ජනපති-අගමැති තුන්වැනි තැනට

රජයේ එන්නත් කිරීමේ වැඩසටහනේදී ජනාධිපති ගෝඨාභය රාජපක්ෂ සහ අගමැති මහින්ද රාජපක්ෂ යන මහත්වරුන්ට කොරෝනා එන්නත ලබා දෙන්නේ තුන්වන අදියරේදී බව වාර්තා වේ.

පළමු අදියරේදී ඉදිරි පෙළ සෞඛ්‍ය සේවකයින්ට එන්නත් ලබා දෙන අතර, පළමු අදියරේදී කොවිඩ් -19 ට එරෙහි සටනේ ඉදිරි පෙළ ආරක්ෂක අංශ සාමාජිකයින් හට එන්නත ලබා දෙන අතර තුන්වන අදියරේදී වයස අවුරුදු 60 ට වැඩි වැඩිහිටියන් හට එන්නත ලබා දෙනු ඇත.

කොවිඩ් -19 එන්නත් කමිටුවේ සභාපති සහ ජ්‍යෙෂ්ඨ ජනාධිපති උපදේශක ලලිත් වීරතුංග මහතා සඳහන් කළේ එන්නත ලබා ගන්නා අය අතර ජනාධිපතිවරයා සහ අගමැතිවරයා ප්‍රමුඛතා ලැයිස්තුවේ ඉහළින්ම නොසිටීම තීරණය කිරීමේදී මෙරට දේශපාලන හා සමාජ සංස්කෘතික භූමි යථාර්ථයන් සලකා බැලූ බවයි.

යම් හෙයකින් ඔවුන්ට වෙනත් රටවල මෙන් මුලින්ම එන්නත ලබා දුනහොත් එය ඇතමුන් දේශපාලන මෙවලමක් ලෙස පහර ගැසීමට උපයෝගී කර ගත හැකි බවද වීරතුංග මහතා පෙන්වා දී ඇත.