Connect with us
Add

News

ගහපු බොරුවලට සූකාට බුද්ධි අංශ ප්‍රධානී සලේට කෝටි 100ක් ගෙවන්න වෙයිද?

Published

on

රුපියල් කෝටි 100ක් නැතහොත් මිලියන 1000ක්, තවත් විදියකින් කියනවා නම් රුපියල් මිලියනයක්. මේ මහා ගණන් හිලව්වේ කතාව කුමක්ද? එක්තරා මිනිසකු විසින් එක්තරා ගැහැනියකගෙන් තමයි මේ වන්දිය ඉල්ලා සිටින්නේ. ඒ කියන්නේ රුපියල් බිලියනයක වන්දියක් තමයි මේ මිනිසා එම ගැහැනියගෙන් ඉල්ලා සිටින්නේ. මේක අපි එදිනෙදා අහන කසාද වන්දියක් වගේ එකක් නම් නොවෙයි. මේ වන්දි කතාව නම් වාර්තාගත එකක්. අනෙක මේක ලෙහෙසි, පහසු කතාන්දරයකුත් නෙවෙයි. රුපියල් බිලියනය වහාම දවස් 14ක් ඇතුළත් දෙන්න ඕනෑ. නැත්නම් නඩු පිට නඩු තමයි වැටෙන්නේ. කවුද මේ මිනිසා. කවුද මේ ගැහැනිය. මොකක්ද මේ වන්දිය?
මේ සතිය ආරම්බ වුණේ මේ වන්දි කතාවෙන් තමයි. මේ කතාවේ ගැහැනියක්, මිනිසාගේ බොහෝ නම් දරාපු දෙදෙනෙක්. මිනිසා තමයි රාජ්‍ය බුද්ධි සේවයේ වත්මන් අධ්‍යක්‍ෂ මේජර් ජෙනරාල් සුරේෂ් සලේ. ගැහැනිය තමයි ජාත්‍යන්තර සත්‍යය හා යුක්තිය පිළිබඳ ව්‍යාපෘතියේ විධායක අධ්‍යක්‍ෂිකා යස්මින් සුකා. තමන්ගේ කීර්ති නාමයට හානි සිදු කිරීම සහ තමන්ගේ ජීවිතයට හානියක් විය හැකි සේ සාවද්‍ය තොරතුරු ප්‍රකාශ කිරීම පිළිබඳව තමයි. මේජර් ජෙනරාල් සුරේෂ් සලේ විසින් රුපියල් කෝටි 100ක වන්දිය විධායක අධ්‍යක්‍ෂිකා යස්මින් සුකාගෙන් ඉල්ලා ඇත්තේ. මෙය නිල වශයෙන් සිදුවූ බොහෝ බැරෑරුම් ක්‍රියාවලියක්. එනම් මේජර් ජෙනරාල් සුරේෂ් සලේස්ගේ නීතිඥ පසන් වීරසිංහ විසින් අධිකරණමය එන්තරවාසියක් මගින් මෙම වන්දි ඉල්ලීම සිදුකොට ඇත. එම අදාළ එන්තරවාසිය ඩී.එච්.එල්. කුරියර් සේවාව මගින් එංගලන්තයේ ලන්ඩන් නුවර පිහිටි යස්මින් සුකාගේ ලිපිනයට සහ ජාත්‍යන්තර මූලස්ථානයටද යවා තිබෙයි.
