Connect with us
Advertisement
e-News Paper

News

මම එන්නෙ ඩුබායි රටේ ඉඳලා සල්ලි ‌හොඳට හම්බ කරලා ලොතරැයියේ සල්ලි මා ළගයි..

Published

on

මිනිසුන්ගේ ජීවිත ක්ෂණයකින් අපි නොහිතන වෙලාවක දෛවය විසින් වෙනස් කරනවා. රටේ එක් පිරිසක් නැතිබැරිකම් අගහිඟකම් විඳිනකොට තවත් පිරිසක් සුඛෝපභෝගී ජීවිත ගෙවනවා. දුක්ඛිත ජීවිතවලින් ගොඩ එන්නට අපි නොයෙකුත් උත්සාහයන් දරනවා. එලෙස දුක්විඳින සමහර ජීවිත වෙනස් වන්නට යන්නේ ඉතා සුළු මොහොතක්. ඒ උත්සාහයන් සාර්ථක වන අවස්ථා ඇති බව මේ සිද්ධියෙන් අපට තේරුම් යනවා. සමහර වෙලාවට ජීවිත වැටෙනවා බින්දුවටම. ඒත් ආපහු නැගිටින්නේ හිතේ හයියෙන් නොහිතන මොහොතක ජීවිත උඩියටිකුරු කරගෙනයි. බුදු දහමට අනුව අපි සියල්ලන්ම ගෙනා කර්ම ශක්තිය මතයි. ඒ දෙවල් විසඳෙන්නේ අපිට අදහාගන්න බැරි විදියටයි. ඒ වගේ කතාවක් පසුගියදා අසන්නට ලැබුණා.

මොහොමඩ් මිෂ්ෆක්, රැකියාවක් සඳහා ඩුබායි බලා යන්නේ වයස අවුරුදු 26දීයි. දැන් ඔහුගේ වයස 36ක්. ඔහු ශ්‍රී ලාංකිකයෙක්. මිෂ්ෆක් අවුරුදු 10ක් තිස්සේ රැකියාව කරන්නේ ඩුබායිවල පෞද්ගලික ආයතනයක අලෙවි නිලධාරියකු ලෙසයි. මාසික වැටුප වශයෙන් ලැබුණේ ඩිරාම් 7,000ක මුදලකි. ඔහුට විශාල බලාපොරොත්තුවක් වගේම ආශාවක් තිබුණා තම බිරියව සහ දරුවන් දෙදෙනාව එක මොහොතකට හරි ඩුබායි රටට නිවාඩුවකට ගෙන්වා ගන්න. ඒත් ඒ බලාපොරොත්තුව ඉෂ්ට කරගැනීමට නොහැකි වූයේ ඔහුට සරිලන වැටුපක් නොලැබුණු නිසයි.

මේ අතර මිෂ්ෆක් තම මිතුරන් 20 දෙනකු දායක කරගෙන අබුඩාබිහි දිනුම් අදින “බිග් ටිකට්” නම් ලොතරැයියක් මිලදී ගෙන තිබුණේ එයින් හෝ ජීවිතය ගොඩයන්නට හැකි වේ යැයි හිතේ හීනයක් ඇතිවයි. ඒ ලොතරැයිය තනිව මිලදී ගන්නට පවා ඔහුට හැකියාවක් තිබුණේ නැහැ.

අබුඩාබිහි “බිග් ටිකට්” ලොතරැයිය ඒ රටේ සෑම මසකම 03 වැනිදා දිනුම් අදිනු ලබනවා. දැනට අවුරුදු 29ක් (1992 වර්ෂයේ) තිස්සේ මෙම ලොතරැයිය දිනුම් අදිනවා. මෙහි ත්‍යාග වශයෙන් ඩිරාම් මිලියන 10 සිට ඩිරාම් මිලියන 20 දක්වා ජයග්‍රාහකයන්ට ත්‍යාග පිරනමනවා. මේ ලොතරැයියෙන් බොහෝ දෙනකුගේ සිහින සැබෑ කරගන්නට හැකිවෙනවා. මෙම ටිකට්පතක මිල වනුයේ ඩිරාම් 500කි. (ශ්‍රි ලංකා මුදලින් රුපියල් 26,500/-කි) මෙම මුදලට වැට් අගයද එකතු කරලයි ටිකට් පත අලෙවි කරන්නේ. සමහර අවස්ථාවලදී ලොතරැයි 02ක් මිලදීගත් විට අමතර ටිකට්පතක් නොමිලයේ ලබාදෙනවා. මෙයින් දිනුම් අවස්ථා තුනක් උදාකරයි. ඒ අනුව පසුගිය මැයි 03 වැනිදා 227 වැනි දිනුම් ඇදීමේ වාරයේ දී ප්‍රථම ජයග්‍රාහණය හිමිවුණේ ශ්‍රී ලංකාවේ මොහොමඩ් මිෂ්ෆක්ටයි. ඔවුන් මේ ලොතරැයිය මිලදී ගන්නේ දැනට අවුරුදු 1 1/2ක සිටයි. මේ දිනුම් ඇදීමේ පළමු ත්‍යාගය වන ඩිරාම් මිලියන 12ක මුදලක් ජයග්‍රහණය කිරීමට ඔවුන් වාසනාවන්ත වුණා.

