Connect with us
Add

News

ප්‍රශ්න ගොඩක් මැද නිහඬව ඇයි මේ…? කියන්න අපෙ හාමුදුරුවනේ…

Published

on

යහපාලන ආණ්ඩුව ගෙදර යැවීමට පාර්ශ්ව කිහිපයක් දිවා – රෑ ඇපවී, කැපවී, පේවී දරදිය ඇද්ද අයුරු මේ රටේ මහ ජනතාවට අමුතුවෙන් කිවයුතු නොවේ. එම පාර්ශ්ව අතරින් විශාලම මෙහෙය ඉටු කළේ මහා සංඝරත්නයයි. උන්වහන්සේලා නැගූ හඬ පොළෝතලය ගුගුරුවා අතනිටා බ්‍රහ්ම ලෝකය දක්වාම පැතුරුණා සේය.
බුදුදහම විනාශ කරන බව උන්වහන්සේලා කියනවා. සිංහලයාගේ අයිතීන් නැති භංගස්ථාන කරන බව කියා, මහබැංකුව බින්ද චෞරයන් නිදැල්ලේ බව කියා, රට විදේශකයන්ට උකස් කරන බව කියා, දූෂණය, වංචාව ඉහළ නැඟ ඇති බව ප්‍රකාශ කළහ. පාතාල කල්ලි රට පාලනය කරන බව විස්තර කළාය. කුඩු ඔඩුදුවා ඇති බව පෙන්වා දුන්හ. ජාතික සම්පත්, මහජන දේපොළ කොල්ල කන බව කීහ. මිනීමැරුම් අධික වී ඇතැයි පැවසූහ. මහජනයාට කෑම, බීම නැතැයි කීහ. වනාන්තර කපා ජනපද ඉදිකරන බවට ගායනා කළහ.
ඒ සියල්ල මහජනයා ඉදිරියේ තැබූ මහා සංඝරත්නය විසින් ආණ්ඩුව ගෙදර යවනු ලැබුවේය.
උන්වහන්සේලා අපේක්‍ෂා කළ අරමුණ සාක්‍ෂාත් කරගත්හ.
දැන් නව ආණ්ඩුව පිහිටුවා මාස හයත්ද (6) ඉක්මවා ගොසිණි.
කවුරු මොන දේ කීවද ප්‍රශ්න විසඳුණේ නැත.
තවමත් කැලෑ කැපේ. මිනී මැරේ. දූෂණ, වංචා …. කොටින්ම කිවහොත් එදා කටයුතු අදත් සිදුවෙයි.
ආණ්ඩුවක් අලුතින් බිහි කරන්නට කැපවූ මහා සංඝරත්නය අද ඇල්මැරුණේය. නිහඬය. මුනිවත රකින්නේය. උපන් බිම හැර රට යන්නටද ඇරඹෙන්නේය. මේ පිළිබඳ මහජනයා නඟන කසුකුසු ගැන සොයා බලන්නට අදහස් කළ ‘මව්රට’ එදා දිනපතාම පාහේ මාධ්‍ය සාකච්ඡා පවත්වා ගිහියන් (මහජනතාව) ගැන මෙවැනි බණ වදාළ මහා සංඝයා වහන්සේලා සමඟ කතාබස් කළාය.
මේ උන්වහන්සේලාගේ අනුශාසනාවන්ය.