බි්‍රගේඩියර් තනතුරෙහි කටයුතු කළ සුරේෂ් සලේ ඇතුළු හමුදා නිලධාරීන් පස්දෙනකු පසුගිය මැයි 22දා සිට බලපැවැත්වෙන පරිදි මේජර් ජෙනරාල් තනතුරට උසස් කිරීමත් පසුව යස්මින් සුකා විසින් එම නිලධාරීන් විවේචනය කරමින් පසුගිය ජුනි 01දා මාධ්‍ය නිවේදනයක් නිකුත් කර තිබිණි. දමිළ ඊළාම් එල්.ටී.ටී.ඊ. කොටි සංවිධානය සම්බන්ධකම් පැවැත්වූ වෛද්‍ය වර්ධරාජා තුරෙයිරාජන් නමැති දකුණු ඇමෙරිකාවේ පදිංචිව සිටින වෛද්‍යවරයා 2009 වන්නි මානුෂික මෙහෙයුමෙන් පසුව අත්අඩංගුවට ගෙන වධහිංසා පැමිණ වූ බව සහ තවත් චෝදනා නඟමින් යස්මින් සුකා විසින් සුරේෂ් සලේට එරෙහිව එම නිවේදනය නිකුත් කර තිබිණි.
එසේම ‘සන්ඬේ ලීඩර්’ පුවත්පතේ ප්‍රධාන කර්තෘ ලසන්ත වික්‍රමතුංග ඝාතනයට චෝදනා නැඟුණු හමුදා නිලධාරියකුද, මේජර් ජෙනරාල් සුරේෂ් සලේගේ පෞද්ගලික කාර්ය මණ්ඩලයේ සේවය කළ බවටද යස්මින් සුකාගේ නිවේදනයෙන් චෝදනා නඟා තිබිණි. ලසන්ත වික්‍රමතුංග ඝාතනය සිදුවන කාලය වන විට සුරේෂ් සාලේ විදේශගතව සිට ඇති බවත්, එවැනි පසුබිමක් තුළ මෙම සාවද්‍ය චෝදනා නඟා ඇතැයි සුරේෂ් සලේගේ නීතිඥ පසන් වීරසිංහ පෙන්වා දෙයි. ඒ අතරම මේජර් ජෙනරාල් සුරේෂ් සාලේගේ කීර්ති නාමයට හානි සිදුවීම මෙන්ම, ඔහුගේ පෞද්ගලික දත්ත අනාවරණය කරමින් කටයුතු කිරීම මඟින් ඔහුගේ ජීවිතයට තර්ජනයක් එල්ල කිරීමටත් යස්මින් සුකා පියවර ගෙන ඇති බැව්ද එන්තරවාසියෙන් පෙන්වා දී ඇත. එසේම එම එන්තරවාසිය මගින් ඉල්ලා ඇති වන්දි මුදල වන රුපියල් කෝටි 100 දින 14ක් තුළදී ලබා නොදුන්නහොත් අයි.ටී.ජේ.බී. වෙබ් අඩවිය මඟින් යස්මින් සුකා කල පරිභවාත්මක ප්‍රකාශයන්ට එරෙහිව මෙරට අධිකරණය හමුවේ නඩු පැවරීමටද නියමිතව ඇත.
එසේම ඉදිරියේදීත් මෙවැනි ප්‍රකාශ දෝදනා සහිත ප්‍රකාශ නිකුත් කරන්නේ නම්, යස්මින් සුකා සහ අයි.ටී.ජේ.පී. සංවිධානයට එරෙහිව සිවිල් සහ අපරාධ නීතිය යටතේ නඩු පවරන බවද එන්තරවාසිය මඟින් පෙන්වා දී ඇත. සක්‍රීය සේවයේ නිරත හමුදා නිලධාරියකු ජාත්‍යන්තර සංවිධානයකට එරෙහිව නීති ප්‍රකාරව කටයුතු කරනු ලබන ප්‍රථම අවස්ථාව මෙය වශයෙන් සැලකෙයි. එමෙන්ම එවැනි නිලධාරියකු විසින් මෙතරම් සුවිශාල වන්දි මුදලක් නීති ප්‍රකාරව ඉල්ලා සිටින ප්‍රථම අවස්ථාව වශයෙන්ද මෙම සිදුවීම වාර්තාගත වනු ඇතිය.
