වෙස්වලාගෙන පැමිණි පුද්ගලයකුට අගමැති මහින්ද රාජපක්ෂ මහතා අරලිය ගහ මන්දිරයේදී රුපියල් කෝටි 14කට අධික මුදලක් ලබා දී ඇති බව දැනගන්නට තිබේ.
අගමැතිවරයා මෙසේ මුදල් ලබා දී ඇත්තේ ලොතරැයි දිනුම් ඉතිහාසයේ එදා මෙදා තුර දැවැන්තම කෝටිපති ජයමල්ල හිමිකර ගත් පුද්ගලයාටය.
පසුගිය 27 වන දින පවත්වන ලද ‘කෝටිපති කප්රුක” දිනුම් ඇදීමේදී එදා මෙදාතුර සංවර්ධන ලොතරැයි ඉතිහාසයේ දැවැන්තම කෝටිපති ජයමල්ල වූ රු. 145,029,213 ක මුදල දිනාගත් රත්නපුර මලංගම ප්‍රදේශයේ කුමාර ප්‍රියන්ත මහතාට ප්‍රදානය කිරීම ඊ‌යේ (18) අග්‍රාමාත්‍ය හා මුදල් අමාත්‍ය මහින්ද රාජපක්ෂ මහතා අතින් අරලිය ගහ මන්දිරයේදී සිදු වී තිබේ.
එම ජයග්‍රාහී ලොතරැයිපත අලෙවි කර තිබුණේ සංවර්ධන ලොතරැයි මණ්ඩලයේ ගොඩකවෙල අලෙවි නියෝජිතවරියකි. තෑග්ග ලබාගැනීමට පැමිණි අය ආරක්ෂාව තකා වෙස්වලාගෙන පැමිණ ඇති බව ඡායාරූප නිරීක්ෂණයේදී අනාවරණය විය.
