ථිකයන් කඩා වැටෙමින් යනවා. ඒක පාලනය කරන්න බෑ. අපි වගේ රාජ්‍යයන්ට මේ තත්ත්වයන් වඩාත් දැනෙනවා. ඒත් අපිට ඒකට මුහුණ දෙන්න වෙනවා.
ඒ වගේම අපි යම් මූල්‍ය ර්බුදයක ඉන්න බව ඇත්ත. නමුත් අපේ මුදල් සංචිත බින්දුව නෙමෙයිනෙ. ඒ නිසා මේ වගේ අර්බුදයකදී රට මාස කීපයකින් ඉදිරිය ගෙනයන්න අවශ්‍ය කරන මූල්‍ය සංචිත අපේ ළඟ තියෙනවා”

මේ ඒ පිළිබඳ අදහස් දක්වන පේරාදෙණිය විශ්වවිද්‍යාලයේ ආර්ථික විද්‍යා අධ්‍යයනාංශයේ මහාචාර්ය මාලක රණතිලක මහතා.

“මේ තත්ත්වයත් එක්ක සමස්තයක් විදියට ලෝකයේ නිෂ්පාදන ඇනහිටලා තියෙන්නෙ. ලෝකයේ නිෂ්පාදනවලින් සීයට අසූවක විතර අතිබහුතරයක් වෙන්න් චීනය හරහා. අවසාන නිෂ්පාදන වගේම නිෂ්පාදන යෙදවුම් එන්නෙත් චීනයෙන්. මේ නිසා මුලින්ම මේ තත්ත්වය සමස්තයක් විදියට ලෝක ආර්ථිකයටම බලපානවා. ඒ හරහා ඒක ශ්‍රී ලංකාවේ ආර්ථිකයටත් අනිවාර්යෙන්ම බලපානවා.
මේ තත්තවය විවිධ ආකාරයෙන් ලෝකයටම බලපානවා. දැන් ඉතාලිය වගේ රටක භාණ්ඩ මිල සීයට සීයකින් විතර ඉහළ නැඟලා. නිශ්පාදන ක්‍රියාවලිය බිඳ වැටීමත් එක්ක ආහාර හිඟයක් නිර්මාණය වෙනවා. කර්මාන්ත ඇනහිටීමත් මේකට බලපානවා. ලෝකයේ දියුණු රාජ්‍යයන්ට පවා මේ තත්ත්වයට මුහුණ දෙන්න වෙලා තියෙන තත්ත්වයක් යටත් අපිට විතරක් මේකෙන් බේරිලා ඉන්න බෑ.
අපිට ලෝකයෙන් විදේශ ආධාර නතර වෙනවා. සේවා භාණ්ඩ සහ ආහාර සැපයුම් ඇනහිටිනවා. විශේෂයෙන්ම විදේශ විනිමය ලැබෙන එක නතර වෙනවා. යම් විදියකින් පකිස්ථානය සහ ඉන්දියාවට මේ තත්ත්වය බරපතළ ලෙස බලපෑවොත් තත්ත්වය ඉතාම නරක අතට හැරේවි.
කොටස් වෙළෙඳපළ බිඳ වැටීම මේ තත්ත්වය යටතේ සාමාන්‍ය දෙයක්. මේකට මේ වෙනකොට තියෙන හැම සාධකයක්ම බලපානවා. ගමන් බිමන් ගැටලු, හැම රටකම වගේ ඇතිවෙන රෝග ව්‍යාප්තිය, චීනය, කොරියාව වගේ රටවල භයානක තත්ත්වය, නගර වහන එක, ඒ වගේම මේ වෙලාවෙ බොහෝ දෙනෙක් ආයෝජන කරන්නෙ නෑ. ආයෝජකයන් දන්නවා මේක ආයෝජනයකට සුදුසු වෙලාවක් නෙමෙයි කියලා. කොටස් වෙළෙඳපල කඩා වැටීමට සහ මුදල් ආයෝජන ආපහු ගෙනියෑම කියලා ඔය අපි දකින තත්ත්වය ඒක.
අපි අවුරුදු හැත්තෑ දෙකක් තිස්සෙ ස්වයංපෝෂිත ආර්ථිකයක් හදාගන්න බැරි වුණ රටක්. ඒ නිසා මේ වගේ අර්බුදයකදී ආර්ථික පීඩනය හෝ අවපාතය වළක්වා ගැනීමේ හැකියාව අපිට නෑ. අපි විශාල වශයෙන් යැපෙන්න පුරුදු වෙලා තියෙන්නෙ අපනයන සහ ආනයන මත.
මේ තත්ත්වය යටතේ අපි භාණ්ඩ හා සේවා නිෂ්පාදනය කළත් ඒවා මිලදී ගන්න කෙනෙක් නෑ. යුරෝපය එංගලන්තය චීනය ඇතුළු බොහෝ රාජ්‍යයන් විපතට පත් වෙලා ඉන්නෙ එවගේම ඒ අය ආසියාතික රටවලින් එන ගුවන් යානා සහ සියලුම සැපයුම් අත් හිටවලා තියෙන්නෙ. ඒ එක තත්ත්වයක්. ඒ වගේම සැපයුම් අමුද්‍රව්‍ය ලැබෙන්නෙ නෑ. ඒ හරහා නිෂ්පාදන ඇනහිටින එක සාමාන්‍ය දෙයක්. ඒක අපිට බලාපොරොත්තු වෙන්න වෙනවා. මේ තත්ත්වය මම දැක්කා පහුගිය දවසක ඇමෙරිකාවෙ නළු නිළි යුවළකට වැලඳිලා. ලෝකයේ විවිධ රාජ්‍යයන්ගේ දේශපාලකයො ඉන්නවා. මේ නිසා මේක දුප්පත් අයට හරි දුප්පත් රටවලට හරි මුහුණ දෙන්න වෙලා තියෙන තත්ත්වයක් නෙමේ.
නිරෝධායන කාර්යට විශාල පිරිවැයක් යොදන්න වෙනවා. ඒ නිසා ලෝකයෙ බොහෝ රටවල් සැපයුම් අත් හිටුවනවා. ඒක අපිට බලපානවා බරපතළ විදියට. නමුත් ලෝකයේ හැම රටක්ම වගේ අපිටත් මේ තත්ත්වයට මුහුණ දෙන්න වෙනවා.”