ශ්‍රී ලංකාවේ මේජර් ජෙනරාල් සුරේෂ් සලේ සමඟ මෙසේ එරෙහි වන්නට යන යස්මින් සුකා නමැති කාන්තාව කවුද? සැබෑ ලෙසම යස්මින් සුකා ශ්‍රී ලංකාවට ආගන්තුක නමක් නොවේ. එසේම ඇය ප්‍රධානත්වය දරණ ජාත්‍යන්තර සත්‍යය හා යුක්තිය පිළිබඳ ව්‍යාපෘතියද ශ්‍රී ලංකාවට අමුත්තකු නොවේ. ශ්‍රී ලංකාවේ වාර්ගික යුද්ධය අවසාන සමයේ සිට ඇයත්, යටකී සංවිධානයේ නමත් බොහෝ අවස්ථාවලදී ශ්‍රී ලංකාව තුළින් අසන්නට ලැබිණි. යස්මින් සුකා නමැති ගැහැනිය වෘත්තියෙන් නීතිඥවරියක් වන අතර, ඇය ලොව ප්‍රකටව සිටින්නේ ජාත්‍යන්තර මානව හිමිකම් ක්‍රියාකාරිනියක ලෙසිනි. එක්සත් ජාතීන්ගේ සංවිධානය ඇතුළු ලොව ප්‍රධානම සංවිධාන කිහිපයක නිලතල දැරූ ඇය දකුණු අප්‍රිකාණු ජාතික කාන්තාවකි. වත්මනෙහි ඇය දකුණු අප්‍රිකානු මානව හිමිකම් සංවිධානයේ විධායක අධ්‍යක්‍ෂිකාව ලෙස කටයුතු කරන්නීය. එසේම ජාත්‍යන්තර සත්‍යය හා යුක්තිය පිළිබඳ ව්‍යාපෘතිය ඇයගේ ප්‍රධානත්වයෙන් පිහිටුවා ගන්නා ලද සංවිධානය වෙයි.
යස්මින් සුකා නමැති ගැහැනියගේ තර්ජන, ගර්ජන ශ්‍රී ලංකාවට ජනිත වන්නේ 2000 වසරේදී සිටය. එනම් එම වසරේදී එක්සත් ජාතීන්ගේ සංවිධානයේ මහලේකම්වරයා වූ බෑන් කී මූන් විසින් ශ්‍රී ලංකාවේ සිවිල් යුද්ධයේදී අවසානයේ සිදුවුණා යැයි චෝදනා නැඟුණු මානව හිමිකම් කඩකිරීම සහ යුද අපරාධ පිළිබඳ සෙවීමට පත් කරන ලද ත්‍රිපුද්ගල කමිටුවේ දෙවැනි සාමාජිකයා වූයේ මෙම යස්මින් සුකා ය. එහිදී නිකුත් කෙරුණු මෙමවාර්තාව ‘ශ්‍රී ලංකාවේ වගවීම පිළිබඳ එක්සත් ජාතීන්ගේ මහලේකම්වරයා විසින් පත්කරන ලද විශේෂඳ කමිටු වාර්තාව ලෙස ප්‍රසිද්ධ විය. මෙම කමිටුවේ ප්‍රධානියා සහ සභාපති වූයේ ඉන්දුනීසියාවේ නීතිපති ධුරය හෙබවූ මර්සුකි දරුස්මාන් වූ අතර, ඒ හෙයින් මෙම වාර්තාව ‘දරුස්මාන් වාර්තාව’ ලෙස අතිශය ප්‍රකට විය. එසේම දකුණු අප්‍රිකානු මහාධිකරණයේ විනිසුරුවරියකද වන යස්මින් සුකා මෙම ‘දරුස්මාන් වාර්තාව’ පිළියෙළ කිරීමේදී එකල ශ්‍රී ලංකා රජයට එරෙහිව ප්‍රබල මානව හිමිකම් චෝදනා රැසක්ම ගෙන ආවේය. ශ්‍රී ලංකා සිවිල් යුද්ධය අවසාන සමයේදී මෙහෙය වූ ශ්‍රී ලාංකික දේශපාලන නායකයන් සහ හමුදා නිලධාරීන් රැකීම ඉතාමත් ප්‍රබල ලෙස චෝදනා ගොනු කෙරිණි. එම කතාන්දර කලින් කලට අප දැනුවත් අතර, ඒවා දැන් මෙහි ලියා තැබීම අනවශ්‍යය.
