Connect with us
Advertisement

News

මාබල් බීච් අක්කර 25කට සංචාරක සභාපතිනිය පැටලෙයි

Published

on

ත්‍රිකුණාමලයේ මාර්බල්බීච් වෙරළාසන්නයේ රජයේ ඉඩමක් කිසියම් කෙනකුට (පෞද්ගලික) පවරාදීම සම්න්ධයෙන් උද්ගතව ඇති අර්බුදකාරී තත්ත්වය පිළිබඳව නීතිමය උපදෙස් පැතීමට සංචාරක සහ සිවිල් ගුවන් සේවා අමාත්‍ය ප්‍රසන්න රණතුංග මහතා කටයුතු කර ඇත.
යථෝක්ත භූමි කොටස සම්බන්ධව තමන්ට මුහුණ පෑමට සිදුවී ඇති අර්බුදකාරී තත්ත්වය විසඳාගැනීමට මැදිහත් වෙන වෙන ලෙසට පසු ගිය විසි පස් වැනිදා (2020.07.25) ශ්‍රී ලකා සංචාරක සංවර්ධන අධිකාරිය විසින් සිය අමාත්‍යාශයට යොමු කරන ලද ලිපියක් නිසා මෙසේ අමාත්‍යාංශය ක්‍රියා කිරීමට තීරණය කර ඇත.

“ගත වූ වර්ෂ ගණනාවක් තිස්සේ ශ්‍රී ලකා සංචාරක සංවර්ධන අධිකාරියට ඉඩම් පවරා ගැනීම සම්බන්ධයෙන් ආරම්භ කර ඇති කටයුතු මෙතෙක් නිමා කෙරී නෑ. ඊට හේතුව මීට පෙර එම ඉඩම් අපේ අධිකාරිය විසින් භුක්ති විඳින ලද නැති නිසා පමණක් නොවෙයි. ඒ සම්බන්ධව නීතිමය ගැටලුත් තියෙන නිසයි. අනෙක් අතට මේ ඉඩම්වලින් ඇතැම් ඒවා ඒවායේ නියම හිමිකරුවන්ටම ආපසු දිය යුතුව තිබෙනවා” යැයි අමාත්‍ය ප්‍රසන්න රණතුංග මහතා හැහැදිලි කළේය.
දැනගන්නට ලැබෙන අන්දමට අර්බුදයට පාදක වී ඇති සිද්ධිය මෙසේය.
ත්‍රිකුණාමලයේ මාර්බල් බීච් වෙරළාසන්නයේ වපසරිය අක්කර විසි පහක (25) ඉඩමක් තිබේ. සංචාරක ආකර්ෂණීය ඉඩම ප්‍රාදේශීය ලේකම්වරයාගේ පාලනයට අයත්ය.
එම ඉඩම ශ්‍රී ලංකා සංචාරක සංවර්ධන අධිකාරියේ සභාපතිනි කිමාලි ප්‍රනාන්දු විසින් සිය සැමියා වන හෝටල් කර්මාන්තකරුවකු වන මලික් ප්‍රනාන්දු යන අයට සංචාරක හෝටලයක් ආරම්භ කිරීම සඳහා පවරා දීමට කටයුතු කරනු ලබන බවට පුවතක් සමාජ මාධ්‍ය ඔස්සේ පසු ගිය දින ගණනාක් තිස්සේ සංසරණය වූවේය.
මේ සම්බන්ධව “මව්රට” කළ විමසීමෙන් පසුව ශ්‍රී ලකා සංචාරක සංවර්ධන අධිකාරියේ අධ්‍යක්‍ෂ ජනරාල් ධම්මිකා විජේසිංහ මහත්මිය මෙසේ ප්‍රකාශ කළාය.