ලොතරැයියේ සෙසු ත්‍යාග අබුඩාබිහි සේවය කළ විවිධ රටවල පුද්ගලයන්ට හිමිවුණා. ඒ අනුව දෙවැනි, තෙවැනි, හයවැනි සහ අටවැනි ත්‍යාග සමග මෝටර් රථ ජයග්‍රහණය ඉන්දියාවේ පුද්ගලයන්ටද, හතරවැනි ත්‍යාගය ඩුබායිවල පුද්ගලයෙයකුටද, පස්වැනි ත්‍යාගය පකිස්ථානයටද, හත්වැනි ත්‍යාගය පිලිපීනයටද වශයෙන් ජයග්‍රහණ හිමිවුණා.
දිනුම් අදින අවස්ථාවේ මිෂ්ෆක් සිටියේ සිය මවුබිම වන ශ්‍රී ලංකාවට පැමිණයි. ඒ තම පියාගේ ශල්‍යකර්මයට මුදල් සොයාගැනීමට නොහැකිව අසීරු මොහොතකයි. ඔහු නොසිතන මොහොතක දුරකතන ඇමතුමක් ඔහුට ලැබුණා. ඒ, අබුඩාබිහි බිග් ටිකට් ලොතරැයිය දිනුම් ඇදීම ඉදිරිපත් කරන රිචඩ් ඉසාක් සහ බව්ච්රා ගෙන්. ඒ, පළමු ත්‍යාගය වන ඩිරාම් මිලියන 12ක මුදල (ශ්‍රී ලංකා මුදලින් ආසන්න වශයෙන් රුපියල් මිලියන 643 හෙවත් කෝටි 64ක් පමණ වේ) ජයග්‍රහණය කිරීමට මිෂ්ෆක් සමත්ව ඇති බව දන්වමින්. අනුක්‍රමික අංකය 054978 වශයෙන්ද ඔහුට දැනුම් දුන්නා. මෙයින් ඔහුට ඉවසුමක් නැතිවුණා. සතුටෙන් ඉපිල ගියා. මේ අතරතුර ඔහුට දුරකතන ඇමතුම් විශාල ප්‍රමාණයක් ගලා ආවා. ඔහුට දැනෙන්නට ඇති මේ මුළු ලෝකේම ඔහු අතට පත්වුණා වගේ. ඒ අවස්ථාවේ දුරකතනයෙන් ඔහු හැඟීම් ප්‍රකාශ කළේ මෙහෙමයි.

“මගේ කොටස ඩිරාම් 600,000ක් (ශ්‍රී ලංකා මුදලින් ආසන්නව රුපියල් 31,800,000 පමණ වන අතර) මේ සඳහා මම කෘතඥපූර්වක වෙනවා. මගේ පියා ශල්‍යකර්මයකට භාජන වුණා. මේ මුදල් එයට වියදම් කරන්න පුළුවන් වීම ලොකු පහසුවක් වෙනවා. ටිකට් පතට දායක වූ අනෙක් අය මා මෙන්ම අතිශයින් සතුටට පත්ව සිටිනවා. හැකි ඉක්මනින් තෑගි මුදල ගන්න කියලා ඔවුන් මට කිව්වා. මගේ අඩු වැටුප නිසා මගේ පවුල ඩුබායි ගෙන ඒමට මට නොහැකි වුණා. මම දිනුවා යැයි කීමට රිචඩ් මට කතා කළ විට, මගේ සතුටට සීමාවක් නැති වුණා” යනුවෙන් මිෂ්ෆක් තම සතුට ප්‍රකාශ කර තිබුණා.

ඔහු කියා සිටියේ දිනාගත් මුදලින් වැඩි ප්‍රමාණයක් තම පවුලේ මූල්‍ය ගැටලු විසඳීමට සහ තම බිරියට සහ දරුවන් දෙදෙනාට ගෙයක් සාදා දීමට යොදවන බවයි.