ලෝකයේ ඕනෑම රටක සිවිල් යුද්ධයකදී මානව හිමිකම් යම් අයුරකින් කඩවීම සාමාන්‍ය සිරිතකි. ශ්‍රී ලංකාවේ වාර්ගික යුද්ධයේදී ශ්‍රී ලාංකික හමුදා කොටි ත්‍රස්තවාදීන්ට එරෙහිව මහත් දැඩි සටනක් සිදුකරමින් සිදුකළ බැව් අපි අවිවාදයෙන් යුතුව පිළිගත යුතුය. එසේම දමිළ සාමාන්‍ය ජනතාව යුද බිමෙන් බේරාගෙන රැගෙන ඒමට ඔවුන් කටයුතු කළේය. කෙසේ හෝ කුමන පසුබිමක් තිබියදී හෝ ශ්‍රී ලංකා හමුදාව මානව හිමිකම් කඩකළේ යැයිද ප්‍රබල චෝදනාවක් ජාත්‍යන්තරයේ එල්ල විණි. මෙම තත්ත්වයට ඉතාමත් ප්‍රබල ලෙස බලපෑවේ බටහිර රටවල සිටින දමිළ ඩයස්පෝරාවය. ඔවුන්ගේ එල්.ටී.ටී.ඊ. කොටි සංවිධාන හිතවත්කම මෙයට බලපෑවේය.
කෙසේ හෝ මෙවැනි වටාපිටාවක් යටතේ යස්මින් සුකා නම් ගැහැනියද ශ්‍රී ලංකාවට එරෙහිව බොහෝ දැඩි ලෙස කටයුතු කළේය. ඇයගේ ප්‍රවීනතම කුරුමානම වූයේ ශ්‍රී ලංකා දේශපාලකයන් සහ ශ්‍රී ලංකා හමුදා නිලධාරීන්ය. ඒ අනුව පසුගිය වසර 10ක කාලයක් පුරාම ඇයගෙන් ශ්‍රී ලංකාවට එල්ලවන තර්ජන, ගර්ජන බොහෝය. මෙයට දින කිහිපයකට පෙර මේජර් ජෙනරාල් සුරේස් සලේට එල්ල වූයේ එහි අලුත්ම ප්‍රහාරයයි. මෙයට පෙරද යස්මින් සුකා විසින් සුරේෂ් සලේට එරෙහිව ප්‍රහාරයන් කිහිපයක්ම එල්ල කර තිබිණි.
කෙසේ හෝ වත්මන් රාජ්‍ය බුද්ධි සේවයේ අධ්‍යක්‍ෂ මේජර් ජෙනරාල් සුරේස් සලේ විසින් යස්මින් සුකාගෙන් රුපියල් බිලියනයක් නොහොත් රුපියල් කෝටි 100ක් වහාම දින 14ක් ඇතුළදී වන්දි ලෙස ලබා ගැනීමට මුල්වූ ආන්දෝලනාත්මක මාධ්‍ය ප්‍රකාශය කුමක්ද? ජාත්‍යන්තර සත්‍ය්‍ය හා යුක්තිය පිළිබඳ ව්‍යාපෘතිය මගින් ඉදිරිපත් කළ එම මාධ්‍ය ප්‍රකාශය ගැන පූර්ණ වාර්තාවක් කිසිදු මාධ්‍යක පළවී නොතිබිණි. අප එම යස්මින් සුකාගේ ප්‍රකාශය මෙහි පළ කරමු. අයි.ටී.ජේ.පී. සංවිධානයේ වෙබ් අඩවිය මගින් 2020 ජුනි 1 වැනිදා මෙම ප්‍රවෘත්තිය ලොව වටා ප්‍රචාරය කෙරිණි. ඉංග්‍රීසි, සිංහල හා දමිළ යන භාෂා තුනෙන්ම එය ප්‍රකාශිත වී තිබිණි. මේ සිංහල ප්‍රකාශයයි.
