චීන අත්‍යන්ත බස්නාහිර සිංජිඈං කලාපයේ කටයුතු කළ ආකාරය පිළිබඳ එක්සත් ජනපදය, මහා බි්‍රතාන්‍යය, යුරෝපා සංගමය සහ කැනඩාව යන රටවලින් පවා පැසසුම් ලත් පනස්අට හැවිරිදි ජ්‍යෙෂ්ඨ නිලධාරි වෑන්ං ජන්ෂේං, තම පක්‍ෂයේ තිබ්බත ස්වතන්ත්‍ර කලාපීය නායකයා වශයෙන් උසස්වීමක්ද සමග චීන කොමියුනිස්ට් පක්‍ෂය විසින් පත්කරනු ලැබ ඇත.
නවදිල්ලිය පමණක් නොව ලෝකය පුරා සිටින මානව අයිතීන් පිළිබඳ, කණ්ඩායම් පවා මේ පත්වීම නිසා “සත්‍ය පරිපාලන තීරුව” නමින් හැඳින්වෙන “නැගෙනහිර ලඩ්කා සීමාවේ ගැස්ම” කවර මාර්ගයකට ප්‍රවේශවේ දැයි යන්න ගැන ඉතා උනන්දුවෙන් බලා සිටින බව “චෛනා මෝනිං” පුවත්පතේ පුවතක් උපුටා දක්වන “වියොන්” මාධ්‍ය කියයි.
“සත්‍ය පරිපාලන තීරුවට” සමීප චීන ඉසව්වේ මේ වන විට චීන විමුක්ති හමුදාවේ ක්‍රියාකාරකම්වල සහ අභ්‍යාසවල වර්ධනයක් දක්නට ඇතැයි ඉන්දියාවේ නැගෙනහිර හමුදා ආඥාපති ලුතිනන් ජෙනරාල් මනෝජ් පාණ්ඩේ පසුගිය අඟහරුවදා ප්‍රකාශ කෙළේය.
“සත්‍ය පාලන තීරුවට” ඔබ්බෙන් ලඩ්කා ප්‍රදේශය හරහා කෙරෙන අභ්‍යාසවල වැඩිවීමක් පේන්න තියෙනවා. ඒ සීමාවට ටිකක් දුරින්. ඒ වාගේම දේශසීමා රැකීමේ යෙදී සිටින හමුදා කණ්ඩවලද කිසියම් අන්දමක ක්‍රියාකාරකම්වල වර්ධනයක් වාර්තා වී තියෙනවා” ආඥාපතිවරයා කියයි.
චීන විමුක්ති හමුදාව පවත්වන වාර්ෂික යුද හමුදා පුහුණු අභ්‍යාසවල මට්ටම බොහොම ගැඹුරින් කෙරෙන බව පැහැදිලියි. ඒ පළමු වැනි කරුණ.
දෙවැනි කරුණ, “මේ දිනවල ඒ අයගෙ සංචාරක මුර සේවා නැවත එක්තැන්ව සිටින අන්දමක් පෙනුණත් ඒ අයගෙ පුහුණු කටයුතුවල වර්ධන වේගය නම් වැඩි”යැයි ආඥාපතිවරයා මාධ්‍යයට ප්‍රකාශ කෙළේය.
“සත්‍ය පාලන තීරුවට” ආසන්න වෙන්නට දෙපාර්ශ්වයම එකිනෙකා පරයමින් යටිතල පහසුකම් වර්ධනය කර ගන්නවා. හැබැයි එසේ කිරීමේදී සුළු සුළු සිද්ධීන් ඇතැම් අවස්ථාවල සිදුවෙන බව වාර්තා වෙලත් තියෙනවා.
“මේ යටිතල පහසුකම් වර්ධනය වීමත් සමගම සීමා රැක්මේ යෙදී සිටින හමුදා කණ්ඩවල වර්ධන වේගයද අතිවේගයෙන් ඉහළයාමද පෙනෙන්නට තියෙනවා” යැයි හෙතෙම වැඩිදුරටත් සඳහන් කෙළේය.
භූමියේත්, ගුවනේත්, රොකට් බලය ආදී සියල්ල යොදාගනිමින් දීර්ඝ වශයෙන් මෙන්ම සංකීර්ණාත්මකව ඒකාබද්ධ යුද අභ්‍යාස කිරීම චීන පාර්ශ්වයේ විශේෂ ලක්‍ෂණයකි. ඒ ආඥාපතිවරයාගේ අදහසයි.
චීන විමුක්ති හමුදාව ඒ අන්දමින් ක්‍රියාකරද්දී තම පාර්ශ්වයද එන ඕනෑම තත්ත්වයකට මුහුණ දීමට සූදානමින් සිටින බව ඔහු ප්‍රකාශ කෙළේය.
අපේ කඳුකර හමුදා ප්‍රහාරක කණ්ඩායම ආරම්භ කළේ 2014දී. මේ වන විට අවශ්‍ය ප්‍රමාණයට ශක්තිමත් කළා. ඒ සංඛ්‍යාත්මකව, මෙහෙයුම් ක්‍රියාකාරී බලයෙන් සහ අවි ආයුධ ප්‍රමාණයෙන්.
ඊට ප්‍රහාරක කණ්ඩායම්, සහායක ප්‍රහාරක කණ්ඩායම් ආදී වශයෙන් අවශ්‍ය සෑම කණ්ඩායමක්ම ස්ථාපනය කරල තියෙනවා. ඒවාට අවශ්‍ය සියල්ලමත් සපයලා තියෙනවා.
කඳුකර ප්‍රහාරක කණ්ඩායම් ගතවූ වර්ෂ ගණනාව පුරාම සියලු අතින්ම පිරිපුන් තත්ත්වයට ළඟාවී සිටිනවා. ඒ අයට දැන් අවශ්‍ය ප්‍රායෝගිකත්වයට මුහුණ දීමටයි.
ඔවුනට අවශ්‍ය ආවේක්‍ෂණ (සුපරීක්‍ෂාකාරී නිරීක්‍ෂණය) ක්‍රමෝපායන් සියල්ල ලැබෙන්නෙ චන්ද්‍රිකා තාක්‍ෂණ මට්ටමෙන්.
එන ඕනෑම තත්ත්වයකට මුහුණ දීමට අපි බලාගෙන ඉන්නවා. අපි ඒ සඳහා සෑම අතකින්ම සර්ව සම්පූර්ණයි” ආඥාපති ජෙනරාල් මනෝජ් පාණ්ඩේ ප්‍රකාශ කෙළේය.
චන්ද්‍රසේන මාරසිංහ
