Connect with us
Redmi 9C
Advertisement

News

යුරෝපා සංගමය හේත්තු කරන බිත්තියට චීනය යටවෙයිද?

Published

on

චීන ජනපති ෂී ජිංපිං පසුගිය සැප්තම්බර් දාහතර (14) වැනි දින පැවති චීන-යුරෝපියානු සමුළුවට සහභාගි වූවේය. සමුළුව පැවතියේ ද චීනය සහ ඇමරිකාව අතර සම්බන්ධතා බුරුල් වෙමින් පවත්නා අවස්ථාවක වීමද විශේෂය. හෙතෙම ජර්මානු චාන්සලර් ඇන්ජලා මර්කල් යුරෝපීය සම්මේලනයේ සභාපති මයිකල් සහ යුරෝපියානු කොමිසමේ සභාපති උර්සුලා වොන්ඩර් ලෙනින් සමග සාකච්ඡාවකටද සහභාගි වූවේය.
මේ සමුළුවේ න්‍යාය පත්‍රයට යුරෝපීය චීන සත් අවුරුදු ආයෝජන ගිවිසුම පිළිබඳවද කාලගුණික විපර්යාසය, ආර්ථික වෙළෙඳ ප්‍රශ්න හොංකොං සහ මානව අයිතීන් ගැනද, ආර්ථික ප්‍රවර්ධනය, කොවිඞ් වසංගතය මෙන්ම දක්‍ෂිණ චීන ප්‍රශ්නය යන කරුණුද ඇතුළත් කෙරී තිබිණි.
චීනයේ මානව අයිතිවාසිකම් පිළිබඳව ගෞරවයෙන් යුතුව යුරෝපීය සංගමයේ මහ බලවතුන් තිදෙනා විසින් හොංකොවල ජාතික ආරක්‍ෂාව පිළිබඳව නව නීති සම්පාදනය තිබ්බතයේ සහ සිංජිඈං ප්‍රාන්තයේ මානව අයීතීන් ගැන සහ විශේෂයෙන් ප්‍රති අධ්‍යාපනික කඳවුරු සම්බන්ධයෙන් චීනය ගෙන යන ක්‍රියාකලාපය එහිදී දැඩි විවේචනයට ලක් කරනු ලැබිණි. මේ සම්බන්ධයෙන් සිංජිඈං ප්‍රාන්තයට ස්වාධින පරීක්‍ෂණ කණ්ඩායමක් යැවීමටද යුරෝපා සංගමය කටයුතු කරනු ලැබිණි.
කොවිඞ් වසංගතය සම්බන්ධව ජාත්‍යන්තර සහයෝගීතාවේ වැදගත්කම මෙන්ම ඒ සඳහා චීන සහයෝගය ලබා ගැනීමට චීනය පෙළඹවීමේ වැදගත්කම ගැනද යුරෝපා සංගමය දැඩිව අවධාරණය කෙළේය. එමතුද නොව කොවිඞ් වසංගතය මර්දනය කිරීමට එන්නතක් සෙවීම උදෙසා ගැනෙන මෙහෙය සේම වෛරසය ඇතිවීමට හේතුව සෙවීමේ වැදගත්කමද යුරෝපා සංගමය දැඩිව පෙන්නා දුන්නේය.
චීනයේ විශාලතම වෙළෙඳ පාර්ශවකරු වූ යුරෝපා සංගමය සමුළුවේදී ප්‍රධාන වශයෙන් අරමුණු කර තිබුණේ ආර්ථික ගැටළු සම්බන්ධයෙනි. ද්විපාර්ශවීය දෛනික වෙළෙඳ ප්‍රමාණය – වොලියුම- යූරෝ බිලියනය ඉක්මවන්නකි. ගෝලීය වෙළෙඳ ප්‍රතිපත්ති විශාල ප්‍රමාණයක් පසුගිය කොරා්නා වසංගත සමයේදී චීනය විසින් උල්ලංඝනය කරන ලද බවට සමුළුවේදී චීනයට චෝදනා කළ යුරෝපා සංගමය රටේ (චීන) ක්‍රියාකලාපය දැඩි දෝෂදර්ශනයටද ලක් කෙළේය.
අනතුරුව පැවති මාධ්‍ය සාකච්ඡාවට චීන අගමැති ෂී ජිංපිං සහභාගි වූයේද නැත. මේ අතරතුරේ චීන විදේශ ඇමති වැං යි සහ දේශපාලන බල මණ්ඩලයේ සාමාජික ජෙයචි චීනය සහ සහ යුරෝපා සංගමය අතර පවත්නා බැඳීම් තවත් වර්ධනය කර ගැනිමේ අපේක්‍ෂාවෙන් යුරෝපා රටවල සුහද සංචාරයකද යෙදිණි. යුරෝපා සගමය මානව අයිතිවාසිකම් සහ කොවිඞ් වසංගතයේ මූලාරම්භය පිළිබඳව මහත් උනන්දුවක් දැක්වුවද චීනය උත්සාහ දැරුවේ ඒ මාතෘකා මගහැර දැමීමටය. එසේම ඒ සාකච්ඡාවලට දැක්වූවේ ඇල්මැරුණු ස්වභාවයකි.
යුරෝපා සංගමය මානව අයිතීන් පිළිබඳව මතු කළ කරුණු තුට්ටුවකට හෝ මායිම් නොකර චීනය කටයුතු කරන්නේ නම් එයම චීනයට පාරාවළල්ලක් වන බවට ඉඟි පහළ වෙමින් තිබේ. එසේම යුරෝපා සංගමයේ ආර්ථික නායකත්වය පිළිබඳ කරුණු ගැනද එතරම් මනාපයක් චීනය නොදක්වන්නේ නම් නුදුරු අනාගතයේදී යුරෝපය සහ චීනය අතර වෙළෙඳ යුද්ධයකට මං පැහැයෙන කුපිත කිරීමක් වන්නේය. කෙසේ වෙතත් මේ වන විට යුරෝපා සංගමය ද චීනය කෙරෙහි ඇමරිකාව ගෙනයන ආර්ථික සම්බන්ධතා අත්හැර දැමීමේ සිදධාන්තයම අනුගමනය කරන බව පෙනෙන්නට ඇත. යුරෝපා සංගමය සමග බිඳී ගිය ඇඟෑලුම්කම යළි ඇතිකර ගැනීමට චීනය තැතනුවත් සමුළුවේදී යුරෝපා සංගමය ක්‍රියාත්මක කළ චර්යාපද්ධතිය අනුව නම් සංගමය විසින් ගෙනයනු ලබන්නේ චීනය කොන්කරනු ලැබ බිත්තියටම හේත්තු කිරීමේ පිළිවෙතක් බව නම් පැහැදිලිය.