මාධ්‍ය නිවේදනය – තවත් ගැටලුසහගත හමුදා උසස්වීම්
ජොහල්සේබර්ග් : 2009 දී අත්අඩංගුවේ සිටි දෙමළ වෛද්‍යවරයකුට දිය යුතු වෛද්‍ය ප්‍රතිකාරවලටත් තර්ජනය කරමින් බලහත්කාරයෙන් අසභ්‍ය ප්‍රකාශ කරවූ බවට චෝදනා ලැබ සිටින හිටපු හමුදා බුද්ධි අධ්‍යක්‍ෂ තුවාන් සුරේෂ් සලේ, ශ්‍රී ලංකාවේ ජනාධිපතිවරයා විසින් මේජර් ජෙනරාල් පදවියට උසස් කොට තිබේ. රජයේ වෛද්‍යවරයකු වූ දොස්තර තුරෙයිරාජා වර්ධරාජා 2009 යුද කලාපයේ සේවය කොට, ඉන් අනතුරුව යුද්ධය අවසානයේදී දින සියයක් පමණ රඳවා තබාගනු ලැබුවෙකි. නඩු විභාගයකින් තොරව ඒ තරම් දීර්ඝ කාලයක් රඳවා තබා ගැනීම වධහිංසාවට එරෙහි සම්මුතිය උල්ලංඝණය කරමින් කෲර අමානුෂික සැළකිළි සහ දඬුවම් පැමිණවීමට.
මානසික වධහිංසාව සහ වෛද්‍ යප්‍රතිකාර අහිමි කිරීම යන මේ චූදිත චර්යාව, ශ්‍රී ලංකාවද අත්සන් තබා ඇති වධහිංසාවට එරෙහි සම්මුතිය උල්ලංඝනය කිරීමක් මෙන්ම, විධාන වගකීම් උසුලන්නක් විශ්ව විනිශ්චය ඇතුළු ක්‍රම යටතේ වගඋත්තරකාරීත්වයෙන් බැඳ තැබිය හැකි වන්නකි’ යැයි සත්‍යය හා යුක්තිය සඳහන් වන ජාත්‍යන්තර ව්‍යාපෘතියේ විධායක අධ්‍යක්‍ෂිකා යස්මින් සුකා පැවැසුවාය. අවශ්‍ය නිර්මිත රජයේ සේවකයකු වන දොස්තර වර්ධරාජා තමන් දැවැන්ත අනතුරකට මුහුණ පා සිටියදී දහස් සංඛ්‍යාත ජීවිත ගලවාගත් වෛද්‍ය කණ්ඩායමක් මෙහෙයවූවෙකි. ඔහුට දිය යුතුව තිබුණේ සම්මානයක් මිස සිරකුටියක් නොවේ.’
‘තමන්ගේ ආරක්‍ෂාව සිතා රටින් පලාගිය දොස්තර වර්ධරාජා මේ දිනවල එක්සත් ජනපදයේ වත්මන් ‘කොවිඞ්-19’ රෝගීන්ට ප්‍රතිකාර කිරීමේ යෙදී සිටියි. යුද්ධයේදී සාමාන්‍ය වැසියන් මියගිය ප්‍රමාණය ප්‍රතික්‍ෂේප කරන්නට තමන්ට සහ අනෙකුත් වෛද්‍යවරුන්ට බල කොට සංවිධානය කරන ලද මාධ්‍ය හමුවේදී අවශ්‍ය ප්‍රකාශ කිරීමට තමන්ට බලපෑම් සිදුකළ සහ එම ප්‍රකාශය සකස් කළ හමුදා බුද්ධි අංශ නිලධාරියා සුරේස් සලේ ලෙස දොස්තර වර්ධරාජා විසින් හඳුනාගෙන තිබේ.’