මේ කරුණ සම්බන්ධයෙන් අධ්‍යක්‍ෂ මණ්ඩලයේදී සාකච්ඡා කිරීමට ගත් අවස්ථාවේදී “මේ ඉඩම මගේ සැමියා මිලදී ගැනීමට කටයුතු කරන නිසා අධ්‍යක්‍ෂ මණ්ඩලයේ මේ රැස්වීමට මම සිටින එක සුදුසු නෑ” කියමින් අධිකාරියේ සභාපතිවරිය සාකච්ඡාවට නොසිට ඉවත්ව ගියා.
ඉඩමට සම්බන්ධ පසුතලය
අක්කර විසි පහක (25) වපසරිය ඇති ඉඩම එක්දහස් නමසිය හැට අටේ (1968) සංචාරක සංවර්ධන පනත අනුව සංචාරක සංවර්ධන අධිකාරියට පැවරුණු බලතල පරිදි එම අධිකාරියට පවරා ගැනීමට කටයුතු කර තිබේ. ඒ අනුව ත්‍රිකුණාමලයේ දිසා ලේකම්ද (දිසාපති) 1950 ඉඩම් පවරා ගැනීමේ පනත අනුව රාජකාරි ආරම්භ කර ඇත. එහෙත් කිසියම් අදෘශ්‍යමාන හේතූ සමුදායක් නිසා අපේක්‍ෂිත කාර්යභාරය (ඉඩම පවරා ගැනීම) ඉටු කර ගැනීමටද නොහැකි වී ඇත. එසේම කිසිම ඉල්ලුම්කරුවකුට හෝ කිසිම වන්දි මුදලක් හෝ ගෙවා නැත. මේ ඉඩම එක් දහස් නමසිය අසූ දෙකේ පටන් (1982) සංචාරක මණ්ඩලය සතු වුවත් ඉඩම සංචාරක කටයුත්තකට හෝ සංචාරක කර්මාන්තයට ඇඳුණු ව්‍යාපෘති කටයුත්තකට හෝ එදා මෙදාතුර යොදා නොගත් බවද අනාවරණය වී තිබේ.
ඉඩම පවරා ගැනීමේ කටයුත්ත සර්ව සම්පූර්ණව ඉෂ්ට සිද්ධ කර ගැනීමට නො හැකිවීමේ එක් කරුණක් නම් අදාල කාර්යයට අවශ්‍ය ලිපි ලේඛන සංචාරක මණ්ඩලය හෝ සංවර්ධන අධිකාරියේ හෝ ත්‍රිකුණාමලයේ දිස්ත්‍රික් ලේකම් කාර්යාලයයේ (දිසාපති කාර්යාලයයේ) හෝ සොයා ගැනීමට නොතිබීමයි.
පොන්නයියා අයිතිවාසිකම් කීම
ත්‍රිකුණාමලයේ පදිංචි රොහාන් පොන්නයියා නමැති පුද්ගලයකු මෙන්න මේ අවස්ථාවේදී ඔන්න ඔය කියන ඉඩමේ අයිතිය තමාට ඇති බව කියමින් ඉඩම නීත්‍යනුකූලව නිදහස් කර ගැනීම සඳහා ඉඩම් සහ ඉඩම් සංවර්ධන අමාත්‍යාංශයෙන් අදාළ කටයුතු කර ගැනීමට අවශ්‍ය බැවින් ඒ සඳහා අවසරය ලබාදෙන ලෙස සංචාරක සංවර්ධන අධිකාරියෙන් ලිඛිතව ඉල්ලීමක් කර තිබේ. සංචාරක හෝටල් ව්‍යාපෘතියක් ආරම්භ කිරීම උදෙසා ඉඩම තමාට අවශ්‍ය බවද ඒ ඉල්ලීමේ සඳහන් කර ඇත.
