ජනතා විමුක්ති පෙරමුණ සදහා නව නායකයකු පත් කරගැනීම සම්බන්ධයෙන් එම පක්ෂය අවසන් තීන්දුවක් ගෙන ඇති බව දැනගන්නට තිබේ.
අනුර කුමාර දිසානායක මහතා ඉකුත් ජනාධිපතිවරණ‌යේදී පරාජයට පත්වී‌මෙන් අනතුරුව පැවැති පළමු දේශපාලන මණ්ඩල රැස්වීමේදීම ඒ මහතා සිය පක්ෂ නායකත්වයෙන් ඉල්ලා අස්වීම ප්‍රකාශයට පත් කිරීම මේ සදහා හේතු වී ඇති බව දැනගන්නට තිබේ.
එහිදී අනුර කුමාර දිසානායක මහතා පක්ෂයට දැනුම් දී ඇත්තේ ඊළග නායකයා ලෙස බිමල් රත්නායක මහතා පත් කරන ලෙස තමන් යෝජනා කර සිටින බවකි.
නමුත් ඒ අවස්ථාවේදී රැස්වීමේ සිටි තවත් පිරිසක් ප්‍රකාශ කොට ඇත්තේ නායකත්වය සදහා කේ.ඩී. ලාල්කාන්ත මහතා පත් කළ යුතු බවකි.
ඒ අනුව නව නායකත්වය සම්බන්ධයෙන් අවසන් තීන්දුවක් ගෙන නොමැති අතර නව නායකයකු පත් කරන තෙක් අනුර කුමාර දිසානායක මහතා යටතේම පක්ෂ නායකත්වය තැබීමට තීන්දු වී ඇත.
කෙසේවෙතත් ඉදිරි සති කිහිපය ඇතුළත නියත වශයෙන්ම ජවිපෙට නව නායකයකු පත් කොට එළඹෙන මහමැතිවරණය එම නායකත්වය යටතේ මෙහෙයවීමට පක්ෂය තීන්දු කර ඇති බවද දැනගන්නට තිබේ.