තුවාලකරුවන්ට ප්‍රතිකාර කිරීම සඳහා යුද කාලයේ රැඳී සිටි දෙමළ වෛද්‍යවරුන්, ලෝකයේ ජනමාධ්‍යවලට ඉතා වැදගත් වන යුද සමයේ තොරතුරු පැවසීමේ අත්‍යවශ්‍ය කාර්යභාරය ඉටුකළ පුද්ගලයන් ලෙසින්, ‘දේශ සීමා නොමැති වාර්තාකරුවෝ’ විසින් ඇගැයීමට ලක්කෙරිණි. ඒ කාර්යභාරය නිසා යුද්ධය අවසානයේ ඔවුහු ඉලක්ක බවට පත්වූහ. 2009 ජූලි 08 වැනිදා මාධ්‍ය හමුවකදී බොරු කීමට බල කරන ලද දොස්තර වර්ධරාජා ඇතුළු වෛද්‍යවරුන් ඔවුන්ගේ රැකවල්කරුවන් විසින් ඉන් අනතුරුව කූඩු කිරීමට පෙර දෙන ලද අරුම පුදුම සංග්‍රහයක්’ සඳහා ‘කෙන්ටකී ෆ්‍රයිඞ් චිකන්’ අවන්හලට කෑම වේලකට විකාරරූපී ලෙස කැඳවාගෙන ගොස් තිබේ.’
මීට අමතරව 2009 දී ‘සන්ඬේ ලීඩර්’ කර්තෘගේ මරණය සම්බන්ධ විමර්ශනයට අදාළව 2016දී අධිකරණය හමුවේ පෙනී සිටින ලෙස සුරේස් සලේ කැඳවා තිබිණි. සලේගේ ප්‍රධාන ඝාතකයා ලසන්ත වික්‍රමතුංග නඩුවේ සැකකරුවකු ලෙස 2016 පැවැති හඳුනාගැනීමේ පෙරට්ටුවකදී හඳුනා ගන්නා ලද බව වාර්තා වන අතර, දෙවැනි සැකකාර කන්දෙගෙදර පියවංස, සලේගේ පෞද්ගලික කාර්ය මණ්ඩලයේ අයෙක් වෙයි.’
ඉහත දැක්වූයේ සිංහල භාෂාවෙන් ප්‍රකාශයට පත් එම ආන්දෝලනාත්මක ප්‍රකාශයේ ප්‍රධානතම කොටස් කිහිපයකි. මෙය ඉංග්‍රීසි සහ දමිළ බසින්ද ප්‍රකාශිතය.
අපි මේ දකිමින් සිටින්නේ අවුරුදු ගණනාවක් තිස්සේ ආරක්‍ෂක සේවාවල එකිනෙකා ආරක්‍ෂා කරගනිමින් කල්ගත කළ අපරාධ සම්බන්ධයෙන් චෝදනා ලබන්නවුන්ගේ සංකීර්ණ ජාලයක් ජනාධිපතිවරයා විසින් ඉහළම තනතුරුවලට පත්කෙරුණු ලැබීමයි. කිසියම් හෝ ආරකායක ආයතනික ප්‍රතිසංස්කරණයක් ගැන කතා කිරීම අපහසු වන තරමටම දණ්ඩ යුක්තිය කිඳා බැස තිබේ’ යනුවෙන් යස්මින් සුකා විසින් මෙම නිවේදනයේ අවසානයේදී තදබල ලෙස ප්‍රකාශ කර ඇත.
යස්මින් සුකා යනු සැබෑ ලෙසම කාලයක් පුරා ඉතාමත්ම බලවත්ව සිටි ගැහැනියකි. එහෙත් මෙවර සුරේස් සලේ සමඟ ඇය පැටලෙන සටන බොහෝ තීරණාත්මක එකකි. ‘සුකා – සලේ’ සටන සූකාට කෙසෙල් ගසේ හොට පටලවා ගැනීමක්ද?