පොන්නයියා ඉඩම ඉල්ලීම සම්බන්ධයෙන් සංචාරක සංවර්ධන අධිකාරියේදී සහ ත්‍රිකුණාමලය දිස්ත්‍රික් පාර්ලිමේන්තු මන්ත්‍රී සහ එවකට රාජ්‍ය අමාත්‍ය සුසන්ත පුංචිනිලමේ මහතාගේ කාර්යාලයේදීද කීපවරක්ම සාකච්ඡා කෙරුණ බවද වාර්තා වී තිබේ. යථෝක්ත කරුණ සම්බන්ධව අවසාන වරට සාකච්ඡාවක් පැවැත්වී ඇත්තේ පෙබරවාරි විසිඅට වැනිදා වර්තමාන අමාත්‍ය ප්‍රසන්න රණතුංග මහතාගේ ප්‍රධානත්වයෙනි.
කෙසේ වෙතත් මේ දක්වා ප්‍රස්තුත කරුණ (ඉඩම) පිළිබඳව අවසාන තීරණයක් නැති බව සඳහන් කරන සංචාරක සංවර්ධන අධිකාරිය මේ ස්ථානය සංචාරක කර්මාන්තය වෙනුවෙන් මාහැඟි (මහා අනර්ඝ) ස්ථානයක් බවද ඉල්ලුම්කරුගේ නම (රොහාන් පොන්නයියා) ඉඩමට සම්බන්ධ මිනුම්පතිගේ කිසිම වාර්තාවක කිසිම තැනක සඳහන් කර නැති බවද අධ්‍යක්‍ෂ මණ්ඩල වාර්තාවල සඳහන් කර ඇත. ඒ නිසා මේ ඉඩම් අයිතිය නීත්‍යනුකූල නියම උරුමක්කාරයින්ට නීත්‍යනුකූලව භාරදීමට අවශ්‍ය බැවින් මතුවී ඇති ගැටලු ලිහා ගැනීමට සහය අදාළ අමාත්‍යාංශවලින් අධිකාරිය ඉල්ලා ඇත.
සංචාරක සංවර්ධන අධිකාරිය ත්‍රිකුණාමලය දිස්ත්‍රික්කයේ මාර්බල් බීච් ප්‍රදේශයේ ඉඩමට අදාළ සියලු විස්තර දක්වා වාර්තා සහ ලියකියවිලි සමග ඉඩම් කැබලි අංක දෙසිය අසූහය (286) පිඹුරේ අවසාන ගම් පිඹුරේ අංක විසිහය (26) කොටස සමග ඉදිරිපත් කර ඇත.
ඩිල්මා ලිපිය
ලංකා සංචාරක සංවර්ධන අධිකාරියේ සභාපතිනි කිමාලි ප්‍රනාන්දුගේ සැමියා වන සංචාරක හෝටල් කර්මාන්ත හිමිකරුවකු වන මලික් ප්‍රනාන්දු යන තමාටත් තම බිරියටත් එල්ලවී ඇති චෝදනා සම්බන්ධයෙන් කරුණු පැහැදිලි කිරීමේ ලිපියක් මේ අතරතුරේදී සංචාරක සහ සිවිල් ගුවන් සේවා අමාත්‍යාංශයේ ලේකම් සිරි හෙට්ටිආරච්චි මහතාට ඉදිරිපත් කර ඇත.
ඩිල්මා සුඛෝපභෝගී හෝටලය ඇත්තේ ත්‍රිකුණාමලයේ මාර්බල් බීච් ප්‍රදේශයේ නොවන බවද එම ඉඩම කිසිදාක රජය සතුව තිබූ එකක් නොවූ බවද තමා එම ඉඩම දෙදහස් දාහත (2017) වර්ෂයේදී පෞද්ගලික හිමිකරුවකුගෙන් මිලට ගත්තක් බවද ලියුම්කාර මලික් ප්‍රනාන්දු ලිපියේ සඳහන් කර ඇත.