දැන්ම විරෝධය පළ කරන්න කරුණක් නෑ -ඉත්තෑකන්දේ සද්ධාතිස්ස හිමි

අපි කිසිදා වැරැදි දේ හරි කියන්නේ නැහැ. ඒ වගේම කොයි දේටත් එහෙයි කියන ප්‍රතිපත්තියක් අපේ නැහැ. දැන්ම අපි විරෝධය පළ කරන්න හෝ ක්‍රියාශීලී වෙන්න කරුණක් අපට නැහැ. ආණ්ඩුව තවම එවැනි ක්‍රියාමාර්ගයක් අරගෙන නැහැ. අපි නිහඬ වෙලත් නැහැ. නිහඬ වෙන්නෙත් නැහැ.
අපි ටිකක් ඉවසීමෙන් කටයුතු කරන්න ඕනෑ. අපේ රටත් කොරෝනා නිසා ලෝකයේ අනෙක් රටවල් වාගේම ඇදවැටුණා. ආර්ථික වශයෙන් අපේ නිෂ්පාදනය වැටුණා. කවුරුහරි චෝදනා කරන්න පුළුවනි. පසුගිය ආණ්ඩුව කාලෙ ආරම්භ කළ දේවල් නැවැත්තුවා කියලා. ඇත්ත වශයෙන් නැවැත්තුවා නෙවෙයි. අපේ ආර්ථිකය වැටුණු වෙලාවේ මහාපරිමාණයේ ව්‍යාපෘති පටන්ගන්න අමාරුයි. බැලැන්ස් එකේ ගෙනියන්න ඕනෑ ඒකයි.
මේ ආණ්ඩුවේ ඉන්න හැම කෙනකු ගැනම අපේ විශ්වාසයක් නැහැ. පරණ අප්පුහාමිලා ගැන. ඒ ගොල්ලන්ගෙ අපේක්‍ෂාව ඒකමයි. හැබැයි මේ ආණ්ඩුවට කරන්න පුළුවන් දේවල් තිබුණා. ඒ වගේම තියෙනවා. ඒවා නොකරන දේ ගැන කනගාටුයි.
ගිය ආණ්ඩුවේ තිබුණු වැරැදි හින්ද තමයි අපි ඒ ආණ්ඩුව ගෙදර යැව්වේ. මේ අයටත් ඒ ටිකම කරනවා නම් ඒක ගැන අපි නිහඬ වෙන්නෙත් නැහැ. මේ ආණ්ඩුවෙ හොරු නැහැ කියන්නෙ නැහැ. ආණ්ඩුව කළ යුතුව තියෙන දේ කරන්නෙ නැහැ කියන්නෙ උදාහරණයක් තමයි මහබැංකු කොල්ලය. කෝ බලයට එන්න බැංකු කොල්ලයට සම්බන්ධ හොරු අල්ලනවා කීවා. දැන් සද්දයක් නැහැ. හොරු ගැනයි බොරුකාර නිලධාරීන් ගැනයි අපේ විශ්වාසයක් නැහැ.