පරිවර්තනය වසවත් මාර

Advertisement
Advertisement
Exclusive1 year ago

මහේෂ්ට ජනපතිවරණයට ආරාධනාවක්

Exclusive1 year ago

සිකුරාදා රෑ කරන්න ගිය ‌මෛත්‍රිගේ අගමැති කුමන්ත්‍රණය කඩා වැටේ

Exclusive1 year ago

මහින්දගෙන් ‌ගෝඨාට නියෝගයක්

Exclusive7 months ago

හිටපු ජනපති පුතා ඇඳිරි නීතිය මැද මහ රෑ දාපු පාටිය ගැන මාධ්‍යවේදිනිය ‌පොලිසියෙන් ප්‍රශ්න කරයි

Exclusive1 year ago

එජාප ඇමැතිලා 5ක් ඉවතට -අලුත් නම් 5ක් සූදානම්

Astrology10 months ago

2020 ලග්න පලාපල ඔබට කොහොමද?

Astrology11 months ago

ඔබේ සහකරු ඉන්න තැන මෙන්න

Mahawanshaya1 year ago

ගම්දනාව බියවද්දමින් උලමා හොයන දේ

Exclusive5 months ago

අමෙරිකා-බ්‍රිතාන්‍යය-ජර්මන්-යුරෝපා සංගම් තානාපතිවරු පෝලිමේ සජිත් හමුවන්න එති (VIDEO)

Exclusive6 months ago

කෝටිපති දිලිත් කෝටි 2ක් දීලා විශේෂ යානයක් හදිසියේම ඩුබායි යැව්වේ ඇයි? (PHOTOS)