ඉඩම මිලට ගැනීමට යාමේ දී තම නීතිඥවරයා විසින් ඉඩමේ විස්තර සොයා බලනු ලදුව දැනට වර්ෂ පනහකට (50) පමණ පෙර එනම් එක් දහස් නමසිය හැත්තෑ අටේදී (1978) නිකුත් කළ ගැසට් නිවේදනයක රජය සංචාරක මණ්ඩලයට ඉඩම පවරා ගැනීමට කටයතු කර ඇති බව තම නීතිඥයා විසින් අනාවරණය කර ගත් බවද ලිපියේ සඳහන් කර තිබේ. එතකුදු වුවත් ඉඩම සංචාරක මණ්ඩලයට පවරා ගැනීමේ කටයුතු අතර මග නැවතී ඇති බවද වැඩි දුරටත් දක්වා තිබේ. යම් හෙයකින් ඉඩම සම්බන්ධයෙන් කිසියම් කෙනකුට කිසියම් ගෙවීමක් කරන්නෙක් නම් ඊට පෙරාතුව ගෙවීම සම්බන්ධ ලිපියක් තම නීතිඥයාට අවශ්‍ය බවද ලිපියේ පෙන්වා දී ඇත.
ශ්‍රී ලංකා සංචාරක සංවර්ධන අධිකාරියේ සභාපතිනි කිමාලි ප්‍රනාන්දුගේ සැමියා වන සංචාරක හෝටල් ව්‍යාපාර හිමි මලික් ප්‍රනාන්දු යන අය යථෝක්ත ඉඩමේ සංචාරක හෝටල් ව්‍යාපෘතියක් වෙනුවෙන් ප්‍රථමයෙන්ම ශ්‍රී ලංකා සංචාරක සංවර්ධන අධිකාරියට ඉල්ලීමක් ඉදිරිපත් කර තිබේ. එහෙත් එම ව්‍යාපෘතිය වසර තුනකින් (3) අධිකාරිය විසින් ප්‍රමාද කරනු ලැබ තිබේ.
මේ සියලු චෝදනා තමාටත්, තම බිරියටත් සමාජ මාධ්‍යවලින් එල්ලකරන්නේ මඩ ගහන්නට බවත්, ආණ්ඩුව දුෂ්කරතාවට පත්කිරීමට බවත්, ගෝලීය ත්‍යාග දිනාගත් සෙසු ඩිල්මා සංචාරක හෝටල් සේම ත්‍රිකුණාමලයේ හෝටල් ව්‍යාපෘතියද ඉදිකරන බව මලික් ප්‍රනාන්දු අමාත්‍යාංශ ලේකම්වරයාට යැවූ ලිපියේ වැඩි දුරටත් සඳහන් කර ඇත.
අපේ රටට ආදායම් ලැබෙන මාර්ග අතරින් සංචාරක කර්මාන්තයට අද්විතීය තැනක් හිමිවන බව අමුතුවෙන් කිවයුත්තක් නොවේ.
ඒ හාම ඍජුව සහ වක්‍රව උත්පාදනය වන රැකියා අවස්ථාද සුළුපටු නොවේ. විදේශිකයනට කඩල ගොට්ට, තැම්බූ බඩ ඉරිඟු කරල විකුණා බොහෝ දෙනා පවුලේ එදාවේල පිරිමසා ගන්නේද සංචාරක කර්මාන්තයට පින් සිදුවන්නටය.
මේ වසරේ (2020) සංචාරක ඉලක්කය විසි ලක්‍ෂයක් (20,00,000) බවට ඇස්තමේන්තු කර තිබුණත් කොරා්නා මාරයා ඒකටත් වළ කැපුවේය. ජනාධිපති ගෝඨාභය රාජපක්‍ෂ මහතාගේ දූරදර්ශී වැඩපිළිවෙළත් සෞඛ්‍ය සහ පොලීසිය ඇතුළු ත්‍රිවිධ හමුදාවේත් සෙසු සියලු අංශවලත් කැපවීම නිසා තත්ත්වය මර්දනය සමනය කර ගැනීමට ලැබීම අප කාගේත් භාග්‍යයකි. ඉදිරියේදී යහදායක පසුබිමක් ඇති වූ විට සංචාරකයන්ගේ පැමිණීම වර්ධනය වනු ඇත.
ඒ සඳහා ඔවුනට අවශ්‍ය පහසුකම් සලසා තිබිය යුතුවේ. එහෙත් ඒ සඳහා ඇප වී කැප වී පේවී සිටිය යුතු සංචාරක අධිකාරිය වැනි ආයතනවල කටයුතු නම් එතරම් හිතකර නොවේ.
ත්‍රිකුණාමලයේ මාර්බල් බීච් ප්‍රදේශයේ හෝටල් ව්‍යාපෘතියද ආරවුල් සහිතය. යාල පලටුපාන ප්‍රදේශයේ ඉදිකෙරෙන්නට සියල්ල නිමා කර තිබූ ව්‍යාපෘතිය මග නැවතී ඇත. දැන් එය අධිකරණ ක්‍රියාමාර්ගයට ගොස් තිබේ.
ත්‍රිකුණාමලයේ සහ පලටුපානේ මේ ව්‍යාපෘති දෙකටම හරහට සිටින්නේ සංචාරක සංවර්ධන අධිකාරියේ සභාපතිනි කිමාලි ප්‍රනාන්දු සහ ඇගේ සැමියා වන මලික් ප්‍රනාන්දු බවට වෝදනා නැගී තිබේ.
අධිකාරියේ සභාපතිනි නීතිරීතිවලට පටහැනිව පෞද්ගලික ලාභ ප්‍රයෝජන තකා එසේ ක්‍රියා කරන බව කියයි. මේ පිළිබඳව බලධාරීන් නිහඬ නම් කෙරෙන මහජන දේපොළ හානිය ගැන මහජනතාවට කියන්නට ඇත්තේ දෙවියන්ට පමණි.