අපි රටට කළා ඇති: මම රට යනවා -මාගල්කන්දේ සුදත්ත හිමි

කවුරු කීවත් අපි නිහඬයි කියලා අපි නිහඬ නැහැ. අපි වැඩ කරනවා. කොරෝනාව ඇවිල්ල නිසා ඒකට අපට කළ හැකි දේ සීමිතයි. ඒකට සෞඛ්‍ය අංශ වෛiවරුන් ඉන්නවා. වෛiවරුන්ගේ වැඩ අපට කරන්න බැහැ.
ඔබ වහන්සේ ලංකාව අතහැරල රට යනවා කියන කතාවක් අහන්න ලැබුණා?
ඇත්ත. අපි රටට කළා ඇති. දැන් අපි අපි යනතැනට මොනවා හරි කරගන්න ඕනෑනෙ. රට ගැන කලකිරීමකින් යනවා නෙවෙයි. අපේ ජනාධිපතිතුමාට රට කරන්න ඉඩ දෙන්න ඕනෑ. තාම ඇවිල්ල මාස හයයිනේ. වැඩක් කරන්නෙ කොහොමද කොරෝනා ආවනේ.
අපේ ජනාධිපතිතුමා රටේ ආරක්‍ෂාව තහවුරු කරල තියෙනවා. සංවේදීව කටයුතු කරනවා. සිංහල රටට කළයුතු වැඩ ගොඩක් කෙරෙන්න තියෙනවා. එතුමා ඒව කරයි.
දැන් එහෙන් මෙහෙන් මිනීමැරුම් එහෙමත් ආරංචි වෙනවා
හොඳයි පසුගිය යහපාලන ආණ්ඩුව කාලෙ කොච්චර මිනිස්සු මැරුණද කියන්න. ඒ කාලෙ රට පාලනය කළේ පාතාල කල්ලියනෙ. කුඩු විකුණුවේ බන්ධනාගාරය ඇතුළෙනෙ. තැනින් තැන එක්කෙනෙක් දෙන්නෙක් යම් යම් හේතු නිසා මරාගත්තට අර කාලෙ ගානට සංසන්දනය කරන්න හොඳ නැහැ.
අපි ජනාධිපතිතුමා ගැන සම්පූර්ණ විශ්වාසයක් තියෙනවා එතුමා රටට යමක් කරනවා අපේ විශ්වාසයයි.
මහජන මුදල් කෝටි අනූවක් (90,00,00,000) ගල්කිස්සේදි වතුරෙ ගියා නේද
පිළිතුර – කවුරු මොනව කළත් ඒව මහජන සල්ලි. ඒ මහජන මුදල් නාස්තියට අපි විරුද්ධයි. ජනාධිපතිතුමා ඒවාට විසඳුම් දෙයි. මම කීවනෙ අපි ජනාධිපතිතුමාගෙ වැඩපිළිවෙළ අනුමත කරනවා. වෙන කිසිම කෙනකු ගැන අපේ විශ්වාසයක් නැහැ.

මහජනතාව පෙළගැසෙන්න ඕනෑ -ඇල්ලේ ගුණවංශ හිමි

රටේ කිසියම් දෙයක් කෙරෙනවා නම් ඒ දිහා බලා තීන්දු ගතයුත්තෙ ඡන්දෙ දීපු අය. හැමදාම අපේ මහජනතාව කළේ ඡන්දෙ දීලා නිකම් බලාගෙන ඉන්න එකයි. අපේ පරම අයිතිය බදුදීලා බලාගෙන ඉන්නවා. ඡන්දෙ දීලා බලයට පත්කරලා එක්කෝ බැණ බැණ ඉන්නවා. එහෙම නැත්නම් අඬ අඬ ඉන්නවා. එහෙම නෙවෙයි මහජනතාව පෙළගැසෙන්න ඕනෑ. එතකොට ආණ්ඩුවට හිතූහැටියට නටන්න බැහැ.
අපේ රට අපේ සංස්කෘතිය සමඟ බැඳුණු එකක්. හැම දෙයක්ම අපට සම්පතක්. ජලයත් සම්පතක්, වල්අලිත් සම්පතක්. පරිසරයත් සම්පතක්.
පහුගිය ආණ්ඩුවෙ වැරැදි නිසා ඒ ආණ්ඩුව එපා කියලා ගෙදර යැව්වා. වැරැදි ආණ්ඩුක්‍රම ව්‍යවස්ථාවකින් රට කොටස් නවයකට බෙදන්න හැදුවා. බුදුදහම කොන්කරන්න හැදුවා. සමලිංගිකත්වය නීතිගත කරන තත්ත්වයට ආවා. රටේ සම්පත් විදේශිකයන්ට විකුණන්න ලෑස්ති වුණා.
කිසියම් ඇමැතිවරයකු අක්කර සියයක් රජයෙන් බදු අරගෙන අඹ වගාවක් කරන්න හදනවා. ඒ කියන්නෙ අක්කර සියයක හොඳ ගස්ටික කපාගන්නයි හදන්නෙ?
පිළිතුර – අපි කිසියම් දේකට සීමා වෙන්න නරකයි. පත්තරයක් වුණාම එහෙම කොටුවෙන්නත් හොඳ නැහැ. මම කියන්නේ රටේ සෑම සම්පතක් ගැනම. සේරුවිල අපට රත්තරං හමුවෙලා තියෙනවා. අපි රකින්න ඕනෑ පොස්පේට් නිධිය, ත්‍රිකුණාමලයේ තෙල් ටැංකි වාගේ සෑම සම්පතක්ම ආරක්‍ෂා කළ යුතුයි. එක දේකට කොටුවෙන්න නරකයි.
මේවා රැක ගන්න මහජනතාව මැදිවිය යුතුයි. මම හැමදාම කියන්නේ ඒකයි.