ජීවන පහන් තිලිණ

Continue Reading
Click to comment

Leave a Reply

Your email address will not be published. Required fields are marked *

Advertisement
Exclusive57 mins ago

ඇඳිරි නීතිය ගැන අලුත්ම නිවේදනය ‌මෙන්න

Exclusive1 hour ago

මමත් ‌ගෙදර…. (VIDEO)

News2 hours ago

චීන ආණ්ඩුව ගැන ජනතා විශ්වාසය බිඳවැටේ

Exclusive3 hours ago

කොරෝනාවෙන් මව්රට මුදා‌ගෙන ජන්දෙට යන්නද? (උපුල් ‌ජෝශප් ප්‍රනාන්දුගේ ගුරුදා විග්‍රහය)

Exclusive15 hours ago

පළමු මරණය වාර්තා ‌වෙයි: කොරෝනා මරණ ‌ලයිස්තුවට ලංකාවත් එකතු ‌වෙයි

Exclusive16 hours ago

කොරෝනා මධ්‍යමටත් ඇතුලු ‌වෙයි

Exclusive16 hours ago

සමෘද්ධිලාභීන්ට 5000ක්: විශ්‍රාම සහ වැඩිහිටි දීමනා ‌ගෙදරටම: ආබාධිත අයටත් දීමනාවක්

Exclusive17 hours ago

තැපෑලෙන් ‌බෙහෙත් එවන්න බළකාය ලෑස්තියි

Exclusive19 hours ago

මෙන්න විශේෂ නිවේදනයක්: ‌කොරෝනා ගැන ‌වෛද්‍ය ජාසිංහ කියන ‌දේ විතරක් අහන්න

Exclusive19 hours ago

මරික්කාර් ‌හොරෙන්ම බෙදන්න පටන් අරන් (VIDEO & PHOTOS)

Exclusive7 months ago

මහේෂ්ට ජනපතිවරණයට ආරාධනාවක්

Exclusive7 months ago

සිකුරාදා රෑ කරන්න ගිය ‌මෛත්‍රිගේ අගමැති කුමන්ත්‍රණය කඩා වැටේ

Exclusive7 months ago

එජාප ඇමැතිලා 5ක් ඉවතට -අලුත් නම් 5ක් සූදානම්

Exclusive7 months ago

මහින්දගෙන් ‌ගෝඨාට නියෝගයක්

Exclusive5 months ago

පොතේ හැටියට දිනන්නේ කවුද? (උපුල් ‌ජෝශප් ප්‍රනාන්දුගේ ගුරුදා විග්‍රහය)

Exclusive1 week ago

රනිල්ගේ UNP එකයි සජිත්ගේ UNP එකයි

Exclusive3 months ago

සංගාගේ බිරිය ගැන අමුතු කතාවක් එළියට එයි

Exclusive6 months ago

මහරාජා අතින් ‌මේ මිනිසා ඉවර විය යුතුද? (උපුල් ‌ජෝශප් ප්‍රනාන්දුගේ ගුරුදා විග්‍රහය)

Gurudawa7 months ago

යූඑන්පී අපේක්ෂකයා ‌තෝරන්නේ ‌මෙහෙමෙයි… (උපුල් ‌ජෝෂප් ප්‍රනාන්දුගේ ගුරුදා විග්‍රහය)

Exclusive5 months ago

රණසිංහ ‌ප්‍රේමදාස නැගිටියි (උපුල් ‌‌ජෝශප් ප්‍රනාන්දුගේ ගුරුදා විග්‍රහය)