කාබනික පොහොර නැව සම්බන්ධයෙන් ශ්‍රී ලංකාව සමඟ ආරවුලක පැටලී සිටින චීන සමාගමක් වන ක්වින්ඩාවෝ සීවින් බයෝලොජිකල් ගෲප් සමාගම (Qingdao Seawin Biological Group Co., Ltd) ලංකාවට එරෙහිව එක්සත් ජාතීන්ගේ ආහාර හා කෘෂිකර්ම සංවිධානයට විධිමත් පැමිණිල්ලක් කර තිබේ.
ක්වින්ඩාවෝ සීවින් බයෝලොජිකල් ගෲප් සමාගම, ශ්‍රී ලංකාව විසින් මතභේදයට තුඩු දී ඇති පොහොර සඳහා ගෙවීම සම්බන්ධයෙන් එකඟතාවකට පැමිණීමට මොහොතකට පෙර මෙම පැමිණිල්ල ඉදිරිපත් කර ඇත.
“2022 ජනවාරි 5 වන දින සීවින් සහ ගැනුම්කරුවන් අතර L/C වාරණ නියෝග නඩු විසඳීමේ නියමයන් වෙත ළඟා වීමට පෙර, එක්සත් ජාතීන්ගේ ආහාර හා කෘෂිකර්ම සංවිධාන මූලස්ථානය වෙත පැමිණිල්ලක් ගොනු කර ඇති අතර විමර්ශනයට මැදිහත් වීමට ජාත්‍යන්තර ආයතන සඳහා ඉල්ලුම් කර ඇත. ඉහත ජාත්‍යන්තර ආයතන ද සීවින් වෙත විද්‍යුත් තැපෑලෙන් පිළිතුරු දුන් අතර, අවශ්‍ය නම් ඔවුන්ට විමර්ශනයට මැදිහත් විය හැකි බව එමගින් දන්වා ඇත. ”යනුවෙන් සීවින් සමාගම සදහන් කොට ඇත.
ජාත්‍යන්තර ශාක ආරක්ෂණ සම්මුතියට (IPPC) අනුව පළිබෝධ පැතිරීම පාලනය කිරීමට එක් එක් සාමාජික රාජ්‍යයට ඇති අයිතියට ඔවුන් ගරු කරන බව එක්සත් ජාතීන්ගේ ආහාර හා කෘෂිකර්ම සංවිධානය වෙත සිය පැමිණිල්ල ඉදිරිපත් කරමින් එම සමාගම පෙන්වා දී තිබේ.
කෙසේ වෙතත්, සමාගම සඳහන් කළේ, එක් එක් සාමාජික රාජ්‍යයේ ශාක සනීපාරක්ෂාව තාක්‍ෂණිකව සාධාරණ සහ විනිවිද පෙනෙන විය යුතු අතර ජාත්‍යන්තර වෙළඳාම සඳහා සැගවුණු සීමාවන් නොපැවතිය යුතු බවයි.