අපි කොහෙත්ම නිහඬ නෑ -මුරුත්තෙට්ටුවේ ආනන්ද හිමි

අපි කොහෙත්ම නිහඬ නෑ. මේ වෙලාවෙ කොරෝනා වසංගතය ඇවිල්ලනෙ.ඒ නිසා ඒ කරදරෙන් බේරෙන්න වැඩ කරවනවා මිසක් වෙන දෙයක් කරන්න විදිහක් නෑනෙ. ආණ්ඩුව බලයට පත් වෙච්චි හැටියෙම වාගෙනෙ මේ වසංගතය ඇති වුණේ. මම මේ නුවර ඉඳන් එන ගමන් අතර මග ඉන්නෙ. පස්සෙ කතා කරන්න. තෙරුවන් සරණයි. ඉන් පසුව උන් වහන්සේ දුරකතනයෙන් සම්බන්ධ කර ගැනීමට කීපවතාවක් උත්සාහ කළද නොහැකි විය.

නිහඬයි -උඩුවේ ධම්මාලෝක හිමි

උඩුවේ ධම්මාලෝක හිමියන් ඇමතූ විට එම කාර්යාලයේ කෙනකු කතා කරන බව කී අතර අවශ්‍යතාව දැන්වුවහොත් මිස උන්වහන්සේ සමග සම්බන්ධ කළ නොහැකි බවද දුරකතනයේ ලෙඩක් ඇති බැවින් වරින්වර විසන්ධි විය හැකි බවද පැවසිණි. මේ ආණ්ඩුව බලයට පත් කිරීමට විශාල මෙහෙයක් කළ උන්වහන්සේ නිහඬව සිටින්නේ මන්දැයි සමාජ කතාබහක් කෙරෙන බැවින් ඒ ගැන විමසන්නට යැයි මව්රට කී විට පිළිතුරු වශයෙන් පසුව අමතන බව පැවසිණි. එහෙත් ඉන් පසු කිසිදු ප්‍රතිචාරයක් ලැබුණේ නැත.

ප්‍රතිචාරයක් නෑ – අතුරලියේ රතන හිමි

අතුරලියේ රතන හිමියන් දුරකතනයෙන් සම්බන්ධ කර ගැනීමට දින ගණනාවක් තිස්සේ උත්සදාහ දැරූවද පටිගත කළ හඬින් කියැවුණේ ප්‍රතිචාරයක් නැති බවය.

මම නිහඬ නෑ: නිහඬ කරවලා -ගලබොඩඅත්තේ ඥානසාර හිමි

ගලබොඩ අත්තේ ඥානසාර හිමියෝ මාව නිහඬ කරවලා මෙසේ කීහ.
මම නිහඬ නෑ. නිහඬ කරවලා. වචනයක් කතා කරන්න බෑ. බ්ලොක් කරලා. ෆේස් බුක් එක බ්ලොක් කරලා. ඒ විතරක් නෙමෙයි ජනාධිපති කොමිසමට යන්නත් වෙලා. ඒවාට විස්තර හොයා ගන්නත් වෙලා. හුස්ම ගන්නවත් වෙලාවක් නෑ. අනිත් අතට පත්තරවල දාන්නෙ මම කියන දේ නෙමෙයිනෙ. වෙනස් කරලනෙ.
නෑ අපේ හාමුදුරුවනේ අපේ පත්තරේ කාගෙවත් දෙයක් කොහත්ම වෙනස් කරන්නෙ නෑ. අකුරක්වත් වෙනස් කරන්නෙ නැතුවම පළ කරනවා. ඒ අපේ සම්ප්‍රදාය.
මොකක්ද පත්තරේ?
මම – ‘මව්රට’ පත්තරේ.
දුරකථනයෙන් බෑ. ඇවිල්ල හම්බවෙන්න.