වැඩිපුර සල්ලි ලබන්න බොහෝ අය කැමතියි. ඒ මුදල් අපි යහපත් ලෙස ඉපයිය යුතුයි. ඒ වගේම මුදල් නිසි කළමනාකරණයක් නොකළහොත් ලැබුණු දෙයින් ප්‍රතිඵලයක් නැතුව යනවා. එක රැයකින් ඔහුගේ ජීවිතය වෙනස් කරගැනීමට ඔහුගේ දෛවයට හැකිවුණා. ඒ ඔහුගේ උත්සාහය සහ වාසනා ශක්තිය නිසයි. ඔහුට සමෘද්ධිමත් ජීවිතයක් ළඟාකරගන්න ශක්තිය ධෛර්ය මෙන්ම අප සියලු දෙනාගේ ආශීර්වාදය ලබාදෙමු.

නිලන්ති රේණුකා

Exclusive2 hours ago

දුමින්දට වුණේ අසාධාරණයක්! සමාව දීම සාධනීය තත්ත්වයක්!! නාමල් දුමින්ද වෙනුවෙන් එළියට එයි!!!

Exclusive2 hours ago

තාත්තගේ උපන්දිනේට සජිත් පුතාගෙන් බලපිටි රෝහලට ලක්ෂ 36ක තෑගි! (VIDEO & PHOTO)

Exclusive2 hours ago

මරණ 45ක්! ආසාදිතයන් 1917ක්!

Exclusive2 hours ago

හිරගෙවල්-නීතිය-විනිසුරන් මොකටද? හිරුණිකා ජනපතිට ලියුමක් යවයි!

Exclusive3 hours ago

තෙල් මිල පහළ දැමීම ගැන ඉහළ පෙළේ සාකච්ජාවක්!

Exclusive5 hours ago

දුමින්දගේ නිදහසින් පසු මරණ දඩුවම නියම වූ 70ක් වර්ජනයක් අරඹයි!

Exclusive5 hours ago

දුමින්දට නිදහස දුන් ක්‍රමවේදය පැහැදිලි කරන්න: නීතීඥ සංගමය ජනපතිට ලියයි!

Exclusive7 hours ago

ජනපතිගෙන් හෙට විශේෂ ප්‍රකාශයක්!

Exclusive8 hours ago

දුමින්දට දුන් නිදහස අමෙරිකාවෙන් හෙළා දකී!

Exclusive8 hours ago

මහින්ද පෙහෙවස් සමාදන් වෙයි!

Exclusive8 hours ago

ශිරන්ති පොසොන් දවසෙ ‘මෙත් මල් පිබිදේවා’ කියයි! (VIDEO)

Exclusive9 hours ago

නීතියක් නැති අශිලාචාර තැනකට රට අරන් යනවා! දුමින්ද නිදහස් කිරීම අධිකරණයටත් කළ අපහාසයක්!

Exclusive10 hours ago

‘ඝාතකයා නිදැල්ලේය… යුක්තිය නැති රටකට හිරු පායන්නේ නැත! -භාරතගේ බිරිය විරෝධය පායි!

Exclusive10 hours ago

දුමින්ද එළියට එන ෆොටෝ මෙන්න! (PHOTOS)

Heart10 hours ago

කාලයත් එක්ක හැම ප්‍රශ්නයකටම පිළිතුරු ලැබෙයි…

Exclusive12 hours ago

ප්‍රසිද්ධ නිළියක් එක්ක ලිංගික දර්ශන කතා කළ ‘මහාචාර්ය සුනිල් ආරියරත්න’ රිමාන්ඩ්!

Exclusive12 hours ago

බැසිල් ආවා.. දැන් සහන දෙනවා… ඇමැති ලන්සා කටුනායක සිට කියයි! (VIDEO)

Exclusive12 hours ago

විශේෂ ජනපති සමාවකින් දුමින්ද නිදහස්

Exclusive13 hours ago

බැසිල් පිළිගන්න ප්‍රසන්න-ලන්සා ගිහින්!

Exclusive14 hours ago

රනිල් සජිත්ට කරන්න යන දේ ගැන නාමල්ගෙන් ප්‍රකාශයක්!

News

One of the best Sri Lanka Latest News Website AKA mawratanews.lk. Copyright © 2019 -2021 Free Media Independent Networks Pvt Ltd, All Rights Reserved.
Solution by hodama