ප්‍රියන්ත හෙට්ටිගේ

Continue Reading
Click to comment

Leave a Reply

Your email address will not be published. Required fields are marked *

Advertisement
Advertisement
Exclusive3 hours ago

මහින්ද-සජිත් ගැටුම උත්සන්න වෙයි

Exclusive8 hours ago

ගෝඨා පොලොන්නරුවේ ජන්ද සටනට එක්වෙයි: ගොවීන්ගෙන් ඉල්ලීම් ගොඩක්

Exclusive11 hours ago

අල්ලන කුඩු විකිණිල්ල ‘මව්රට’ හෙළි කළේ ගිය අප්‍රේල් මාසයේ

Exclusive11 hours ago

පොලිස් ‘නාකොටික්’ එකේ රෙදි ගැලවුණේ ඩුබායි මොරිල් ගහපු ගේමකින්ද?

Exclusive14 hours ago

ක්‍රිකට් ක්‍රීඩකයන්ට අපලයක්: මෙන්ඩිස් අත්අඩංගුවට

Exclusive17 hours ago

පාතාලයට අවිආයුධ ගියේ ගිනිගත් අවි ගබඩාවකින්?

Exclusive18 hours ago

නීතිපති පොලිසියට කනේ ඇඟිලි ගහගන්න දෙයි: පොලිස්පති නැඟිට යයි

Exclusive20 hours ago

ජනපති තන්තිරිමල පුදබිමේ ඖෂධ පූජාවක (PHOTOS)

Exclusive20 hours ago

දිනවිය යුතු අපේක්ෂකයන් ගැන අගමැති ලේකම්ගෙන් ප්‍රකාශයක්

Business1 day ago

හේමාස් රෝහල් සමූහය සංචාරක ක්ෂේත්‍රය ප්‍රවර්ධනය කරයි

Exclusive11 months ago

මහේෂ්ට ජනපතිවරණයට ආරාධනාවක්

Exclusive11 months ago

සිකුරාදා රෑ කරන්න ගිය ‌මෛත්‍රිගේ අගමැති කුමන්ත්‍රණය කඩා වැටේ

Exclusive11 months ago

එජාප ඇමැතිලා 5ක් ඉවතට -අලුත් නම් 5ක් සූදානම්

Exclusive3 months ago

හිටපු ජනපති පුතා ඇඳිරි නීතිය මැද මහ රෑ දාපු පාටිය ගැන මාධ්‍යවේදිනිය ‌පොලිසියෙන් ප්‍රශ්න කරයි

Exclusive11 months ago

මහින්දගෙන් ‌ගෝඨාට නියෝගයක්

Astrology6 months ago

2020 ලග්න පලාපල ඔබට කොහොමද?

Exclusive2 months ago

අමෙරිකා-බ්‍රිතාන්‍යය-ජර්මන්-යුරෝපා සංගම් තානාපතිවරු පෝලිමේ සජිත් හමුවන්න එති (VIDEO)

Exclusive2 months ago

කෝටිපති දිලිත් කෝටි 2ක් දීලා විශේෂ යානයක් හදිසියේම ඩුබායි යැව්වේ ඇයි? (PHOTOS)

Exclusive4 months ago

රනිල්ගේ UNP එකයි සජිත්ගේ UNP එකයි

Exclusive8 months ago

පොතේ හැටියට දිනන්නේ කවුද? (උපුල් ‌ජෝශප් ප්‍රනාන්දුගේ ගුරුදා විග්‍රහය)