චන්ද්‍රසේන මාරසිංහ

Continue Reading
Click to comment

Leave a Reply

Your email address will not be published. Required fields are marked *

Advertisement
Advertisement
Exclusive6 mins ago

මහින්ද-සජිත් ගැටුම උත්සන්න වෙයි

Exclusive5 hours ago

ගෝඨා පොලොන්නරුවේ ජන්ද සටනට එක්වෙයි: ගොවීන්ගෙන් ඉල්ලීම් ගොඩක්

Exclusive9 hours ago

අල්ලන කුඩු විකිණිල්ල ‘මව්රට’ හෙළි කළේ ගිය අප්‍රේල් මාසයේ

Exclusive9 hours ago

පොලිස් ‘නාකොටික්’ එකේ රෙදි ගැලවුණේ ඩුබායි මොරිල් ගහපු ගේමකින්ද?

Exclusive12 hours ago

ක්‍රිකට් ක්‍රීඩකයන්ට අපලයක්: මෙන්ඩිස් අත්අඩංගුවට

Exclusive14 hours ago

පාතාලයට අවිආයුධ ගියේ ගිනිගත් අවි ගබඩාවකින්?

Exclusive15 hours ago

නීතිපති පොලිසියට කනේ ඇඟිලි ගහගන්න දෙයි: පොලිස්පති නැඟිට යයි

Exclusive17 hours ago

ජනපති තන්තිරිමල පුදබිමේ ඖෂධ පූජාවක (PHOTOS)

Exclusive18 hours ago

දිනවිය යුතු අපේක්ෂකයන් ගැන අගමැති ලේකම්ගෙන් ප්‍රකාශයක්

Business23 hours ago

හේමාස් රෝහල් සමූහය සංචාරක ක්ෂේත්‍රය ප්‍රවර්ධනය කරයි

Exclusive11 months ago

මහේෂ්ට ජනපතිවරණයට ආරාධනාවක්

Exclusive11 months ago

සිකුරාදා රෑ කරන්න ගිය ‌මෛත්‍රිගේ අගමැති කුමන්ත්‍රණය කඩා වැටේ

Exclusive11 months ago

එජාප ඇමැතිලා 5ක් ඉවතට -අලුත් නම් 5ක් සූදානම්

Exclusive3 months ago

හිටපු ජනපති පුතා ඇඳිරි නීතිය මැද මහ රෑ දාපු පාටිය ගැන මාධ්‍යවේදිනිය ‌පොලිසියෙන් ප්‍රශ්න කරයි

Exclusive11 months ago

මහින්දගෙන් ‌ගෝඨාට නියෝගයක්

Astrology6 months ago

2020 ලග්න පලාපල ඔබට කොහොමද?

Exclusive2 months ago

අමෙරිකා-බ්‍රිතාන්‍යය-ජර්මන්-යුරෝපා සංගම් තානාපතිවරු පෝලිමේ සජිත් හමුවන්න එති (VIDEO)

Exclusive2 months ago

කෝටිපති දිලිත් කෝටි 2ක් දීලා විශේෂ යානයක් හදිසියේම ඩුබායි යැව්වේ ඇයි? (PHOTOS)

Exclusive4 months ago

රනිල්ගේ UNP එකයි සජිත්ගේ UNP එකයි

Exclusive8 months ago

පොතේ හැටියට දිනන්නේ කවුද? (උපුල් ‌ජෝශප් ප්‍රනාන්දුගේ ගුරුදා විග්‍රහය)