චන්ද්‍රසේන මාරසිංහ

Continue Reading
Click to comment

Leave a Reply

Your email address will not be published. Required fields are marked *

Advertisement
Advertisement
Exclusive1 hour ago

පළිගැනීම් කමිටුව මහින්ද හමුවෙයි

Exclusive2 hours ago

පැති 4ක් නාය යන්න ඔන්න මෙන්න

Exclusive4 hours ago

ඩී.එස්-ජේ.ආර්.-ප්‍රේමදාස නැගිටියි: සිරිකොතේ රාත්‍රියක්

Exclusive7 hours ago

සජිත් යළිත් අද සිට ගමට

Exclusive10 hours ago

පාස්කු ප්‍රහාරයෙන් ඇඟ බේරගන්න මෛත්‍රි ගහපු ගේම කොමිසමේදී හෙළිවෙයි

Business11 hours ago

බජාජ් ජෙනුයින් පාර්ට්ස් 17දා සිට මදුරන්කුලියේ

Business11 hours ago

Colombo Fashion Week සහ One Galle Face වෙතින් Retail Week නමින් සුවිශේෂී වැඩසටහනක්

Business11 hours ago

The Flemington සුඛෝපභෝගී නිවාස ව්‍යාපෘතිය 5 වන සංවත්සරය සමරයි

Business11 hours ago

HNB සේවකයන්ගේ දිනක වැටුප IDH රෝහලේ නවීනතම පුහුණු මධ්‍යස්ථානයට පිරිනමයි

Business11 hours ago

සෙලින්කෝ ලයිෆ් ‘ෆැමිලි සවාරි’ වෙතින් ඔප්පුහිමියන්ට රුපියල් මිලියන 30ක් වටිනා රත්තරන්

Exclusive1 year ago

මහේෂ්ට ජනපතිවරණයට ආරාධනාවක්

Exclusive1 year ago

සිකුරාදා රෑ කරන්න ගිය ‌මෛත්‍රිගේ අගමැති කුමන්ත්‍රණය කඩා වැටේ

Exclusive6 months ago

හිටපු ජනපති පුතා ඇඳිරි නීතිය මැද මහ රෑ දාපු පාටිය ගැන මාධ්‍යවේදිනිය ‌පොලිසියෙන් ප්‍රශ්න කරයි

Exclusive1 year ago

එජාප ඇමැතිලා 5ක් ඉවතට -අලුත් නම් 5ක් සූදානම්

Exclusive1 year ago

මහින්දගෙන් ‌ගෝඨාට නියෝගයක්

Astrology9 months ago

2020 ලග්න පලාපල ඔබට කොහොමද?

Exclusive4 months ago

අමෙරිකා-බ්‍රිතාන්‍යය-ජර්මන්-යුරෝපා සංගම් තානාපතිවරු පෝලිමේ සජිත් හමුවන්න එති (VIDEO)

Astrology10 months ago

ඔබේ සහකරු ඉන්න තැන මෙන්න

Exclusive5 months ago

කෝටිපති දිලිත් කෝටි 2ක් දීලා විශේෂ යානයක් හදිසියේම ඩුබායි යැව්වේ ඇයි? (PHOTOS)

Mahawanshaya1 year ago

ගම්දනාව බියවද්දමින් උලමා හොයන දේ